ENA - Entente Nationale

07/06/2026

*ENA — Antant Nasyonal*

*Dyalòg Politik ak Sekirite : 2 Gwo Kle pou Sove Ayiti*

Ayiti ap travèse youn nan peryòd ki pi difisil nan listwa li. Pandan ensekirite a ap kontinye afekte lavi sitwayen yo, kestyon sou gouvènans, eleksyon ak avni demokrasi a rete sou tab la. Plizyè responsab nasyonal ak entènasyonal rekonèt li difisil pou òganize eleksyon san yon minimòm sekirite ak estabilite nan peyi a.

Nan kontèks sa a, pati politik ENA (Antant Nasyonal) kontinye kwè se atravè yon dyalòg vrèman enklizif, kote tout fòs viv peyi a jwenn plas yo, Ayiti kapab jwenn yon solisyon dirab pou kriz la.

Dyalòg la pa dwe sèlman yon rankont ant politisyen. Li dwe enplike jèn yo, fanm yo, peyizan yo, sektè prive a, òganizasyon sosyete sivil yo ak tout moun ki enterese wè peyi a reprann chemen devlopman li.

An menm tan, kestyon sekirite a dwe rete yon priyorite nasyonal. San sekirite, pa gen envestisman. San sekirite, pa gen eleksyon kredib. San sekirite, pa gen devlopman dirab. Se poutèt sa tout efò k ap fèt pou reprann kontwòl teritwa yo dwe akonpaye pa mezi sosyal ak ekonomik ki kapab bay espwa ak opòtinite pou popilasyon an.

ENA rete kwè Ayiti pa bezwen plis divizyon. Peyi a bezwen plis antant, plis dyalòg, plis vizyon ak plis lidèchip responsab. Se ansanm nou kapab bati yon Ayiti lejitim, dirab ak souvren.

*Schner Mildor*, Responsab kominikasyon depatmantal Nò ENA.

31/05/2026

31/05/2026

Bonne fête a toutes les Mères !!!

25/05/2026

*Ayiti politik/Nòdès/ANTANT NASYONAL (ENA )Kontinye Ranfòse Estrikti li nan Nòdès*:
Nan kad ranfòseman estrikti politik li atravè peyi a, pati politik ANTANT NASYONAL ENA franchi yon nouvo etap enpòtan nan depatman Nòdès la. Jodi dimanch 24 me 2026 la, Kòdinasyon Depatmantal pati a rive mete sou pye Kòdinasyon Kominal Fòlibète a, nan yon anbyans fratènite, angajman ak detèminasyon politik.

Aktivite sa a te reyini plizyè manm, senpatizan ak responsab politik ki soti nan diferan zòn nan komin Fòlibète. Pandan rankont la, patisipan yo te mete aksan sou nesesite pou òganize popilasyon an, ranfòse inite ak ankouraje patisipasyon sitwayen yo nan lavi politik peyi a.

Responsab Kòdinasyon Depatmantal Nòdès yo fè konnen mete sou pye nouvo estrikti sa a montre volonte pati a pou l kontinye pwoche pi pre pèp la, pandan l ap travay pou konstwi yon fòs politik ki chita sou dyalòg, respè ak devlopman kominote yo.
Nan diskou yo, plizyè entèvenan te salye lespri inite ki te makonnen ak seremoni an. Yo te raple deviz pati a ki di : “Se antann pou n antann nou.” Yon mesaj ki, daprè yo, tradui vizyon ANTANT NASYONAL ENA genyen pou rasanble pitit peyi a ansanm nan enterè devlopman ak estabilite Ayiti.

Nouvo Kòdinasyon Kominal Fòlibète a pran angajman pou travay kole kole ak estrikti depatmantal la pou mobilize jèn yo, fanm yo ak tout fòs viv nan komin nan pou patisipe nan chanjman politik ak sosyal peyi a bezwen an.

Avèk nouvo etap sa a, ANTANT NASYONAL ENA kontinye demontre volonte li pou elaji prezans li nan depatman Nòdès la pandan l ap chèche bati yon mouvman politik ki baze sou inite, patisipasyon ak solidarite nasyonal.

Pou Kòdinasyon depatmantal pati politik ANTANT NASYONAL
*Mirbel joseph,responsab kominikasyon*

21/05/2026

*ENA — Entente Nationale / Antant Nasyonal*

*Rankont Samdi 20 Me 2026* nan lokalite Bohoc, komin Piyon, depatman Nò, Ayiti.

Pati politik ENA (Antant Nasyonal) kontinye ap mete pye li atè atravè tout peyi a. Sou lidèchip Mesye Omard, yon bèl rankont te reyalize avèk anpil manm pati a, nan objektif pou yo rete fidèl ak pati a epi pou yo prezante gran vizyon ENA a, yon fason pou tout manm yo mete men ansanm nan batay pou chanjman peyi Dayiti.

Nan kad rankont sa a, dirijan pati a nan lokalite Bohoc te pwojte kontinye pwosesis enskripsyon manm yo nan pati a, pou bay estrikti a yon fòm ki pi òganize, pi jis, epi pi legal.

ENA kontinye ap fè pwomosyon pou yon dyalòg enklizif, paske pati a pa wè tèt li kòm sèl aktè ki kapab chanje sitiyasyon peyi a. Okontrè, se tout fòs viv peyi a ki dwe mete tèt ansanm pou Ayiti soti nan sitiyasyon asistana li ye jodi a.

“Se antann pou n antann nou !”

*Schner Mildor*
Responsab Kominikasyon Depatmantal Nò
ENA – Antant Nasyonal

19/05/2026

*Ayiti politik/ Nòdès/ Ranfòseman pati politik ANTANT NASYONAL (ENA)*

Kòdinasyon Depatmantal Nòdès la salye ak anpil fyète yon nouvo pa enpòtan ki franchi nan kad ranfòsman ak estriktirasyon pati politik ANTANT NASYONAL nan depatman an.
Nan yon bèl lespri inite, angajman ak mobilizasyon, nou rive mete sou pye Kòdinasyon Kominal Montòganize a nan jounen dimanch 17 me 2026 la. Etap sa a montre volonte klè militan ak senpatizan yo pou kontinye bati yon fòs politik solid, òganize ak pwòch popilasyon an.

Nou felisite tout manm, responsab ak patizan ki te patisipe nan travay sa a avèk disiplin ak detèminasyon. Nou kwè estrikti sa a ap pèmèt pati a pi byen akonpaye kominote yo, pote mesaj chanjman an pi lwen, epi prepare avni peyi a sou baz dyalòg, respè ak tèt ansanm.
ANTANT NASYONAL kontinye avanse nan Nòdès la, paske nou kwè se ansanm nou kapab rive pi lwen pou Ayiti.

ENA di nou se ANTANN POU N ANTANN NOU pandan Kòdinasyon depatmantal ENA ap kontinye batay la.

*Pou Kòdinasyon depatmantal pati politik ANTANT NASYONAL*
MIRBEL Joseph,
Responsab* kominikasyon*

17/05/2026

Kisa ki liks pou ou nan viw ??? Répons nan yon kòmantè .

15/05/2026

Entente National - ENA REV Rasanbleman Ekonomik Volontè

15/05/2026

*ENA — Antant Nasyonal*

*Gran fòmasyon sou REV (Rasanbleman Ekonomik Volontè) nan komin Piyon, Jedi 14 me 2026*

Nan jounen jedi 14 me 2026 la, gwoup tèt ansanm ak gwoup solidarite nan vil Piyon yo, anba direksyon Mme Suzamène Saimpreux ak Bòs Kalo, te resevwa yon fòmasyon espesyal sou REV avèk yon ekip fòmatè solid ak byen prepare.

Fòmasyon sa a te reyalize gras ak devouman kowòdonatè ENA Piyon an, Agr. Poquelin Saint-Fleur, ansanm ak rès ekip li a, avèk sipò kowòdinasyon Savanèt la ak kowòdinasyon depatmantal Nò a.

Manm pati a te akeyi fòmasyon an avèk anpil satisfaksyon ak kè kontan. Yo te pwofite ankouraje epi felisite dirijan pati a pou efò y ap fè pou pote REV la nan tout rakwen peyi a.

Yon remèsiman espesyal pou ekip ENA Ench la ki te fè anpil sakrifis pou vin bay fòmasyon an. Delegasyon an te gen ladan l:

* Eliphète Charles
* Célestin Feckner
* Jephson Clerveau
ki te patisipe kòm fòmatè.

*Divizyon pap mennen nou okenn kote. Ann chwazi solidarite!*

*Se antann pou n antann nou!*

*Schner Mildor*
Responsab Kominikasyon Depatmantal Nò
ENA

13/05/2026

Nou Antan'n !!!

Entente National - ENA NòDès