ഹരിത രാഷ്ട്രീയം

28/05/2026

28/05/2026

ഈ മുഖം നോക്കൂ...
ഈ കണ്ണീർ കാണൂ...
ഇത് വെറും ഒരു ചിത്രമല്ല, കാരുണ്യത്തിൻ്റെയും അതിജീവനത്തിൻ്റെയും വലിയൊരു ചരിത്രം കുറിച്ച നിമിഷമാണ്.
20 നീണ്ട വർഷങ്ങൾ...

സൗദിയിലെ ഇരുണ്ട തടവറയിൽ, മരണവാറണ്ട് കാത്തുനിന്ന എത്രയോ ദിനരാത്രങ്ങൾ...
ഒടുവിൽ, ഉമ്മയെ അബ്ദുൽ റഹിം പുനർജീവനം പോലെ നെഞ്ചോട് ചേർക്കുന്ന ആ നിമിഷം.

ഇരുവരും പൊട്ടിക്കരഞ്ഞപ്പോൾ അവിടെ തകർന്നു വീണത് 20 വർഷത്തെ വിരഹവും വേദനയുമായിരുന്നു.

​റഹിമിനെ വധശിക്ഷയിൽ നിന്നും തിരികെ ജീവിതത്തിലേക്ക് കൊണ്ട് വന്നത് ലോകമെമ്പാടുമുള്ള മലയാളി സമൂഹത്തിൻ്റെ കെട്ടുറപ്പുള്ള കാരുണ്യമാണ്.

"ദയാധനം" എന്ന പേരിൽ, അവർക്കിടയിൽ ജാതിയോ മതമോ രാഷ്ട്രീയമോ നോക്കാതെ രൂപപ്പെട്ട ആ മനുഷ്യത്വത്തിൻ്റെ വലിയ കൂട്ടായ്മ.

'ജീവ കാരുണ്യത്തിൻ്റെ കേരള മോഡൽ' ലോകത്തിനു തന്നെ വലിയ പാഠമാണ് എന്ന് തെളിയിച്ച നിമിഷം.

ഒരുവൻ്റെ ജീവൻ രക്ഷിക്കാൻ കൈകോർത്ത ലക്ഷക്കണക്കിന് മലയാളികൾക്ക്,
അവരുടെ ആത്മാർത്ഥതയ്ക്ക്,
അവരിലെ നന്മയ്ക്ക് ഈ നിമിഷം ഒരുപിടി സന്തോഷ വാക്കുകൾ നമുക്ക് സമർപ്പിക്കാം.

റഹിമിനും ഉമ്മയ്ക്കും ശിഷ്ടകാലം സമാധാനത്തോടെയും സന്തോഷത്തോടെയും ജീവിക്കാൻ കഴിയട്ടെ.

ഈ ചിത്രം കണ്ടു കണ്ണ് നനയാത്ത ഒരു മലയാളി പോലുമുണ്ടാകാൻ സാധ്യതയില്ല...

23/05/2026

ചിരിക്കുന്ന മുഖ്യമന്ത്രി; ജനങ്ങളുടെ മുഖ്യമന്ത്രി! ❤️
-------------------------------------------------------
​മാധ്യമങ്ങൾക്ക് നേരെ കണ്ണുരുട്ടാത്ത, ചോദ്യം ചോദിക്കുന്നവരോട് 'കടക്ക് പുറത്ത്' എന്ന് ആക്രോശിക്കാത്ത, അഹങ്കാരത്തിന്റെ കരിനിഴലില്ലാത്ത ഒരു മുഖ്യമന്ത്രിയെ ഒടുവിൽ കേരളത്തിന് ലഭിച്ചിരിക്കുന്നു!

ചരിത്രത്തിലാദ്യമായാകും ഇത്രയും ഹൃദ്യമായി പുഞ്ചിരിക്കുന്ന, എല്ലാവരോടും സ്നേഹത്തോടെയും സൌമ്യതയോടെയും ഇടപഴകുന്ന ഒരു ഭരണാധികാരിയെ നമ്മൾ കാണുന്നത്.

​ഭരണമെന്നാൽ ജനങ്ങളെ ഭയപ്പെടുത്തലല്ല, മറിച്ച് അവരെ ചേർത്തുപിടിക്കലാണെന്ന് വി. ഡി. സതീശൻ എന്ന മുഖ്യമന്ത്രി ഓരോ ദിവസവും തെളിയിക്കുകയാണ്.

അധികാരത്തിന്റെ ധാർഷ്ട്യമോ, പരുക്കൻ ഭാവങ്ങളോ ഇല്ലാതെ, തന്നെ കാണാൻ വരുന്ന കൊച്ചുകുട്ടികൾ മുതൽ പ്രായമായവരോട് വരെ ചിരിച്ചും കളിച്ചും വിശേഷങ്ങൾ തിരക്കുന്ന ഈ മനുഷ്യൻ രാഷ്ട്രീയഭേദമന്യേ എല്ലാവരുടെയും മനസ്സു കീഴടക്കുകയാണ്.

​പഴയ ആ 'കടക്ക് പുറത്ത്' സിദ്ധാന്തങ്ങളുടെയും, മാധ്യമങ്ങളെയും ജനങ്ങളെയും ശത്രുക്കളായി കണ്ടിരുന്ന ആ പഴയ ഇരുണ്ട കാലഘട്ടത്തിന്റെയും അന്ത്യം കുറിച്ചുകൊണ്ട്, ജനകീയതയുടെ പുതിയൊരു വസന്തമാണ് ഇപ്പോൾ കേരളത്തിലുള്ളത്.

ചോദ്യങ്ങളെ ഭയക്കാത്ത, വിമർശനങ്ങളെ പുഞ്ചിരിയോടെ നേരിടുന്ന, ജനങ്ങൾക്കിടയിലേക്ക് ഇറങ്ങിച്ചെല്ലുന്ന ഈ മാറ്റമാണ് നമ്മൾ ആഗ്രഹിച്ച യഥാർത്ഥ കേരളം!

​സൗമ്യതയാണ് കരുത്ത്...
പുഞ്ചിരിയാണ് ജനങ്ങളിലേക്കുള്ള വഴി!

കേരളത്തിന്റെ പ്രിയപ്പെട്ട മുഖ്യമന്ത്രിക്ക് ഹൃദയം നിറഞ്ഞ അഭിവാദ്യങ്ങൾ! 🤝

അടിയുറച്ച പിന്തുണ!

​

V D Satheesan UDF Keralam Muslim League Ochira

22/05/2026

ഈ വിലാപം ആര് സഹിക്കും...😢😢
----------------------------------------------------

സംഘപരിവാർ കേന്ദ്രങ്ങളുടെ ഈ ആകുലത കാണുമ്പോൾ ഉള്ളിൽ വരുന്നത് ഒരേയൊരു ചിന്തയാണ്—അയൽക്കാരന്റെ വീട്ടിലെ പായസം മധുരിച്ചില്ലെന്ന് പറഞ്ഞ് സ്വന്തം വീട്ടിലെ അടുപ്പ് തല്ലിപ്പൊളിക്കുന്ന അവസ്ഥ!

യു.ഡി.എഫിൽ ആര് രണ്ടാമൻ, ആര് മൂന്നാമൻ എന്ന് നോക്കി ഇവിടെ ചിലർ ഉറക്കമൊഴിക്കുകയാണ്. ഭരണഘടനയും ജനാധിപത്യവും അനുസരിച്ച് മുന്നോട്ട് പോകുന്ന ഒരു കൂട്ടായ്മയിൽ എല്ലാവരും ഒന്നിനൊന്ന് പ്രധാനപ്പെട്ടവരാണ്.

അതിനിടയിലാണ് സ്കെയിലും കോമ്പസുമായി വന്ന് റാങ്ക് ലിസ്റ്റ് അളക്കാൻ നോക്കുന്നത്. സ്വന്തം പാർട്ടിയിൽ മുകളിൽ ഇരിക്കുന്നവർ കഴിഞ്ഞാൽ പിന്നെ ആരാണെന്ന് ചോദിച്ചാൽ പരസ്പരം നോക്കി പേടിക്കുന്നവരാണ് ഇവിടെ വന്ന് മറ്റുള്ളവരുടെ സീറ്റ് ബെൽറ്റ് പരിശോധിക്കുന്നത്.

ശ്രീ രമേശ് ചെന്നിത്തലയും കുഞ്ഞാലിക്കുട്ടിയും പതിറ്റാണ്ടുകളായി ഒന്നിച്ച് ഒരേ മേശക്ക് ഇരുപുറവും ഇരുന്ന് രാഷ്ട്രീയം കൈകാര്യം ചെയ്യുന്നവരും പരസ്പരം നന്നായി അറിയുന്നവരുമാണ്. ആ കെട്ടുറപ്പ് തകർക്കാൻ നോക്കുന്നവരുടെ കയ്യിലിരിപ്പ് കണ്ട് ചിരിക്കാനേ വകയുള്ളൂ.

​ആഭ്യന്തര മന്ത്രിയാണ് രണ്ടാമൻ എന്നൊക്കെ ഏത് രാഷ്ട്രീയ പുസ്തകത്തിലാണ് എഴുതിവെച്ചിട്ടുള്ളത്? അത് കേന്ദ്രത്തിലെ നിങ്ങളുടെ ഭയത്തിന്റെ രാഷ്ട്രീയം വെച്ചുള്ള സമവാക്യമായിരിക്കും. ഇവിടെ കേരളത്തിൽ മുന്നണി രാഷ്ട്രീയമാണ് നടക്കുന്നത്.

അവിടെ ഘടകകക്ഷികളുടെ പ്രാധാന്യവും സീനിയോറിറ്റിയും പരസ്പര ബഹുമാനവുമാണ് മാനദണ്ഡം. ഇതൊന്നും അറിയാത്തത് കൊണ്ടല്ല, 'മുസ്‌ലിം ലീഗ്' എന്ന പേര് കേൾക്കുമ്പോൾ ഉള്ളിൽ തികട്ടി വരുന്ന ആ പ്രത്യേക തരം അസൂയയും കുശുമ്പും പുറത്തെടുക്കാൻ ഒരു അവസരം നോക്കി ഇരുന്നതാണ്.

ഞങ്ങളുടെ വീട്ടിൽ ആര് എവിടെ ഇരിക്കണമെന്ന് ഞങ്ങൾ തീരുമാനിച്ചോളാം, അതിന് അയൽവക്കത്തെ സംഘി ചേട്ടൻ വല്ലാതെ വിഷമിച്ച് ബിപി കൂട്ടേണ്ടതില്ല.
​രമേശ് ചെന്നിത്തലയ്ക്കും കുഞ്ഞാലിക്കുട്ടിക്കും ഇല്ലാത്ത എന്ത് സങ്കടമാണ് ഈ വഴിപോക്കർക്ക്?

സ്വന്തം പാർട്ടിയിൽ ഒരു ജനാധിപത്യ ചർച്ച പോലും നടത്താൻ ആളില്ലാത്തതിന്റെ കുശുമ്പ് മറ്റുള്ളവരുടെ മേൽ തീർക്കാൻ വരരുത്. കോൺഗ്രസും മുസ്‌ലിം ലീഗും തമ്മിലുള്ള ബന്ധത്തിന്റെ ആഴം അളക്കാൻ നിങ്ങളുടെ കയ്യിലുള്ള വർഗീയതയുടെ ടേപ്പ് ഒട്ടും പോരാതെ വരും.

രാഷ്ട്രീയത്തിലെ സീനിയോറിറ്റിയും മുന്നണി മര്യാദകളും ചർച്ച ചെയ്താണ് ഇവിടെ കാര്യങ്ങൾ തീരുമാനിക്കുന്നത്.

സംഘപരിവാര അജണ്ടകൾക്ക് വിരുദ്ധമായി യു.ഡി.എഫ് സർക്കാരിൻ്റെ സത്യപ്രതിജ്ഞക്ക് പ്രധാന സ്‌റ്റേജിൽ വിവിധ കക്ഷിനേതാക്കൾക്കൊപ്പം സ്ഥാനം പിടിച്ച Rajeev Chandrasekhar നെതിരിൽ കമായെന്നൊരക്ഷരം ഉരിയാടാൻ കഴിയാത്ത V Muraleedharan അവർകളുടെ ഈ വെപ്രാളത്തിന് കേരളീയർക്കിടയിൽ യാതോരു വേരോട്ടവും ലഭിക്കില്ല എന്ന് പ്രത്യേകം ഓർമ്മപ്പെടുത്തേണ്ടതില്ലല്ലോ!

വർഗീയ കണ്ണടയിലൂടെ നോക്കിക്കണ്ട് വോട്ട് ബാങ്ക് രാഷ്ട്രീയം കളിക്കുന്ന സംഘപരിവാർ തന്ത്രങ്ങളെ ഇത്തരത്തിൽ ചിരിച്ചു തള്ളുകയേ നിവൃത്തിയുള്ളൂ.

Kattoor Basheer K.C. Venugopal ശശികല ടീച്ചർ CR.Mahesh UDF Keralam V D Satheesan PKB Brigade

18/05/2026

കടലിലും വിഷം കലർത്തുന്ന സംഘപരിവാരങ്ങൾ അറിയാൻ
-------------------------------------------------

ഫിഷറീസ് വകുപ്പ് ഒരു ജനവിഭാഗത്തിനോ മതത്തിനോ വേണ്ടി മാത്രം ഉണ്ടാക്കിയ വകുപ്പല്ല.

മറിച്ച്, കടലിനോടും തീരദേശ ജനതയോടും ജീവിതം കെട്ടിപ്പിണഞ്ഞ ആയിരക്കണക്കിന് മത്സ്യത്തൊഴിലാളികളുടെ അവകാശങ്ങളും ജീവനോപാധിയും സംരക്ഷിക്കാനുള്ള ഭരണഘടനാപരമായ ഉത്തരവാദിത്വമാണ് അത്.

അതിനെ “ജിഹാദി അജണ്ട”യുമായി ബന്ധിപ്പിച്ച് ഒരു സമുദായത്തെ മുഴുവൻ അപമാനിക്കാൻ ശ്രമിക്കുന്നത് രാഷ്ട്രീയ ദാരിദ്ര്യവും അപകടകരമായ വർഗീയ വിഷവുമാണ്.

മാറാട് പോലുള്ള ദാരുണ സംഭവങ്ങളെ ഇന്നും മുസ്‌ലിം വിരുദ്ധ പ്രചാരണത്തിനായി ഉപയോഗിക്കുന്നത് സമൂഹത്തിൽ ഭിന്നതയും വെറുപ്പും മാത്രം വളർത്തും.

കേരളത്തിലെ തീരപ്രദേശങ്ങൾ ഒരു മതത്തിന്റെയോ പാർട്ടിയുടെയോ സ്വകാര്യ സ്വത്തല്ല. അവിടെ ജീവിക്കുന്നവർ മലയാളികളാണ്, തൊഴിലാളികളാണ്, മനുഷ്യരാണ്.

അവരുടെ വികസനവും സുരക്ഷയും ഉറപ്പാക്കേണ്ട വകുപ്പിനെ പോലും വർഗീയ കണ്ണാടിയിലൂടെ കാണുന്ന മനോഭാവമാണ് യഥാർത്ഥ ആശങ്ക.

അതിലും രസകരം, “രാജ്യത്തെ രക്ഷിക്കാം” എന്ന് പറഞ്ഞ് നടക്കുന്നവർക്ക് ഇന്നും ഒരു മത്സ്യബന്ധന വകുപ്പ് പോലും മതത്തിന്റെ കണ്ണാടിയില്ലാതെ കാണാൻ കഴിയുന്നില്ല എന്നതാണ്.

മീൻപിടിത്ത തൊഴിലാളികളുടെ ജീവിതപ്രശ്നങ്ങളെ കുറിച്ച് ഒരു വാക്കുപോലും പറയാതെ “ജിഹാദ്” കണ്ടുപിടിക്കുന്ന ഈ രാഷ്ട്രീയത്തിന് കടലിന്റെ ഉപ്പിനേക്കാൾ കൂടുതലാണ് ഇവരുടെ വർഗീയതയുടെ കാഠിന്യം.

വിഷം കലർത്തിയ രാഷ്ട്രീയം ദിവസവും വിളമ്പുന്ന ചിലർക്ക് എല്ലാ വകുപ്പുകളിലും എല്ലാ മനുഷ്യരിലും ഒരു ശത്രുവിനെ കണ്ടെത്തണം.

കാരണം ജനങ്ങളുടെ യഥാർത്ഥ പ്രശ്നങ്ങളെക്കുറിച്ച് സംസാരിച്ചാൽ അവരുടെ രാഷ്ട്രീയത്തിന് നിലനിൽപ്പ് ഇല്ല.

തൊഴിലില്ലായ്മ, വിലക്കയറ്റം, തീരശോഷണം, മത്സ്യത്തൊഴിലാളികളുടെ ദുരിതം — ഇതൊന്നും ചർച്ച ചെയ്യാതെ “ജിഹാദ്” എന്ന പഴയ കാസറ്റ് വീണ്ടും പ്ലേ ചെയ്യുകയാണ്.

മുസ്‌ലിംലീഗ് എന്ന പ്രസ്ഥാനം കേരളത്തിന്റെ ജനാധിപത്യ-മതേതര രാഷ്ട്രീയ പാരമ്പര്യത്തിന്റെ ഭാഗമാണ്.

വിദ്യാഭ്യാസം, ആരോഗ്യം, ന്യൂനപക്ഷ-പിന്നാക്ക വിഭാഗങ്ങളുടെ പുരോഗതി, തീരദേശ വികസനം തുടങ്ങി ഒട്ടേറെ മേഖലകളിൽ സംഭാവന ചെയ്ത ചരിത്രം ജനങ്ങൾക്കറിയാം.

അതുകൊണ്ട് വിഷം തുപ്പുന്ന പ്രസ്താവനകൾ കൊണ്ട് ജനങ്ങളെ ഭയപ്പെടുത്താമെന്ന് ആരും കരുതേണ്ട.

കേരളം സംഘപരിവാർ പരീക്ഷണശാലയാകില്ല. ഇവിടെ മതത്തിന്റെ പേരിൽ മനുഷ്യരെ വേർതിരിക്കാൻ ശ്രമിക്കുന്ന രാഷ്ട്രീയം ജനങ്ങൾ നേരത്തെ തന്നെ തള്ളിക്കളഞ്ഞതാണ്.

കടലിനെ പോലും വർഗീയമാക്കാൻ ശ്രമിക്കുന്നവർക്കുള്ള ഏറ്റവും വലിയ മറുപടി — കേരളത്തിന്റെ മതേതര മനസ്സാണ്.

ശശികല ടീച്ചർ
Kattoor Basheer
Sunny Joseph
K.C. Venugopal

CR.Mahesh
UDF Keralam
V D Satheesan
Shanimol Osman

Baba Alexander

18/05/2026

ആശംസകൾ ..._🌹🌹🌹❤️

അഭിനന്ദനങ്ങൾ....❤️❤️❤️❤️

Kattoor Basheer
Sunny Joseph
Shashi Tharoor
K.C. Venugopal
CR.Mahesh
V D Satheesan
Shanimol Osman
Baba Alexander
UDF Keralam

14/05/2026

നിയുക്ത മുഖ്യമന്ത്രി പ്രിയ സുഹൃത്ത് വി.ഡി സതീശന് അഭിവാദ്യങ്ങൾ.❤️❤️❤️

10 വർഷം നീണ്ട ഒരു ദുർഭരണത്തെ താഴെയിറക്കാൻ ഒരു വലിയ ജനകീയ പോരാട്ടത്തിന് നേതൃത്വം നൽകിയതിന്റെ അംഗീകരമായിട്ടാണ് ഈ നിയോഗത്തെ കണക്കാക്കേണ്ടത്.🌹🌹🌹

ഇത് യു.ഡി.എഫിന്റെ സദ്ഭരണം ആഗ്രഹിച്ച വോട്ട് ചെയ്ത ഓരോ മലയാളിക്കുമുള്ള അംഗീകാരമാണ്. ❤️❤️❤️

നല്ല നാടിന് വേണ്ടി നമുക്ക് ഒറ്റക്കെട്ടായി മുന്നേറാം.❤️❤️❤️

P K Basheer
K.C. Venugopal
Sunny Joseph
Kattoor Basheer
MV Govindan Master
CR.Mahesh
Shashi Tharoor
ശശികല ടീച്ചർ

14/05/2026

നായര് പിടിച്ച പുലിവാൽ ....
കൂട്ടിന് വെള്ളാപ്പള്ളിയും....

ഇലക്ഷൻ റിസൾട്ട് വന്ന് യുഡിഎഫ് അധികാരത്തിന്റെ പടവുകൾ കയറാൻ തുടങ്ങുമ്പോഴേക്കും അവകാശവാദങ്ങളുടെ കെട്ടഴിച്ചുവിട്ടു കൊണ്ട് ചില 'അവകാശികൾ'

രംഗത്തെത്തിയിരിക്കുകയാണ്. ഇടതുപക്ഷത്തിന്റെ തണലിൽ ഇത്രകാലം തഴച്ചുവളരുകയും പിണറായി വിജയന്റെ വിശ്വസ്ത സേവകരായി വേഷമിടുകയും ചെയ്ത വെള്ളാപ്പള്ളി നടേശനും ജി. സുകുമാരൻ നായരും ഇപ്പോൾ യുഡിഎഫിന്റെ വിജയശിൽപികളായി വേഷം മാറുന്നത് കാണുമ്പോൾ വൈക്കം മുഹമ്മദ് ബഷീറിന്റെ 'വിശ്വവിഖ്യാതമായ മൂക്കിലെ' മൂക്കൻ പ്രഭുവിനെയാണ് ഓർമ്മ വരുന്നത്.

ലോകത്ത് എവിടെ എന്ത് സംഭവിച്ചാലും അതിന്റെ പിന്നിൽ താനാണെന്ന് അവകാശപ്പെട്ട ആ കഥാനായകന്റെ അപരരൂപങ്ങളായി ഇവർ മാറിയിരിക്കുന്നു.

തിരഞ്ഞെടുപ്പ് കാലത്ത് യുഡിഎഫിനെ കുറിച്ചോ മുസ്‌ലിം ലീഗിനെ കുറിച്ചോ ഒരക്ഷരം മിണ്ടാതിരുന്നവർ, ഇപ്പോൾ പെട്ടി തുറന്നപ്പോൾ വിജയത്തിന്റെ ക്രെഡിറ്റ് മുഴുവൻ സ്വന്തം പോക്കറ്റിലാക്കാൻ നടത്തുന്ന തത്രപ്പാട് വെറും പരിഹാസ്യം മാത്രമാണ്.

​വിദ്യാഭ്യാസ വകുപ്പ് മുസ്‌ലിം ലീഗിന് നൽകരുത് എന്നതാണ് ഇവരുടെ പുതിയ പല്ലവി. പതിറ്റാണ്ടുകളായി മുസ്‌ലിം ലീഗ് കൈകാര്യം ചെയ്യുന്ന ഈ വകുപ്പ് കേരളത്തിലെ എല്ലാ വിഭാഗം ജനങ്ങൾക്കും നീതി ഉറപ്പാക്കിക്കൊണ്ടാണ് മുന്നോട്ട് പോയിട്ടുള്ളത്.

എന്നാൽ ഇപ്പോൾ പെട്ടെന്നുണ്ടായ ഈ 'വിദ്യാഭ്യാസ സ്നേഹത്തിന്' പിന്നിൽ കൃത്യമായ കച്ചവടക്കണ്ണുണ്ടെന്ന് സാമാന്യ ബുദ്ധിയുള്ള ആർക്കും മനസ്സിലാക്കാവുന്നതേയുള്ളൂ.

അടുത്ത അഞ്ചു വർഷം തങ്ങളുടെ വിദ്യാഭ്യാസ സ്ഥാപനങ്ങൾ തടസ്സമില്ലാതെ കച്ചവടം നടത്തണമെങ്കിൽ അധികാരത്തിന്റെ അരികിൽ പറ്റിനിൽക്കണമെന്ന ബോധ്യം ഇവർക്കുണ്ട്.

സംഘപരിവാറിന്റെ അജണ്ടകൾക്ക് കേരളത്തിൽ കുഴലൂത്ത് നടത്തിയവർ, യുഡിഎഫിന്റെ വിജയത്തിൽ അവകാശവാദം ഉന്നയിക്കുന്നത് നായർ പിടിച്ച പുലിവാല് പോലെയാണ്. പിടിച്ച പിടുത്തം വിടാനും വയ്യ, എന്നാൽ പുലി കടിക്കുമോ എന്ന പേടിയും.

​സമുദായത്തിന്റെ പേരിൽ വിലപേശൽ നടത്തുന്ന ഇവർ യഥാർത്ഥത്തിൽ സ്വന്തം താത്പര്യങ്ങൾക്ക് വേണ്ടിയാണ് നിലകൊള്ളുന്നത്.

എൽഡിഎഫിന് വേണ്ടി വോട്ട് ചോദിക്കുകയും പിണറായിയെ സ്തുതിച്ചു നടക്കുകയും ചെയ്തവർ ഇപ്പോൾ വിജയത്തിന്റെ മധുരം നുണയാൻ ഓടിവരുന്നത് രാഷ്ട്രീയ ധാർമ്മികതയ്ക്ക് നിരക്കാത്തതാണ്.

യുഡിഎഫ് അധികാരത്തിൽ വരുന്നത് കേരളത്തിലെ പ്രബുദ്ധരായ ജനങ്ങൾ ജനാധിപത്യപരമായ മാറ്റം ആഗ്രഹിച്ചത് കൊണ്ടാണ്, അല്ലാതെ ഈ രണ്ട് നേതാക്കളുടെ ഔദാര്യം കൊണ്ടല്ല.

ആനപ്പുറത്ത് ഇരിക്കുന്നവൻ തന്റെ തണലിലാണ് ഭൂമി നീങ്ങുന്നത് എന്ന് കരുതുന്നത് പോലെയാണ് ഇവരുടെ അവകാശവാദങ്ങൾ. മുസ്‌ലിം ലീഗിനെ പോലുള്ള ഒരു കക്ഷിയെ തഴയാൻ ഇവർ നൽകുന്ന ഉപദേശങ്ങൾ വെറും പാഴ്വാക്കുകൾ മാത്രമാണ്.

അധികാരം വരുമ്പോൾ അരുമകളാകാനും അല്ലാത്തപ്പോൾ പാരയാകാനും നോക്കുന്ന ഇത്തരം കാപട്യങ്ങളെ തിരിച്ചറിയാൻ ജനങ്ങൾക്ക് സാധിക്കും.

Kattoor Basheer
Sunny Joseph
Shashi Tharoor
K.C. Venugopal
MV Govindan Master
ശശികല ടീച്ചർ
CR.Mahesh
UDF Keralam
V D Satheesan

11/05/2026

ഇന്ത്യൻ ഭരണഘടനയുടെ അന്തസ്സത്തയെയും ജനാധിപത്യ മൂല്യങ്ങളെയും വെല്ലുവിളിക്കുന്ന വി. മുരളീധരന്റെയും സംഘപരിവാറിന്റെയും പ്രസ്താവനകൾ കേരളത്തിന്റെ മണ്ണിൽ വിലപ്പോകില്ലെന്ന് ഇവർ ഇനി എന്ന് തിരിച്ചറിയും?

ഇന്ത്യൻ ഭരണഘടനയനുസരിച്ച് പ്രവർത്തിക്കുന്ന, ഈ രാജ്യത്തെ ലക്ഷക്കണക്കിന് പൗരന്മാരുടെ പിന്തുണയുള്ള ഒരു രാഷ്ട്രീയ പ്രസ്ഥാനത്തിന് എന്ത് പദവി നൽകണമെന്ന് തീരുമാനിക്കേണ്ടത് നാഗ്പൂരിലെ ശാഖകളിൽ നിന്നുള്ള കൽപനകളല്ല.

മറിച്ച്, ജനവിധിയിലൂടെ അധികാരത്തിൽ വരുന്ന ജനാധിപത്യ സർക്കാരുകളാണ്.

​ഇസ്‌ലാം മതവിശ്വാസികളെയും മുസ്‌ലിം ലീഗ് പോലുള്ള പ്രസ്ഥാനങ്ങളെയും നിരന്തരം വേട്ടയാടാനും വർഗീയ വിഷം ചീറ്റി വോട്ട് ബാങ്ക് രാഷ്ട്രീയമുണ്ടാക്കാനും ശ്രമിക്കുന്ന V Muraleedharan നും ശശികല ടീച്ചർഉം ഒന്നോർക്കുക; കേരളം എന്നും മതനിരപേക്ഷതയുടെ കാവലാളാണ്.

ഇവിടെ ഭിന്നിപ്പിന്റെ വിത്തുകൾ വിതച്ച് അധികാരം കൊയ്യാമെന്നത് നിങ്ങളുടെ വ്യാമോഹം മാത്രമാണ്.

കേരളത്തിലെ ജനങ്ങൾക്കിടയിൽ വിദ്വേഷത്തിന്റെ മതിലുകൾ പണിയാനുള്ള ഇത്തരം നീക്കങ്ങളെ ഒന്നിച്ച് നിന്ന് ചെറുക്കുക തന്നെ ചെയ്യും.

​ഭരണഘടനാപരമായ അവകാശങ്ങളെ ചോദ്യം ചെയ്യാൻ ആർക്കും അധികാരമില്ല.

മുരളിധരന്റെ വർഗീയ പ്രസ്താവനകൾക്കും ശശികല ടീച്ചറുടെ വിദ്വേഷ പ്രചാരണങ്ങൾക്കും ജനാധിപത്യ രീതിയിലുള്ള ശക്തമായ തിരിച്ചടി കേരളം നൽകുക തന്നെ ചെയ്യും.

വർഗീയതയ്ക്ക് ഇവിടെ സ്ഥാനമില്ല, ഇത് മതനിരപേക്ഷതയുടെ മണ്ണാണ്!

​