17/02/2026
ਇਲਾਕੇ ਦੇ ਲੋਕਾਂ ਲਈ ਇੱਕ ਵੱਡੀ ਸਿਹਤ ਸਹੂਲਤ ਦੇ ਤੌਰ ‘ਤੇ ਟਰੂਨੈਟ ਟੀ.ਬੀ ਟੈਸਟ ਮਸ਼ੀਨ ਪੀ.ਐੱਚ.ਸੀ ਜੰਡਵਾਲਾ ਭੀਮੇਸ਼ਾਹ ਵਿਖੇ ਕੀਤੀ ਗਈ ਸਥਾਪਿਤ
ਸਿਵਲ ਸਰਜਨ ਫਾਜ਼ਿਲਕਾ ਡਾ. ਕਵਿਤਾ ਸਿੰਘ , ਜਿਲ੍ਹਾ ਟੀ.ਬੀ. ਅਫ਼ਸਰ ਡਾ. ਨੀਲੂ ਚੁੱਘ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਪੀ.ਐੱਚ.ਸੀ ਜੰਡਵਾਲਾ ਭੀਮੇਸ਼ਾਹ ਦੇ ਐੱਸ.ਐਮ.ਓ ਡਾ. ਵਿਕਾਸ ਗਾਂਧੀ ਦੀ ਯੋਗ ਅਗਵਾਈ ਹੇਠ ਇਲਾਕੇ ਦੇ ਲੋਕਾਂ ਲਈ ਇੱਕ ਵੱਡੀ ਸਿਹਤ ਸਹੂਲਤ ਦੇ ਤੌਰ ‘ਤੇ ਟਰੂਨੈਟ ਟੀ.ਬੀ ਟੈਸਟ ਮਸ਼ੀਨ ਪੀ.ਐੱਚ.ਸੀ ਜੰਡਵਾਲਾ ਭੀਮੇਸ਼ਾਹ ਵਿਖੇ ਸਥਾਪਿਤ ਕੀਤੀ ਗਈ ਹੈ। ਇਹ ਮਸ਼ੀਨ ਟੀ.ਬੀ ਦੀ ਤੇਜ਼ ਅਤੇ ਸਹੀ ਜਾਂਚ ਕਰਨ ਲਈ ਆਧੁਨਿਕ ਮਾਲੀਕਿਊਲਰ ਤਕਨੀਕ ‘ਤੇ ਆਧਾਰਿਤ ਹੈ।
ਇਸ ਮਸ਼ੀਨ ਰਾਹੀਂ ਮਰੀਜ਼ਾਂ ਦੀ ਖੰਘ (ਸਪੂਟਮ) ਦੀ ਜਾਂਚ ਕਰਕੇ ਕੁਝ ਘੰਟਿਆਂ ਵਿੱਚ ਟੀਬੀ ਦੀ ਪੁਸ਼ਟੀ ਕੀਤੀ ਜਾ ਸਕਦੀ ਹੈ। ਇਸ ਨਾਲ ਦਵਾਈ-ਰੋਧੀ ਟੀਬੀ ਦੀ ਪਛਾਣ ਵੀ ਹੋ ਸਕਦੀ ਹੈ, ਜਿਸ ਨਾਲ ਇਲਾਜ ਸਮੇਂ ‘ਤੇ ਸ਼ੁਰੂ ਕੀਤਾ ਜਾ ਸਕੇਗਾ।
ਸਿਹਤ ਵਿਭਾਗ ਦੇ ਟੀਮ ਨੇ ਦੱਸਿਆ ਕਿ ਇਸ ਸਹੂਲਤ ਨਾਲ ਇਲਾਕੇ ਦੇ ਲੋਕਾਂ ਨੂੰ ਹੁਣ ਵੱਡੇ ਸ਼ਹਿਰਾਂ ਵਿੱਚ ਟੈਸਟ ਲਈ ਜਾਣ ਦੀ ਲੋੜ ਨਹੀਂ ਰਹੇਗੀ। ਮਰੀਜ਼ਾਂ ਨੂੰ ਨੇੜੇ ਹੀ ਤੇਜ਼ ਅਤੇ ਭਰੋਸੇਯੋਗ ਜਾਂਚ ਸੇਵਾ ਮਿਲੇਗੀ। ਇਹ ਟੀ.ਬੀ ਮੁਕਤ ਸਮਾਜ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ।
ਲੋਕਾਂ ਨੂੰ ਅਪੀਲ ਕੀਤੀ ਕਿ ਜੇ ਕਿਸੇ ਨੂੰ ਲੰਬੇ ਸਮੇਂ ਤੱਕ ਖੰਘ , ਬੁਖਾਰ ਜਾਂ ਵਜ਼ਨ ਘਟਣ ਵਰਗੇ ਲੱਛਣ ਹੋਣ ਤਾਂ ਤੁਰੰਤ ਪੀ.ਐੱਚ.ਸੀ ਵਿੱਚ ਜਾਂਚ ਕਰਵਾਈ ਜਾਵੇ।
ਇਸ ਮੌਕੇ ਰਾਜ ਸਿੰਘ ਸੀਨੀਅਰ ਟੀ.ਬੀ ਲੈਬ ਸੁਪਰਵਾਇਜ਼ਰ , ਅੰਗਰੇਜ ਸਿੰਘ ਐੱਮ.ਐੱਲ.ਟੀ-1 , ਸੰਗੀਤ ਕੁਮਾਰ ਜੂਨੀਅਰ ਸਹਾਇਕ , ਰਾਜ ਕੁਮਾਰ ਅਕਾਊਂਟੈਂਟ , ਗੁਰਦੀਪ ਸਿੰਘ ਫਾਰਮੈਸੀ ਅਫ਼ਸਰ , ਮਨਦੀਪ ਸਿੰਘ ਰੇਡੀਓਗ੍ਰਾਫਰ , ਲਖਵਿੰਦਰ ਸਿੰਘ , ਜਸਪਾਲ ਸਿੰਘ , ਜਸਪਾਲ ਸਿੰਘ ਸਿੱਧੂ ਐੱਮ.ਪੀ.ਐੱਚ.ਡਬਲਯੂ , ਰਾਜ ਕੁਮਾਰ , ਪਵਨ ਕੁਮਾਰ ਵਾਰਡ ਅਟੈਡੇਂਟ , ਆਸ਼ਾ ਵਰਕਰ ਯੂਨੀਅਨ ਦੇ ਆਗੂ ਸਵਰਨ ਕੌਰ , ਨੀਲਮ ਰਾਣੀ , ਦੁਰਗੋ ਬਾਈ , ਹਰਭਜਨ ਕੌਰ ਤੇ ਸਮੂਹ ਸਟਾਫ ਹਾਜ਼ਰ ਸੀ।
