Jaspreet Singh Dahiya, Jalandhar (2026)

25/08/2026

ਸਾਂਡਰਸ ਨੂੰ ਗੋਲੀ ਮਾਰਨ ਤੋਂ ਅਗਲੇ ਦਿਨ ਸ਼ਿਵਰਾਮ ਹਰੀ ਰਾਜਗੁਰੂ ਨੂੰ ਇੱਕੋ ਅਫ਼ਸੋਸ ਸੀ ਕਿ “ਮੈਂ ਨਿਸ਼ਾਨਾ ਉਸਦੇ ਸਿਰ ਦਾ ਲਿਆ ਸੀ, ਫਿਰ ਗੋਲੀ ਸਿਰ ਵਿੱਚ ਲੱਗਣ ਦੀ ਬਜਾਏ ਛਾਤੀ ਵਿੱਚ ਕਿਵੇਂ ਲੱਗ ਗਈ? ਮੇਰਾ ਨਿਸ਼ਾਨਾ ਗਲਤ ਕਿਵੇਂ ਹੋ ਸਕਦਾ ਹੈ?”

ਬਾਅਦ ਵਿੱਚ ਜਦੋਂ ਪਿਸਤੌਲ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਗਈ ਤਾਂ ਪਤਾ ਲੱਗਿਆ ਕਿ ਉਸਦੇ ਬੋਰ ਵਿੱਚ ਕੁਝ ਨੁਕਸ ਸੀ ਅਤੇ ਕਾਰਤੂਸ ਢਿੱਲਾ ਬੈਠ ਰਿਹਾ ਸੀ। ਨਿਸ਼ਾਨਾ ਖੁੰਝਣ ਦਾ ਕਾਰਨ ਪਤਾ ਲੱਗਿਆ ਤਾਂ ਰਾਜਗੁਰੂ ਨੇ ਬੜੀ ਖੁਸ਼ੀ ਨਾਲ ਸਾਥੀਆਂ ਨੂੰ ਕਿਹਾ,“ਦੇਖਿਆ! ਨੁਕਸ ਪਿਸਤੌਲ ਵਿੱਚ ਸੀ। ਨਹੀਂ ਤਾਂ ਸ਼ਿਵਰਾਮ ਹਰੀ ਰਾਜਗੁਰੂ ਦਾ ਨਿਸ਼ਾਨਾ ਕਦੇ ਗਲਤ ਹੋ ਹੀ ਨਹੀਂ ਸਕਦਾ।”

ਕੱਲ੍ਹ, 24 ਅਗਸਤ, ਅਮਰ ਸ਼ਹੀਦ ਰਾਜਗੁਰੂ ਦਾ ਜਨਮ ਦਿਹਾੜਾ ਸੀ। ਅਫ਼ਸੋਸ ਕਿ ਨਾ ਸਰਕਾਰਾਂ ਵੱਲੋਂ ਉਹ ਯਾਦ ਕੀਤੇ ਗਏ ਅਤੇ ਨਾ ਹੀ ਸਾਡੀਆਂ ਵੱਡੀਆਂ ਸੰਸਥਾਵਾਂ ਵੱਲੋਂ ਉਸ ਤਰ੍ਹਾਂ, ਜਿਸਦੇ ਉਹ ਹੱਕਦਾਰ ਸਨ।

ਸੋਚਣ ਵਾਲੀ ਗੱਲ ਹੈ— ਕੀ ਇਹਨਾਂ ਸੂਰਮਿਆਂ ਨੇ ਆਪਣੀਆਂ ਜਵਾਨੀਆਂ ਅਤੇ ਜਾਨਾਂ ਇਸੇ ਭਾਰਤ ਲਈ ਵਾਰੀਆਂ ਸਨ ਕਿ ਆਉਣ ਵਾਲੀਆਂ ਪੀੜ੍ਹੀਆਂ ਉਹਨਾਂ ਨੂੰ ਯਾਦ ਕਰਨਾ ਵੀ ਭੁੱਲ ਜਾਣ ?

ਆਜ਼ਾਦੀ ਸਿਰਫ਼ ਹਾਸਲ ਕਰਨ ਵਾਲੀ ਚੀਜ਼ ਨਹੀਂ, ਉਸਦੀ ਕੀਮਤ ਚੁਕਾਉਣ ਵਾਲਿਆਂ ਨੂੰ ਯਾਦ ਰੱਖਣਾ ਵੀ ਸਾਡੀ ਜ਼ਿੰਮੇਵਾਰੀ ਹੈ।

ਸ਼ਹੀਦ ਰਾਜਗੁਰੂ ਦੇ ਜਨਮਦਿਨ ਤੁ ਉਹਨਾਂ ਨੂੰ ਸਲਾਮ।

ਇਨਕਲਾਬ ਜ਼ਿੰਦਾਬਾਦ! 🇮🇳

22/05/2026

ਆਪਣੇ ਆਪ ਨੂੰ “ਕਾਕਰੋਚ” ਕਹਿਣ ਵਾਲਿਓ!
ਅਸੀਂ ਪੰਜਾਬੀ ਸ਼ਹੀਦਾਂ, ਸੂਰਮਿਆਂ ਤੇ ਕ੍ਰਾਂਤੀਕਾਰੀਆਂ ਦੇ ਵਾਰਸ ਹਾਂ…
ਹਰੇਕ ਵਾਇਰਲ ਟ੍ਰੈੰਡ ਇਨਕਲਾਬ ਨਹੀਂ ਹੁੰਦਾ।
ਕਈ ਵਾਰ ਉਸਦੇ ਪਿੱਛੇ ਇੱਕ ਬਹੁਤ ਹੀ ਖਤਰਨਾਕ ਏਜੰਡਾ, ਬਹੁਤ ਸਾਰਾ ਪੈਸਾ ਤੇ ਲੱਖਾਂ ਲੋਕਾਂ ਦੀਆਂ ਭਾਵਨਾਵਾਂ ਨਾਲ ਖੇਡਣ ਵਾਲੀ ਰਾਜਨੀਤੀ ਹੁੰਦੀ ਹੈ।
ਪੰਜਾਬ ਨੂੰ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਨਾਲ ਖੜਣ ਵਾਲੇ ਲੋਕ ਚਾਹੀਦੇ ਹਨ…
ਨਾ ਕਿਸੇ ਗਟਰ ਦੇ ਗੰਦੇ ਕਾਕਰੋਚ!

To those calling themselves “cockroaches” — We are the descendants of Punjabi martyrs, warriors, and revolutionaries.
Not every viral trend is a revolution. Sometimes, behind it lies a very dangerous agenda, massive funding, and politics that manipulates the emotions of millions of people.
Punjab needs people who stand with Punjab, Punjabi language, and Punjabi identity… Not filthy cockroaches crawling out of gutters.

29/04/2026

ਪੰਜਾਬ ਜੋ ਕਦੇ ਵਾਧੂ ਬਿਜਲੀ ਵਾਲਾ ਸੂਬਾ ਸੀ, ਅੱਜ 8–10 ਘੰਟਿਆਂ ਦੇ ਪਾਵਰ ਕੱਟਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਇਹ ਨਾ ਮੌਸਮ ਦੀ ਗੱਲ ਹੈ, ਨਾ ਮੰਗ ਦੀ—ਇਹ ਸਿਆਸਤ ਦਾ ਨਤੀਜਾ ਹੈ। ਬਿਨਾਂ ਯੋਜਨਾ ਦੇ “ਮੁਫ਼ਤ ਬਿਜਲੀ” ਦੇ ਵਾਅਦੇ ਕੀਤੇ ਗਏ, ਤੇ ਜਿਵੇਂ ਮਿਲਟਨ ਫਰੀਡਮੈਨ ਨੇ ਕਿਹਾ ਸੀ, “ਦੁਨੀਆ ਵਿੱਚ ਕੁਝ ਵੀ ਫ੍ਰੀ ਨਹੀਂ ਹੁੰਦਾ”—ਕਿਸੇ ਨਾ ਕਿਸੇ ਨੂੰ ਕੀਮਤ ਚੁਕਾਉਣੀ ਹੀ ਪੈਂਦੀ ਹੈ, ਤੇ ਅੱਜ ਪੰਜਾਬ ਇਹ ਕੀਮਤ ਭੁਗਤ ਰਿਹਾ ਹੈ। ਕਿਸਾਨ ਟਿਊਬਵੈੱਲ ਲਈ ਬਿਜਲੀ ਉਡੀਕ ਰਿਹਾ ਹੈ, ਦੁਕਾਨਦਾਰ ਗਾਹਕਾਂ ਦੀ ਉਡੀਕ ਕਰ ਰਹੇ ਹਨ, ਤੇ ਵਿਦਿਆਰਥੀ ਹਨੇਰੇ ਵਿੱਚ ਪੜ੍ਹ ਰਹੇ ਹਨ।

ਇਹ ਸਿਰਫ਼ ਬਿਜਲੀ ਦਾ ਮਸਲਾ ਨਹੀਂ—ਇਹ ਸਰਕਾਰੀ ਪ੍ਰਬੰਧ ਦੀ ਅਸਫਲਤਾ ਹੈ। ਜਦੋਂ ਬਿਜਲੀ ਹੀ ਨਹੀਂ ਹੋਵੇਗੀ ਤਾਂ ਫੈਕਟਰੀਆਂ ਕਿਵੇਂ ਚੱਲਣਗੀਆਂ, ਨੌਕਰੀਆਂ ਕਿੱਥੋਂ ਆਉਣਗੀਆਂ, ਤੇ ਆਰਥਿਕਤਾ ਕਿਵੇਂ ਵਧੇਗੀ? ਜਿਹੜੀ ਸਰਕਾਰ ਬਿਜਲੀ ਨਹੀਂ ਸੰਭਾਲ ਸਕਦੀ—ਉਹ ਪੰਜਾਬ ਦਾ ਭਵਿੱਖ ਕਿਵੇਂ ਸੰਭਾਲੇਗੀ?

Punjab was once a power-surplus state—today it faces 8–10 hours of cuts. This isn’t about weather or demand; it’s about politics. “Free electricity” came without planning, and as Milton Friedman said, there’s no free lunch—someone pays, and today Punjab is paying. Farmers can’t run tubewells, businesses are losing income, students sit in darkness, and hospitals struggle—during a heatwave. Calling it “maintenance” doesn’t answer the real question: why now, at peak demand? This isn’t planning, it’s panic.

And this goes beyond electricity—it’s a governance failure. When power supply collapses, industry slows, jobs disappear, and the economy weakens. Punjab needed investment, discipline, and vision; instead it got promises without infrastructure and freebies without funding. If a government cannot manage electricity—the most basic system—how will it manage the future of the state?

21/04/2026

The presence of Baibhav on the Chief Minister’s official tour to the Netherlands lays bare the web of contradictions and alleged improprieties. It raises serious questions about credibility—those who once pointed fingers at others now find themselves on shaky moral ground, with their own integrity under scrutiny.

17/04/2026

ਜਦੋਂ ਚੋਰਾਂ ਨੂੰ ਮੋਰ ਪੈ ਰਹੇ ਨੇ ਤਾਂ ਪੰਜਾਬ ਦੇ ਲੋਕ ਸਵਾਦ ਲੈ ਰਹੇ ਨੇ।

ਕੇਜਰੀਵਾਲ ਵੱਲੋਂ ਅਸ਼ੋਕ ਮਿੱਤਲ ਅਤੇ ਸੰਜੀਵ ਅਰੋੜਾ ਨੂੰ ਰਾਜ ਸਭਾ ਭੇਜਣ ਤੋਂ ਹੀ ਸਾਫ ਹੋ ਗਿਆ ਸੀ ਕਿ ਵਿਧਾਨ ਸਭਾ ਦੀਆਂ ਟਿਕਟਾਂ ਵੇਚਣ ਤੋਂ ਬਾਅਦ ਉਸ ਨੇ ਰਾਜ ਸਭਾ ਦੀਆਂ ਸੀਟਾਂ ਵੀ ਵੇਚੀਆਂ।

ਉਨ੍ਹਾਂ ਨੂੰ ਰਾਜ ਸਭਾ ਭੇਜਣ ਤੋਂ ਪਹਿਲਾਂ ਪੰਜਾਬ ਵਿਚਲੇ ਆਪ ਦੇ ਆਗੂਆਂ ਜਾਂ ਵਰਕਰਾਂ ਨੂੰ ਵੀ ਉਨਾਂ ਦੇ "ਆਪ" ਪ੍ਰਤੀ ਯੋਗਦਾਨ ਬਾਰੇ ਕੁਝ ਪਤਾ ਨਹੀਂ ਸੀ।

ਦਿੱਲੀ ਦੇ ਸਿੱਖਿਆ ਮਾਡਲ ਦੇ ਨਾਂ ‘ਤੇ ਚੋਣਾਂ ਲੜਨ ਵਾਲਿਆਂ ਨੇ ਪ੍ਰਾਈਵੇਟ ਯੂਨੀਵਰਸਿਟੀ ਦੇ ਮਾਲਕ ਨੂੰ ਰਾਜ ਸਭਾ ਭੇਜਿਆ।

ਅਰੋੜਾ ਦਾ ਕਿਸੇ ਖੇਤਰ ਵਿੱਚ ਕੋਈ ਯੋਗਦਾਨ ਲੋਕਾਂ ਨੇ ਨਹੀਂ ਸੀ ਸੁਣਿਆ।

ਦੋਹਾਂ ਵਿੱਚੋਂ ਕੋਈ ਵੀ ਪੰਜਾਬ ਦੇ ਹਿੱਤਾਂ ਦੀ ਨੁਮਾਇੰਦਗੀ ਨਹੀਂ ਸੀ ਕਰਦਾ।

ਸੰਜੀਵ ਅਰੋੜਾ ਪੰਜਾਬ ਦੀਆਂ ਖੇਤੀਬਾੜੀ ਵਾਲੀਆਂ ਜ਼ਮੀਨਾਂ ਲੁੱਟਣ ਅਤੇ ਜਨਤਕ ਜਾਇਦਾਦਾਂ ਵੇਚਣ ਵਿੱਚ ਸਭ ਤੋਂ ਸਰਗਰਮ ਰੋਲ ਨਿਭਾਅ ਰਿਹਾ ਸੀ।

ਭਾਵੇਂ ਮੁਲਕ ਵਿੱਚ ਵਿਰੋਧੀ ਪਾਰਟੀਆਂ ਦੇ ਆਗੂਆਂ ‘ਤੇ ਈਡੀ ਜਾਂ ਸੀਬੀਆਈ ਰਾਹੀਂ ਹੋਣ ਵਾਲੀਆਂ ਕਾਰਵਾਈਆਂ ਵੇਲੇ ਸਾਡੇ ਸਮੇਤ ਬਹੁਤੇ ਲੋਕਾਂ ਨੂੰ ਉਨ੍ਹਾਂ ਆਗੂਆਂ ਨਾਲ ਹਮਦਰਦੀ ਹੁੰਦੀ ਹੈ ਪਰ ਪੰਜਾਬ ਵਿੱਚ ਜਦੋਂ ਦਿੱਲੀ ਦੇ ਧਾੜਵੀਆਂ ਦੇ ਪੰਜਾਬ ਵਿਚਲੇ ਜੋਟੀਦਾਰਾਂ ‘ਤੇ ਕਾਰਵਾਈ ਹੋ ਰਹੀ ਹੈ ਤਾਂ ਇਨ੍ਹਾਂ ਨਾਲ ਕੋਈ ਹਮਦਰਦੀ ਨਹੀਂ।

Copied from the page of Unpopular Opinions

21/03/2026

ਕੁਝ ਕਿਹਾ ਤਾਂ ਹਨੇਰਾ ਜਰੇਗਾ ਕਿਵੇਂ, ਚੁੱਪ ਰਿਹਾ ਤਾਂ ਸ਼ਮਾਦਾਨ ਕੀ ਕਹਿਣਗੇ।

ਲਾਲਜੀਤ ਭੁੱਲਰ ਵੱਲੋਂ ਆਪਣੀ ਸਫਾਈ ਵਿੱਚ ਖੁਦਕੁਸ਼ੀ ਕਰਨ ਵਾਲੇ ਅਧਿਕਾਰੀ ਦੀ ਰਿਸ਼ਵਤ ਲੈਣ ਦੀ ਕਥਿਤ ਕਬੂਲਨਾਮੇ ਵਾਲੀ ਵੀਡੀਓ ਜਨਤਕ ਕਰਨਾ ਆਪਣੇ ਆਪ ਵਿੱਚ ਕਈ ਗੰਭੀਰ ਸਵਾਲ ਖੜ੍ਹੇ ਕਰਦਾ ਹੈ।

ਜੇ ਗਗਨਦੀਪ ਸਿੰਘ ਰੰਧਾਵਾ ਨੇ ਵਾਕਈ 10 ਲੱਖ ਰੁਪਏ ਦੀ ਰਿਸ਼ਵਤ ਲਈ ਸੀ, ਤਾਂ ਉਸ ਦੇ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਹੋਣੀ ਚਾਹੀਦੀ ਸੀ। ਕਈ ਵਾਰ ਅਧਿਕਾਰੀਆਂ ਨੂੰ ਚੇਤਾਵਨੀ ਦੇ ਕੇ ਵੀ ਸੁਧਾਰ ਦਾ ਮੌਕਾ ਦਿੱਤਾ ਜਾਂਦਾ ਹੈ, ਪਰ ਇਸ ਤਰ੍ਹਾਂ ਵੀਡੀਓ ਰਿਕਾਰਡ ਕਰਕੇ ਸੰਭਾਲ ਕੇ ਰੱਖਣਾ ਇਹ ਦਰਸਾਉਂਦਾ ਹੈ ਕਿ ਮਕਸਦ ਕਿਤੇ ਨਾ ਕਿਤੇ ਬਲੈਕਮੇਲਿੰਗ ਦਾ ਸੀ।

ਸਭ ਤੋਂ ਵੱਡੇ ਸਵਾਲ ਉਹਨਾਂ ਅਧਿਕਾਰੀਆਂ ‘ਤੇ ਖੜ੍ਹੇ ਹੁੰਦੇ ਹਨ, ਜਿਨ੍ਹਾਂ ਨੂੰ ਗਗਨਦੀਪ ਰੰਧਾਵਾ ਨੇ ਚਿੱਠੀਆਂ ਲਿਖੀਆਂ ਸਨ:
• ਚਿੱਠੀਆਂ ਮਿਲਣ ਤੋਂ ਬਾਅਦ ਉਹਨਾਂ ਨੇ ਖੁਦ ਕੀ ਕਾਰਵਾਈ ਕੀਤੀ ?
• ਕੀ ਉਨ੍ਹਾਂ ਨੇ ਆਪਣੇ ਸੀਨੀਅਰ ਅਧਿਕਾਰੀਆਂ ਜਾਂ ਸੰਬੰਧਿਤ ਮੰਤਰੀ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ?
• ਕੀ ਇਹ ਮਾਮਲਾ ਮੁੱਖ ਮੰਤਰੀ ਤੱਕ ਪਹੁੰਚਾਇਆ ਗਿਆ ਸੀ?

ਇਸ ਨਾਲ ਨਾਲ ਇਹ ਵੀ ਦੇਖਣ ਵਾਲੀ ਗੱਲ ਹੋਵੇਗੀ ਕਿ ਪੰਜਾਬ ਦਾ ਮੀਡੀਆ ਇਸ ਮਸਲੇ ‘ਤੇ ਕਿੰਨਾ ਨਿਰਪੱਖ ਰਹਿੰਦਾ ਹੈ—ਕਿਹੜੇ ਅਖਬਾਰ ਅਤੇ ਚੈਨਲ ਸਰਕਾਰ ਨੂੰ ਸਿੱਧੇ ਸਵਾਲ ਪੁੱਛਦੇ ਹਨ, ਅਤੇ ਕਿਹੜੇ ਸਰਕਾਰੀ ਮੁਲਾਜ਼ਮ ਇਸ ਮਾਮਲੇ ਵਿੱਚ ਪੰਜਾਬ ਦੀ ਗੰਦੀ ਹੋ ਚੁੱਕੀ ਸਿਆਸਤ ਦਾ ਸ਼ਿਕਾਰ ਹੋਏ ਆਪਣੇ ਸਾਥੀ ਲਈ ਆਵਾਜ਼ ਉਠਾਉਂਦੇ ਹਨ।

***de

19/12/2025

ਚਿੱਟੇ ਕੁੜਤੇ–ਪਜਾਮੇ, ਹਾਫ਼ ਕੈਮੋ ਜੈਕਟਾਂ, ਵੈਕਸ ਲਗੀਆਂ ਮੁੱਛਾਂ ਅਤੇ ਮੋਢਿਆਂ ‘ਤੇ ਟੰਗੇ ਗੁੱਚੀ ਦੇ ਬੈਗ ਪਾ ਰੀਲਾਂ ਬਣਾਉਣ ਵਾਲੇ, ਪੰਜਾਬ ਦੇ ਕਬੱਡੀ ਟੂਰਨਾਮੈਂਟਾਂ ਵਿੱਚ ਆਮ ਦੇਖੇ ਜਾਂਦੇ ਹਨ। ਪਰ ਜਦੋਂ ਗੋਲੀਆਂ ਚੱਲਦੀਆਂ ਨੇ ਤਾਂ ਰੋਹਬ ਨਾਲ ਮੈਦਾਨ ਵਿੱਚ ਤੁਰਨ ਵਾਲੇ ਇਹ ਲੋਕ, ਕਿਤੇ ਵੀ ਦਿਖਾਈ ਨਹੀਂ ਦਿੰਦੇ। ਜਿਸ ਰਾਣੇ ਨੂੰ ਗੋਲੀਆਂ ਲੱਗੀਆਂ, ਉਸਦੇ ਨਾਲ ਹਸਪਤਾਲ ਤੱਕ ਜਾਣ ਵਾਲਾ ਕੋਈ ਨਹੀਂ ਸੀ। ਇਕੱਲੇ ਨੂੰ ਗੱਡੀ ਵਿੱਚ ਪਾ ਕੇ ਹਸਪਤਾਲ ਭੇਜ ਦਿੱਤਾ ਗਿਆ—ਉਸਦੇ ਨਾਲ ਸੀ ਸਿਰਫ਼ ਇੱਕ ਮੁਲਾਜ਼ਮ।

ਮਾਇਕਾਂ ‘ਤੇ ਫੋਕੀ ਵਾਹ-ਵਾਹ ਕਰਵਾਉਣ ਵਾਲੇ ਪਲ ਵਿੱਚ ਸਟੇਜ ਛੱਡ ਕੇ ਘਰਾਂ ਨੂੰ ਦੌੜ ਗਏ। ਸਿੰਗਰ ਵੀ ਆਪਣੀਆਂ ਗੱਡੀਆਂ ‘ਚ ਬੈਠ ਕੇ ਭੱਜ ਗਏ। ਇਹ ਹੈ ਗੀਤਾਂ, ਰੀਲਾਂ ਅਤੇ ਸਟੇਜਾਂ ਰਾਹੀਂ ਬਣਾਈ ਗਈ “ਅਣਖ਼” ਅਤੇ “ਸ਼ਾਨ” ਦੀ ਅਸਲ ਹਕੀਕਤ।
ਪੰਜਾਬ ਦੀ ਮਾਂ-ਬੋਲੀ ਦੀ ਖੇਡ ਦੇ ਟੂਰਨਾਮੈਂਟਾਂ ‘ਚ ਜਾ ਕੇ ਹਵਾ ਬਣਾਉਣ ਵਾਲਿਓ—ਥੋੜ੍ਹੀ ਫੂਕ ਘੱਟ ਛਕਿਆ ਕਰੋ। ਜਦੋਂ ਗੋਲੀਆਂ ਚੱਲਦੀਆਂ ਨੇ, ਕੋਈ ਨਾਲ ਨਹੀਂ ਖੜ੍ਹਦਾ, ਕਿਉਂਕਿ ਹਰ ਇੱਕ ਨੂੰ ਆਪਣੀ ਜਾਨ ਪਿਆਰੀ ਹੁੰਦੀ ਹੈ। ਗੀਤਾਂ ਨਾਲ ਜੋਸ਼ ‘ਚ ਆਉਣ ਵਾਲਿਆਂ ਦੇ ਪੱਲੇ ਅੰਤ ਵਿੱਚ ਸਿਰਫ਼ ਰੀਲਾਂ ਰਹਿ ਜਾਂਦੀਆਂ ਨੇ। ਮਰਦੇ ਬੰਦੇ ਨਾਲ ਹਸਪਤਾਲ ਤੱਕ ਜਾਣ ਦੀ ਹਿੰਮਤ ਵੀ ਕਿਸੇ ਵਿੱਚ ਨਹੀਂ ਰਹਿੰਦੀ।

ਧੌਣ ਵਾਲਾ ਕਿੱਲਾ ਸ਼ਾਇਦ ਕਿਸੇ ਰੀਲ ਜਾਂ ਗੀਤ ‘ਚ ਸੋਹਣਾ ਲੱਗਦਾ ਹੈ, ਪਰ ਅਸਲ ਜ਼ਿੰਦਗੀ ‘ਚ ਉਹ ਮੌਤ ਬਣ ਕੇ ਟੁੱਟਦਾ ਹੈ। ਨੀਵੇਂ ਹੋ ਕੇ ਰਿਹਾ ਕਰੋ,ਅਸਲ ਕਰੈਕਟਰ ‘ਚ ਰਹੋ। ਅੱਜ ਦੇ ਸਮੇਂ ‘ਚ ਛੇ ਫੁੱਟ ਦਾ ਗੱਭਰੂ ਵੀ ਦੋ ਸਕਿੰਟਾਂ ‘ਚ ਇੱਕ ਬੱਚੇ ਹੱਥੋਂ ਡੇਗ ਦਿੱਤਾ ਜਾਂਦਾ ਹੈ—ਕਿਉਂਕਿ ਫੋਕੀ ਅਣਖ਼ ਅਤੇ ਆਕੜ ਮਾਵਾਂ ਤੋਂ ਪੁੱਤ ਖੋਹ ਰਹੀ ਹੈ।

ਪੰਜਾਬ ਦੇ ਹਾਲਾਤ ਬੇਹੱਦ ਮਾੜੇ ਨੇ। ਕਾਰਨ ਕੋਈ ਵੀ ਹੋਵੇ—ਕਿਸੇ ਮਾਂ ਦਾ ਪੁੱਤ, ਕਿਸੇ ਦਾ ਪਤੀ, ਕਿਸੇ ਦਾ ਪਿਓ—ਮਿੰਟਾਂ ਵਿੱਚ ਸਭ ਕੁਝ ਸਵਾਹ ਹੋ ਜਾਂਦਾ ਹੈ। ਅੰਨ੍ਹੇ ਕਾਨੂੰਨ ਅਤੇ ਨਾਕਾਮ ਸਰਕਾਰੀ ਤੰਤਰ ਨੂੰ ਸਾਫ਼ ਬੇਨਤੀ ਹੈ: ਪੰਜਾਬ ਨੂੰ ਹੋਰ ਬਰਬਾਦ ਨਾ ਕਰੋ। ਹਥਿਆਰਾਂ, ਨਸ਼ਿਆਂ ਅਤੇ ਗੁੰਡਾਗਰਦੀ ਦੀ ਗਲੈਮਰਾਈਜ਼ੇਸ਼ਨ ਤੁਰੰਤ ਰੋਕੀ ਜਾਵੇ ਅਤੇ ਕਾਨੂੰਨ ਨੂੰ ਸਖ਼ਤੀ ਨਾਲ ਲਾਗੂ ਕੀਤਾ ਜਾਵੇ ਤਾਂ ਜੋ ਜ਼ਮੀਨੀ ਹਾਲਾਤ ਸੁਧਰਨ।

ਸਰਕਾਰ ਨੂੰ ਇਹ ਵੀ ਸੋਚਣਾ ਚਾਹੀਦਾ ਹੈ ਕਿ ਜਦੋਂ ਦੇਸ਼ ਵਿਰੋਧੀ ਕਰਾਰ ਦਿੱਤੇ ਲੋਕਾਂ ਲਈ ਘਰ ਵਾਪਸੀ ਦੀਆਂ ਨੀਤੀਆਂ ਬਣ ਸਕਦੀਆਂ ਨੇ, ਤਾਂ ਸਾਡੇ ਆਪਣੇ ਉਹ ਪੁੱਤ ਜੋ ਬਾਹਰਲੇ ਦੇਸ਼ਾਂ ‘ਚ ਬੈਠ ਕੇ ਆਪਣੀਆਂ ਦੁਸ਼ਮਣੀਆਂ ਨਿਭਾ ਰਹੇ ਨੇ, ਉਹਨਾਂ ਨਾਲ ਗੱਲਬਾਤ ਦਾ ਰਾਹ ਕਿਉਂ ਨਹੀਂ ਖੋਲ੍ਹਿਆ ਜਾਂਦਾ? ਜਿਹੜੇ ਸਿਰਫ਼ ਸਿਸਟਮ ਤੋਂ ਖਫ਼ਾ ਹੋ ਕੇ ਹਥਿਆਰ ਚੁੱਕਣ ‘ਤੇ ਮਜਬੂਰ ਹੋਏ, ਉਹਨਾਂ ਨੂੰ ਬਣਦਾ ਇਨਸਾਫ਼ ਕਿਉਂ ਨਹੀਂ ਮਿਲਦਾ?

ਜਦ ਤੱਕ ਸਿਆਸਤਦਾਨ ਅਤੇ ਸਾਡਾ ਸਿਸਟਮ ਇਨਸਾਫ਼ ਦਿਵਾਉਣ ਦੀ ਆਪਣੀ ਜ਼ਿੰਮੇਵਾਰੀ ਨਹੀਂ ਲੈਂਦੇ, ਲਾਸ਼ਾਂ ਹੀ ਪੰਜਾਬ ਦੀ ਸਭ ਤੋਂ ਵੱਡੀ ਸੱਚਾਈ ਬਣੀਆਂ ਰਹਿਣਗੀਆਂ।

10/12/2025

ਜਲੰਧਰ ਦੇ ਵਿੱਚ ਸੰਤ ਸਿਪਾਹੀ ਗਤਕਾ ਅਖਾੜਾ ਅਤੇ ਮਿਸਲ ਸ਼ਹੀਦਾਂ ਤਰਨਾ ਦਲ, ਹਰਿਆ ਬੇਲਾ (ਰਜਿ.) ਵੱਲੋਂ ਦਿੱਤੇ ਸਨਮਾਨ ਲਈ ਅਸੀਂ ਦਿਲੋਂ ਆਭਾਰੀ ਹਾਂ। ਇਹ ਸਨਮਾਨ ਸਾਡੇ ਸਾਰੇ ਵਲੰਟੀਅਰਾਂ ਦੀ ਦਿਨ-ਰਾਤ ਦੀ ਨਿਭਾਈ ਜਾ ਰਹੀ ਸੇਵਾ ਦਾ ਫਲ ਹੈ। ਸਾਨੂੰ ਪਿਆਰ ਤੇ ਸਹਿਯੋਗ ਦੇਣ ਵਾਲੀ ਸਾਰੀ ਸੰਗਤ ਦਾ ਤਹਿ-ਦਿਲੋਂ ਧੰਨਵਾਦ। ਵਾਹਿਗੁਰੂ ਜੀ ਸਦਾ ਮੇਹਰ ਕਰਨ।

Ravi Singh

03/12/2025

ਅੱਜ ਮੈਂ ਜੋ ਵੀਡੀਓ ਸਾਂਝੀ ਕਰ ਰਿਹਾ ਹਾਂ, ਇਹ ਸਿਰਫ਼ ਚੰਡੀਗੜ੍ਹ ਦੀ ਗੱਲ ਨਹੀਂ ਹੈ—ਇਹ ਗੱਲ ਹੈ ਉਸ ਮਿੱਟੀ ਦੀ, ਉਸ ਹੱਕ ਦੀ, ਜਿਸ ਲਈ ਸਾਡੇ ਪੁਆਧ ਦੇ ਪਿੰਡ ਉਜੜੇ। ਜਿਹੜਾ ਸ਼ਹਿਰ ਸਾਡੀ ਪਹਿਚਾਣ ਤੋੜ ਕੇ ਬਣਾਇਆ ਗਿਆ, ਅੱਜ ਉਸੀ ਚੰਡੀਗੜ੍ਹ ਨੂੰ ਪੰਜਾਬ ਤੋਂ ਹੋਰ ਦੂਰ ਧੱਕਣ ਦੀ ਸਾਜ਼ਿਸ਼ ਹੋ ਰਹੀ ਹੈ। ਇਹ ਸਿਰਫ਼ ਇਕ ਸਿਆਸੀ ਮੁੱਦਾ ਨਹੀਂ—ਇਹ ਸਾਡੀ ਮਲਕੀਅਤ, ਮਾਣ, ਅਤੇ ਮੌਜੂਦਗੀ ਦੀ ਲੜਾਈ ਹੈ। ਦੋਸਤੋ ਸਾਨੂੰ ਬੋਲਣਾ ਪਵੇਗਾ। ਖੜ੍ਹਨਾ ਪਵੇਗਾ। ਕਿਉਂਕਿ ਜੇ ਪੰਜਾਬੀ ਹੁਣ ਵੀ ਚੁੱਪ ਰਹੇ, ਤਾਂ ਕੱਲ੍ਹ ਸਾਡੀ ਪਹਿਚਾਣ ਕਿਤਾਬਾਂ ’ਚ ਲੱਭਣੀ ਪਵੇਗੀ। ਅਪਣੀ ਆਵਾਜ਼ ਉਠਾਓ, ਸ਼ੇਅਰ ਕਰੋ, ਤੇ ਪੰਜਾਬ ਲਈ ਇਕ ਵਾਰ ਫਿਰ ਖੜ੍ਹੋ!

25/11/2025

ਤਿਲਕ ਜੰਞੂ ਰਾਖਾ ਪ੍ਰਭ ਤਾਕਾ॥ ਕੀਨੋ ਬਡੋ ਕਲੂ ਮਹਿ ਸਾਕਾ॥ਸਾਧਨ ਹੇਤਿ ਇਤੀ ਜਿਨਿ ਕਰੀ॥ ਸੀਸੁ ਦੀਯਾ ਪਰੁ ਸੀ ਨ ਉਚਰੀ॥ਧਰਮ ਹੇਤ ਸਾਕਾ ਜਿਨਿ ਕੀਆ॥ ਸੀਸੁ ਦੀਆ ਪਰੁ ਸਿਰਰੁ ਨ ਦੀਆ॥(ਸ੍ਰੀ ਦਸਮ ਗ੍ਰੰਥ)

ਹਿੰਦ ਦੀ ਚਾਦਰ ਸਾਹਿਬ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੀ ਲਾਸਾਨੀ ਸ਼ਹਾਦਤ ਨੂੰ ਕੋਟਿ ਕੋਟਿ ਪ੍ਰਣਾਮ।

Jaspreet Singh Dahiya

25/08/2026

22/05/2026

29/04/2026

21/04/2026

17/04/2026

21/03/2026

19/12/2025

10/12/2025

03/12/2025

25/11/2025

Address

Telephone

Website

Alerts

Contact The Organization

Shortcuts

Share

Listing takedown request