02/12/2025
APÈL POU KONTRIBISYON – AJDSD
Nan non AJDSD – Asosyasyon Jèn pou Devlopman Sosyo-kiltirèl Délices, kòm pòt pawòl òganizasyon an, mwen kontan lanse yon apèl ouvè bay tout manm nou yo, sipòtè nou yo, zanmi kominote a, tou de an Ayiti ak lòtbò dlo.
Nou sou wout pou òganize gwo aktivite fòmasyon ak animasyon sosyo-kiltirèl ki pral fèt jeudi 25 pou rive lundi 29 desanm 2025 nan École Nationale de Délices.
Se yon opòtinite pou n bati konesans, ranfòse kapasite jèn yo, epi mete limyè nan kominote a pandan peryòd Nwèl la.
Pou reyalize pwojè sa a avèk bèl jan li merite a, nou bezwen sipò nou!
Nou envite :
✔️ Manm yo
✔️ Senpatizan yo
✔️ Pitit Délices ki Ayiti
✔️ Pitit Délices ki lòtbò dlo
pou pote kontribisyon yo jan kapasite yo pèmèt.
Nenpòt kontribisyon konte : materyèl, finans, lojistik, sipò medya, kominikasyon, oswa patisipasyon kòm volontè.
Chak jès se yon pye bwa ki vin ranfòse travay nou pou kominote a.
Nou kwè nan kapasite nou pou fè pi byen lè nou ini men nou ansanm.
Délices se lakay nou – devlopman li se responsabilite nou tout!
Pou tout kontribisyon oswa enfòmasyon, tanpri kontakte nou sou :
📌 3142-2716/3450-2407
Nan espwa resevwa repons ou, AJDSD remèsye w davans pou konfyans ak solidarite w.
Ann mete men pou fè aktivite sa a yon siksè!
Pou AJDSD,
Pòt Pawòl la – Pierre-Richard Roussainnat
