http://keralapolice.gov.in/page/ranges

DIG Kannur Range, KANNUR, Kannur (2026)

10/10/2026

'മൈ പോലീസ് സ്റ്റേഷൻ പദ്ധതി': കാസറഗോഡ് ജില്ലാ പോലീസ് ഓഫീസ് പരിസരത്ത് ഫലവൃക്ഷത്തൈകൾ നട്ടുപിടിപ്പിച്ചു.
_____________________________
കേരള പോലീസ് നടപ്പിലാക്കിവരുന്ന "മൈ പോലീസ് സ്റ്റേഷൻ" പദ്ധതിയുടെ ഭാഗമായി പോലീസ് സ്റ്റേഷനുകളും ഓഫീസുകളും ശുചീകരിക്കുകയും ഹരിതാഭമാക്കുകയും ചെയ്യുന്ന പ്രവർത്തനമായി ഭാഗമായി കാസറഗോഡ് ജില്ലാ പോലീസ് ഓഫീസ് പരിസരം ശുചീകരിച്ച ശേഷം വിവിധയിനം ഫലവൃക്ഷത്തൈകൾ നട്ടുപിടിപ്പിച്ചു.

ജില്ലാ പോലീസ് മേധാവി നിധിൻരാജ് പി. ഐ.പി.എസ്, അഡീഷണൽ എസ്.പി കരുണാകരൻ, കാസറഗോഡ് എ.എസ്.പി അച്യുത് അശോക് ഐ.പി.എസ്, നാർക്കോട്ടിക് സെൽ ഡിവൈ.എസ്.പി ഡോ. ബാലകൃഷ്ണൻ, ഡി.സി.ആർ.ബി ഡിവൈ.എസ്.പി മുരളീധരൻ, കാഞ്ഞങ്ങാട് ഡിവൈ.എസ്.പി എം.വി. അനിൽകുമാർ, ബേക്കൽ ഡിവൈ.എസ്.പി വിനോദ് കുമാർ, ജില്ലാ ഹെഡ്ക്വാർട്ടേഴ്സ് അസിസ്റ്റന്റ് കമാൻഡന്റിന്റെ ചുമതല വഹിക്കുന്ന സ്പെഷ്യൽ മൊബൈൽ സ്‌ക്വാഡ് ഡിവൈ.എസ്.പി ഉത്തംദാസ് ടി. എന്നിവർ ചേർന്ന് ജില്ലാ പോലീസ് ഓഫീസ് സമുച്ചയ പരിസരത്ത് വൃക്ഷത്തൈകൾ നട്ടു.
ചടങ്ങിൽ ഹെഡ്ക്വാർട്ടേഴ്സ് ഇൻസ്പെക്ടർ മുകുന്ദൻ ടി., റിസർവ് സബ് ഇൻസ്പെക്ടർ നാരായണൻ കെ. എന്നിവരും ജില്ലയിലെ വിവിധ പോലീസ് സ്റ്റേഷനുകളിലെ ഇൻസ്പെക്ടർമാരും (എസ്.എച്ച്.ഒമാർ) മറ്റ് ഉദ്യോഗസ്ഥരും പങ്കെടുത്തു.

09/10/2026

നീലേശ്വരത്ത് വൻ ലഹരിവേട്ട: 665.67 ഗ്രാം എം.ഡി.എം.എയുമായി നാലുപേർ പിടിയിൽ
---------------------------------
നീലേശ്വരം: ട്രെയിൻ മാർഗ്ഗം കടത്തുകയായിരുന്ന വിപണിയിൽ കാൽക്കോടിയോളം രൂപ വിലമതിക്കുന്ന വാണിജ്യ അളവിലുള്ള എം.ഡി.എം.എയുമായി (M**A) നാല് യുവാക്കൾ നീലേശ്വരത്ത് പോലീസിന്റെ പിടിയിലായി. മംഗൽപാടി സോങ്കാൽ പ്രതാപ് നഗർ സ്വദേശികളായ അഹമ്മദ് റുക്ഷാദ് പി.എച്ച് (33), അബ്ദുൾ ഹമീദ് ബി (30) എന്നിവരെയാണ് നീലേശ്വരം റെയിൽവേ സ്റ്റേഷൻ പരിസരത്തുനിന്നും ആദ്യം പോലീസ് അറസ്റ്റ് ചെയ്തത്. ഇവരിൽനിന്ന് വിപണിയിൽ കാൽക്കോടിയോളം രൂപ വിലവരുന്ന 665.67 ഗ്രാം എം.ഡി.എം.എ പിടിച്ചെടുത്തു. തുടർന്ന് ഇവർക്ക് മയക്കുമരുന്ന് കച്ചവടത്തിനും വിതരണത്തിനും മറ്റും ഒത്താശ നടത്തിയ മൂന്നും നാലും പ്രതികളായ മഞ്ചേശ്വരം സോങ്കാൽ പ്രതാപ് നഗർ സ്വദേശികളായ നൗഷാദലി (40), യൂസഫ് അഫ്സൽ (35) എന്നിവരെ നീലേശ്വരം റെയിൽവേ ഓവർബ്രിഡ്ജിന് താഴെ നിർത്തിയിട്ടിരുന്ന കാറിൽനിന്നും പിടികൂടുകയായിരുന്നു

ഡൽഹിയിൽ നിന്ന് വരുന്ന മംഗള എക്സ്പ്രസ് ട്രെയിനിൽ നിരോധിത ലഹരിമരുന്നുമായി രണ്ടുപേർ എത്തുന്നുണ്ടെന്നും ഇവർ നീലേശ്വരത്ത് ഇറങ്ങാൻ സാധ്യതയുണ്ടെന്നും വ്യാഴാഴ്ച രാവിലെ നീലേശ്വരം സബ് ഇൻസ്പെക്ടർ സാബു സി.എമ്മിന് രഹസ്യവിവരം ലഭിച്ചിരുന്നു. തുടർന്ന് എസ്.ഐയുടെ നേതൃത്വത്തിൽ പോലീസുകാരായ ഓമനക്കുട്ടൻ, ശ്രീജിത്ത്, വിനീഷ്, രമേശൻ എന്നിവരടങ്ങുന്ന സംഘം റെയിൽവേ സ്റ്റേഷനിൽ നിരീക്ഷണം ശക്തമാക്കി. ട്രെയിനിൽ നിന്നിറങ്ങി റോഡിലേക്ക് നടന്നുപോവുകയായിരുന്ന പ്രതികളെ സംശയം തോന്നി തടഞ്ഞുനിർത്തി ചോദ്യം ചെയ്യുകയായിരുന്നു. ഹോസ്‌ദുർഗ്ഗ് ഇൻസ്പെക്ടർ ഷൈൻ കെ.പിയുടെ നേതൃത്വത്തിലായിരുന്നു തുടർ നടപടികൾ പൂർത്തിയാക്കിയത്.

ഒന്നാം പ്രതി റുക്ഷാദിന്റെ ബാഗിൽ ടി-ഷർട്ടിനുള്ളിൽ പ്ലാസ്റ്റിക് കവറിൽ ഒളിപ്പിച്ച നിലയിലായിരുന്നു 665.67 ഗ്രാം ലഹരിമരുന്ന്. റുക്ഷാദിന്റെ പക്കൽ നിന്ന് 28,530 രൂപ കണ്ടെടുത്തു.
രണ്ടാം പ്രതി അബ്ദുൾ ഹമീദിന്റെ ബാഗിൽ നിന്ന് ലഹരി അളന്നുവിൽക്കാൻ ഉപയോഗിക്കുന്ന ഡിജിറ്റൽ ഇലക്ട്രോണിക് തുലാസും ഗൂഗിൾ പേ സ്കാനർ കാർഡും കണ്ടെത്തി.

പഞ്ചാബിൽ നിന്നാണ് എം.ഡി.എം.എ വാങ്ങിയതെന്ന് ചോദ്യം ചെയ്യലിൽ പ്രതികൾ സമ്മതിച്ചു. കാസറഗോഡ് സ്റ്റേഷനിൽ ഇറങ്ങാനായിരുന്നു പ്രാഥമിക പദ്ധതിയെങ്കിലും പ്ലാറ്റ്‌ഫോമിൽ പോലീസിനെ കണ്ട് ഭയന്നതിനാലാണ് നീലേശ്വരത്ത് ഇറങ്ങിയതെന്നും ഇവർ വെളിപ്പെടുത്തി.
നടപടികൾ പൂർത്തിയാക്കി പ്രതികളുടെ അറസ്റ്റ് രേഖപ്പെടുത്തി. നീലേശ്വരം പോലീസ് സ്റ്റേഷനിൽ ക്രൈം നമ്പർ 511/2026 ആയി കേസ് രജിസ്റ്റർ ചെയ്തു.

09/10/2026

സൈബർ കുറ്റകൃത്യങ്ങളിലൂടെ തട്ടിയെടുക്കുന്ന പണം വെളുപ്പിക്കാൻ തട്ടിപ്പുകാർ നിങ്ങളുടെ ബാങ്ക് അക്കൗണ്ട് ദുരുപയോഗം ചെയ്യുന്നതാണ് മ്യൂൾ അക്കൗണ്ട് തട്ടിപ്പ്. പണം മോഹിച്ച് നിങ്ങളുടെ അക്കൗണ്ട് നൽകിയാൽ കേസിൽ നിങ്ങളും നിയമപരമായി പ്രതിയാകും. അക്കൗണ്ട് വിവരങ്ങൾ ആർക്കും നൽകരുത്.
ഇത് പരമാവധി ഷെയർ ചെയ്യുക. കൂടുതൽ വിവരങ്ങൾക്ക് DIG Kannur Range ഔദ്യോഗിക ഇൻസ്റ്റാഗ്രാം, ഫേസ്ബുക്ക് പേജുകൾ സന്ദർശിക്കുക. സൈബർ തട്ടിപ്പിനിരയായാൽ ഉടൻ 1930 എന്ന നമ്പറിലോ cybercrime.gov.in വഴിയോ പരാതിപ്പെടുക.

05/10/2026

ചെന്നൈയിൽ നഷ്ടമായ ഫോൺ മലപ്പുറത്ത് നിന്ന് കണ്ടെത്തി തിരികെ നൽകി

- കേരളാ പോലീസിന് പ്രശംസയും നന്ദിയുമായി ചെന്നൈ സ്വദേശി

വൈത്തിരി: ചെന്നൈയിൽ നഷ്ടമായ മൊബൈൽ ഫോൺ കേരളത്തിൽ നിന്ന് കണ്ടെത്തി ഉടമയ്ക്ക് തിരികെ നൽകി വയനാട് പോലീസ്. ഫോൺ തിരികെ ലഭിച്ചതിന് ചെന്നൈ സ്വദേശി സത്യ വീഡിയോ സന്ദേശത്തിലൂടെ കേരളാ പോലീസിനും ഫോൺ കണ്ടെത്തിയ പോലീസ് ഉദ്യോഗസ്ഥർക്കും നന്ദിയും പ്രശംസയും അറിയിച്ചു. സത്യയുടെ പിതാവിന്റെ മൊബൈൽ ഫോണാണ് കഴിഞ്ഞ ജൂൺ മാസത്തിൽ ചെന്നൈയിലെ സെലയൂർ പോലീസ് സ്റ്റേഷൻ പരിധിയിൽ നഷ്ടമായത്. തുടർന്ന് സെലയൂർ പോലീസ് സ്റ്റേഷനിൽ പരാതി നൽകുകയും സെൻട്രൽ എക്യുപ്‌മെന്റ് ഐഡന്റിറ്റി രജിസ്റ്റർ (CEIR) പോർട്ടലിൽ ഫോൺ നഷ്ടപ്പെട്ടതായി രജിസ്റ്റർ ചെയ്യുകയും ചെയ്തു.

CEIR പോർട്ടലിലെ ‘Shared Traceability Details’ സംവിധാനത്തിലൂടെ ഫോൺ ലൊക്കേഷൻ വൈത്തിരി പോലീസ് സ്റ്റേഷൻ പരിധിയിലാണെന്ന് കണ്ടെത്തി. തുടർന്ന് സെലയൂർ പോലീസ് സ്റ്റേഷനിൽ നിന്നുള്ള പെറ്റീഷൻ വൈത്തിരി പോലീസ് സ്റ്റേഷനിലേക്ക് കൈമാറുകയായിരുന്നു.
തുടർന്ന് സൈബർ സെല്ലിന്റെ സഹായത്തോടെ സിവിൽ പോലീസ് ഓഫീസർ പി.പി. ആഷിഖിന്റെ നേതൃത്വത്തിൽ നടത്തിയ അന്വേഷണത്തിലാണ് ഫോൺ മലപ്പുറം തിരൂരങ്ങാടിയിൽ നിന്ന് കണ്ടെത്തിയത്. ഫോൺ സുരക്ഷിതമായി വീണ്ടെടുത്ത ശേഷം, ദൂരവും പരാതിക്കാരന്റെ സാഹചര്യവും പരിഗണിച്ച് ആഷിഖ് തന്നെ കൊറിയർ മുഖേന ചെന്നൈയിലെ വിലാസത്തിലേക്ക് ഫോൺ അയച്ചുനൽകുകയായിരുന്നു.

ഫോൺ ലഭിച്ചതിന് പിന്നാലെയാണ് സത്യ കേരളാ പോലീസിന് നന്ദിയറിയിച്ച് വീഡിയോ സന്ദേശം പങ്കുവെച്ചത്. തന്റെ പിതാവിന്റെ ആദ്യത്തെ സ്മാർട്ട്‌ഫോൺ തിരികെ ലഭിച്ചതിൽ താനും കുടുംബവും ഏറെ സന്തോഷത്തിലാണെന്ന് സത്യ പറഞ്ഞു. കേരളാ പോലീസിനും പി.പി. ആഷിഖിനും ഹൃദയം നിറഞ്ഞ നന്ദി അറിയിച്ച സത്യ ‘ബിഗ് സല്യൂട്ട്’ നൽകിയാണ് വീഡിയോ സന്ദേശം അവസാനിപ്പിച്ചത്.

കഴിഞ്ഞ രണ്ട് വർഷത്തിനിടെ സൈബർ സെല്ലിന്റെ സഹായത്തോടെ ഏകദേശം 25 മൊബൈൽ ഫോണുകൾ ആഷിഖ് കണ്ടെത്തി ഉടമകൾക്ക് തിരികെ നൽകിയിട്ടുണ്ട്. ഫോൺ നഷ്ടപ്പെട്ടതിനെ തുടർന്ന് ഉടമകൾ CEIR പോർട്ടലിൽ നൽകിയ പരാതികളുടെ അടിസ്ഥാനത്തിൽ നിരന്തരം നിരീക്ഷണം നടത്തിയാണ് ഈ ഫോണുകൾ ഉപയോഗിക്കുന്നവരെ കണ്ടെത്തുന്നത്. തുടർന്ന് ഇവരിൽ നിന്ന് മൊബൈൽ ഫോണുകൾ വീണ്ടെടുത്ത് ഉടമകൾക്ക് കൈമാറുകയായിരുന്നു. വയനാട്ടിൽ വിനോദയാത്രയ്ക്കിടെ നഷ്ടമായ മൊബൈൽ ഫോൺ കണ്ടെത്തി നൽകിയതിന് മുൻപ് കൊൽക്കത്ത സ്വദേശിയും പി.പി. ആഷിഖിന് നന്ദിയും പ്രശംസയും അറിയിച്ചിരുന്നു.

നിങ്ങളുടെ മൊബൈൽ ഫോൺ നഷ്ടപ്പെട്ടാൽ ചെയ്യേണ്ടത്

- എത്രയും വേഗം പോലീസില്‍ പരാതി രജിസ്റ്റര്‍ ചെയ്യുക.അതിനായി കേരള പോലീസിന്റെ ഔദ്യോഗിക മൊബൈല്‍ ആപ്പായ പൊൽ-ആപ്പ് (POL-APP) വഴിയോ, തുണ വെബ് പോർട്ടൽ വഴിയോ, പോലീസ് സ്റ്റേഷനിൽ നേരിട്ടോ നിങ്ങൾക്ക് പരാതി നൽകാം. പരാതിയിൽ ഫോണിന്റെ IMEI നമ്പർ കൃത്യമായി രേഖപ്പെടുത്തേണ്ടതാണ്.

- സിം കാർഡിന്റെ ഡ്യൂപ്ലിക്കേറ്റ് എടുക്കുക.

- www.ceir.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്യുക വഴി നിങ്ങളുടെ നഷ്ടപ്പെട്ട ഫോണ്‍ ബ്ലോക്ക് ചെയ്യാം.
ഈ വെബ്‌സൈറ്റില്‍ ചുവന്ന നിറത്തിലുള്ള ബട്ടനില്‍ Block Stolen/Lost Mobile എന്ന ഓപ്ഷന്‍ കാണാം. അതില്‍ പരാതിയുടെ കോപ്പി, തിരിച്ചറിയല്‍ രേഖ ഏതെങ്കിലും, ഫോണ്‍ വാങ്ങിയതിന്റെ ഇന്‍വോയ്‌സ് തുടങ്ങിയ രേഖകളുടെ പിന്‍ബലത്തോടെ അപേക്ഷ സമര്‍പ്പിച്ചാല്‍ വൈകാതെതന്നെ നിങ്ങള്‍ നല്‍കിയ ഐഎംഇഐ നമ്പര്‍ (മൊബൈല്‍ നമ്പര്‍) ബ്ലോക്ക് ചെയ്യപ്പെടും. പിന്നീട് ഒരു സിം കാര്‍ഡും ഈ ഫോണില്‍ പ്രവര്‍ത്തിക്കുകയില്ല. ഫോണ്‍ ഈ രീതിയില്‍ ബ്ലോക്ക് ചെയ്താല്‍പോലും അത് ട്രാക്ക് ചെയ്യാന്‍ പോലീസിന് സാധിക്കും. ഇങ്ങനെയുള്ള അപേക്ഷയില്‍ നിങ്ങള്‍ക്ക് ഒരു റിക്വസ്റ്റ് ഐഡി ലഭിക്കുന്നതാണ്. ഈ റിക്വസ്റ്റ് ഐഡി ഉപയോഗിച്ച് നിങ്ങളുടെ അപേക്ഷയുടെ Status എപ്പോള്‍ വേണമെങ്കിലും പരിശോധിക്കാവുന്നതാണ്.
നഷ്ടപ്പെട്ട ഫോണ്‍ തിരിച്ച് കിട്ടിയാല്‍ www.ceir.gov.in വെബ്‌സൈറ്റില്‍ തന്നെ അണ്‍ബ്ലോക്ക് ചെയ്യുന്നതിനുള്ള ബട്ടന്‍ കാണാം. ഇത് ക്ലിക്ക് ചെയ്ത് റിക്വസ്റ്റ് ഐഡി നല്‍കിയതിന് ശേഷം അണ്‍ബ്ലോക്ക് ചെയ്യാനുള്ള കാരണം വ്യക്തമാക്കി സബ്മിറ്റ് ചെയ്യാം. അണ്‍ബ്ലോക്ക് ചെയ്ത ഫോണില്‍ പിന്നീട് സിംകാര്‍ഡ് ഇട്ട് ഉപയോഗിക്കാം

- നഷ്ടമായ സ്മാര്‍ട്ട് ഫോണിൽ സ്വകാര്യ വിവരങ്ങൾ ഉണ്ടെങ്കിൽ അവ നിങ്ങൾക്കുതന്നെ ഡിലീറ്റ് ചെയ്യാൻ https://www.google.com/android/find/ എന്ന ഗൂഗിൾ ലിങ്ക് ഉപയോഗിക്കാവുന്നതാണ്. നഷ്ടമായ ഫോണിൽ സൈൻ ഇൻ ചെയ്യാൻ ഉപയോഗിച്ചിരുന്ന അക്കൗണ്ട് ലോഗിൻ വിവരങ്ങൾ ഉപയോഗിച്ചുകൊണ്ട് ഈ പേജിൽ ലോഗിൻ ചെയ്യുക. ഫോൺ റിങ്ങ് ചെയ്യിക്കാനും ലോക്ക് ചെയ്യുവാനുമുള്ള മാർഗ്ഗങ്ങൾ ഈ പേജിൽ കാണാൻ കഴിയും. കൂടാതെ ഇറേസ് ഡിവൈസ് എന്ന ഓപ്ഷൻ ഉപയോഗിച്ച് ഫോണിലെ വിവരങ്ങൾ പൂർണമായി ഡിലീറ്റ് ചെയ്യാനും സംവിധാനമുണ്ട്. നഷ്ടപ്പെട്ട ഫോണിൽ ഉപയോഗിച്ച ഗൂഗിൾ അക്കൗണ്ട് സൈൻ ഇൻ ചെയ്തിരുന്നാൽ മാത്രമേ ഈ സേവനം ലഭ്യമാവുകയുള്ളൂ.

05/10/2026

⚠️ വ്യാജ ലോൺ ആപ്പുകളിൽ വീഴരുത്! രേഖകളില്ലാതെ എളുപ്പത്തിൽ വായ്പ വാഗ്ദാനം ചെയ്യുന്ന ആപ്പുകൾ നിങ്ങളുടെ സ്വകാര്യ വിവരങ്ങൾ ചോർത്തി ഭീഷണിപ്പെടുത്തിയേക്കാം. അജ്ഞാത ലിങ്കുകളിൽ നിന്ന് ആപ്പുകൾ ഡൗൺലോഡ് ചെയ്യാതിരിക്കുക; ആർ.ബി.ഐ (RBI) അംഗീകൃത സ്ഥാപനങ്ങളെ മാത്രം ആശ്രയിക്കുക.

DIG Kannur Range

10/10/2026

09/10/2026

09/10/2026

05/10/2026

05/10/2026

Address

Website

Alerts

Shortcuts

Share

Category

Listing takedown request