DYFI എടവിലങ് മേഖല കമ്മിറ്റി

31/08/2024

വയനാടിന് സ്നേഹ കൂട്ടുമായി എടവിലങ്ങ്.

എടവിലങ്ങ് : 103333/- (ഒരു ലക്ഷത്തി മൂവായിരത്തി മുന്നൂറ്റി മുപ്പത്തി മൂന്ന്)

വർഗ്ഗീയ പ്രതിലോമ രാഷ്ട്രീയത്തോട് പോരാടിച്ച് നിൽക്കുന്ന പ്രദേശമാണ് എടവിലങ്ങ്. പ്രകൃതി ദുരന്തങ്ങൾ കടൽ ക്ഷോഭമായി വേട്ടയാടുന്ന എടവിലങ്ങിലെ ജനങ്ങൾ നമ്മൾ വയനാടിന് വേണ്ടി ആക്രി പറുക്കിയും, പെറോട്ടയും ബീഫും വിറ്റും, തൂപ്പ് വിറ്റും, വിവാഹ സദ്യ വിളമ്പിയും DYFI ക്ക് നൽകിയത് 103333/- (ഒരു ലക്ഷത്തി മൂവായിരത്തി മുന്നൂറ്റി മുപ്പത്തി മൂന്ന്) രൂപയാണ്.

പ്രിയ സഖാക്കൾക്ക് അഭിവാദ്യങ്ങൾ.. ❤️

#നമ്മൾവയനാട്

06/08/2022

"വയറെരിയുന്നോരുടെ
മിഴി നിറയാതിരിക്കാൻ"
11ആം ഘട്ടം...
DYFI എടവിലങ്ങ് മേഖല കമ്മിറ്റി

#ഹൃദയപൂർവ്വം

05/08/2022

പ്രതികൂല കാലാവസ്ഥയെ മനുഷ്യ സ്നേഹം കൊണ്ട് തോൽപ്പിച്ചു ജനകീയ സഹകരണത്തോടെ പൊതിച്ചോറുകളുമായി തൃശൂർ മെഡിക്കൽ കോളേജിലേക്ക് 11-ാം ഘട്ടം DYFI എടവിലങ്ങ് മേഖലാ കമ്മിറ്റി 4125 പൊതിച്ചോറുകൾ നൽകി.
"വയറെരിയുന്നോരുടെ
മിഴി നിറയാതിരിക്കാൻ"
#ഹൃദയപൂർവ്വം

03/07/2022

DYFI ഗ്രാമവേദി യൂണിറ്റിൻ്റെ നേതൃത്വത്തിൽ യൂണിറ്റ് പരിധികത്തെ SSLC ,Plus Two പരീക്ഷകളിൽ ഉന്നത വിജയം കരസ്ഥമാക്കിയ 45 കൂട്ടുകാരെയും ക്യാൻസർ രോഗികൾക്കായ് കേശദാനം നടത്തിയ പ്രിയ കൂട്ടുകാരൻ അഭിൻ സാരംഗിനെയും മഹിള സമാജം പരിസരത്ത് വെച്ച് അനുമോദിച്ചു അനുമോദന സദസ്സ് SFI ത്രിശൂർ ജില്ലാ വൈസ് പ്രസിഡൻറ് സഖാവ് ഇൻസാഫ് ഉദ്ഘാടനം ചെയ്തു. DYFI യൂണിറ്റ് പ്രസിഡൻ്റ് സഖാവ് അർച്ചനയടെ അധ്യക്ഷതയിൽ നടന്ന അനുമോദന സദസ്സിൽ സഖാവ് അഖിൽ സ്വാഗതവും ,സഖാവ് റിനീഷ് നന്ദിയും പറഞ്ഞു. DYFI മേഖലാ സെക്രട്ടറി സ: സമദ്, പ്രസിഡൻറ് സുജിത് ,CPIM എടവിലങ്ങ് ലോക്കൽ കമ്മിറ്റി അംഗങ്ങളായ സ: KK സുരേന്ദ്രൻ, സ:AP ആദർശ് ,ബ്രാഞ്ച് സെക്രട്ടറി സ:സത്യൻ, വാർഡ്മെമ്പർമാരായ സ:നിഷ അജിതൻ, സ: ഗിരീഷ് മാഷ് എന്നിവർ പങ്കെടുത്തു....

01/07/2022

ജൂലൈ 2
സഖാവ് കെ യു ബിജു രക്തസാക്ഷി ദിനം... ✊🏼

29/06/2022

രാജസ്ഥാനിലെ ഉദയ്പൂരിൽ നടന്ന ക്രൂരമായ കൊലപാതകം സമൂഹ മനസാക്ഷിയെ ഞെട്ടിപ്പിക്കുന്നതും സാമുദായിക ഐക്യം തകർക്കാൻ ലക്ഷ്യം വച്ചുള്ളതുമാണ്.

ഭീകരവാഴ്‌ചയിലേക്ക് ഇന്ത്യയെ നയിക്കുന്ന വർഗ്ഗീയതയുടെ എല്ലാ വകഭേദങ്ങളെയും ജാഗ്രതയോടെ പ്രതിരോധിക്കേണ്ടതുണ്ട്. ബിജെപി ഉയർത്തുന്ന മുസ്ലിം വിരുദ്ധ പ്രചരണത്തിന് അനുപൂരകമായി പ്രവർത്തിച്ച് വർഗ്ഗീയതയുടെ സന്തുലിതമായ ഇക്കോ സിസ്റ്റം ഇന്ത്യയിൽ സൃഷ്ടിക്കുകയാണ് ന്യൂനപക്ഷ വർഗ്ഗീയ സംഘടനകൾ ചെയ്യുന്നത്. പരസ്പരം പ്രോത്സാഹനം നൽകി വളരുന്ന വർഗ്ഗീയ ശക്തികളുടെ വാളുകളിൽ നിന്ന് മത നിരപേക്ഷ ഇന്ത്യയെ സംരക്ഷിക്കേണ്ടതുണ്ട്. രാജ്യത്തിന്റെ ഐക്യത്തിന് വിഘാതം സൃഷ്ടിക്കുകയും നാടിന്റെ ബഹുസ്വരത തകർക്കുകയും ചെയ്യുന്ന വർഗ്ഗീയതക്കെതിരെ മത നിരപേക്ഷ സമൂഹം ഒന്നിക്കണം.

ഉദയ്പൂരിൽ നടന്ന കൊലപാതകത്തെ ഡി വൈ എഫ് ഐ അതിശക്തമായി അപലപിക്കുന്നു.

28/06/2022

28/06/2022

"വയറെരിയുന്നവരുടെ മിഴി നിറയാതിരിക്കാൻ..."

കൊടുങ്ങല്ലൂർ താലൂക്ക് ആശുപത്രിയിലെ
DYFI ഹൃദയപൂർവ്വം
ഉച്ച ഭക്ഷണപദ്ധതിയുടെ
5 ആം വാർഷികം..

ജൂലൈ 2 രാവിലെ 10.30 മണിക്ക്
താലൂക്ക് ആശുപത്രിയിൽ..

DYFI കേന്ദ്ര കമ്മിറ്റി അംഗം സഖാവ് എം ഷാജർ പങ്കെടുക്കുന്നു..

DYFI കൊടുങ്ങല്ലൂർ ബ്ലോക്ക് കമ്മിറ്റി

22/06/2022

*DYFI യുവജന പ്രതിരോധം*

⭕RSS ഗൂഡലോചനയ്ക് മുന്നിൽ കേരളം കീഴടങ്ങില്ല
⭕മതനിരപേക്ഷ സർക്കാരിനെ അട്ടിമറിക്കാൻ അനുവദിക്കില്ല
⭕കോൺഗ്രസ്‌, ബി ജെ പി കലാപം അവസാനിപ്പിക്കുക
എന്നീ മുദ്രാ വാക്യങ്ങൾ ഉയർത്തിപിടിച്ചുകൊണ്ട് Dyfi എടവിലങ്ങ് മേഖല കമ്മിറ്റി യുവജന പ്രതിരോധം സംഘടിപ്പിച്ചു. കാര സെൻ്ററിൽ നിന്നും ആരംഭിച്ച പ്രകടനം DYFI മുൻ ബ്ലോക്ക് പ്രസിഡന്റ് സ:AP ആദർശ് മേഖല സെക്രട്ടറി സമദിന് ശുഭ്രപതാക കൈമാറി ഫ്ലാഗ് ഓഫ് ചെയ്ത യുവജന റാലി എടവിലങ്ങ് ചന്തയിൽ അവസാനിച്ചു. പൊതുയോഗം DYFI എടവിലങ്ങ് മേഖല സെക്രട്ടറി സമദ് സ്വാഗതം ചെയ്തു. പ്രസിഡന്റ്‌ സുജിത്തിൻ്റെ അധ്യക്ഷതയിൽ നടന്ന പൊതുയോഗം DYFI ജില്ലാ സെക്രട്ടേറിയറ്റ് അംഗം സ: ജാസിർ ഇക്ബാൽ ഉദ്ഘാടനം ചെയ്തു. മേഖല കമ്മിറ്റി അംഗംസ:അഫസാദ് നന്ദിയും പറഞ്ഞു.

*DYFI എടവിലങ്ങ് മേഖല കമ്മിറ്റി*

08/06/2022

ചീറ്റിപ്പോയ പടക്കത്തിന്ന് പിന്നെയും തീപ്പെട്ടി ഉരക്കുകയാണ് കേരളത്തിലെ ബിജെപിയും കോൺഗ്രസും: ഡിവൈഎഫ്ഐ

ചീറ്റിപ്പോയ ഒരു പടക്കത്തിന് പിന്നെയും തീപ്പെട്ടി ഉരയ്ക്കുകയാണ് കേരളത്തിലെ ബിജെപിയും അവരുടെ ബി ടീമായി പ്രവർത്തിക്കുന്ന കോൺഗ്രസ്സുമെന്ന് ഡിവൈഎഫ്ഐ സംസ്ഥാന സെക്രട്ടറിയേറ്റ് പ്രസ്താവനയിൽ പറഞ്ഞു. അവരുടെ തിരക്കഥയുടെ ഭാഗമായി സ്വപ്ന സുരേഷ് നടത്തിയ വാർത്താ സമ്മേളനത്തിലെ നുണകൾ പൊതു സമൂഹം അർഹിക്കുന്ന അവജ്ഞതയോടെ തള്ളിക്കളയും. കഴിഞ്ഞ തദ്ദേശ തെരഞ്ഞെടുപ്പ് കാലത്ത് കേരളത്തിലെ വലത് മാധ്യമങ്ങളെ കൂട്ട് പിടിച്ചു നുണ പ്രചരിപ്പിച്ച് കേരളത്തിന്റെ മുഖ്യമന്ത്രി പിണറായി വിജയനേയും മന്ത്രി സഭയേയും താറടിച്ചു കളയാം എന്ന വ്യാമോഹത്തിലായിരുന്നു ബിജെപി. എന്നാൽ അവർ വെയിലത്ത് വെറുതെ കയിലും കുത്തി നടന്നതല്ലാതെ കേരളം കുപ്രചാരണങ്ങളെ തള്ളിക്കളഞ്ഞു. നിയമസഭാ നിയമ സഭാ തെരഞ്ഞെടുപ്പ് അടുത്തപ്പോൾ വീണ്ടും കേന്ദ്രം തുടലിലിട്ട ഒരു കൂട്ടം ഏജൻസികൾ കേരളത്തിൽ കുറേ മണത്തു നടന്നു. അവരുടെ കയ്യിൽ നിന്ന് കിട്ടിയ നുണക്കഥകളും പ്രതിയുടെ അടുക്കളയിൽ മീൻവെട്ടിക്കൊടുത്ത് സംഘടിപ്പിച്ച തിരക്കഥകളും നിരത്തി പാപ്പരാസി ചാനലുകാർ കുറേ കുരുക്ക് മുറുക്കി. എന്നാൽ കേരളത്തിലെ പ്രബുദ്ധരായ ജനങ്ങൾ ഈ അസത്യപ്രഘോഷകർക്ക് മറുപടി നൽകിയത് ചരിത്ര ഭൂരിപക്ഷത്തോടെ രണ്ടാം പിണറായി സർക്കാരിനെ വരവേറ്റും സഖാവ് പിണറായി വിജയന് അരലക്ഷത്തിലധികം വോട്ടിന്റെ ഭൂരിപക്ഷം നൽകിയുമാണ്.
യഥാർത്ഥ പ്രതികളെ കണ്ടെത്തുന്നതിലോ സ്വർണ്ണം ആർക്കു വേണ്ടി കടത്തി എന്നതിന് ഉത്തരം പറയുന്നതിനോ കാൽ ഡസൻ കേന്ദ്രഏജൻസികൾ പരാജയപ്പെട്ടു. അല്ലെങ്കിൽ ബിജെപി ചാനൽ മേധാവി ഉൾപ്പെടെ സ്വർണ്ണ കടത്തു കേസിൽ ആരോപണവിധേയരായ സ്വന്തം പാർട്ടിക്കാരെ രക്ഷിക്കാൻ കേന്ദ്രം കേസന്വേഷണം അട്ടിമറിച്ചു. ആട് കിടന്നിടത്ത് പിന്നെ പൂട പോലുമില്ലാതെ അന്ന് ആവിയായ സ്വർണ്ണക്കടത്ത് കേസിൽ മുഖ്യമന്ത്രിക്കും കുടുംബത്തിനും നേരെ ആരോപണവുമായി സ്വപ്ന സുരേഷ് വരുന്നത് ബിജെപിയുമായി അവർ നടത്തിയ ഗൂഡാലോചനയുടെ ഭാഗമായാണ്. സ്വർണ്ണക്കടത്ത് കേസിനു ശേഷം തനിക്ക് ജോലി നൽകിയതും ചേർത്ത് പിടിച്ചു സഹായിച്ചതും ബിജെപി അനുകൂല NGO സ്ഥാപനമാണെന്ന് സ്വപ്ന സുരേഷ് തന്നെ പറഞ്ഞിട്ടുള്ളതാണ്. മഞ്ചേശ്വരം തെരഞ്ഞെടുപ്പ് കോഴക്കേസിൽ ബിജെപി സംസ്ഥാന അധ്യക്ഷൻ കെ. സുരേന്ദ്രനെതിരെ ജാമ്യമില്ലാ വകുപ്പ് പ്രകാരം കേസ് ചുമത്തിയതിന് തൊട്ടു പിന്നാലെയാണ് സ്വപ്ന സുരേഷിനെ ഉപയോഗിച്ച് നനഞ്ഞ പടക്കത്തിന് തീ കൊടുക്കാൻ വെറുതെ ശ്രമിക്കുന്നത്. വിവരമില്ലാത്ത ഏതോ വടക്കു നോക്കി സംഘിയുടെ തലയിലല്ലാതെ ബിരിയാണിച്ചെമ്പിൽ മുഖ്യമന്ത്രി സ്വർണ്ണം കടത്തി എന്ന വികലഭാവന വിരിയില്ല.

സ്വർണ്ണ കടത്ത് കേസിൽ ആദ്യം തന്നെ സമഗ്രമായ അന്വേഷണം ആവശ്യപ്പെട്ട് കേന്ദ്ര സർക്കാരിനെ സമീപിച്ചത് കേരള സർക്കാരാണ്. കേന്ദ്ര ഏജൻസികൾ സംസ്ഥാന പ്രതിപക്ഷത്തിന്റെ നിർലോഭമായ ഗ്രൗണ്ട് സപ്പോർട്ടോടെ തെരഞ്ഞെടുപ്പ് നേട്ടത്തിനായി കേരളം മുഴുവൻ മണത്തു നടന്നിട്ടും മുഖ്യമന്ത്രിയേയൊ അദ്ദേഹവുമായി ബന്ധപ്പെട്ട ഏതെങ്കിലും വ്യക്തികളെയൊ പ്രതിയാക്കാൻ കഴിഞ്ഞില്ല. ഒരിക്കൽ പൊളിഞ്ഞ അതേ തിരക്കഥയിൽ വീണ്ടും പടമിറക്കി മുഖ്യമന്ത്രിയേയും സർക്കാരിനേയും നിഴലിൽ നിർത്താമെന്നും ജനപക്ഷ സർക്കാരിന്റെ വികസന പദ്ധതികൾ തകർക്കാമെന്നുമുള്ള വ്യാമോഹം ഇവിടെ വേവില്ല. ചീറ്റി പോയ ഒരു തിരക്കഥയുടെ രണ്ടാം ഭാഗത്തിന്റെ ക്വട്ടേഷനുമായുള്ള സ്വപ്ന സുരേഷിന്റെ വാർത്താ സമ്മേളനം പൊതു സമൂഹം അർഹിക്കുന്ന അവജ്ഞതയോടെ തള്ളി കളയുമെന്നും ഡിവൈഎഫ്ഐ പ്രസ്താവനയിൽ പറഞ്ഞു.

07/06/2022

എടവിലങ്ങിൻ്റെ അഭിമാന താരങ്ങൾ

തങ്ങളുടെ കഠിനമായ പ്രയത്നം കൊണ്ട് എടവിലങ്ങിൻ്റെ അഭിമാനമായി മാറിയ താരങ്ങൾ ഞങ്ങളുടെ പ്രിയപ്പെട്ട ഗുരു തുല്യൻ സതീഷേട്ടനെയും
കുറവുകളെ കരുത്താക്കി മാറ്റിയ എടവിലങ്ങിൻ്റെ പ്രിയപ്പെട്ട സഹോദരി ബിന്ദു ചേച്ചിയേയുംDYFI എടവിലങ്ങ് മേഖലാ കമ്മിറ്റിയുടെ നേതൃത്വത്തിൽ DYFI ജില്ലാ കമ്മിറ്റി അംഗം റീമ ഹമീദ് ഉപഹാരം നൽകി ആദരിച്ചു

*ഇനിയും ഒരുപാടുയരങ്ങളിലേക്ക് പാറിപറക്കാൻ പ്രിയപ്പെട്ടവർക്ക് കഴിയട്ടെ...*