RIITS CDC - Child Development Center

12/04/2026

RIITS CDC - Child Development Center

18/03/2026

നന്ദി മാതൃഭൂമി...നന്ദി ഗൃഹലക്ഷ്മി...
മാതൃഭൂമി - ഗൃഹലക്ഷ്മിയുടെ വനിതാ ദിനാചരണത്തോടനുബന്ധിച്ച് സാമൂഹിക പ്രതിബദ്ധതയുള്ള സംരഭക എന്ന നിലയിൽ മികച്ച പ്രവർത്തനത്തിനുള്ള അംഗീകാരം കുണ്ടറ MLA പി.സി. വിഷ്ണു നാഥിൽ നിന്നും തസ്നി റമീഫ് ( RIITS CDC) ഏറ്റുവാങ്ങുന്നു. സമീപം രാജീവ് ദേവരാജ് സർ ( എഡിറ്റർ-മാതൃഭൂമി ന്യൂസ് chanel) N S വിനോദ് കുമാർ .(റീജണൽ മാനേജർ), G സജിത്ത് കുമാർ ( സ്പെഷ്യൽ കറസ് പോണ്ടന്റ്- മാതൃഭൂമി കൊല്ലം)
RIITS CDC - Child Development Center Mathrubhumi News Mathrubhumi

06/03/2026

ഗൃഹലക്ഷ്മി മാസികയുടെ മാർച്ച് മാസ എഡിഷനിൽ വന്ന ഫീച്ചർ...

അഭിനന്ദനങ്ങൾ Thasni Rameeph and

RIITS CDC യുടെ വളർച്ച ഇനിയും ലോകമറിയട്ടേ..'
RIITS CDC - Child Development Center

04/03/2026

അന്താരാഷ്ട്ര നിലവാരത്തിൽ നിർമ്മിക്കപ്പെടുന്ന RIITS CHILD DEVELOPMENT CENTRE ന്റെ ഏറ്റവും പുതിയ ക്യാമ്പസിന്റെ രൂപരേഖ തയ്യാറായി...

വളരെ സന്തോഷത്തോടെയും അതിലേറെ പ്രതീക്ഷയോടെയുമാണ് ഈ പദ്ധതി നിങ്ങൾക്കു മുന്നിൽ അവതരിപ്പിക്കുന്നത്.

നമുക്ക് ലഭിക്കുന്ന മക്കൾ ദൈവത്തിന്റെ സമ്മാനമാണ്.. എന്നേ പോലുള്ള പല രക്ഷിതാക്കൾക്കും ജീവിത യാഥാർത്ഥ്യങ്ങളെ തിരിച്ചറിയാനും ദൈവത്തേ അറിയാനുമായിരിക്കും കരുണാമയൻ Special kids നെ നൽകിയിരിക്കുന്നതെന്ന് ഞാൻ വിശ്വസിക്കുന്നു.

സാധാരണ ഒരു കുട്ടിയുടെ അവസ്ഥയിൽ നിന്നും വ്യത്യസ്തമായി വളരെ ചെറിയ പ്രശ്നങ്ങൾ മുതൽ സങ്കീർണ്ണമായ പ്രശ്നങ്ങൾ വരെ അനുഭവിക്കുന്ന നിരവധി കുട്ടികളാണ് നമുക്കിടയിൽ ജീവിക്കുന്നത്.

മറ്റുള്ളവരേപ്പോല ഓടാനും ചാടാനും സംസാരിക്കാനും എന്തിനേറെ പ്രാഥമിക കൃത്യങ്ങൾ സ്വയം നിറവേറ്റാൻ പോലും അറിയാത്ത അവരെ സമൂഹം special kids എന്നാണ് വിളിക്കുന്നത്.

ഇത്തരം കുട്ടികളും അവരുടെ രക്ഷിതാക്കളും പലപ്പോഴും ഇത്തരം കുട്ടികൾക്കായി ആവശ്യമുള്ള ചികത്സകൾ ലഭിക്കാതെയോ സാമ്പത്തിക പരാധീനതകളിൽ പെട്ട് വീടുകളിൽ ഒതുങ്ങി കൂടുകയോ ചെയ്യുന്നതാണ് കണ്ടുവരുന്നത്.
രക്ഷിതാക്കൾക്ക് അവരുടെ തൊഴിലിടങ്ങളിൽ പോലും ശരിയായി കാര്യങ്ങൾ നിർവഹിക്കുന്നതിന് പ്രയാസങ്ങൾ ഉണ്ടാകുന്നത് സ്വാഭാവികമായി മാറുന്നു.

നമ്മുടെ നാട്ടിൽ ഇത്തരം കുട്ടികളെ പരിശീലിപ്പിക്കുവാൻ ചെറുതും വലുതുമായി അനേകം സ്ഥാപനങ്ങളുണ്ടെങ്കിലും സ്പെഷ്യൽ കിഡ്‌സിനുള്ള ഓരോ പ്രശ്നങ്ങൾ പരിഹരിക്കുന്നിന് വിവിധ സെൻററുകള സമീപിക്കേണ്ട സാഹചര്യം ഇന്നും നിലനിൽക്കുന്നു.

നമുക്ക് ചുറ്റും ആധുനിക ചികത്സാ രീതികളോ സാങ്കേതികതയോ വേണ്ട രീതിയിൽ പ്രയോജനപ്പെടുത്തുവാനുള്ള ഇടങ്ങൾ വളരെ വളരെ പരിമിതവുമാണ്.

ഇത്തരമൊരു സാഹചര്യത്തിൽ Gifted kids നായി
പരിശീലനത്തിനും ചികത്സയ്ക്കുമായി ആധുനികരീതിയിൽ നിർമ്മിക്കുന്ന ക്യാമ്പസിന്റെ രൂപരേഖയാണ് റിറ്റ്സ് നിങ്ങൾക്കു മുന്നിൽ സമർപ്പിക്കുന്നത്.

വിദ്യാർത്ഥികൾക്കു വേണ്ടിയുള്ള വിവിധ തെറാപ്പി സെന്ററുകൾ,
കളിസ്ഥലം,
വിദ്യാർത്ഥികൾക്കും രക്ഷിതാക്കൾക്കും താമസ സൗകര്യം,
ഫിസിയോ തെറാപ്പി
യോഗ സെന്ററുകൾ
തുടങ്ങി,
അത്യാധുനിക രീതിയിലുള്ള സംവിധാനങ്ങളോടു കൂടിയ സ്കൂൾ

Special teacher ട്രെയിനിംഗ് സെന്റർ

തുടങ്ങിയവയും ഈ ക്യാമ്പസിൽ വിഭാവനം ചെയ്തിരിക്കുന്നു.

ഒരേക്കറോളം വരുന്ന RIITS CDC യുടെ 4000 sq feet കെട്ടിടത്തിന് പുറമേ അതോടൊപ്പം ഈ സ്ഥലത്ത് 20000qr feet ൽ നിർമ്മിക്കുവാൻ ഉദ്ദേശിക്കുന്ന ഈ ക്യാമ്പസ് ഓട്ടിസം എന്ന സങ്കീർണ്ണ അവസ്ഥ നേരിടുന്ന special kids നും രക്ഷിതാക്കൾക്കും വലിയൊരു ആശ്രയകേന്ദ്രമാകുമെന്നതിൽ സംശയമില്ല.

ചികത്സയിലെ പുരോഗതിക്കനുസരിച്ച് കുട്ടികൾക്ക് പ്രൈമറി തലം മുതൽ സ്കൂളിംഗ് നൽകുന്നതിനും ചെറിയ ജോലികൾ പഠിക്കുന്നതിനുമുള്ള പരിശീലനവും വിഭാവനം ചെയ്തിരിക്കുന്നു.

ഇപ്പോൾ തന്നെ
RIITS CDC യിൽ 50 മുതൽ 90 കുട്ടികൾ വരെ സ്ഥിരമായി വിവിധ തെറാപ്പികൾ ചെയ്തു വരുന്നു. കഴിഞ്ഞ 5 വർഷങ്ങളിലായി വിവിധ ചികത്സകൾക്കായി 750 ൽ പരം കുട്ടികൾ വന്നു പോയിട്ടുണ്ട് എന്നുള്ള കണക്ക് ആശങ്കപ്പെടുത്തുന്നതുമാണ്.

ആധുനിക കേരളത്തിന്റെ മാനസിക സംഘർഷം നിറഞ്ഞ പുതിയ ജീവിത രീതിയും മറ്റും വർദ്ധിച്ചു വരുന്ന special kids ന്റെ എണ്ണം കൂടുന്നതിലേക്ക് വിരൽ ചൂണ്ടുന്നു.

ഇതിനോടകം തന്നെ
ഒരു നോൺ പ്രോഫിറ്റ് ഇൻസ്റ്റിറ്റ്യൂഷൻ എന്ന കാഴ്ചപ്പാടിൽ മുന്നോട്ടു പോകുന്ന RIITS CDC യ്ക്ക് ഈ മേഖലയിലെ സമഗ്രമായ പരിഹാരം നൽകുന്ന രീതിയിൽ വിഭാവനം ചെയ്ത പദ്ധതിയാണ് ഈ ഉദ്യമത്തിലൂടെ സാധ്യമാകുന്നത്.

Special kids നെ കുറിച്ചുള്ള പഠനവും ഗവേഷണവുമുൾപ്പെടെയുള്ള സമഗ്രമായ ഈ പദ്ധതിയ്ക്ക് ചിലവ് അധികമാണ്.

നാളിതു വരെ RIITS എന്ന എന്റെ എൻട്രൻസ് കോച്ചിംഗ് സെന്ററിന്റെ വരുമാനത്തിന്റെ ഒരു ഭാഗം സ്വീകരിച്ചു കൊണ്ടാണ് RIITS CDC മുന്നോട്ട് പോകുന്നത്.
CDC യിൽ നൽകുന്ന ഓരോ തെറാപ്പികളും രജിസ്ട്രേഷൻ ഫീസ് മാത്രം സ്വീകരിച്ചുകൊണ്ടോ സാമ്പത്തികമായി പിന്നോക്കം നിൽക്കുന്നവർക്ക് സാജന്യമായോ ഒക്കെ നൽകി വരുന്നു.

കേരളത്തിനാകെ ആശ്രയമാകുന്ന അന്തർദേശീയ നിലവാരത്തിൽ നിർമ്മിക്കുവാനുദ്ദേശിക്കുന്ന ഈ ക്യാമ്പസിന് 8കോടി രൂപയോളമാണ് നിർമ്മാണ ചിലവ് പ്രതീക്ഷിക്കുന്നത്

അനേകം മക്കൾക്ക് കാരുണ്യമേകുന്ന
ഈ സംരഭത്തിൽ
ലാഭ താത്പര്യമില്ലാതെ പൊതു നൻമ ആഗ്രഹിക്കുന്നവരിൽ നിന്നും സാമ്പത്തിക സഹായങ്ങൾ സ്വീകരിച്ചു കൊണ്ട് ഈ പ്രസ്ഥാനം വിപുലപ്പെടുത്തുവാൻ ഞങ്ങൾ ആഗ്രഹിക്കുന്നു.

ഇങ്ങനെയുള്ള മക്കൾ ഭൂമിയിൽ ഉണ്ടാകല്ലേയെന്ന് എപ്പോഴും പ്രാർത്ഥിക്കും പോലെ ഇപ്പോഴുള്ള ഇത്തരം മക്കൾക്ക് ആശ്രയമാക്കാൻ സുമനസുകൾക്ക് കരുണയുണ്ടാകണമേ എന്നും പ്രാത്ഥിക്കുന്നു.

ഈ ഉദ്യമം സാധ്യമാകുവാൻ സുമനസുകളുടെ സഹായ സഹകരണങ്ങൾ പ്രതീക്ഷിക്കുന്നു.
RIITS CDC - Child Development Center

16/02/2026

RIITS CDC - Child Development Center

31/12/2025

26/12/2025

RIITS CDC - Child Development Center

22/12/2025

RIITS CDC - Child Development Center
Special kids എന്നു നാം വിളിക്കുന്ന ഗിഫ്റ്റഡ് കിഡ്സ്‌നു വേണ്ടി സ്ഥാപിതമായ പ്രസ്ഥാനമാണ് RIITS CDC.
കഴിഞ്ഞ ആറു വർഷമായി കൊല്ലം നഗരത്തിന്റെ ഹൃദയ ഭാഗമായ അയത്തിലിനു സമീപം പുളിയത്തു മുക്കിൽ വിശാലമായ ക്യാമ്പസിൽ ഈ സ്ഥാപനം പ്രവർത്തിച്ചു വരുന്നു.

മാനസിക, ബൗദ്ധീക വെല്ലുവിളികൾ നേരിടുന്ന കുട്ടികൾക്ക് അവരുടെ വിവിധങ്ങളായ പ്രശ്നങ്ങൾക്കു പരിഹാരത്തിനായി വിവിധ തെറാപ്പികൾ നൽകുവാൻ ഈ സ്ഥാപനം പ്രവർത്തിക്കുന്നു.

* സ്പീച്ച് തെറാപ്പി
* ബിഹേവിയറൽ തെറാപ്പി
* ഒക്യൂപ്പേഷനൽ തെറാപ്പി
* ലേർണിംഗ് ഡിസെബിലിറ്റി
* സൈക്കോളജിക്കൽകൗൺസിലിംഗ്
* സ്പെഷ്യൽ സ്കൂൾ
അങ്ങനെ കുട്ടികൾ നേരിടുന്ന വിവിധ പ്രശ്നങ്ങളെല്ലാം ഒരു കുടക്കീഴിൽ ഇവിടെ പരിഹാരം നൽകപ്പെടുന്നു.

കുട്ടികളുടേയും അവരുടെ മാതാപിതാക്കളുടേയും ജീവിത സാഹചര്യങ്ങൾ പഠന വിധേയമാക്കിയാണ് കുട്ടികൾക്കു വേണ്ടുന്ന പരിശീലനം നൽകി വരുന്നത്.

നിലവിൽ വിവിധ ഹോസ്പിറ്റലുകളിൽ നിന്നും സ്കൂളുകളിൽ നിന്നും റഫർ ചെയ്തു നൂറുകണക്കിനു കുട്ടികൾ തെറാപ്പികൾ ചെയ്തു വരുന്നു.

സൗജന്യ നിരക്കിൽ ലാഭേശ്ചയില്ലാതെ പ്രവർത്തിക്കുന്ന ഈ സ്ഥാപനം കൂടുതൽ സുതാര്യവും സൗകര്യപ്രദവുമായ സേവനത്തിനായി വെബ്സൈറ്റ് സൗകര്യം ഒരുക്കിയിരിക്കുന്നു.

ഇത് നിങ്ങൾക്കായി സമർപ്പിക്കുന്നു.

Comprehensive child development services in Kollam. Speech therapy, OT, ABA, special education, and inclusive preschool for children of all abilities.

16/04/2025

എന്റെ മകന്റെ പ്രായത്തിലുള്ളവർ "വാപ്പാ.." എന്നു വിളിക്കും പോലെ അവന് വിളിക്കാൻ സാധിച്ചിട്ടില്ല...
പത്തു വയസുകാരെന്റെ കളികളോ സംസാരമോ അവനിൽ വളർച്ച നേടിയട്ടില്ല..
എങ്കിലും എന്റെ ജീവിതത്തിലെ പടച്ചവന്റെ ഏറ്റവും വലിയ സമ്മാനം അവനാണ്...

പിറന്നാളാഘോഷമോ സമ്മാന പൊതികളോ ഒന്നും ജീവിതത്തിന്റെ ഭാഗമല്ലാതെ മുന്നോട്ടു പോകണമെന്ന് ചിന്തിച്ചിരുന്ന എനിയ്ക്ക് എന്റെ മകനിൽ നിന്നു ലഭിച്ച ഈ ചിത്രം - ജീവിതത്തിൽ ഇന്നോളം നേടിയ സന്തോഷങ്ങളിൽ ഏറ്റവും മഹത്തരമായി തോന്നുന്നു..

അവൻ ചിത്രം വരച്ചു.
ആ വരകളിലൂടെ എനിയ്ക്ക് ആശംസ നേർന്നു....

എന്റെ മകനെ ഒരു special Kid ആയി ലഭിച്ചത് കരുണാമയന്റെ പദ്ധതിയായിരുന്നെന്ന് ഞാൻ വിശ്വസിക്കുന്നു. എന്റെ ആലീമിനെ പോലെയുള്ള അനേകം മക്കൾക്ക് ആശ്രയമാകുവാൻ RIITS CDC എന്ന സ്ഥാപനം തുടങ്ങുവാൻ അത് നിമിത്തമായി.
അവിടെ വരുന്ന മക്കൾ ആദ്യമായി അമ്മാ, അച്ഛാ എന്നു വിളിക്കുമ്പോഴും അവർ സ്വന്തമായി അവരുടെ പ്രാഥമിക കാര്യങ്ങൾ ചെയ്യുവാനായി പരിശീലനം CDC യിലൂടെ നേടുമ്പോഴും ആ മാതാപിതാക്കൾക്കുണ്ടാകുന്ന സന്തോഷം - തൊഴുകൈ കളോടെ അവർ നൽകുമ്പോഴും കാരുണ്യം ഞാനറിയുന്നു.

ഇപ്പോൾ കൊല്ലത്തുള്ള അനേകം പീഡിയാട്രിഷ്യൻമാർ റഫർ ചെയ്ത മക്കൾ CDC യിൽ വിവിധ തെറാപ്പികൾ ചെയ്യുന്നു. പല ജില്ലകളിൽ നിന്നുള്ള കുടുംബങ്ങൾ CDC യുടെ പരിസരങ്ങളിൽ വാടകയ്ക്ക് താമസിച്ച് കുട്ടികളെ വിവിധ തെറാപ്പികൾ ചെയ്യിക്കുന്നു.

CDC പ്രവർത്തകരുടേയും അതിനെ ഏകോപ്പിച്ച് കൊണ്ടുപോകുന്ന തസ്നിയുടേയും പ്രവർത്തനങ്ങൾ അഭിനന്ദാർഹമാണ്.

പടച്ചവന്റെ കൃപ എന്റെ ആലിമിനോടൊപ്പം അവനെ പോലെ ബൗദ്ധീക വെല്ലുവിളി നേരിടുന്ന എല്ലാ മക്കളിലുംഉണ്ടാകട്ടേ..

അവനെ പരിശീലിപ്പിച്ച RIITS CDC അംഗങ്ങൾക്കും അതിനു നേതൃത്വം നൽകുന്ന എന്റെ ഭാര്യ തസ്നിക്കും ഒരായിരം നന്ദി.
RIITS CDC - Child Development Center

14/04/2025

25/03/2025

RIITS CDC - Child Development Center
The ability to concentrate and to use time well is everything.” – Lee Iacocca
RIITS CDC - Child Development Center