11/03/2026
*രണ്ട് പ്രത്യാശാസ്ത്രങ്ങൾ...
*രണ്ട് നിലപാടുകൾ!
വർഷം 2013...
അന്ന് കെ.ബി. ഗണേഷ് കുമാറിനെതിരെ സ്വന്തം ഭാര്യ ഗാർഹിക പീഡന പരാതിയുമായി വന്നപ്പോൾ, അന്നത്തെ മുഖ്യമന്ത്രി ശ്രീ ഉമ്മൻചാണ്ടി എടുത്ത നിലപാട് രാഷ്ട്രീയ ചരിത്രത്തിലെ സമാനതകളില്ലാത്ത അധ്യായമാണ്! ഘടകകക്ഷി നേതാവാണെന്നോ, മന്ത്രിസഭയുടെ നിലനിൽപ്പിന് അത് ഭീഷണിയാകുമെന്നോ അദ്ദേഹം ചിന്തിച്ചില്ല. പരാതി ഉയർന്ന നിമിഷം തന്നെ ഗണേഷിന്റെ രാജി വാങ്ങി അദ്ദേഹം നീതിയുടെ പക്ഷത്ത് നിന്നു. അന്ന് ഇതിനെതിരെ മുറവിളി കൂട്ടിയ സി.പി.എം, ഇന്ന് എവിടെ നിൽക്കുന്നു എന്ന് നാം കാണണം!
വർഷം 2026...
വർഷങ്ങൾക്കിപ്പുറം അതേ വ്യക്തിക്കെതിരെ വീണ്ടും ഗുരുതരമായ ആരോപണങ്ങൾ ഉയരുമ്പോൾ ഇന്നത്തെ മുഖ്യമന്ത്രി പിണറായി വിജയൻ കാണിക്കുന്ന "വേഗത" നീതി നടപ്പാക്കാനല്ല, മറിച്ച് ഒത്തുതീർപ്പുകൾക്കാണ്. ഇരയെ സ്വാധീനിച്ചും അധികാരത്തിന്റെ പവർ "Money is power, and power manipulates everything" എന്ന വാക്കിനെ അന്വർത്ഥമാക്കുന്ന രീതിയിൽ പരാതികൾ ഇല്ലാതാക്കുന്ന ഈ ശൈലി കേരളത്തിന് അപമാനമാണ്! ഗണേഷിനെയും മുകേഷിനെയും പോലെയുള്ളവരെ സംരക്ഷിക്കാൻ പിണറായി കാണിക്കുന്ന ആവേശം സ്ത്രീ സുരക്ഷയോടുള്ള വെല്ലുവിളിയാണ്!
രാഹുൽ മാങ്കൂട്ടത്തിൽ വിഷയവും കോൺഗ്രസ് നിലപാടും:
ഇന്ന് യുവനേതാവ് രാഹുൽ മാങ്കൂട്ടത്തിലിനെതിരെ ആരോപണം ഉയർന്നപ്പോൾ വി.ഡി. സതീശൻ എടുത്ത നിലപാടും ഉമ്മൻചാണ്ടി കാണിച്ച അതേ ആർജ്ജവത്തിന്റെ തുടർച്ചയാണ്!
കമ്മ്യൂണിസ്റ്റുകളുടെ ഉറക്കം കെടുത്തുന്ന നേതാവാണെന്ന് നോക്കാതെ, പാർട്ടിയുടെ ധാർമ്മികത ഉയർത്തിപ്പിടിക്കാൻ അദ്ദേഹത്തെ മാറ്റിനിർത്താൻ കോൺഗ്രസ് തയ്യാറായി! ഇതിൽ അണികളിൽ ചിലർക്കെങ്കിലും മുറിവുണ്ടാകാം, ഉള്ളിൽ അമർഷമുണ്ടാകാം... പക്ഷേ, ഒരു കാര്യം നാം ഓർക്കണം... നീതി നടപ്പാക്കുമ്പോൾ അത് ആദ്യം കയ്പ്പുള്ളതായി തോന്നും, പക്ഷേ അത് സമൂഹത്തിന് നൽകുന്ന ഗുണം മധുരമുള്ളതായിരിക്കും!!
കേരള ജനതയോടുള്ള സന്ദേശം:
തെറ്റ് ചെയ്യുന്നവർ എത്ര വലിയ നേതാവായാലും അവർ ശിക്ഷിക്കപ്പെടണം. അവരെ മാറ്റിനിർത്താനുള്ള കരുത്താണ് ഒരു പ്രസ്ഥാനത്തിന്റെ യഥാർത്ഥ ശക്തി. കുറ്റാരോപിതരെ വെള്ളപൂശുന്ന പിണറായിയുടെ "ഒത്തുതീർപ്പ്" രാഷ്ട്രീയമാണോ, അതോ സ്വന്തം പാർട്ടിക്കാരനെപ്പോലും വിചാരണയ്ക്ക് വിട്ടുകൊടുക്കുന്ന കോൺഗ്രസിന്റെ "നീതിയുടെ" രാഷ്ട്രീയമാണോ ശരിയെന്ന് പൊതുസമൂഹം വിലയിരുത്തട്ടെ!
