04/05/2026
गोर्खा राष्ट्रिय मुक्तिमोर्चाका युवा नेता छितेन भुटिया भन्छन् पश्चिम बंगाल विधानसभाको सम्पन्न निर्वाचनमा भारतीय जनता पार्टीले हासिल गरेको प्रचण्ड बहुमत ऐतिहासिक जनादेशका रूपमा स्थापित भएको छ। भुटियाले थपे यो विजय केवल एउटा दलको सफलता मात्र नभई जनताको परिवर्तन प्रतिको विश्वास, सुशासन प्रतिको अपेक्षा र विकासमुखी राजनीतिको स्पष्ट अभिव्यक्ति हो।पश्चिम बंगालका जनताले दिएको यो जनादेशले राज्यको राजनीतिक दिशामा नयाँ अध्याय प्रारम्भ गरेको छ भन्ने हाम्रो विश्वास रहेको छ।यस ऐतिहासिक विजयको अवसरमा भारतका माननीय प्रधानमन्त्री श्री नरेन्द्र मोदी ,माननीय गृहमन्त्री श्री अमित शाह तथा दार्जीलिङ माननीय सांसद श्री राजु बिष्ट प्रति हार्दिक बधाई तथा शुभकामना व्यक्त गर्दछु।उहाँहरूको दृढ नेतृत्व,स्पष्ट दृष्टिकोण र राष्ट्रहितप्रतिको प्रतिबद्धताले यो ऐतिहासिक जनसमर्थन सम्भव भएको हो भन्ने विश्वास व्यक्त गर्दछु।भुटिया भन्छन् हामी आशा गर्दछौं कि यस विजयले पश्चिम बंगालमा स्थायित्व सुशासन,समावेशी विकास जनआकांक्षा अनुरूपको नयाँ राजनीतिक संस्कार स्थापना गर्नेछ। विशेषतः पहाड, तराई र डुवर्सका जनताको दीर्घकालीन राजनीतिक सामाजिक तथा आर्थिक आकांक्षा हरूलाई सम्बोधन गर्दै न्यायपूर्ण र समावेशी विकासको नयाँ युग प्रारम्भ हुनेछ भन्ने अपेक्षा राख्दछु।यस ऐतिहासिक जनादेशले लोकतन्त्रलाई अझ सशक्त बनाओस्,जनविश्वास लाई अझ मजबुत बनाओस् र राष्ट्र निर्माणको यात्रालाई अझ गतिशील बनाओस् भन्ने शुभेच्छा व्यक्त गर्दछु।
