24/06/2026
【 #均衡飲食系列｜EP3 碳水化合物應該點食先啱？全穀物、根莖類有咩好處？】
碳水化合物係身體主要能量來源，大家最重要係識得選擇同控制份量呀！
💡 碳水化合物應該食幾多？
世界衞生組織建議，未精製碳水化合物（如全穀物、蔬菜、水果、豆類）可佔每日總能量約 45–75%，以支持日常工作及活動所需。
🌾🥕 全穀物同根莖類蔬菜有咩好？
例如糙米、燕麥、全麥包，以及番薯、芋頭、紅蘿蔔、粟米等，都屬於營養價值較高嘅碳水來源：
✅ 含豐富膳食纖維，飽足感亦較強，有助體重管理。
✅ 提供多種維生素（如維生素B、C）及礦物質（如鉀質）
✅ 含抗氧化物及植物化學物質（如β-胡蘿蔔素）
❗ 其實，碳水化合物唔係大家諗到咁「邪惡」。影響體重同健康嘅關鍵，往往係高脂、高糖、低纖維素飲食。
💡 實用貼士
• 白飯可部分轉為糙米、紅米或燕麥飯
• 間中以番薯或粟米代替部分主食
• 多選原型食材，減少加工食品
• 配搭不同顏色蔬菜，飲食更全面
#碳水知多啲 #碳水化合物 #全穀物 #根莖蔬菜 #均衡飲食 #香港飲食
