14/09/2026
ഗ്രന്ഥശാല ദിനാചരണം സംഘടിപ്പിച്ചു
ഗ്രന്ഥശാല ദിനമായ സെപ്റ്റംബർ 14-ന് പാലേമാട് വിജയാ വായനശാലയുടെ ആഭിമുഖ്യത്തിൽ വിവിധ പരിപാടികൾ സംഘടിപ്പിച്ചു. രാവിലെ 8 മണിക്ക് അക്ഷരപതാക ഉയർത്തലും, വൈകുന്നേരം 6.30ന് അക്ഷരദീപം തെളിയിക്കലും നടന്നു.
ഇതോടനുബന്ധിച്ച് പുസ്തക സമാഹരണം, പുതിയ . അംഗങ്ങൾക്കായുള്ള അംഗത്വ ക്യാമ്പയിൻ, മുതിർന്ന പൗരന്മാരെ ആദരിക്കൽ തുടങ്ങിയ പരിപാടികളും സംഘടിപ്പിച്ചു.
ഗ്രന്ഥശാല പ്രവർത്തകരെ ആദരിക്കുന്ന ചടങ്ങിൽ മുൻ അധ്യാപകനും മുതിർന്ന ഗ്രന്ഥശാല പ്രവർത്തകനുമായ ബഹുമാനപ്പെട്ട സുദർശന പണിക്കർ സാറിനെ പാലേമാട് വിജയാ വായനശാല കമ്മിറ്റി ആദരിച്ചു. നിലമ്പൂർ താലൂക്ക് ലൈബ്രറി കൗൺസിൽ അംഗം കെ.കെ. സോമസുന്ദരൻ അദ്ദേഹത്തെ പൊന്നാട അണിയിച്ചു.
ചടങ്ങിൽ വായനശാല പ്രസിഡന്റ് ടി.എ. അയ്യപ്പൻകുട്ടി അധ്യക്ഷത വഹിച്ചു. താലൂക്ക് ലൈബ്രറി കൗൺസിൽ എക്സിക്യൂട്ടീവ് അംഗം കെ.കെ. സോമസുന്ദരൻ പരിപാടി ഉദ്ഘാടനം ചെയ്തു. താലൂക്ക് ലൈബ്രറി കൗൺസിൽ അംഗം പി.എസ്. രാജശേഖരൻ ആശംസകൾ അറിയിച്ചു.
വായനശാല സെക്രട്ടറി എ.പി. രാജശേഖരൻ സ്വാഗതവും വായനശാല കമ്മിറ്റി അംഗം ജുബിൻ ജാസ് നന്ദിയും പറഞ്ഞു.
ഷാജി പി.സി.യും കെ. സുബിനും വായനശാലയിൽ അംഗത്വം സ്വീകരിച്ചു.
