10/11/2024
तगरखेडा ता.निलंगा येथील रहिवासी तथा तहसिल कार्यालय,उमरगा येथे अव्वल कारकून पदावर कार्यरत असलेले श्री मकबूल जाफरसाब शेख यांची सुकन्या कु.हसीना मकबूल शेख हिच्या विवाह सोहळ्यात उपस्थित सर्व पाहुण्यांना मतदानाची शपथ देण्यात आली.
निलंग्याचे तहसिलदार मा.श्री प्रसाद कुलकर्णी यांच्या प्रेरणेने,गट शिक्षणाधिकारी श्री सुरेश गायकवाड व विस्तार अधिकारी श्री संतोष स्वामी यांच्या मार्गदर्शनाखाली व तगरखेडचे रहिवासी तथा सहाय्यक योजना अधिकारी जि.प.लातूर,श्री दत्तात्रय थेटे यांच्या पुढाकाराने SVEEP अभियानांतर्गत महाराष्ट्र विधानसभा निवडणूक-2024 मध्ये मतदानाचा टक्का वाढविण्यासाठी कार्यक्रमात उपस्थित पाहुण्यांना मतदान करण्याची शपथ देण्यात आली.
तगरखेडचे रहिवासी सुप्रसिध्द व्याख्याते श्री सतीष हाणेगावे यांनी कार्यक्रमात उपस्थित सर्व पाहुण्यांना मतदानाची शपथ दिली.
