Platfòm Nouvèl Ayiti - PNA

09/03/2026

Ekip Nouvèl Ayiti a gen lonè anonse piblik la ke Parti Lumière d'Haïti jwenn rekonesans legal li nan men Ministè Jistis ak Sekirite Piblik Repiblik la, aprè li te fin anrejistre depi mwa Out 2025.

Etap enpòtan sa a franchi nan dat jodi a, 9 Mas 2026. Gras ak avansman sa a, Parti Lumière d'Haïti genyen kounye a tout pyès nesesè pou li anrejistre nan (Konsèy Elektoral Pwovizwa) epi anvizaje patisipe aktivman nan pwosesis elektoral 2026 la.

Parti Lumière d'Haïti se yon inisyativ Platfòm Nouvèl Ayiti (PNA). Li reprezante prensipal zouti politik ekip Pwojè Sosyete « Nouvèl Ayiti » a pral itilize pou mobilize popilasyon an, al chèche pouvwa nan tout nivo nan pwochen eleksyon yo, epi mete baz pou bati Nouvèl Ayiti a.

a se yon vizyon sosyete kote Leta ap travay pou kreye kondisyon Byennèt pou tout moun. Depi tan Jean-Jacques Dessalines, rèv yon Leta ki vrèman nan sèvis mas popilè yo, nan sèvis enterè siperyè nasyon an, ak nan sèvis peyi a, pa janm sispann viv nan kè pèp la. Avèk ekip a, nou angaje nou pou nou fè rèv sa a tounen reyalite.

Yon lòt Ayiti posib ✊🏿🇭🇹🔥

Byennèt pou tout moun 🖤❤️

________________________
Sèvis Kominikasyon an

08/03/2026

Pandan 40 lane (1986-2026), Lidèchip politik ayisyen an san gwo anbisyon. Nou kontante nou nan jui privilèj djòb Leta yo, ranpe devan aktè etranje yo, pandan tout bagay ap degrenngole anndan sosyete a. Sa pa gen lontan, Marco Rubio te deja fè yon vizit nan rejyon an, li te inyore Ayiti. Semèn pase a ankò, Etazini òganize somè li ak patnè enpòtan li yo nan rejyon an, li inyore Ayiti. Se prèv ke devan je lemond, akoz dirijan lespri zuizuit, mesken ak retwograd ki satisfè ak myèt akote mizè pèp la, Ayiti vin pa reprezante gwo bagay. Nan nivo Parti Lumière d'Haïti, nou pa dijere reyalite sa a. Nou envite pèp ayisyen an fè yon sèl ak nou pou nou chanje desten nasyon an.

Yon lòt Ayiti posib si nou gen dirijan konsekan, patriyòt, onèt e eklere.

Byennèt pou tout moun 🖤❤️

Vénel Bozile pou yon lòt Ayiti

01/03/2026

Imajine :
- Peyi a gen sekirite ;
- Gen travay k ap kreye ;
- Tout timoun al lekòl ;
- Gen touris k ap antre vin vizite bèl zòn nou yo ;
- Nou ajoute Tren kòm mwayen transpò modèn e rapid ;
- Tout wout yo fèt pa gen pousyè ;
- Tout rivyè yo netwaye ak fouye ;
- Pèp la, jenès la gen pouvwa d acha ;
- Chak awondisman gen yon Hôpital Communautaire de Référence (HCR) ;
- MIC/MTPTC ak SNGRS ankadre meri yo pou kenbe vil yo pwòp ;
- Plantè yo jwenn ankadreman e pwodui sifizamman manje pou tout Ayisyen manje ;
- Tout Sant komèsyal yo modènize, machann pa louvri komès atè ankò ;
- Gen kouran 24 sou 24, 7 sou 7, gen vi noktin ;
- Inivèsite piblik yo devlope lòt patenarya, yo genyen pwogram metriz nan enjeniri ak domèn nikleyè, nou sispann kale doktè nan literati pou bèl flè sèlman ;
- Salè minimòm lan vo 2.5 dola pou chak lè travay, sa ki bay $ 20 US pou jounen travay 8 èd tan an ;
- Pa gen raketè nan biwo Leta yo ankò, ou jwenn sèvis ou nan limit 3 a 10 jou pou pi plis ;
- Leta mete pwogram kredi disponib pou mwayèn antrepriz ak sa k fèk ap demare, san moun yo pa bezwen marenn ak parenn ;
- Pa gen bidonvil ankò, Leta trase plan zòn yo anvan moun abite yo ;
- Nou gen ase militè pou kontwole kot ak fwontyè nou yo ;
- Ayiti vin elijib pou monetize tout kont rezososyal paske , , ak tout lòt yo genyen syèj sosyal yo la a ;
- Ayisyen pa nan depanse pil milyon pou pati al chache lavi aletranje ankò ;
- Gen asirans vyeyès pou pèp la, bon jan prizanchaj pou granmoun ;
- Byennèt boujwa yo ak etranje yo ap jwi nan peyi nou an vin kolektif.
Jis imajine !

Tout sa w wè m di la yo se kèk reyalizasyon Pwojè Sosyete « Nouvèl Ayiti » a.
N ap goumen pou nou bati yon sosyete k ap kreye kondisyon Byennèt pou tout moun, jan Fondatè Nasyon an, Jean-Jacques Dessalines, te tabli modèl la. Yon lòt Ayiti posib ak yon lòt jenerasyon dirijan ki pa apatrid, ki konn kenbe grangou, ki pa abolotcho, ki eklere.
Nou se Platfòm Nouvèl Ayiti (PNA) 🇭🇹
Nou se Parti Lumière d'Haïti 🖤❤️

Mwen se Vénel BOZILE, yon Ayisyen konsekan k ap goumen pou konkretizasyon rèv Nouvèl Ayiti a.

Nou kapab ✊🏿
N ap fè l 🇭🇹
Jou a la.
Zansèt nou yo pa t batay pou granmesi.

26/02/2026

24/02/2026

Vénel Bozile pou yon lòt Ayiti 🇭🇹
Jenerasyon politisyen ak dirijan aprè 1986 la, ansanm ak tout pati politik ki feraye depi peryòd sa a, montre limit yo deja. Yo pa ka fè peyi. Yo pa gen kapasite ni vizyon pou mete Ayiti sou wout pwogrè ak estabilite, ni pou negosye patenarya entènasyonal ki nan enterè siperyè nasyon an.

Politisyen ak dirijan aprè 1986 yo montre yo chetif nan lespri. Jodi a, yo mennen peyi a nan yon pwotektora, yo kraze lojik rejim prezidansyèl la, epi yo separe pouvwa ak privilèj ant yo menm.

Pandan tan sa a :

● 1 400 000 Ayisyen ap viv anba tant nan move kondisyon ;
● 4,9 milyon Ayisyen pa gen ase manje depi 2024.

Sa pa di yo anyen. Paske pandan pèp la ap soufri, yo menm ap jwi avantaj pouvwa Leta a, epi fanmi yo ap viv alèz aletranje sou kont Trezò piblik Ayiti.

Nou p ap janm gen bon kondisyon lavi ak politisyen tradisyonèl yo, ni ak pati tradisyonèl yo.

Se poutèt sa, Vénel BOZILE fonde Parti Lumière d'Haïti, yon fòs politik k ap pote Pwojè Sosyete « Nouvèl Ayiti » a.

Wi, nou bezwen san nèf. Men pa moun ki sòti nan menm laboratwa sistèm k ap toupizi nou an. Pa moun y ap prepare pou kontinye pwojè makawon an sou yon lòt fòm.

Nou bezwen san nèf :

• moun eklere,

• moun patriyòt,

• moun ki fòme nan dimansyon grandèt moun,

• moun ki pa mezire reyisit yo nan gri loksidan,

• moun ki pa vann konsyans yo pou viza ak privilèj nan men blan.

Jean-Jacques Dessalines pa t janm mande kolon yo valide l.

Yon lòt Ayiti posib.
Men se pa ak menm politisyen tradisyonèl apatrid yo, ni ak jounalis “chiens de garde” sistèm k ap toupizi nou an.

C📷: IA

24/02/2026

Imajine...

Imajine :
- Peyi a gen sekirite ;
- Gen travay k ap kreye ;
- Tout timoun al lekòl ;
- Gen touris k ap antre vin vizite bèl zòn nou yo ;
- Nou ajoute Tren kòm mwayen transpò modèn e rapid ;
- Tout wout yo fèt pa gen pousyè ;
- Tout rivyè yo netwaye ak fouye ;
- Pèp la, jenès la gen pouvwa d acha ;
- Chak awondisman gen yon Hôpital Communautaire de Référence (HCR) ;
- MIC/MTPTC ak SNGRS ankadre meri yo pou kenbe vil yo pwòp ;
- Plantè yo jwenn ankadreman e pwodui sifizamman manje pou tout Ayisyen manje ;
- Tout Sant komèsyal yo modènize, machann pa louvri komès atè ankò ;
- Gen kouran 24 sou 24, 7 sou 7, gen vi noktin ;
- Inivèsite piblik yo devlope lòt patenarya, yo genyen pwogram metriz nan enjeniri ak domèn nikleyè, nou sispann kale doktè nan literati pou bèl flè sèlman ;
- Salè minimòm lan vo 2.5 dola pou chak lè travay, sa ki bay $ 20 US pou jounen travay 8 èd tan an ;
- Pa gen raketè nan biwo Leta yo ankò, ou jwenn sèvis ou nan limit 3 a 10 jou pou pi plis ;
- Leta mete pwogram kredi disponib pou mwayèn antrepriz ak sa k fèk ap demare, san moun yo pa bezwen marenn ak parenn ;
- Pa gen bidonvil ankò, Leta trase plan zòn yo anvan moun abite yo ;
- Nou gen ase militè pou kontwole kot ak fwontyè nou yo ;
- Ayiti vin elijib pou monetize tout kont rezososyal paske , , ak tout lòt yo genyen syèj sosyal yo la a ;
- Ayisyen pa nan depanse pil milyon pou pati al chache lavi aletranje ankò ;
- Gen asirans vyeyès pou pèp la, bon jan prizanchaj pou granmoun ;
- Byennèt boujwa yo ak etranje yo ap jwi nan peyi nou an vin kolektif.
Jis imajine !

Tout sa w wè m di la yo se kèk reyalizasyon Pwojè Sosyete « Nouvèl Ayiti » a.
N ap goumen pou nou bati yon sosyete k ap kreye kondisyon Byennèt pou tout moun, jan Fondatè Nasyon an, Jean-Jacques Dessalines, te tabli modèl la. Yon lòt Ayiti posib ak yon lòt jenerasyon dirijan ki pa apatrid, ki konn kenbe grangou, ki pa abolotcho, ki eklere.
Nou se Platfòm Nouvèl Ayiti (PNA) 🇭🇹
Nou se Parti Lumière d'Haïti 🖤❤️

Mwen se Vénel BOZILE, yon Ayisyen konsekan k ap goumen pou konkretizasyon rèv Nouvèl Ayiti a.

Nou kapab ✊🏿
N ap fè l 🇭🇹
Jou a la.
Zansèt nou yo pa t batay pou granmesi.

22/02/2026

Parti Lumière d'Haïti se yon inisyativ klas mwayèn pou retire mas popilè yo nan mal site.
Byennèt la dwe kolektif.
Byennèt pou tout moun 🖤❤️

13/02/2026