E&M Young Ambassador 機電青少年大使

E&M Young Ambassador 機電青少年大使 機電青少年大使計劃由機電工程署舉辦,目的是培養青少年成為機電工程署的大使,在日常生活中推廣機電安全﹑能源效益以及機電業發展。

計劃宗旨是:
促進青少年對機電安全﹑能源效益及機電業的知識
建立一支活潑的青少年團隊,在社區推動機電安全﹑能源效益及機電業發展

本Facebook專頁歡迎大家分享意見,但本Facebook專頁管理團隊並非二十四小時運作,亦未必會逐一回覆留言。任何人身攻擊、粗言穢語、誹謗、淫褻、侵犯知識產權、侵犯個人私隱或作商業推廣等留言將會被刪除。

【 】機電青少年大使計劃7月份活動|扶手電梯STEAM工作坊!🛗大家有冇諗過成日搭嘅扶手電梯係點樣運作?背後有幾多工程學奧秘?🔧今次EMYA STEAM工作坊,我哋會帶大家認識扶手電梯嘅機械⚙️原理,包括鏈條傳動、踏板連接、滑輪系統等等,仲...
18/06/2026

【 】機電青少年大使計劃7月份活動|扶手電梯STEAM工作坊!🛗

大家有冇諗過成日搭嘅扶手電梯係點樣運作?背後有幾多工程學奧秘?🔧
今次EMYA STEAM工作坊,我哋會帶大家認識扶手電梯嘅機械⚙️原理,包括鏈條傳動、踏板連接、滑輪系統等等,仲會有專業工程師👷🏻同大家講解一下升降機與自動梯安全,教大家認識各種安全機制🛡️,同埋搭扶手梯個陣要注意嘅事⚠️。而大家喺工作坊親手砌嘅扶手電梯模型🏗️,仲可以帶返屋企添!🏠

📋活動詳情:
🗓️日期:2026年7月18日(星期六)
⏰時間:第一場:10:00-12:00 / 第二場:14:00-16:00
🏢地點:機電工程署總部(九龍灣啟成街3號)
👫對象:3-25歲會員(3-7歲小朋友歡迎家長陪同)
名額有限,快啲報名啦!一齊嚟探索扶手電梯嘅工程奧秘,培養STEAM思維!🚀

✅ 活動由即日起至7月12日接受會員報名📝,現有會員可以登入會員系統進行報名!立即報名或了解🔍更多活動詳情👉 https://emya.emsd.gov.hk/tc/new-activities/index_id_161.html(掃QR Code亦得!📱)
如果報名人數超出活動人數上限,我哋將會以「抽籤方式」決定入選會員!工作人員將於7月14日陸續以電郵📧同電話📞形式通知入選會員確認參與,敬請報咗名嘅會員到時候留意。

❗如果有任何查詢,歡迎致電3757-6162與職員聯絡。
未成為會員嘅你🌟免費登記成為會員就可以報名參與我哋嘅活動啦!🎉

💥只要年齡介乎3-25歲,即可登記成為機電青少年大使😎
立即登記👉https://emya.emsd.gov.hk/tc/member-world/

#機電青少年大使 #扶手電梯 #機械工程 #免費活動 #親子活動

【 #氣體安全】🍳 煤氣冷知識大放送你哋知唔知道屋企用緊嘅「煤氣」,其實早就唔係用煤整㗎啦!點解仲叫「煤氣」?呢個只係歷史留落嚟嘅名,好似「鉛筆」入面冇鉛一樣!⚗️ 咁而家用咩整?• 60% 天然氣 - 最潔淨嘅化石燃料• 39% 石腦油 ...
16/06/2026

【 #氣體安全】🍳 煤氣冷知識大放送

你哋知唔知道屋企用緊嘅「煤氣」,其實早就唔係用煤整㗎啦!
點解仲叫「煤氣」?
呢個只係歷史留落嚟嘅名,好似「鉛筆」入面冇鉛一樣!

⚗️ 咁而家用咩整?
• 60% 天然氣 - 最潔淨嘅化石燃料
• 39% 石腦油 - 含硫量極低嘅優質原料
• 1% 堆填沼氣 - 轉廢為能嘅環保之選

環保升級歷程:
70年代:由煤炭轉用石腦油,大減二氧化硫排放
2006年:引入天然氣,進一步減少空氣污染物
近年:加入沼氣利用技術,實現廢物循環再用

♻️ 堆填沼氣點樣變能源?
透過先進技術去除雜質 → 淨化成合成天然氣 → 變成製氣原料
真正做到「垃圾變黃金」!✨

Fun Fact:
原來我哋每日煮飯用嘅「煤氣」,
背後有咁多環保科技同心思!
作為未來嘅工程師,你哋都可以為香港嘅可持續發展出一分力!

#機電青少年大使 #環保能源 #煤氣知識 #工程師之路

15/06/2026

【 】氫能車競賽大挑戰2026 - 遙控小車比賽 熱血花絮出爐!🎬🔥

「3,2,1,GO!」🏁 經歷咗兩日嘅連場激戰,「氫能車競賽大挑戰2026 - 遙控小車比賽」終於喺一篇歡呼聲中圓滿落幕!🏆
今次比賽有近百位小學熱血車手同場較量!見到大家由當初喺工作坊落手落腳砌車底座、吸收氫能綠色科技知識🔋,到呢兩日真正手握遙控器,將自己親手組裝嘅氫能車放落賽道極速飛馳,嗰種「由零到有」嘅速度與激情,真係令全場都睇到心跳加速!💥
衷心感謝各位小車手、家長同老師對比賽嘅支持,令賽事畫上完美句號。氫能科技步伐唔會停,我哋期待下一次喺賽道上再同大家見面!🚀
一齊嚟重溫呢兩日嘅精彩時刻!⚡

#氫能車競賽大挑戰2026 #遙控小車比賽 #精華花絮

12/06/2026

【 快速截擊車🏎️ 】 #啤啤の珍藏車車大全

話說啤啤由細細個開始🐾,就對車車情有獨鍾ʕ●ᴥ●ʔฅ 前排聽到地球基地師兄師姐提起架「 #快速截擊車 」,聽個名都覺得好型😎,一於等我開箱特派Bear出動💨去睇吓架車車有幾架勢先🧡!

快速截擊車⚡,係地球基地為消防處採購,供機場使用嘅特別用途車輛~車車配備咗六汽缸渦輪增壓引擎,最高馬力可達750匹💪, 0-80公里嘅加速可以喺25秒內完成,係機場消防車隊入面加速度最高嘅消防車嚟㗎❗佢可以令消防員喺清晰視野👀同良好地面嘅狀況下兩分鐘內抵達跑道發生意外嘅地方🛬,評估情況同作出合適嘅部署~ 車上亦都配有大型水缸同泡缸,方便喺短時間進行灌救💦

啤啤我仲知道地球基地嘅師兄師姐除咗會為快速截擊車提供日常車輛維修保養服務外🚗,仲會24小時駐守機場✈️隨時為消防車提供緊急維修添🚨!想知道仲有咩珍藏車車? 咁就要Keep住留意🐻啤啤我嘅分享喇🥰~
- - - - - - - - - - - - - - - - - - - - - - -
🥰Follow我哋Instagram : emsdwittybear
⭐️下載「機智啤啤 & 智析寶寶」WhatsApp Sticker:https://bit.ly/4fhwNKJ

#機電工程署 #機智啤啤 #智析寶寶 #機電知識 #機電安全 #快速截擊車 #保安及車輛工程部 #車輛維修保養 #採購服務

🚇【鐵路安全】呢個港鐵月台窄到得約6米?!😳原來香港有個港鐵站,月台出名「的骰」!講緊嘅,就係海怡半島站~因為車站位置同地底空間有限,所以月台設計得特別緊湊👀📍 有幾窄?海怡半島站個島式月台,最窄位置大約只有6米左右!😳即係大約等於:👣一個...
11/06/2026

🚇【鐵路安全】呢個港鐵月台窄到得約6米?!😳

原來香港有個港鐵站,月台出名「的骰」!
講緊嘅,就係海怡半島站~
因為車站位置同地底空間有限,所以月台設計得特別緊湊👀

📍 有幾窄?
海怡半島站個島式月台,最窄位置大約只有6米左右!😳
即係大約等於:
👣一個成年人大約行11步左右就到另一邊、
🚌 一架巴士車身長度嘅一半左右
或者
🏸 一個雙打羽毛球場闊度~

雖然月台比較窄,車站一樣做到安全同實用💡

🏝️ 車站採用「島式月台」設計👇
🚆 列車喺兩邊
🚉 月台喺中間

呢種設計可以更有效利用空間,方便乘客上落車~

🤖 站內同時設有自助客務機📞
透過視像同語音系統,乘客都可以即時聯絡職員求助!

其實香港好多鐵路設計,
背後都有好多貼心嘅工程智慧😆

下次搭去海怡半島站,
不妨數下自己幾多步可以由一邊月台行到另一邊月台🤣

你又知唔知香港仲有邊個港鐵站好特別?👇

#鐵路冷知識 #港鐵 #香港之最 #海怡半島站 #機電知識

【 】「氫」建未來,用科技傳遞愛!💡🌱由提交計劃書,參與工作坊,社區研習到比賽日,歷時近半年由機電工程署聯同騰訊基金會一齊主辦嘅「氫建未來.小紅花科創向善挑戰賽」終於劃上最完美嘅句號!今次比賽分為「低碳生活」同「氫能應用」兩大類別,吸引超過...
09/06/2026

【 】「氫」建未來,用科技傳遞愛!💡🌱

由提交計劃書,參與工作坊,社區研習到比賽日,歷時近半年由機電工程署聯同騰訊基金會一齊主辦嘅「氫建未來.小紅花科創向善挑戰賽」終於劃上最完美嘅句號!
今次比賽分為「低碳生活」同「氫能應用」兩大類別,吸引超過 1,500名中學生👥踴躍參與,收到近百件充滿創意同心血嘅科創作品🧠,見證年青人對環保同低碳生活滿滿嘅熱情❤️!

👑 恭喜 保良局李城璧中學 憑住超有創意嘅《橙生綠黏寶》(利用橙皮提取物合成膠水)勇奪冠軍寶座!🏆🍊
🥈 亞軍:香港教師會李興貴中學《氫能仿生樹》🌲
🥉 季軍:拔萃女書院《智能回收監察專家》📊
🏅 殿軍:德貞女子中學《家居智能O₂ BAR》💨
🌸小紅花科創家大獎:明愛聖若瑟中學《氣息地圖》🗺️

每一位同學都用行動證明咗,科技唔單止可以創新,仲可以解決真實嘅社區問題,做到「科技向善」!💪 等我哋一齊期待呢班科創未來主人翁,繼續用創意同熱情去「氫」建更美好、更綠色嘅香港!🌍💚

#氫建未來 #小紅花科創向善挑戰賽 #科技向善 #碳中和 #低碳生活 #氫能 #機電工程署 #騰訊基金會 #青年科創

05/06/2026

【 #香港之最 ...最長鐵路綫🚊】

🐻:寶寶,考吓你!知唔知咩馬係最長㗎?
🤖:屯馬綫吖嘛👀尋晚已經見到你諗緊鐵路冷笑話啦❄️

喺2021年全綫開通嘅屯馬綫,貫通新界東西,同時連繫九龍東,成為全港最長鐵路綫!鐵路綫全長56公里,共有27個車站,當中包括6個轉綫站,接駁東鐵綫、觀塘綫、東涌綫及荃灣綫,如果搭晒全程由屯門站去到烏溪沙站,需要差唔多74分鐘㗎⏰

喺啤粉sss可以好C服咁坐屯馬綫四圍去嘅背後,其實仲有地球基地一班專業嘅師兄師姐密切監察住鐵路系統安全運作㗎ʕ→ᴥ←ʔ,等啤啤我都搵日同寶寶嚟嗰本地鐵路遊先😚
- - - - - - - - - - - - - - - - - - - - - - -
🥰Follow我哋Instagram : emsdwittybear
📲「E&M Connect」令你生活更方便、更寫意:https://bit.ly/3atAOgg
⭐️下載「機智啤啤 & 智析寶寶」WhatsApp Sticker:https://bit.ly/4fhwNKJ

#機電工程署 #機智啤啤 #智析寶寶 #機電知識 #機電安全 #機電冷知識 #香港之最 #最長鐵路綫 #屯馬綫

【電力及氣體安全】屋企裝固定電力裝置/爐具?呢啲要搵「合資格人士」先得⚡🔥裝修屋企、換電熱水爐、換新氣爐?唔好貪方便自己嚟,或者搵冇註冊嘅人幫手安裝,否則一旦出事就好危險!😱✅ 電力篇:所有唔經插座供電嘅電器(例如:電熱水爐)➡️ 必須由註...
04/06/2026

【電力及氣體安全】屋企裝固定電力裝置/爐具?呢啲要搵「合資格人士」先得⚡🔥

裝修屋企、換電熱水爐、換新氣爐?
唔好貪方便自己嚟,或者搵冇註冊嘅人幫手安裝,否則一旦出事就好危險!😱

✅ 電力篇:
所有唔經插座供電嘅電器(例如:電熱水爐)
➡️ 必須由註冊電業承辦商接駁電源
➡️ 完工後會發出《完工證明書》(WR1),證明裝置符合規定

安裝電熱水爐要注意:
💧 電力裝置由註冊電業承辦商安裝
🚿 水管部分由水務署認可人士處理
❌ 避免用設有「開關水掣」嘅花灑頭,否則壓力太高會爆!

🔥 氣體篇:
⚠️ 氣體爐具小提醒:
使用氣體產品前記得保持通風良好
購買時要認明有「GU」標誌嘅爐具
每 18 個月 安排安全檢查,確保冇洩漏、冇老化,安全放心!

安裝、更換、維修都要搵
👉 註冊氣體工程承辦商僱用嘅註冊氣體裝置技工進行
違反《氣體安全條例》或自行安裝氣體設備,係犯法㗎!🙅‍♂️

屋企安全,由認證專業開始💪

#電力安全 #氣體安全 #家居安全 #機電署 #安全安裝

🔌【 #電力安全】網購要精明,安全要放第一!⚠️網購真係方便,但買電器之前,唔好淨係望價錢或者賣相,仲要望清楚有冇符合本港電力供應規格!✅🛍️ 選購提示:✨ 插頭要適合香港插座(三腳插頭)✨ 額定電壓要與香港標準一致(220V 交流電)✨ ...
30/05/2026

🔌【 #電力安全】網購要精明,安全要放第一!⚠️

網購真係方便,但買電器之前,唔好淨係望價錢或者賣相,仲要望清楚有冇符合本港電力供應規格!✅

🛍️ 選購提示:
✨ 插頭要適合香港插座(三腳插頭)
✨ 額定電壓要與香港標準一致(220V 交流電)
✨ 要有清晰標記(品牌、型號、額定電壓/功率/頻率等)

🧸 小提醒:
再吸引嘅廣告,都要記住「停一停、諗一諗」🙌
買電器前要留心,確保用得安全又放心。

安全上網購物 = 保護自己 + 保護屋企人 💪

#電器安全 #網購小心 #安心用電 #安全第一

【EMYA】雙月會訊上期會訊我哋同各位機電青少年大使探討過香港鐵路🚇嘅小知識。而今期會訊就帶大使們了解一下💡目前香港已經有部分地區應用緊嘅「區域供冷系統」(District Cooling System)!近年全球暖化🌍🌡️同極端天氣🥵嘅問...
29/05/2026

【EMYA】雙月會訊
上期會訊我哋同各位機電青少年大使探討過香港鐵路🚇嘅小知識。而今期會訊就帶大使們了解一下💡目前香港已經有部分地區應用緊嘅「區域供冷系統」(District Cooling System)!

近年全球暖化🌍🌡️同極端天氣🥵嘅問題越來越嚴重,香港特區政府同樣關注相關事件,而且喺2021年10 月發布✍️《香港氣候行動藍圖 2050》,推動低碳發展以持續改善環境並帶動綠色經濟發展💚。而機電工程署嘅工作之一就喺規劃及推行「區域供冷系統」💧。

想知咩喺「區域供冷系統」?一齊嚟吓今期會訊啦!😆
https://emya.emsd.gov.hk/tc/newsletter/index.html

#機電工程署 #機電青少年大使 #區域供冷系統 #香港氣候行動藍圖2050

Address

香港九龍啟成街3號機電工程署總部大樓
Hong Kong

Alerts

Be the first to know and let us send you an email when E&M Young Ambassador 機電青少年大使 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to E&M Young Ambassador 機電青少年大使:

Share