24/09/2026
അർണവ് മോന് സ്നേഹക്കൂട് കുടുംബത്തിൻ്റെ കണ്ണീർ പ്രണാമം
ഒരു മാസം മുമ്പ് മാത്രം,
അച്ഛന്റെയും അമ്മയുടെയും ഏക പ്രതീക്ഷയായി, അവരുടെ പ്രാർത്ഥനകളുടെ നടുവിൽ, അർണവ് തന്റെ പിറന്നാൾ ആഘോഷിക്കാൻ സ്നേഹക്കൂടിലെ അച്ഛനമ്മമാരുടെ അരികിലെത്തിയിരുന്നു.
അന്ന് അവന്റെ ചിരിയിൽ ഞങ്ങളും സന്തോഷിച്ചു…
അവന്റെ ആസുഖം മാറി ജീവിതത്തിലെയ്ക്ക് തിരികെ വരുന്നതിനായി സ്നേഹക്കൂട്ടിലെ അച്ഛനമ്മമാരും, സഹോദരങ്ങളും പ്രാർത്ഥിച്ചു…
കൃഷ്ണപുരമെന്ന ഒരു നാട് മുഴുവൻ അവനുവേണ്ടി നിലകൊണ്ടു,
അവനെ ജീവിതത്തിലേക്ക് തിരികെ കൊണ്ടുവരാൻ കഴിയുന്ന എല്ലാ പ്രതീക്ഷകളെയും മുറുകെപ്പിടിച്ചു…
പക്ഷേ…
ചില വേർപാടുകൾക്ക് മുന്നിൽ മനുഷ്യന്റെ പ്രാർത്ഥനകൾ പോലും നിശബ്ദമായി പോകുന്നു.
ഇന്ന് ആ കുഞ്ഞ് നമ്മെ വിട്ടുപോയി…
നാളെ അവനെ അവസാനമായി യാത്രയാക്കുമ്പോൾ,
അവന്റെ അവസാന പിറന്നാൾ ആഘോഷത്തിന് സാക്ഷിയായ സ്നേഹക്കൂടും ആ ഓർമ്മ നെഞ്ചോട് ചേർത്തുപിടിക്കുകയാണ്.
അർണവിന്റെ അച്ഛനും അമ്മയ്ക്കും
ഈ ലോകത്ത് തങ്ങളുടെ ഏക മകനെ നഷ്ടപ്പെടുന്ന ആ മാതാപിതാക്കൾക്ക്…
എന്ത് വാക്കാണ് ആശ്വാസമാകുക എന്നറിയില്ല.
അർണവ്…
നീ ഞങ്ങളുടെ സ്നേഹക്കൂടിലെത്തിയത് ഒരു പിറന്നാൾ ആഘോഷിക്കാനായിരുന്നു.
ഇന്ന് നീ ഞങ്ങളുടെ ഓർമ്മകളിൽ ഒരു കുഞ്ഞു പുഞ്ചിരിയായി അവശേഷിക്കുന്നു.
നിന്റെ ചിരി മറക്കില്ല…
നീ വന്ന ആ ദിവസം മറക്കില്ല…
നിനക്കായി പ്രാർത്ഥിച്ച ആ നിമിഷങ്ങളും മറക്കില്ല…
വേദനയോടെ, സ്നേഹത്തോടെ
സ്നേഹക്കൂട് കുടുംബത്തിന്റെ ആദരാഞ്ജലികൾ കുഞ്ഞ് മകനേ,, 🤍
