25/08/2026
ଶ୍ରଦ୍ଧାଞ୍ଜଳି 🙏🌹
ଆନ୍ଦୋଳନର ଅନ୍ୟ ନାମ, ଦେବବ୍ରତ ମିଶ୍ର (ଟୁକୁ) ଦାଦାଙ୍କ ଚତୁର୍ଥ ଶ୍ରାଦ୍ଧ ବାର୍ଷିକୀ ଅବସରରେ ଆୟୋଜିତ ରକ୍ତଦାନ ଶିବିରରେ ଯୋଗଦାନ କରି ମୋର ପ୍ରିୟ ଟୁକୁ ଦାଦାଙ୍କ ପ୍ରତି ଶ୍ରଦ୍ଧା ସୁମନ ଅର୍ପଣ କଲି।
ଟୁକୁ ଦାଦା କେବଳ ଜଣେ ସଂଗଠକ ନଥିଲେ, ସେ ଥିଲେ ଲୋକଙ୍କ ଅଧିକାର ପାଇଁ ନିରନ୍ତର ଲଢ଼େଇ କରୁଥିବା ଜଣେ ନିର୍ଭୀକ ଯୋଦ୍ଧା। ଆମ ଜିଲ୍ଲାର ବିଭିନ୍ନ ସାଂସ୍କୃତିକ, ସାମାଜିକ ଓ ଦଳୀୟ ସଂଗଠନରେ ସେ ପ୍ରମୁଖ ଦାୟିତ୍ୱ ତୁଲାଇ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ।
ମୋ ପାଇଁ ସେ କେବଳ ଜଣେ ସହଯୋଗୀ କିମ୍ବା ରାଜନୈତିକ ସାଥୀ ନଥିଲେ—ସେ ମୋର ନିଜର ବଡ଼ଭାଇ ଭଳି ଥିଲେ। ତାଙ୍କର ସ୍ନେହ, ପରାମର୍ଶ, ମାର୍ଗଦର୍ଶନ ଓ ଆତ୍ମୀୟତାକୁ ମୁଁ ଆଜି ବି ଗଭୀର ଭାବେ ଅନୁଭବ କରେ।
ବିଶେଷକରି ସ୍ୱେଚ୍ଛାକୃତ ରକ୍ତଦାନ କାର୍ଯ୍ୟକ୍ରମ ପ୍ରତି ତାଙ୍କର ଥିଲା ଅସୀମ ଆଗ୍ରହ। ବିଭିନ୍ନ ସ୍ଥାନରେ ରକ୍ତଦାନ ଶିବିର ଆୟୋଜନ ଓ ଅଧିକରୁ ଅଧିକ ଲୋକଙ୍କୁ ସ୍ୱେଚ୍ଛାକୃତ ରକ୍ତଦାନ ପାଇଁ ପ୍ରେରିତ କରିବାରେ ସେ ପ୍ରମୁଖ ଭୂମିକା ତୁଲାଉଥିଲେ। ଆଜି ତାଙ୍କ ସ୍ମୃତିରେ ଆୟୋଜିତ ରକ୍ତଦାନ ଶିବିରରେ ଯୋଗଦେବା ମୋ ପାଇଁ ଏକ ଭାବପୂର୍ଣ୍ଣ ମୁହୂର୍ତ୍ତ।
ମଣିଷ ଚାଲିଯାଏ, କିନ୍ତୁ ତାଙ୍କର ଆଦର୍ଶ, ସଂଘର୍ଷ ଓ ଲୋକସେବାର ସ୍ମୃତି ସବୁବେଳେ ଜୀବନ୍ତ ରହିଥାଏ।
ଟୁକୁ ଦାଦାଙ୍କ ସ୍ମୃତି ଓ ଆଦର୍ଶ ଆମ ସମସ୍ତଙ୍କୁ ଲୋକଙ୍କ ସେବା ଓ ଅଧିକାର ପାଇଁ ଲଢ଼ିବାକୁ ସବୁବେଳେ ପ୍ରେରଣା ଦେଉ।
ବିନମ୍ର ଶ୍ରଦ୍ଧାଞ୍ଜଳି। 🙏🌹
ଟୁକୁ ଦାଦା, ଆପଣ ସବୁବେଳେ ଆମ ହୃଦୟରେ ଅମର।
