12/06/2026
वाळवा तालुका आणि परिसरातील विविध शाळा महाविद्यालयांमधील इयत्ता बारावी विज्ञान शाखेमधून उत्तीर्ण झालेल्या विद्यार्थ्यांसाठी वाळवा तालुका शिक्षण संस्थेच्या यशवंतराव चव्हाण महाविद्यालय; खा. एस.डी.पाटील आर्किटेक्चर हॉलमध्ये शुक्रवार दिनांक 12 जून रोजी *पुढारी कॅम्पस टू करिअर* हा मोठा उपक्रम झाला. बारावी उत्तीर्ण विद्यार्थ्यांसाठी झालेल्या सेमिनारमध्ये पुणे येथील विविध तज्ञांनी मार्गदर्शन केले. सीईटी, कॅप राऊंड, ऍडमिशन प्रक्रिया, करिअरसाठी टॉपचे कोर्सेस; अशा सर्व विषयाच्या अनुषंगाने दैनिक पुढारीच्या वतीने हा सेमिनार झाला.या कार्यक्रमाच्या प्रारंभी वाळवा तालुका शिक्षण संस्थेचे सहसचिव ॲड. धैर्यशील पाटील यांनी आपल्या स्वागत पर मनोगतामध्ये करिअरच्या विविध संधी बरोबरच दैनिक पुढारीने आयोजित केलेल्या या कॅम्पस टू करिअर उपक्रमाची गरज विशद करून प्रशंसा केली. विद्यार्थ्यांना योग्य वेळी योग्य मार्गदर्शन आणि करिअरच्या दिशा मिळाल्या तर विद्यार्थ्यांचे उज्वल भवितव्य घडू शकते; असाही विश्वास त्यांनी व्यक्त केला.
