23/09/2021
ਪਿੰਡ ਟੱਪਰੀਆਂ (ਬਾੜੇ) ਦੇ ਲੋੜ ਵੰਦ ਪਰਿਵਾਰ ਨੂੰ 50 ਹਜਾਰ ਰੁਪਏ ਦਾ ਚੈੱਕ ਸਪੁਰਦ ਕੀਤਾ ਗਿਆ । ਜਿਕਰਯੋਗ ਹੈ ਕਿ ਇਸ ਪਰਿਵਾਰ ਦੇ 21 ਸਾਲਾਂ ਨੌਜਵਾਨ ਦੀਆਂ ਦੋਨੋਂ ਕਿਡਨੀਆਂ ਖਰਾਬ ਹੋ ਚੁੱਕੀਆਂ ਹਨ, ਲੜਕੇ ਦੀ ਮਾਂ ਵਲੋਂ ਆਪਣੇ ਪੁੱਤ ਦੀ ਜਾਨ ਬਚਾਉਣ ਲਈ ਆਪਣੀ ਕਿਡਨੀ ਦੇਣ ਦਾ ਫੈਸਲਾ ਕੀਤਾ ਹੈ। ਕਿਡਨੀ ਟ੍ਰਾਂਸਪਲਾਂਟ ਕਰਨ ਦਾ ਖਰਚ 8 ਤੋਂ 10 ਲੱਖ ਦੱਸਿਆ ਗਿਆ ਹੈ। ਪਰਿਵਾਰ ਦੀ ਮਾਲੀ ਹਾਲਤ ਤਰਸਯੋਗ ਹੈ, ਜਮੀਨ ਵੀ ਨਾ-ਮਾਤਰ ਹੈ। ਸਮਾਜ ਭਲਾਈ ਸੰਸਥਾ ਪਿੰਡ ਗੱਗ ਦੇ ਨੌਜਵਾਨਾਂ ਵਲੋਂ 2-3 ਦਿਨ ਪਹਿਲਾਂ ਨਗਦ 20000/- ਰੁਪਏ ਦੀ ਸਹਾਇਤਾ ਕੀਤੀ ਸੀ ਜਿਸ ਸਬੰਧੀ ਸਟੇਟ ਅਵਾਰਡੀ ਮਾ. ਵਿਕਾਸ ਸੋਨੀ ਜੀ ਨੇ ਮੀਡੀਆ ਰਾਹੀਂ ਆਪਣੇ ਸਹਿਯੋਗੀ ਅਧਿਆਪਕਾਂ ਨੂੰ ਇਸ ਪਰਿਵਾਰ ਦੀ ਵੱਧ ਤੋਂ ਵੱਧ ਆਰਥਕ ਮਦਦ ਕਰਨ ਦੀ ਅਪੀਲ ਕੀਤੀ ਸੀ। ਇਨ੍ਹਾਂ ਦੇ ਸੰਦੇਸ਼ ਨੂੰ ਪੜ੍ਹ ਕੇ ਹੀ ਸਟੇਟ ਅਵਾਰਡੀ ਮੈਡਮ ਸ਼੍ਰੀਮਤੀ ਪਰਮਿੰਦਰ ਕੌਰ ਜੀ ਵਲੋਂ 50 ਹਜਾਰ ਰੁਪਏ ਸਾਡੀ ਸੰਸਥਾ ਨੂੰ ਭੇਜੇ ਗਏ ਸਨ। ਸਮਾਜ ਭਲਾਈ ਸੰਸਥਾ ਪਿੰਡ ਗੱਗ ਵਲੋਂ ਸਮੂਹ ਇਲਾਕਾ ਨਿਵਾਸੀਆਂ ਤੇ ਸਮਾਜ ਭਲਾਈ ਸੰਸਥਾਵਾਂ ਨੂੰ ਬੇਨਤੀ ਹੈ ਕਿ ਇਸ ਪਰਿਵਾਰ ਦੀ ਪੈਸੇ ਨਾਲ਼ ਆਰਥਕ ਮਦਦ ਕੀਤੀ ਜਾਵੇ ਜੀ। ਮੁੰਡੇ ਦੀ ਹਾਲਤ ਗੰਭੀਰ ਹੈ, ਇੰਨਫੈਕਸਨ ਬਹੁਤ ਜਿਆਦਾ ਵੱਧ ਗਈ ਸੀ, ਫਿਲਹਾਲ ਡਾਇਲਸੈਸ ਤੇ ਹੈ। ਵਿਸ਼ੇਸ਼ ਧੰਨਵਾਦ ਮੈਡਮ ਪਰਮਿੰਦਰ ਕੋਰ ਜੀ ਦੇ ਪਰਿਵਾਰ ਦਾ, ਮਾ. ਵਿਕਾਸ ਸੋਨੀ ਜੀ ਦਾ ਵੀ ਧੰਨਵਾਦ ਜਿੰਨ੍ਹਾਂ ਦੇ ਯਤਨਾਂ ਸਦਕੇ ਲੋੜਵੰਦ ਪਰਿਵਾਰ ਨੂੰ ਉਕਤ ਚੈੱਕ ਤੋਂ ਇਲਾਵਾ ਹੋਰ ਨਗਦ ਸਹਾਇਤਾ ਰਾਸ਼ੀ ਵੀ ਮੁਹੱਈਆ ਕਰਵਾਈ ਗਈ ।
ਮਾਸਟਰ ਦਿਲਾਵਰ ਜੀ ਦੀ ਕੰਧ ਤੋਂ
