20/02/2026
ANPLIS KONTRIBISYON LI NAN VOTE PLIZYÈ PWOJÈ LWA, FRANÇOIS LUCAS SAINVVIL ANTANKE DEPITE AK SENSTÉ PAT SISPANN ENTÈVNI POU DIVÈS REYALIZASYON NAN DEPATMAN NÒDWÈS LA.
ANPLIS SA, SE SÈL PALMANTÈ KI PAT JANM YON JOU VIN BATAY AK OKEN OTORITE LOKAL.
Nan peryòd li te Depite ak Senatè Repiblik la
Pandan Onorab François Lucas Sainvil te sèvi kòm Depite epi Senatè, li te chwazi mete devlopman Nòdwès la nan kè aksyon li, nan tèt kole ak otorite lokal yo. Travay li yo te vize bay popilasyon an aksè ak edikasyon, enfrastrikti solid, sèvis piblik, ak pwoteksyon patrimwàn istorik la. Sa ki anba yo se prèv angajman sa a.
EDIKASYON: BAZ DEVLOPMAN AN, pandan li te nan komisyon Edikasyon nan Palman, li fè demach pou :
Lycée Orius Paultre an 2007.
Anplis demach pou ouvè lise a, 8 milyon goud te mobilize pou konstwi 8 sal klas epi fè kloti a.
Lycée Stenio Vincent Pòdpe, octobre 2010
Lycée Cyrema Guerrier, Pòdpè.
Lycée François Capoix, oktòb 2006.
Lycée Dominique Salvio, Jan Rabèl.
Lycée Thomas Madiou, Kòtfè, an 2010.
Lycée Roger Riou, Latòti.
Twazyèm s*k nan Pòs Metye, Obè, Bochan ak Fwazon, pou elèv yo pa rete blo sou wout konesans.
LEKÒL NASYONAL AK AKSÈ AK EDLIKASYON
Acha teren ak konstriksyon lekòl nasyonal nan Palan, Pòdpè.
Acha teren pou Lycée Pòs Metye.
Acha teren pou lekòl nasyonal Demelis.
Demach bò kote Digicel pou konstwi lekòl nasyonal Joliver.
Lekòl nasyonal Boden.
ENFRASTRIKTI AK SÈVIS PIBLIK
Reparasyon rezo elektrik Pòdpè an 2008, pou anviwon 10 milyon goud, pou amelyore lavi chak jou sitwayen yo.
Pon sou ri Charlemagne Péralte, ak plis pase 100 mèt betonaj, ansanm ak travay sou wout Lakwa, pou fasilite s*kilasyon.
Pwojè pou te ranje sistèm dlo a nan vil Pòdpe, ki tapral vini nan yon ti tan DINEPA kap sèvi popilasyon an
Acha teren pou mache Bochan.
Acha teren pou mache Lapwent, pou soutni aktivite ekonomik lokal yo.
Pwojè wout Miryam ak twotwa nan vil la, pou yon valè 34 milyon goud.
ANSÈYMAN SIPERYÈ AK PATRIMWÀN
Demach pou mete kanpe Université Publique du Nord-Ouest à Port-de-Paix (UPNOPP) an 2011, pou jèn Nòdwès yo ka etidye lakay yo.
23 milyon goud pou amenaje Katedral Pòdpè a, yon patrimwàn istorik:
20 milyon goud pou batiman an,
3 milyon goud pou fenèt yo.
Sipò pou École Supérieure Isaac Newton (ESIN) vin legalman rekonèt.
VERITE AK TRANSPARANS
MOSANOH raple klèman:
Onorab Senatè Lucas pa t janm gen pwojè Govinda sou ri Lopital Pòdpè. Li te sèlman mande Direktè Espò nan epòk la pou bay yon pwojè pou fè swivi, men pwojè sa a pa t janm fèt.
Se youn nan ra palmantè ki pa janm nan dezakò ak otorite lokal yo, tout sa kap bon pou nenpòt komin nan depatman Nòdwès la, li toujou bay jarèt pou li akonpli. Li konn menm fè sa pou lòt komin ki nan lòt depatman.
Anplis tout bagay sa yo, François Lucas Sainvil se youn nan ra palmantè ki pa enplike nan zak bwigangay pou fè Nòdwès, sitou sila yo ki te vote l yo wont.
Senatè Lucas rekonèt gen anpil bagay ki ta dwe fèt e ki pa t fèt. Se poutèt sa li mande popilasyon Nòdwès la pou kontinye sipòte li kòm Senatè, epi sipòte tout kandida MOSANOH yo, pou fòme yon blòk solid, yon fason pou kontinye sa ki te kòmanse, epi mete depatman an sou ray devlopman.
Nap korije tout sak merite korije pou n ka avanse pi byen ...
Tèt kole sou chimen devlopman.
An nou tout mete men ansanm pou chanje Nòdwès.
