Swachh Moodubidire

05/12/2025

ದಿನಾಂಕ: 04.12.2025 ರ ಗುರುವಾರ ಕೊಡಂಗಲ್ಲಿನ ಅಯ್ಯಪ್ಪ ಗುಡಿಯ ಹತ್ತಿರದ *ಶ್ರೀ ಶ್ರೀಕಾಂತ್ ಹಾಗೂ ಶ್ರೀಮತಿ ಸೌಮ್ಯಶ್ರೀ ದಂಪತಿಗಳು, ಬಾಲರಾಜ್ ನಿಲಯ* ಇವರ 1 ವರ್ಷದ ಮಗುವಾದ ಕುಮಾರಿ ಸ್ಕಂದವಿ ಜನುಮ ದಿನದ ಪ್ರಯುಕ್ತ ಮೂಡುಬಿದಿರೆ ಪುರಸಭೆಯ ವಾಹನ ಚಾಲಕರು ಪೌರಕಾರ್ಮಿಕರಿಗೆ ಆಹ್ವಾನಿಸಿ ಮಧ್ಯಾಹ್ನದ ಊಟ ಹಾಗೂ ವಸ್ತ್ರಗಳ ಉಡುಗೊರೆಯನ್ನು ನೀಡಿದ್ದು ಇವರ ಸ್ನೇಹ ಸೌಹಾರ್ದ ಗೌರವಕ್ಕೆ ಅಭಿನಂದನೆಗಳು ಹಾಗೂ ಇದಕ್ಕೆ ಅಗತ್ಯ ಸಮನ್ವಯ ಸಾಧಿಸಿದ ಶ್ರೀಮತಿ ರೂಪಾ ಶೆಟ್ಟಿ ಪುರಸಭಾ ಸದಸ್ಯರು ಹಾಗೂ ಶ್ರೀ ಸಂತೋಷ್ ಶೆಟ್ಟಿ ಅವರಿಗೂ ವಂದನೆಗಳು.


#

04/12/2025

04/12/2025

ಪುರಸಭೆ ಮೂಡುಬಿದಿರೆಯ ಸಹಯೋಗದೊಂದಿಗೆ ಸಾಹಸ ಸರಕಾರೇತರ ಸಂಸ್ಥೆ, ಬೆಂಗಳೂರು ಇವರ ವತಿಯಿಂದ, HDB Finance ಆರ್ಥಿಕ ಸಹಯೋಗದೊಂದಿಗೆ ತ್ಯಾಜ್ಯಗಳ ವಿಂಗಡಣೆಯ ವಿಧ ಮತ್ತು ತ್ಯಾಜ್ಯ ವಿಂಗಡಣೆಯಿಂದಾಗುವ ಪ್ರಯೋಜನದ ಕುರಿತಾಗಿ ಮೂಡುಬಿದಿರೆಯ ಕ್ರೀಡಾಂಗಣದ ಗೋಡೆಯ ಮೇಲೆ ಮೂಡಿಸಿರುವ ಜಾಗೃತಿ ಚಿತ್ರ.

FINANCE

22/11/2025

ಮೂಡುಬಿದಿರೆ ಪುರಸಭಾ ಪ್ರಕಟನೆ

19/11/2025

ದಿನಾಂಕ 14.11.2025ರಂದು ಮೂಡುಬಿದಿರೆ ಪುರಸಭಾ ವ್ಯಾಪ್ತಿಯ ವಿವಿಧ ಸರಕಾರಿ ಶಾಲೆಗಳಿಗೆ ತೆರಳಿ ಹಸಿಕಸ, ಒಣಕಸ ಮತ್ತು ಅಪಾಯಕಾರಿ ತ್ಯಾಜ್ಯ ವಿಂಗಡನೆಯ ಬಗ್ಗೆ ಮಾಹಿತಿ ಹಾಗೂ ಶೂನ್ಯ ತ್ಯಾಜ್ಯ ಮಾದರಿ ವಿಧಾನದ ಬಗ್ಗೆ ಮರುಬಳಕೆಯಾಗುವ ಬಟ್ಟೆ ಚೀಲದ ಬಗ್ಗೆ ಮಾಹಿತಿ ನೀಡಲಾಯಿತು

12/11/2025

ದಿನಾಂಕ: 10.11.2025 ರ ಸೋಮವಾರ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಮಾದರಿ ಪ್ರೌಢ ಶಾಲೆ ಪ್ರಾಂತ್ಯ ಇಲ್ಲಿ ಶೂನ್ಯ ತ್ಯಾಜ್ಯ ಕ್ಯಾಂಪಸ್ ಅನುಷ್ಠಾನಗೊಳಿಸುವ ಪ್ರಕ್ರಿಯೆಗೆ ರೋಟರಿ ಕ್ಲಬ್ ಮೂಡುಬಿದಿರೆ ಟೆಂಪಲ್ ಟೌನ್ ವತಿಯಿಂದ ಹಲವು ವ್ಯವಸ್ಥೆಗಳ ಉದ್ಘಾಟನೆ ಕಾರ್ಯಕ್ರಮ ನಡೆಸಲಾಯಿತು ಹಾಗೂ ಪುರಸಭೆಯಿಂದ ಶೂನ್ಯ ತ್ಯಾಜ್ಯ ಕ್ಯಾಂಪಸ್ ಪ್ರಕ್ರಿಯೆಯ ಅನುಷ್ಠಾನಕ್ಕೆ ವಿದ್ಯಾರ್ಥಿಗಳಲ್ಲಿ ಜಾಗೃತಿ ಮೂಡಿಸಲಾಯಿತು.

12/11/2025

ದಿನಾಂಕ: 10.11.2025 ರ ಸೋಮವಾರ ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಮಾದರಿ ಪ್ರೌಢ ಶಾಲೆ ಪ್ರಾಂತ್ಯ ಇಲ್ಲಿ ಶೂನ್ಯ ತ್ಯಾಜ್ಯ ಕ್ಯಾಂಪಸ್ ಅನುಷ್ಠಾನಗೊಳಿಸುವ ಪ್ರಕ್ರಿಯೆಗೆ ರೋಟರಿ ಕ್ಲಬ್ ಮೂಡುಬಿದಿರೆ ಟೆಂಪಲ್ ಟೌನ್ ವತಿಯಿಂದ ಹಲವು ವ್ಯವಸ್ಥೆಗಳ ಉದ್ಘಾಟನೆ ಕಾರ್ಯಕ್ರಮ ನಡೆಸಲಾಯಿತು ಹಾಗೂ ಪುರಸಭೆಯಿಂದ ಶೂನ್ಯ ತ್ಯಾಜ್ಯ ಕ್ಯಾಂಪಸ್ ಪ್ರಕ್ರಿಯೆಯ ಅನುಷ್ಠಾನಕ್ಕೆ ವಿದ್ಯಾರ್ಥಿಗಳಲ್ಲಿ ಜಾಗೃತಿ ಮೂಡಿಸಲಾಯಿತು.

07/11/2025

ದಿನಾಂಕ 6.11.2025 ರಂದು ಗುರುವಾರ ಮಧ್ಯಾಹ್ನ 1:00 ಗಂಟೆಯಿಂದ ಪುರಸಭೆಯ ಕಚೇರಿಯ ನೆಲಮಾಳಿಗೆಯಲ್ಲಿ ಪೌರಕಾರ್ಮಿಕರ ವಾಹನ ಚಾಲಕರ ಕಣ್ಣಿನ ತಪಾಸಣೆ ಶಿಬಿರವನ್ನು ಆಳ್ವಾಸ್ ಹೆಲ್ತ್ ಸೆಂಟರ್ ನ ಸಹಯೋಗದೊಂದಿಗೆ ನಡೆಸಲಾಯಿತು

05/11/2025

05/11/2025

ಕಲ್ಲಬೆಟ್ಟು ಮೊರಾರ್ಜಿ ದೇಸಾಯಿ ಶಾಲೆ ಶೂನ್ಯ ತ್ಯಾಜ್ಯ ಕ್ಯಾಂಪಸ್: ಪುರಸಭೆಯಿಂದ ಘೋಷಣೆ, ಅಭಿನಂದನೆ

ಮೂಡುಬಿದಿರೆ: ಕಲ್ಲಬೆಟ್ಟುವಿನಲ್ಲಿರುವ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯನ್ನು ಮೂಡುಬಿದಿರೆ ಪುರಸಭೆಯು 'ಶೂನ್ಯ ತ್ಯಾಜ್ಯ ಕ್ಯಾಂಪಸ್ (Zero Waste Campus) ಎಂದು ಅಧಿಕೃತವಾಗಿ ಘೋಷಿಸಿದೆ. ತ್ಯಾಜ್ಯ ನಿರ್ವಹಣೆಯಲ್ಲಿ ಸಂಸ್ಥೆಯು ಸಾಧಿಸಿರುವ ಈ ಗಮನಾರ್ಹ ಯಶಸ್ಸನ್ನು ಪುರಸಭೆ ಕಾರ್ಯಾಲಯದಲ್ಲಿ ಅಭಿನಂದಿಸಲಾಯಿತು.

ಪುರಸಭೆ ಕಾರ್ಯಾಲಯದಲ್ಲಿ ಸಂಸ್ಥೆಯನ್ನು ಅಭಿನಂದಿಸಲಾಯಿತು.

ಪ್ರಾಂಶುಪಾಲ ಸಂಗನ ಬಸಯ್ಯ ಹಿರೇಮರ್ ಕಲಾ ಶಿಕ್ಷಕ ವಿವೇಕ್ ಪಡಿಯಾರ್ ವಾರ್ಡನ್ ಸರಿತಾ ಹಾಗೂ ಪಾಲಕರ ಸಂಘದ ಅಧ್ಯಕ್ಷ ಗಣೇಶ್ ಅವರನ್ನು ಅಭಿನಂದನಾ ಪತ್ರದೊಂದಿಗೆ ಗೌರವಿಸಲಾಯಿತು.

ಪುರಸಭೆ ಅಧ್ಯಕ್ಷೆ ಜಯಶ್ರೀ ಕೇಶವ್, ಉಪಾಧ್ಯಕ್ಷ ನಾಗರಾಜ ಪೂಜಾರಿ, ಸ್ಥಾಯಿ ಸಮಿತಿ ಅಧ್ಯಕ್ಷ ಸ್ವಾತಿ ಪ್ರಭು, ವಾರ್ಡ್ ಸದಸ್ಯ ಜೊಸ್ಸಿ ಮೆನೇಜಸ್ ಮುಖ್ಯಾಧಿಕಾರಿ ಇಂದು ಎಂ. ಪರಿಸರ ಅಭಿಯಂತರೆ ಶಿಲ್ಪಾ ಎಸ್. ಹಾಗೂ ಸದಸ್ಯರು ಉಪಸ್ಥಿತರಿದ್ದರು

04/11/2025

ದಿನಾಂಕ 03-11-2025 ರ ಸೋಮವಾರದಂದು ಆಳ್ವಾಸ್ ಆಂಗ್ಲ ಮಾಧ್ಯಮ ಶಾಲೆಯ ಸ್ಕೌಟ್ಸ್ ಗೈಡ್ಸ್ ನ 60 ವಿದ್ಯಾರ್ಥಿಗಳಿಗೆ ಮೂಡುಬಿದಿರೆ ಪುರಸಭಾ ಕಛೇರಿ ಸಭಾಂಗಣದಲ್ಲಿ ಪುರಸಭೆಯ ಕಾರ್ಯಾಚರಣೆ ಕುರಿತಾಗಿ ಆಯೋಜಿಸಿದ್ದ ಕಾರ್ಯಾಗಾರದ ಅಧ್ಯಕ್ಷತೆಯನ್ನು ಪುರಸಭೆಯ ಅಧ್ಯಕ್ಷರಾದ ಶ್ರೀಮತಿ ಜಯಶ್ರೀ ಕೇಶವ್ ವಹಿಸಿದರು. ಪುರಸಭಾ ಕಛೇರಿಯ ವ್ಯಾವಸ್ಥಾಪಕರಾದ ಶ್ರೀಮತಿ ಯಶಸ್ವಿನಿಯವರು ಪುರಸಭೆಯ ಸೇವೆಗಳು, ಸೌಲಭ್ಯಗಳ ಬಗ್ಗೆ ಮಾಹಿತಿ ನೀಡಿದರು. ಘನತ್ಯಾಜ್ಯ ನಿರ್ವಹಣೆ ಕುರಿತಾಗಿ ಪರಿಸರ ಅಭಿಯಂತರರಾದ ಶ್ರೀಮತಿ ಶಿಲ್ಪಾ ಎಸ್. ಪ್ರಾತ್ಯ ಕ್ಷಿಕೆ ಮುಖಾಂತರ ಮಾಹಿತಿ ನೀಡಿದರು. ಪುರಸಭೆಯ ಉಪಾಧ್ಯಕ್ಷರಾದ ಶ್ರೀ ನಾಗರಾಜ ಪೂಜಾರಿಯವರು ಜನ ಪ್ರತಿನಿಧಿಗಳ ಆಯ್ಕೆ, ಕರ್ತವ್ಯ ಕುರಿತಾಗಿ ಮಾಹಿತಿ ನೀಡಿದರು. ಈ ಕಾರ್ಯಕ್ರಮದಲ್ಲಿ ಆಳ್ವಾಸ್ ಆಂಗ್ಲ ಮಾಧ್ಯಮ ಶಾಲೆಯ ಶಿಕ್ಷಕರಾದ ಸುಬ್ರಹ್ಮಣ್ಯ ಹಾಗೂ ಸ್ಕೌಟ್ಸ್ ಗೈಡ್ಸ್ ನ ಗೈಡ್ ಕ್ಯಾಪ್ಟನ್ ರಾದ ಗೀತಾ ಮತ್ತು ಮೇಘನಾ ಉಪಸ್ಥಿತರಾಗಿದ್ದು, ಆಳ್ವಾಸ್ ಆಂಗ್ಲ ಮಾಧ್ಯಮದ ಶಾಲೆಯ ಶಿಕ್ಷಕಿಯಾದ ಸಂಧ್ಯಾ ರವರು ಹಾಗೂ ಕೆಲ ವಿದ್ಯಾರ್ಥಿಗಳು ತಮ್ಮ ಅಭಿಪ್ರಾಯ ಮೆಚ್ಚುಗೆ ವ್ಯಕ್ತಪಡಿಸಿದರು. ಪುರಸಭೆಯ ಹಿರಿಯ ಆರೋಗ್ಯ ನೀರೀಕ್ಷಕರಾದ ಶಶಿರೇಖಾ ರವರು ಭಾಗವಹಿಸಿದ್ದು, ಕಮ್ಯೂನಿಟಿ ಮೊಬಿಲೈಸರ್ಸ್ ಚಂದ್ರಿಕಾ ರವರು ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.

01/11/2025

ಪ್ಲಾಸ್ಟಿಕ್ ಚೀಲ ಬೇಡ ಅನ್ನಿ
ಬಟ್ಟೆ ಚೀಲ ನೀವು ತನ್ನಿ
ಚೀಲ ತನ್ನಿ ಇಲ್ಲವೇ ಚೀಲ ಖರೀದಿ ಅಭಿಯಾನವು
ದಿನಾಂಕ: ೩೧.೧೦.೨೦೨೫ (ಶುಕ್ರವಾರ) ಮೂಡುಬಿದಿರೆಯ
ಸ್ವರಾಜ್ಯ ಮೈದಾನದಲ್ಲಿ ನಡೆದ ವಾರದ ಸಂತೆಯಲ್ಲಿ
ಮೂಡುಬಿದಿರೆಯ ಪ್ರತಿಷ್ಠಿತ ವೈಬ್ರೆಂಟ್ ಪಿಯು ಕಾಲೇಜ್ ಕಲ್ಲಬೆಟ್ಟು, ವಿದ್ಯಾರ್ಥಿಗಳ
ಸಹಯೋಗದೊಂದಿಗೆ ನಡೆಸಲಾಯಿತು.