17/07/2025
ছহিদ হিমাংশু তামুলীলৈ শ্ৰদ্ধাৰ্ঘ্য
টিহু মহকুমা গঠনৰ দাবীত হোৱা আন্দোলনত ২০১৫ চনৰ ১৭ জুলাই তাৰিখে আছুৰ সক্ৰিয় সদস্য হিমাংশু তামুলী ছহিদ হৈছিল। লগতে ব্ৰজেন বৈশ্য গুলীবিদ্ধ হৈছিল৷ আন্দোলন গণতান্ত্ৰিত আছিল, শান্তিপূৰ্ণ আছিল। কিন্তু নিৰ্বিচাৰে গুলী চলোৱা হৈছিল।
সেইসময়ত হিমাংশু তামুলীৰ ত্যাগক উচিত মৰ্যাদা প্ৰদানৰ ঘোষণা কৰাৰ লগতে চৰকাৰে হিমাংশু তামুলীৰ পৰিয়ালক আৰু ব্ৰজেন বৈশ্যক সংস্থাপন প্ৰতিশ্ৰুতি প্ৰদান কৰা সমগ্ৰ অসমবাসীয়ে পাহৰা নাই৷
আজি ২০২৫ চনৰ ১৭ জুলাই৷ হিমাংশু তামুলীৰ মৃত্যুৰ দহবছৰ সম্পূৰ্ণ হ’ল৷ মহকুমাৰ ধাৰণাই অসমৰ পৰা উঠি গ’ল। কিন্তু চৰকাৰ প্ৰতিশ্ৰুতি ঘোষণাতে থাকি গ’ল৷
আশাত বন্দী হিমাংশু তামুলীৰ ৰুগ্ন পিতৃয়ে একমাত্ৰ পুত্ৰৰ প্ৰতিটো মৃত্যু তিথিত সোঁৱৰাই আহিছে চৰকাৰৰ প্ৰতিশ্ৰুতি। চৰকাৰ সলনি হ’ল। কিন্তু চৰকাৰ চলোৱা মানুহবোৰ প্ৰায় একেই আছে।
সেয়ে পুনৰ সুধিছোঁ - ন্যায় পাবনে ছহিদ পৰিয়ালে? সংস্থাপন পাব নে হিমাংশু তামূলী আৰু ব্ৰজেন বৈশ্যৰ পৰিয়ালে?
দাবী জনালোঁ।
-Utpal Sarma
