Aam Aadmi Party - Kunnamkulam

13/07/2026

കുന്നംകുളം 'സംരംഭക നഗരം': നാടിന്റെ കുതിപ്പിന് ആം ആദ്മി പാർട്ടിയുടെ അഭിവാദ്യങ്ങൾ

​ചരിത്രപരമായ പാരമ്പര്യത്തെയും ആധുനിക വികസന കാഴ്ചപ്പാടുകളെയും സമന്വയിപ്പിച്ചുകൊണ്ട് കുന്നംകുളം നഗരസഭ ആവിഷ്കരിച്ച 'സംരംഭക നഗരം' പദ്ധതിക്ക് ആം ആദ്മി പാർട്ടിയുടെ ഹൃദയം നിറഞ്ഞ അഭിവാദ്യങ്ങൾ നേരുന്നു. കുന്നംകുളത്തിന്റെ സാമൂഹികവും സാമ്പത്തികവുമായ വളർച്ചയിൽ വലിയൊരു നാഴികക്കല്ലായി ഈ പദ്ധതി മാറുമെന്നതിൽ സംശയമില്ല.
​പ്രത്യേകതകൾ തിരിച്ചറിഞ്ഞുള്ള വികസനം
നൂറ്റാണ്ടുകളായി കുന്നംകുളത്തിന്റെ കൈമുതലായുള്ള അച്ചടി പാരമ്പര്യവും, തലമുറകളായി കൈമാറിവന്ന വ്യാപാര അനുഭവങ്ങളും, സാമൂഹിക വിശ്വാസവും അടിത്തറയാക്കിയാണ് ഈ പദ്ധതി വിഭാവനം ചെയ്തിരിക്കുന്നത്. ഭൗതികമായ അടിസ്ഥാന സൗകര്യങ്ങൾക്കപ്പുറം, ഇവിടുത്തെ സംരംഭകരുടെ കരുത്തായ സാമൂഹിക മൂലധനത്തെ തിരിച്ചറിയാനും അതിനെ പരിപോഷിപ്പിക്കാനും പദ്ധതി ലക്ഷ്യമിടുന്നു എന്നത് ഏറെ അഭിനന്ദനാർഹമാണ്.
​നവീകരണവും മുന്നേറ്റവും
പരമ്പരാഗതമായി നിലനിൽക്കുന്ന കുന്നംകുളം മോഡലിനെ, ഡിജിറ്റൽ സാങ്കേതികവിദ്യയുടെയും നൂതന അറിവുകളുടെയും പിൻബലത്തോടെ ആഗോള നിലവാരത്തിലേക്ക് ഉയർത്താനുള്ള നഗരസഭയുടെ നീക്കം സ്വാഗതാർഹമാണ്. സംരംഭക അക്കാദമി, സിറ്റി ബിസിനസ് കൗൺസിൽ തുടങ്ങിയ വേദികൾ ചെറുകിട സംരംഭകർക്ക് വലിയൊരു ആത്മവിശ്വാസം നൽകും.

​ജനപക്ഷ വികസനത്തിന് പിന്തുണ
ഒരു നഗരത്തിന്റെ യഥാർത്ഥ വികസനം അവിടുത്തെ സാധാരണക്കാരായ സംരംഭകരുടെ വളർച്ചയിലൂടെയാണ് സാധ്യമാകുന്നത്. സർക്കാർ തലത്തിലുള്ള കൃത്യമായ പിന്തുണയും സേവനങ്ങളും ലഭിക്കുമ്പോൾ, കുന്നംകുളത്തിന്റെ സംരംഭക ആവാസവ്യവസ്ഥ കൂടുതൽ കരുത്താർജ്ജിക്കും. കേരളത്തിന് തന്നെ മാതൃകയാക്കാവുന്ന ഈ സംരംഭത്തിന് എല്ലാവിധ വിജയങ്ങളും നേരുന്നു.
​വികസനപരമായ ഈ മുന്നേറ്റത്തിൽ ആം ആദ്മി പാർട്ടി കുന്നംകുളത്തിന്റെ കൂടെയുണ്ടാകും.

​ആശംസകളോടെ,
ആം ആദ്മി പാർട്ടി, കുന്നംകുളം.

​ #സംരംഭകനഗരം ​ ​ ​
​

07/07/2026

🛑 കുന്നംകുളം തുറക്കുളം മാർക്കറ്റ്: അഴിമതിയിൽ മുങ്ങിയ ഒരു വികസന സ്വപ്നം! ജനങ്ങളെ വഞ്ചിച്ച ഭരണസമിതികൾ എന്ന് കണ്ണുതുറക്കും? 🛑

​കുന്നംകുളത്തെ തുറക്കുളം മത്സ്യമാർക്കറ്റിന്റെ ദുരവസ്ഥ നാം ചർച്ച ചെയ്യാൻ തുടങ്ങിയിട്ട് ദശാബ്ദങ്ങളായി. വികസനമെന്ന പേരിൽ നടന്ന അഴിമതിയുടെയും, ജനങ്ങളുടെ ജീവനും ആരോഗ്യത്തിനും പുല്ലുവില കൽപ്പിക്കുന്ന ഭരണകൂട അനാസ്ഥയുടെയും നാൾവഴികൾ ഒന്ന് പരിശോധിക്കാം:

​🔹 2005 - അഴിമതിയിൽ പൊതിഞ്ഞ തുടക്കവും പകൽക്കൊള്ളയും:
2005 ല്‍ പി.ജി ജയപ്രകാശ് നഗരസഭാ ചെയര്‍മാനായ ഭരണസമിതിയാണ് അല്‍കോം പ്രോപ്പര്‍ട്ടീസ് ലിമിറ്റഡ് എന്ന കമ്പനിക്ക് ബിഒടി വ്യവസ്ഥയില്‍ ലക്ഷങ്ങളുടെ കോഴ വാങ്ങി നഗരസഭയുടെ മല്‍സ്യമാര്‍ക്കറ്റ് തുറക്കുളത്ത് പണിയാന്‍ അനുമതി നല്‍കിയത്. ഈ കമ്പനിയുടെ പേരില്‍ നഗരസഭയിൽ ടെണ്ടർ പോലും സമർപ്പിച്ചിട്ടില്ലായിരുന്നു ടെന്‍ഡറില്‍ പങ്കെടുത്ത രണ്ടു കമ്പനികളെ കബളിപ്പിച്ചുകൊണ്ട് അന്നത്തെ സിപിഎം ഭരണ സമിതി തുറക്കുളം മാര്‍ക്കറ്റ് പണിയാന്‍ അല്‍കോമിന് അനുമതി നല്‍കുകയായിരുന്നു.
നഗരസഭയുടെയും അന്നത്തെ അധികാരികളുടെയും ഒത്താശയോടെ നടന്ന ഈ വൻ അഴിമതിയും തട്ടിപ്പുമാണ് ഇന്നത്തെ ഈ ദുരവസ്ഥയുടെ യഥാർത്ഥ കാരണം.

​🔹 2016 - മാലിന്യക്കൂമ്പാരമായി മാറിയ നഗരഹൃദയം:
അഴിമതിയിൽ തട്ടി നിർമ്മാണം നിലച്ചതോടെ, മാർക്കറ്റും പരിസരവും മത്സ്യ-മാംസ അവശിഷ്ടങ്ങൾ നിറഞ്ഞ് വൻ മാലിന്യക്കൂമ്പാരമായി മാറി. ദുർഗന്ധവും തെരുവുനായ്ക്കളുടെ ശല്യവും കാരണം കാൽനടയാത്രക്കാർക്കും വാഹനങ്ങൾക്കും ഇതുവഴി കടന്നുപോകാൻ കഴിയാത്ത അവസ്ഥയുണ്ടായിട്ടും നഗരസഭയുടെ ആരോഗ്യവിഭാഗം തികഞ്ഞ മൗനം പാലിച്ചു.

​🔹 2017 - പാഴായ വാഗ്ദാനങ്ങളും ജനരോഷവും:
മാലിന്യപ്രശ്നവും ദുർഗന്ധവും രൂക്ഷമായിട്ടും നഗരസഭ യാതൊരു നടപടിയും സ്വീകരിച്ചില്ല. മാർക്കറ്റിലെ ദുരവസ്ഥയും അധികാരികളുടെ നിസ്സംഗതയും ജനങ്ങൾക്കിടയിൽ കടുത്ത പ്രതിഷേധത്തിന് കാരണമായി.

​🔹 2018 - പൊളിഞ്ഞ ബി.ഒ.ടി (BOT) കരാറും വീണ്ടും വാഗ്ദാനങ്ങളും:
കരാർ സംബന്ധിച്ച അഴിമതിയും വൈരുദ്ധ്യവും ആർ.എം.പി കൗൺസിലർ പഠനം നടത്തി കൗൺസിൽ യോഗത്തിൽ ഉന്നയിച്ചതോടെ കാര്യങ്ങൾ പുറത്തായി. തുടർന്ന് ബാധ്യതകളില്ലാതെ ബി.ഒ.ടി കരാർ റദ്ദാക്കി നഗരസഭ നേരിട്ട് നിർമ്മാണം ഏറ്റെടുത്ത് പൂർത്തിയാക്കുമെന്ന് വലിയ പ്രഖ്യാപനം നടത്തി. എന്നാൽ അതെല്ലാം വെറും ജലരേഖയായി മാറി.

​🔹 2021 - അഴുക്കുചാലായി മാറിയ മാർക്കറ്റ്:
നഗരത്തിൽ അദാനി ഗ്യാസ് പൈപ്പ് ലൈനിനും മറ്റുമായി കുഴിച്ചെടുത്ത മണ്ണ് നഗരസഭ മാർക്കറ്റിന് പിന്നിലായി തള്ളി. ഇതോടെ അഴുക്കുചാലുകൾ പൂർണ്ണമായി അടഞ്ഞു. മലിനജലവും മത്സ്യലേലത്തിന് ശേഷമുള്ള വെള്ളവും ഒഴുകിപ്പോകാൻ വഴിയില്ലാതെ കെട്ടിക്കിടന്ന്, മാർക്കറ്റ് ദുർഗന്ധം വമിക്കുന്ന വലിയൊരു മാലിന്യക്കുളമായി മാറി.

​🔹 2023 - തൊഴിലാളികൾ തെരുവിലേക്ക്:
ദുരിതം സഹിക്കവയ്യാതെ സി.ഐ.ടി.യു (CITU), ഐ.എൻ.ടി.യു.സി (INTUC), ബി.എം.എസ് (BMS) തുടങ്ങിയ സംയുക്ത മത്സ്യത്തൊഴിലാളി യൂണിയനുകൾ ഒന്നടങ്കം നഗരസഭയിലേക്ക് മാർച്ചും ധർണ്ണയും നടത്തി. ഉദ്യോഗസ്ഥരും അധികാരികളും ബോധപൂർവ്വം മാർക്കറ്റിന്റെ വികസനം തടസ്സപ്പെടുത്തുന്നുവെന്ന ഗുരുതരമായ ആരോപണം അവർ അന്ന് ഉന്നയിച്ചു.

​🔹 ഏറ്റവുമൊടുവിൽ - നഗരസഭാ കൗൺസിൽ യോഗത്തിൽ പ്രതിഷേധം, യോഗം സ്തംഭിച്ചു:
തുറക്കുളം മാർക്കറ്റിന്റെ ശോചനീയാവസ്ഥ പരിഹരിക്കാത്തതിൽ പ്രതിഷേധിച്ച് കുന്നംകുളം നഗരസഭാ കൗൺസിൽ യോഗത്തിൽ വലിയ പ്രതിഷേധം അരങ്ങേറി.

​2005-ലെ കരാർ അഴിമതി മുതൽ ഇങ്ങോട്ട് രണ്ട് പതിറ്റാണ്ടോളം പിന്നിട്ടിട്ടും യാതൊരു മാറ്റവുമില്ലാതെ ഈ ദുരവസ്ഥ തുടരുകയാണ്. അടിസ്ഥാന സൗകര്യങ്ങളുള്ള, വൃത്തിയുള്ള ഒരു മാർക്കറ്റ് എന്നത് കുന്നംകുളത്തെ ജനങ്ങളുടെയും രാപ്പകൽ കഷ്ടപ്പെടുന്ന തൊഴിലാളികളുടെയും അവകാശമാണ്. എന്നാൽ ഒരു വശത്ത് അഴിമതിയും മറുവശത്ത് കെടുകാര്യസ്ഥതയുമായി ഭരണസമിതി ഇത് തികഞ്ഞ അനാസ്ഥയോടെ അവഗണിക്കുകയാണ്.

പൊള്ളയായ വാഗ്ദാനങ്ങൾ നൽകി ജനങ്ങളെ ഇനിയും വിഡ്ഢികളാക്കാമെന്ന് ഭരണാധികാരികൾ കരുതരുത്. വേണ്ടത് അഴിമതിയില്ലാത്ത, ജനങ്ങൾക്ക് വേണ്ടി പ്രവർത്തിക്കുന്ന ഒരു ഭരണസമിതിയെയാണ്!

​

04/05/2026

15/04/2026

സമൃദ്ധിയുടെയും ഐശ്വര്യത്തിന്റെയും പ്രതീകമായ മറ്റൊരു വിഷുക്കാലം കൂടി വന്നെത്തി. കണിക്കൊന്നയുടെ തെളിച്ചവും വിഷുക്കണിയുടെ പുണ്യവും നമ്മുടെ ജീവിതത്തിലുടനീളം ഊർജ്ജം നിറയ്ക്കട്ടെ.

​ഏവർക്കും ഹൃദയം നിറഞ്ഞ വിഷു ആശംസകൾ!

​

14/04/2026

നീതി ന്യായ വ്യവസ്ഥയെ സംഘപരിവാർ വത്കരിക്കാനും ദുർബലപ്പെടുത്താനുമുള്ള നീക്കങ്ങൾക്കെതിരെ നേരിട്ടുള്ള പോരാട്ടവുമായി അരവിന്ദ് കെജ്‌രിവാൾ.

മദ്യനയക്കേസിൽ താനുൾപ്പെടെയുള്ള എ.എ.പി. നേതാക്കളെ കുറ്റവിമുക്തനാക്കിയ വിചാരണക്കോടതി വിധി ചോദ്യം ചെയ്ത് സി.ബി.ഐ. നൽകിയ ഹർജി പരിഗണിക്കുന്നതിൽ നിന്ന് ജസ്റ്റിസ് സ്വർണകാന്ത ശർമ സ്വയം പിന്മാറണമെന്ന് അരവിന്ദ് കെജ്‌രിവാൾ ആവശ്യപ്പെട്ടു. ഹൈക്കോടതിയിൽ നേരിട്ടാണ് അദ്ദേഹം വാദിച്ചത്.

ജസ്റ്റിസ് സ്വർണകാന്ത ശർമയെ മാറണമെന്ന ആവശ്യപ്പെട്ടുകൊണ്ട് അദ്ദേഹം ഉന്നയിച്ച പ്രധാന വാദങ്ങൾ താഴെ പറയുന്നവയാണ്:

1️⃣ മാർച്ച് 9-ന്, കെജ്രിവാൾ ഉൾപ്പെടെ 23 പേരെ കുറ്റവിമുക്തരാക്കിയ സെഷൻസ് കോടതി വിധി, പ്രതിഭാഗത്തെ കേൾക്കാൻ പോലും തയ്യാറാവാതെ പ്രഥമദൃഷ്ട്യാ തെറ്റാണെന്ന് ജസ്റ്റിസ് സ്വർണ്ണകാന്ത ശർമ്മ ഉത്തരവിട്ടു. ഇത് മുൻകൂട്ടി എടുത്ത തീരുമാനമാണോ എന്ന ചോദ്യമാണ് ഇവിടെ ഉയരുന്നത്.

2️⃣ സിബിഐ ഉദ്യോഗസ്ഥനെതിരെ വിചാരണ കോടതി നടത്തിയ പരാമർശങ്ങൾ (കേസ് ആസൂത്രിതമായ തിരക്കഥയാണെന്നും, ഊഹാപോഹങ്ങളുടെ അടിസ്ഥാനത്തിലാണ് കുറ്റപത്രം തയ്യാറാക്കിയതെന്നും, അന്വേഷണത്തിൽ ബോധപൂർവമായ വീഴ്ചകൾ വരുത്തിയെന്നും കണ്ടെത്തിയ കോടതി ബന്ധപ്പെട്ട ഉദ്യോഗസ്ഥനെതിരെ വകുപ്പുതല അന്വേഷണത്തിന് ഉത്തരവിട്ടിരുന്നു) സിബിഐ ഒരു കക്ഷി പോലുമല്ലാതിരുന്നിട്ടും സർക്കാർ അഭിഭാഷകന്റെ വാദങ്ങൾ മാത്രം പരിഗണിച്ച് ജസ്റ്റിസ് സ്വർണ്ണകാന്ത ശർമ്മ സ്റ്റേ ചെയ്തു. നിഷ്പക്ഷത പുലർത്തേണ്ട കോടതി, ഇഡിയോടും (ED) സിബിഐയോടും മൃദുസമീപനമാണ് സ്വീകരിക്കുന്നത്.

3️⃣ മാർച്ച് 9-ന് ഇ.ഡി അപേക്ഷ നൽകിയിരുന്നില്ല എങ്കിലും ജസ്റ്റിസ് സ്വർണ്ണകാന്ത ശർമ്മ നടപടികൾ സ്റ്റേ ചെയ്തു. നിയമമനുസരിച്ച് സെഷൻസ് കോടതി സി.ബി.ഐ കേസ് അവസാനിപ്പിച്ചാൽ ഇ.ഡി കേസ് സ്വയമേവ അവസാനിക്കേണ്ടതാണ്. യാതൊരു അപേക്ഷയുമില്ലാതെ കേസ് സ്റ്റേ ചെയ്തത് സംശയങ്ങൾക്ക് ഇടനൽകുന്നു.

4️⃣ 600 പേജുള്ള ഉത്തരവിന് മറുപടി നൽകാൻ ഒരാഴ്ച മാത്രമാണ് അനുവദിച്ചത്. സമാനമായ മറ്റ് കേസുകളിൽ 3 മുതൽ 7 മാസം വരെ സമയം അനുവദിക്കാറുള്ളപ്പോഴാണിത്.

5️⃣ കുറ്റപത്രം പോലും സമർപ്പിക്കാത്ത, ജാമ്യാപേക്ഷ മാത്രം പരിഗണിക്കുന്ന ഘട്ടമായിട്ടും ജസ്റ്റിസ് സ്വർണ്ണകാന്ത ശർമ്മ തന്റെ ഉത്തരവുകളിൽ പ്രതി കുറ്റക്കാരനാണെന്ന് പ്രസ്താവിച്ചു.

6️⃣ ജസ്റ്റിസ് സ്വർണ്ണകാന്ത ശർമ്മ തുടർച്ചയായി തള്ളിയ ജാമ്യാപേക്ഷകളിൽ സുപ്രീം കോടതി ജാമ്യം അനുവദിക്കുക മാത്രമല്ല, ചില കേസുകളിൽ അവർക്കെതിരെ കടുത്ത പരാമർശങ്ങൾ നടത്തുകയും ചെയ്തു.

7️⃣ സിബിഐയുടെയും ഇഡിയുടെയും എല്ലാ ആവശ്യങ്ങളും ജസ്റ്റിസ് ശർമ്മ അംഗീകരിക്കുന്നുണ്ടെന്നും, പലപ്പോഴും അതിനപ്പുറം പോയി ഉത്തരവുകൾ നൽകുന്നുണ്ടെന്നും അവരുടെ മുൻകാല വിധികൾ സൂചിപ്പിക്കുന്നു.

8️⃣ ജസ്റ്റിസ് സ്വർണ്ണകാന്ത ശർമ്മയുടെ രണ്ട് മക്കളും കേന്ദ്ര സർക്കാർ അഭിഭാഷകരായ തുഷാർ മേത്തയുടെ കീഴിലാണ് ജോലി ചെയ്യുന്നത്. അവരുടെ വിധികളെ കേന്ദ്ര സർക്കാർ സ്വാധീനിക്കപ്പെടുന്നുണ്ടോ എന്ന ചോദ്യം ശക്തമാവുന്നു.

9️⃣ RSS ബന്ധമുള്ള സംഘടനകളുടെ പരിപാടികളിൽ ജസ്റ്റിസ് ശർമ്മ നിരവധി തവണ പങ്കെടുത്തിട്ടുണ്ട്. ആ ആശയധാര പിന്തുടരുന്ന ഒരു വ്യക്തിയിൽ നിന്നും തന്റെ രാഷ്ട്രീയ നിലപാടുകൾക്ക് വിരുദ്ധമായി പ്രവർത്തിക്കുന്ന തനിക്ക് നിഷ്പക്ഷമായ വിധി പ്രതീക്ഷിക്കാനാവില്ല.

🔟 ഹൈക്കോടതി വിധി വന്നാൽ കെജ്രിവാളിന് സുപ്രീം കോടതിയെ സമീപിക്കേണ്ടി വരുമെന്ന് കേന്ദ്ര ആഭ്യന്തര മന്ത്രി അമിത് ഷാ ഒരു ടിവി പരിപാടിയിൽ പറഞ്ഞിരുന്നു. വിധി വരുന്നതിന് മുൻപ് തന്നെ ആഭ്യന്തര മന്ത്രിക്ക് അത്തരമൊരു അറിവ് ലഭിച്ചത് എങ്ങനെയാണ്?



Arvind Kejriwal
Aam Aadmi Party

14/04/2026

അധികാര ഇടനാഴിയിലെ 'കോട്ടിട്ട' കള്ളന്മാർ: അഴിമതിയുടെ അഴിഞ്ഞാട്ടം!

​അഴിമതി തുടച്ചുനീക്കുമെന്ന് പ്രഖ്യാപിച്ച് അധികാരത്തിലേറിയ പിണറായി സർക്കാരിന്റെ തണലിൽ, അഴിമതിയുടെ ആഴക്കടൽ തീർക്കുന്ന ഉദ്യോഗസ്ഥ വൃന്ദത്തെ തിരിച്ചറിയുക. ഇതിൽ പ്രധാനിയാണ് ഭരണത്തിന്റെ വിശ്വസ്തനായി ചീഫ് സെക്രട്ടറി പദവിയിലിരിക്കുന്ന ഡോ. ജയതിലക്. അധികാരത്തിന്റെ തണലിൽ ഇദ്ദേഹം നടത്തിയ വഴിവിട്ട ഇടപാടുകൾ ഓരോന്നായി പുറത്തുവരുമ്പോൾ ഞെട്ടുന്നത് കേരള ജനതയാണ്.

​📍 സ്പൈസസ് ബോർഡ് മുതൽ SC/ST ഫണ്ട് വരെ!

​അഴിമതിയുടെ പ്രണയകഥ: സ്പൈസസ് ബോർഡ് ചെയർമാനായിരിക്കെ സൗദ നഹാസ് എന്ന (അന്നത്തെ സുഹൃത്ത്, ഇന്നത്തെ ഭാര്യ) വ്യക്തിക്ക് വഴിവിട്ട് 5 കോടി രൂപ നൽകിയെന്ന ഗുരുതരമായ ആരോപണം നിലനിൽക്കുന്നു. അന്ന് സിബിഐ അന്വേഷണം വന്നപ്പോൾ തനിക്ക് അവരുമായി ഒരു ബന്ധവുമില്ലെന്ന് പറഞ്ഞ് ഒഴിഞ്ഞുമാറിയ ജയതിലക്, പിന്നീട് അവരെ തന്നെ വിവാഹം കഴിച്ചുവെന്നത് പകൽപോലെ വ്യക്തമായ സത്യം.
​ബന്ധുനിയമനം: സൗദ നഹാസിന്റെ ആദ്യ വിവാഹത്തിലെ മകളെ സ്പൈസസ് ബോർഡിൽ മാർക്കറ്റിംഗ് ഡയറക്ടറായി വഴിവിട്ട് നിയമിച്ചതും ഇതേ അധികാര ദുർവിനിയോഗത്തിന്റെ ഭാഗമാണ്.
​SC/ST ഫണ്ട് വെട്ടിപ്പ്: പാവപ്പെട്ട പട്ടികജാതി-പട്ടികവർഗ്ഗ വിഭാഗങ്ങൾക്കായി മാറ്റിവെച്ച ഫണ്ടുകളിൽ ജയതിലകിന്റെ നേതൃത്വത്തിൽ നടന്ന ക്രമക്കേടുകൾ അക്ഷരാർത്ഥത്തിൽ ലജ്ജാകരമാണ്.

​📍 ഫയൽ മുക്കൽ നാടകം?

​ഇപ്പോൾ പുറത്തുവരുന്ന വാർത്തകൾ അതിലും ഭീകരമാണ്. E-office അപ്ഡേഷൻ എന്ന പേരിൽ അഞ്ച് ദിവസം ഓഫീസ് അടച്ചിടാൻ ഐടി വകുപ്പിനോട് ആവശ്യപ്പെട്ടിരിക്കുന്നു. തനിക്കെതിരെയുള്ള തെളിവുകൾ നശിപ്പിക്കാനും മുഖ്യമന്ത്രിയെ ഉൾപ്പെടെയുള്ളവരെ രക്ഷിക്കാനുമുള്ള "ഫയൽ മുക്കൽ" അജണ്ടയാണിതെന്ന് പരക്കെ ആക്ഷേപമുണ്ട്.

​📍 നട്ടെല്ലുള്ളവരെ വെട്ടിനിരത്തുന്നു!

​രാജ്യസ്നേഹത്തോടെയും നീതിയോടെയും ജോലി ചെയ്യുന്ന ഉദ്യോഗസ്ഥരെ പിണറായിക്ക് വേണ്ടി വേട്ടയാടുകയാണ് ഇദ്ദേഹത്തിന്റെ പ്രധാന വിനോദം. ബി. അശോക്, പ്രശാന്ത് നായർ (കളക്ടർ ബ്രോ) തുടങ്ങിയ ജനപ്രിയരായ ഉദ്യോഗസ്ഥരെ ഒതുക്കാനും സസ്പെൻഡ് ചെയ്യാനും മുന്നിൽ നിൽക്കുന്നത് ഈ "അധികാര ഇടനാഴിയിലെ തീവെട്ടി കൊള്ളക്കാരൻ" തന്നെയാണ്.

​നമുക്ക് വേണ്ടത് നീതിപൂർവ്വമായ അന്വേഷണം!

​ഇത്തരം അഴിമതി വീരന്മാരെ സംരക്ഷിക്കുന്ന ഭരണകൂടത്തിന് ജനങ്ങൾ മറുപടി നൽകും. വരും കാലങ്ങളിൽ അധികാരത്തിൽ വരുന്നവർ, സത്യസന്ധരായ ഉദ്യോഗസ്ഥരെ മുൻനിർത്തി ജയതിലകിനെപ്പോലുള്ളവരുടെ അഴിമതി സാമ്രാജ്യങ്ങളെക്കുറിച്ച് സമഗ്രമായ അന്വേഷണം നടത്തണം.
​അഴിമതിക്കാരെ പുറത്തുകൊണ്ടുവരിക! നാടിനെ രക്ഷിക്കുക!

​