Lai District Congress Committee

17/08/2022

*Pu C. Ngunlianchunga MLA in khaw thum(3) atangin Congress Party ah mithar a lawmlut*

_" Nangmahni hmangaih lo tu in hmangaih ve hi enge intan sawtna awm, nangmahni hmangaih tu inhmangaih ve hi intan atha ang. Chuvang chuan Congress Party hi nangmahni hmangaih tu, nangmahni duhsaktu thiltha tihsak thintu che u kha kan ni "_ ~

C. Ngunlianchunga MLA

_*Lawngtlai: 16th August 2022*_ khan Pu C. Ngunlianchunga MLA in khaw thum(3) Dumzautlang, Laitlang leh Hmawngbuchhuah khua atangin vote nei mi 28 chu Congress Party ah alawm lut. Lawmluh te hi a tamber chu MNF Party niin an zingah hian BJP Unit President leh Vice President pawh an tel bawk ani.

Pu Ngun'n kalkhawm mipuite fuihna leh mithar lawmluhna nei nghal in
"MNF Sorkar in SEDP kan sem dawn, insak tanpuina kan pe ang che u an ti a. Thlemna chitin reng a, a chêm karah huaisen takin hei Congress Party ah mithar lawmluhna kan nei thei dawn a khaw thum Dumzautlang, Laitlang, Hmawngbuchhuah atangin mi-28 lai in Congress Party in rawn zawm leh te hi kan lawm hle a ni, kan lawm em em a che u a. Congress Party a ram rawngbawlpui tur leh Party rawngbawlpui turin lawmtakin Mizoram Pradesh Congress Committee leh Lai District Congress Committee aiawhin Congress Party ah ka lawmlut che u ani" ati.

Vawinni ah in ngaihtuah chian a tan a ka duh chu "Tuin nge hmangaih tak tak che u tih hi in chian a ngai hle a ni, Congress Party chuan in hmasawnna tur in hna kan thawk a. Helai ah in tui intur reservoir te kan siam a, field te kan lai a, Dumzautlang, TDumzau leh Laitlang khua ah Hall kan sak sak che u a play ground kan laihsak bawk che u ani. Chumai a nilo Minister ka nih lai khan Laitlang khuain in zawng zawng ah Vawkte kan pe vek MNF pawh Congress pawh an vaiin kan pe a ni. Chumi ka sawiduh nachhan chu tu party a sorkar in nge hmasawn ve se changkan ve se tia min duh a min hmangaih thin tu tih kha in chhut ka duh"

Vawin ah hian Pu Apetow Lawmsanga in EM ani a, Pu Lawmsanga hnen atangin e nge in dawn, in dawn chu VC Suspended te, sawisak hi in chan tawk a ni ringawt a ni. Hei hi ram hruaitu tih tur a nilo, ram hruaitu chuan bial chhung hma asawn a, bial chhung mipuiten hma an sawn a an lo changkang ve na turin a ngaihtuah tur a ni. Congress hunlai a Congress em em mai, Congress atang a malsawmna tam tak dawng, vawinni ah MNF an sorkar vang a MNF leh ta em em mai te Pu Apetow Lawmsanga te ang ho hi chu mitha an nilo.Lo en rawh u tun ang reng chuan a chefuh dawn lo nak*m ah MLA kan inthlang anga MNF atla dawn, an tlak rual rual a Party belh tur a zawng leh dawn khawi Party ah nge a awm leh ang chutah chuan tunge Lawmsanga Apetow hi ka hre tawh a ni, a duh duh chuan min sawp dawnlo ani tih kha ka sawi chiang duh a ni. K*m -15 dawn lai mai EM a ni a, inbial hian e nge hmasawnna inhmuh Sikul in asak ve lah a chhe em em a, zirtirtu ah a unaute ala a anupuite tumah an lo kal duhlo lawmni. A hmangaih che u em, nangmahni hmangaih lo tu inhmangaih ve hi enge intan sawtna awm, nangmahni hmangaihtu inhmangaih ve hi intan atha ang. Chuvang chuan Congress Party hi nangmahni hmangaihtu, nangmahni duhsaktu thiltha tihsak thintu che u kan ni.

Congress Party ah hian nghet takin lo awm ula, vawin ni a SEDP beisei hmulo tur ho pawh kha. Congress ah hian lo let vek zawk ula in tan malsawmna Congress Party a awm tawh thin ang khan, a awm leh dawn a ni tih kha lo hria ula ka duh a ni.

Sd/-
(L. Lalrinpuia)
Asst Secretary
LAI-DCC Media Dept
---------------------------------
LAI-DCC/Media/PR-2022/11

11/08/2022

https://youtu.be/sblc_6B8ZTA

*PU C. NGUNLIANCHUNGA'N M. KAWNPUI HIGH SCHOOL BUILDING SAK THAR A HAWNG*

*Dated Lawngtlai, the 11th August, 2022:* Vawiin zing dar 10:00 AM khan Pu C. Ngunlianchunga Lawngtlai West MLA chuan a bial M. Kawnpui High School building a MLA Fund atanga sak a hawng a. Pu Nguna chuan
"Zirna in hi kan ngaihthah tur a nilo, rethei te leh hausa zawk te zaikhat a thiamna run kan belh ve theihna hmun a ni" a ti a.

Greenland High School, M. Kawnpui building thar hawnna inkhawmah hian fuihna thu sawi nghal in "Zirna hi ram hmasawnna ruhrel pawimawh tak niin, tun aia uar sauh sauh tur leh Ram leh Hnam chhenfakawm niturin leh theihtawp chhuah theuh turin zirlai te fuih pahin Nu leh Pa te pawh in pawimawh hle a ni a ti".

He sikul building sak thar hi Pu C. Ngunlianchunga MLA Fund cheng ₹5,00,000/- seng a sak ni in; a dung zawng feet 45 a sei niin, a vang zawng feet 24 a sei ani. Pu C. Ngunlianchunga'n "M. Kawnpui khawtlangin an entawn atan leh Lawngtlai West Constituency mipuite leh Zoram mipuiten entawnse ka duh chu
cheng ₹5,00,000/- lek a hetiang ang Sikul building tha leh lian an sathei hi a ni" a ti a. "Politics hi ram rorelna tur a ni a, dawhkan luah a vanga phuba lakna tur a ni lo" a ti bawk.

Tunah hian zirlai sawmli (40) awmin Zirtirtu pahnih(2) an awm a. He school hi Pu C. Ngunlianchunga MLA thahnem ngaihna in Congress Sorkar ah khan lumpsum grant ₹ 2,50,000/- dah a ni a, tun tumah hian a MLA Fund atangin zirtirtu rawih belhna turin MLA a nih chhung chu he sikul tan hian k*mtin ₹1,00,000/- pe dawn bawk a ni.

Pu C. Ngunlianchunga MLA hi Lai-DCC atangin hruaitu thenkhat ten an tawiawm a ni, chungte chu a hnuai mi te hi an ni e.

1) Pu C. Laltlawmlova Ex-MDC/GS, Lai-DCC

2) Pu J. Rohlupuia GS, Lai-DCC.

3) Pu Vl Chhawna Secretary, Lai-DCC.

4) K. Lalramnghaka Secretary, Lai-DCC.

5) L. Lalrinpuia GS, NSUI

6) B. Lalthuama President, Bungtlang Block.

7) A. Ramchungnunga President, Driver Welfare

Sd/-
(L. Lalrinpuia)
Asst Secretary
LAI-DCC Media Dept
---------------------------------
LAI-DCC/Media/PR-2022/10

The official youtube channel of Zonet Cable TV Pvt. Ltd.Follow us:Instagram : https://www.instagram.com/zonet_official/Facebook : https://www.facebook.com/Z...

07/07/2022

NATIONAL STUDENTS’ UNION OF INDIA(Mz) LAWNGTLAI DISTRICT

No.A. NSUI(Lti)DHQ/2022/04

Dt. 07/07/2022

PRESS RELEASE

'NSUI(Mz) Lawngtlai District hruaituten Pu V. Zirsanga CEM, LADC hnenah leh kan pe'

7th July 2022, vawin chhun khan National Students' Union of India (Mz) Lawngtlai District te chuan Pu V. Zirsanga Chief Executive Member, Lai Autonomous District Council hmuin dt 7-8.6.2022 a Primary Teacher Exam thil fello chingfel tura ngenna lehkha kan pe a ni.

NSUI(Mz) Lawngtlai District te chuan Primary Teacher Exam chungchang ah thil fello lian tak mai a awm niin a hria a, Press Release hial te pawh ni 14/06/2022 khan kan lo chhuah tawh a ni. Education Department (P/S) ten Zirtirtu lak tura Open Exam an buatsaihna ah khan nasa takin thil fel lo a awm niin kan hria a. Exam laiin phone ken luhte niin, Invigilator te ngei pawhin candidates thenkhatte question an hrilhfiah sak a (hei hi PSTA Press Release ah pawh a chuang a ni),heng hi Mizoram leh India ram hmun dangah pawh hetiang Compet**ive Exam a Invigilator ten candidates te question an hrilhfiah sak hi a awm kan hre ngai lo a,kan ram a thil thleng a tan a zahthlakin a țha lo hlein kan hria a ni.

Heng bakah hian candidates te ngei ațang pawhin sawiselna nasa tak hmuh tur leh hriattur a awm bawk a. Chuvangin Compet**ive Exam hi Fresh Exam buatsaih tir leh ngei turin Pu V. Zirsanga CEM, LADC hnenah kan thlen bawk a ni.

Sd/-
(L. LALRINPUIA)
General Secretary
NSUI(Mz), Lawngtlai District

Copy to :

1. The Editor.........I chanchinbu zahawm tak a, News item a min chhuah sak turin.

2. The News Editor AIRj/ DDK/ LPS/ Zonet/ LPS Chibai Mizoram/Zonet Zing Daifim, news item ah min lo puanzar sak turin.

3. Guard File

25/06/2022

Lai-DCC huaihawt in Lawngtlai ah POLITICAL TRAINING.

Lawngtlai, the 15th June 2022: Political Training cm Extended Meeting chu tahrik 14.06.2022 dar 11:00 am ah YLA Hall, College Veng ah Pathian kaihhruaina hnuaiah tluang takin neih zawh ani.

He Political Training hi Lai-DCC hnuai a Block pali(4) hruaitute, Town Area Unit hruaitute leh Frontal Organisation hruaitute tan a buatsaih niin kal pawh kan thahnem hle a, he hun ah hian khuallian ah Pu C.Ngunlianchunga MLA chu hman niin, khualtha Special Guest ah Pu Pc.Lalthanliana Ex Minister leh Pu H.Zothangliana Ex.MLA te hman an ni bawk. Lai-DCC a kan Vice President Pu C.Kapzaua’n kan hunte tha taka atawp thleng a kaihruaiin, zaithiam Nl.Latei Hringen leh Pu Peter.H.Laltlanzuala ten kalkhawmte hla mawi tak mai in min awi a, beng a tlai in a khamawm loh hle mai.

Pu J.Ropianga Chinzah President, Lai-DCC in presidential address/welcome speech nei in kalkhawmte hmaah Congress Party dinhmun sawifiahna te nei in, fuihna thutha tak mai a sawi bawka athlamuan thlak hle a ni.Pu Laltlawmlova Chinzah Ex.EM,(GS, Lai-DCC) in reports felfai tak mai a pe thei a, chumai nilo in Lai-DCC hnuaia hruaitute hmelhriat tirna a nei nghal bawk a. He hun ah hian thusawi tha tak tak ngaihthlak a ni a,thenkhat te phei chu chona nasa tak minpe in aphurawm takzet a ni. He hun a thusawi tute hi Pu J.Ropianga President, Lai-DCC, Pu C.Ngunlianchunga MLA, Pu Pc.Lalthanliana Ex.Minister, Pu.H.Zothangliana Ex.MLA te an ni. Congress in a LADC, MDC kan neih chhun Pu C.Lalmuanthang’n minlo telpui thei bawka, tichuan Pu L.Lalrinawma GS, Lai-DCC in lawmthu sawina in kan hunte min khar sak a ni.

_“Kan hriat angin tun a kan dinhmunah chuan, Congress Party hi Mizoram leh LADC ah chuan opposition kan ni a. Khatiang kha a nih avangin Unit han dinte, Block han siamremte leh Lai-DCC han kalpui dan ah te pawh khan, kan hruaitute tam takin Congress Party atanga min chhuahsan avangin kan buai viau dawn emaw kan tih lain, Pathian in Congress Party ah mi nghet tam tak min pe zel a,athlamuan thlak hle a ni”_
~ J. Ropianga Chinzah President, Lai-DCC

_“Vawin ah keini party chu opposition kan ni a, harsa te te kan ni. Rinawm tak a Congress Party tan a bei ngar ngar a theihtawp chhuah tute hi, nak*m ah kan inthlang leh anga, sorkarna fung vuantute kan nih chuan duhsak hmasak ber turte in ni tih kha inlo in hre dawn nia”_
~C.Ngunlianchunga. MLA

_“Vawina MNF MLA, Minister te ai hian Congress sorkar a MLA leh Minister te khan hna an thawk tha zawk vek tih hi mipui t**i a ni a. Vawiina Lawngtlai – East MLA hian nge hnathawk tha zawk a, Pu Zothangliana Ex.MLA hian tih hi Laifate hi a hrechiang tute vek in ni a. Lawngtlai East MNF, MLA chuan Pu Zothangliana a tluk lo hle a ni tih hi saw lam pawn kan lo hriat ve dan pawh a ni”_
~ Pc. Lalthanliana Ex.Minister

_“Thawhrimna zawng zawngah hian hlawkna a awm a, ka a sawi mai mai erawh chuan tlak ranna mai a thlen. k*m 2023 k*m tawp lam ah MLA kan in thlang leh turah kan ngai mek a, chumi hun ah chuan Congress Party hi kan sorkar leh theihna tur chuan kan thawhrim a ngai hle dawn a ni, ahma aia thazawk, chakzawk in ke i pe ang u”_
~ H.Zothangliana Ex.MLA

Kal khawm mipui te nen lungrual takin Resolution pathum pawm nghal niin chhungte chu:

1) Pu Lalsawta President, MPCC kaihhruaina hi kan ringtawk a. K*m 2023 MLA General Election ah hian a kaihhruaina hnuaiah mipui sorkar tha tak kan neih ngei kan ring tlat a ni.

2) Pu J.Ropianga Chinzah President, Lai-DCC min kaihhruai dan hi tha kan tiin kan ringtawk a ni.

3) Kan MLA Pu C.Ngunlianchunga leh Pu C.Lalmuanthanga kan MDC ten ram leh hnam, party tana an hmalakna hi chhuanawm kan ti.

Issued by: Lai-DCC Media Cell