കൃഷിഭവൻ നീണ്ടൂർ, കോട്ടയം

04/08/2022

നീണ്ടൂർ കൃഷി ഭവനിൽ നിന്നും 4 വർഷത്തെ സേവനം പൂർത്തിയാക്കി ഞാൻ പാല ബ്ലോക്കിലെ മീനച്ചിൽ കൃഷി ഭവനിലേക്ക് സ്ഥലം മാറ്റം ലഭിച്ചു പോകുകയാണ്. കോട്ടയം ജില്ലയിൽ ആദ്യമായി ജോലി ചെയ്ത നീണ്ടൂർ പഞ്ചായത്ത് എന്നും എൻ്റെ ഓർമകളിൽ ഉണ്ടായിരിക്കും. തൃശൂരിലെ കോൾപ്പാടങ്ങളിലെ നെൽകൃഷി കണ്ട് പരിചയപ്പെട്ട എനിക്ക് അപ്പർ കുട്ടനാടൻ മേഖലയായ നീണ്ടൂരിലെ നെൽകൃഷി തികച്ചും പുതിയ അനുഭവം ആയിരുന്നു. വള്ളത്തിൽ പോയി ചിറയിലൂടെ നടന്ന് നെൽകൃഷി കാണാൻ പോകുന്നത് രസകരമായ അനുഭവമായിരുന്നു. മുട്ടോളം ചെളിയിൽ താഴുന്ന പാടത്തിൻ്റെ നടുക്ക് മരങ്ങളുമായി നിൽക്കുന്ന പാറയുള്ള ചോഴിയപ്പാറ പാടവും തോടിൻ്റെയും പാടത്തിൻ്റെ ആഴങ്ങളിൽ കാണുന്ന കൽകരി പോലെ കത്തുന്ന മര കുറ്റികൾ നിറഞ്ഞ കരി നിലങ്ങളും ഉള്ള നീണ്ടൂരിൻ്റെ ഭൂമിശാസ്ത്രപരമായ പ്രത്യേകതകൾ വലിയ അൽഭുതത്തോടെയാണ് ഞാൻ നോക്കി കണ്ടത്. അങ്ങനെ എത്രയെത്ര അനുഭവങ്ങൾ.....
ഇത്തരത്തിൽ നീണ്ടൂരിൻ്റെ കാർഷിക പെരുമയിലൂടെ എന്നെ കൈപിടിച്ച് നടത്തിയ എൻ്റെ പ്രിയപെട്ട കർഷകർക്കും ഔദ്യോഗിക കർത്തവ്യ നിർവഹണത്തിൽ എന്നോട് സഹകരിച്ച ജനപ്രതിനിധികളെയും കാർഷിക വികസന സമിതി അംഗങ്ങളെയും പഞ്ചായത്ത്, ഘടക സ്ഥാപനങ്ങളിലെ ഉദ്യോഗസ്ഥരെയും സർവോപരി കൃഷി ഭവനിലെ എൻ്റെ പ്രിയപെട്ട സഹപ്രവർത്തകരെയും നന്ദിയോടെ സ്മരിക്കുന്നു. നീണ്ടൂരിൻെറ കാർഷിക സാംസ്കാരിക പാരമ്പര്യം എന്നും അതിൻ്റെ തനിമയോടെ നിൽക്കട്ടെയെന്ന് പ്രാർത്ഥിച്ചു കൊണ്ട് കൃഷി ഭവനിൽ നിന്നും പടിയിറങ്ങുന്നു🙏🙏🙏

നിത്യ സി.പി
കൃഷി ഓഫീസർ

05/07/2022

05/07/2022

ഞങ്ങളും കൃഷിയിലേക്ക് - ഞാറ്റുവേല ചന്ത കർഷക സഭക്ക് നീണ്ടൂർ ഗ്രാമ പഞ്ചായത്തിൽ തുടക്കമായി


നീണ്ടൂർ ഗ്രാമപഞ്ചായത്ത്, കൃഷി ഭവൻ സംയുക്ത ആഭിമുഖ്യത്തിൽ ഈ വർഷത്തെ ഞാറ്റുവേല ചന്ത കർഷക സഭ ഉദ്ഘാടനം നീണ്ടൂർ ശ്രീ ഭദ്ര ഓഡിറ്റോറിയത്തിൽ വെച്ച് ബഹുമാനപെട്ട ബ്ലോക്ക് പഞ്ചായത്ത് പ്രസിഡൻറ് ശ്രീമതി ആര്യ രാജൻ നിർവഹിച്ചു. നീണ്ടൂർ ഗ്രാമപഞ്ചായത്ത് പ്രസിഡന്റ് ശ്രീ വി കെ പ്രദീപ് അധ്യക്ഷത വഹിച്ചു. ജില്ല പഞ്ചായത്ത് മെമ്പർ ശ്രീമതി ഹൈമി ബോബി മുഖ്യ പ്രഭാഷണം നടത്തി. നടീൽ വസ്തുക്കളുടെ വിതരണം ബ്ലോക്ക് പഞ്ചായത്ത് മെമ്പർ ശ്രീമതി സവിത ജോമോൻ, ശ്രീ തോമസ് കോട്ടൂർ എന്നിവർ സംയുക്തമായി നിർവഹിച്ചു. നീണ്ടൂർ കൃഷി ഓഫീസർ ശ്രീമതി സി പി നിത്യ പദ്ധതി വിശദീകരണം നടത്തി. നീണ്ടൂർ ഗ്രാമപഞ്ചായത്ത് വൈസ് പ്രസിഡൻ്റ് ശ്രീമതി പുഷ്പ്പമ്മ തോമസ്, വികസന സ്റ്റാൻഡിംഗ് കമ്മിറ്റി ചെയർമാൻ ശ്രീ എം കെ ശശി ,ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ശ്രീമതി രാഗിണി കെ എസ്, വാർഡ് മെമ്പർ മരിയ ഗോരോത്തി, മായ ബൈജു, ആലീസ് ജോസഫ്, സൗമ്യ വിനീഷ്, നീണ്ടൂർ സഹകരണ ബാങ്ക് പ്രസിഡൻ്റ് വി എം കുര്യാക്കോസ്, കാർഷിക വികസന സമിതി അംഗം ശ്രീ റോബിൻ ജോസഫ്, സിഡിഎസ് ചെയർപേഴ്സൺ എൻ ജെ റോസമ്മ എന്നിവർ സംസാരിച്ചു.

പച്ചകറി വിത്ത്, തൈകൾ, ജൈവ വളം, ജൈവ കീടനാശിനി, കാർഷിക ഉത്പന്നങ്ങൾ, എന്നിവയുടെ വില്പന ഞാറ്റുവേല ചന്തയിലൂടെ നടന്നു. സ്മാം പദ്ധതിയുടെ രെജിസ്ട്രേഷൻ,വിള ഇൻഷുറൻസ് വാരാചരണം, എലി നശീകരണ കാമ്പയിൻ എന്നിവ ഞാറ്റുവേല ചന്തയുടെ ഭാഗമായി സംഘടിപ്പിച്ചു.

28/05/2021

06/11/2020

നീണ്ടൂർ കൃഷിഭവൻ ആഴ്ച്ച ചന്ത ആരംഭിച്ചു...

കൃഷിവകുപ്പ് കുടുംബശ്രീ സംയുക്തമായാണ് ആഴ്ച്ച ചന്തയ്‌ക് പ്രവട്ടം ചന്തയിൽ ആരംഭമായി. കർഷകർക്ക് ന്യായ വിലയിൽ ഉത്പന്നങ്ങൾ വിറ്റഴികുനതിനും ഗുണഭോക്താക്കൾക്ക് നാടൻ പച്ചകറികൾ മിതമായ വിലയിൽ വാങ്ങികുവാനും ഈ ആഴ്ച്ച ചന്ത വഴി സാധിക്കും.

എല്ലാവർക്കും ആഴ്ച്ച ചന്തയിലേക് സ്വാഗതം!!!

കൃഷി ഭവൻ നീണ്ടൂർ..

20/10/2020

അറിയിപ്പ്!!!

ഫലവൃക്ഷ തൈകൾ- പപ്പായ (റെഡ് ലേഡി ), സപ്പോർട്ട ഗ്രാഫ്റ്റ്, പേര ലയർ എന്നിവ സബ്‌സിഡി നിരക്കിൽ വിതരണത്തിന് എത്തിയിരിക്കുന്നു, ആവിശ്യം ഉള്ളവർ കൃഷിഭവനുമായി ബന്ധപെടുക..

കൃഷി ഓഫീസർ
നീണ്ടൂർ കൃഷിഭവൻ

25/08/2020

ഓണസമൃദ്ധി 2020.............................
നീണ്ടൂർ കൃഷി ഭവന്റെ നേതൃത്വത്തിൽ ഈ വർഷത്തെ ഓണച്ചന്ത 27/08/2020 മുതൽ 30/08/2020 വരെ നീണ്ടൂർ പ്രാവട്ടം ചന്തക്ക്‌ സമീപമുള്ള പഞ്ചായത്ത് കെട്ടിടത്തിൽ വെച്ച് നടത്തപ്പെടുന്നു. വിപണി വിലയേക്കാൾ 30% വരെ വിലക്കുറവിൽ പച്ചക്കറികൾ ലഭ്യമാകുന്ന ഓണച്ചന്തയുടെ ഉദ്ഘടാനം 26/08/2020 ബുധനാഴ്ച 5 മണിക്ക് ബഹുമാനപ്പെട്ട നീണ്ടൂർ ഗ്രാമ പഞ്ചായത്ത് പ്രസിഡന്റ് ശ്രീമതി കുഞ്ഞുമോൾ ജോസ് നിർവഹിക്കുന്നതാണ്‌. ഓണ വിപണിയിലേക്ക്‌ ഏവരെയും സ്വാഗതം ചെയ്യുന്നു.

കൃഷിഓഫീസർ
കൃഷിഭവൻ നീണ്ടൂർ

20/08/2020

കുടംപുളി ഗ്രാഫ്റ്റ് വില്ലനയ്ക്ക്.

നീണ്ടുർ കൃഷിഭവനിൽ മേൽത്തരം ഗ്രാഫ്റ്റ് ചെയ്ത കുടംപുളി തൈകൾ സബ്സിഡി നിരക്കിൽ വിതരണത്തിനായ് എത്തിയിട്ടുണ്ട് ആവശ്യമുള്ള കർഷകർ കൃഷിഭവനിൽ എത്തി തൈകൾ കൈപ്പറ്റാവുന്നതാണ്

20/08/2020

ഇൗ ലിങ്ക് കാണുക https://www.facebook.com/rattckozhaofficial

15/08/2020

സ്വാതന്ത്ര്യദിന ആശംസകൾ..

Be Safe, Stay Safe

കൃഷിഭവൻ നീണ്ടൂർ

07/08/2020

തെങ്ങിൻ തൈ ആവശ്യമുള്ളവർ കൃഷി ഭവനിൽ എത്തി തൈ കൈപ്പറ്റെണ്ടതാണ്