屋宇署 Buildings Department

Home
Hong Kong
Hong Kong
屋宇署 Buildings Department

屋宇署官方專頁
Official page of Buildings Department

嗱嗱嗱樓嘅嘢唔少嘢！博學嘅阿標同阿丁，最鍾意同大家分享易入口嘅樓宇安全知識。不論你係租客、業主抑或物業管理職員，如發現任何樓宇安全問題，都應該搵合資格建築專業人士／承建商檢查／維修，避免小問題變成大問題！

免責聲明：

本專頁為開放平台，歡迎公眾參與帖子互動及留言。本專頁未能確保逐一回覆留言或訊息，敬請留言者互相尊重。留言或評論若涉及人身攻擊、侮辱、粗言穢語、誹謗、淫褻不雅、侵犯私隱或知識產權、載有可能影響本署執法行動的資訊、作商業推廣或大量重複者等，可能會在不被通知的情況下被隱藏或刪除。本專頁提供的資料只可作參考之用。

如有任何查詢、舉報及投訴，請聯絡屋宇署：
電話：2626 1616 （由「1823」接聽）
電郵：[email protected]

01/09/2026

🌱【綠築未來—AI重塑舊區】比賽現正接受報名！ 🎨✨

想用科技發揮創意，為香港舊區帶嚟綠色新面貌？

屋宇署今年會舉辦一個名為「綠築未來—AI重塑舊區」嘅比賽，已經接受報名啦！

無論係大人定係小朋友都歡迎參加！比賽以「易於保養、智慧管理、可持續發展」為核心概念，大家可以透過 AI 人工智能技術發揮無限可能，將舊區重塑成安全、易保養、高效管理、具兼融性嘅環保社區設計！💡

🏆 豐富獎項（現金券）
小學組：冠軍 $800 | 亞軍 $500 | 季軍 $300
中學組：冠軍 $1,000 | 亞軍 $600 | 季軍 $400
公開組：冠軍 $1,200 | 亞軍 $800 | 季軍 $600
特別獎：每組設「網上投票最受歡迎獎」（1名）可獲 $200

事不宜遲，立即報名📲，9月30日截止報名！

了解詳情﹕https://bit.ly/4x3u3td

#屋宇署
#綠築未來 #低碳社區 #樓宇安全 #可持續發展

31/08/2026

【｜樓宇物業篇】

天文台已經發出 #一號戒備信號，業主同埋物業管理公司要記得提前做足預防措施呀！

快啲跟住 #標丁呢個 checklist 檢查你哋所住嘅大廈同單位，確保室內同室外安全，並盡量減少因颱風引致嘅公眾及樓宇安全事故。

🌪️室內防風就係咁Easy！
✅天台、平台及地庫（包括停車場），確保地面水排水渠及雨水沙井暢通及運作正常，冇淤塞；
✅有水浸風險嘅地方（如機電設施房及地庫停車場等）﹕應加設合適嘅抽水裝置；
✅位於空曠位置嘅窗、玻璃門及玻璃面板﹕應加上保護物料或裝置，並確保所有可開啓嘅窗戶（包括玻璃幕牆）已穩固地關閉並鎖緊。

🌪️室外防風就係咁Easy！
✅大廈外牆伸建物及裝置（例如棚架、招牌、廣告、裝飾、太陽能發電系統及其支承構築物或其他屋宇裝備裝置嘅支承構築物）﹕業主/佔用人須作出適當安排，確保其穩固及安全；
✅物業範圍嘅斜坡／擋土牆﹕確定有冇異常現象（例如裂縫、排水管阻塞、泥滲出、墮落嘅岩石）；
✅大廈吊船﹕確保已駛回安全位置，並已適當地穩固。

更多颱風季節期間嘅樓宇安全預防措施：https://bit.ly/33jX9sZ

#屋宇署

21/08/2026

【 #樓宇安全學生大使計劃2026 精彩回顧👷🏻‍♂️👷🏻】

今個夏天真係熱到爆，連屋宇署總部都好Hot🔥，原來係 #標丁期待已久嘅「樓宇安全學生大使計劃2026」開始咗喇！

今年反應好熱烈，有成29位嚟自13間中學嘅同學報名參加，佢哋對未來建築行業勁好奇，仲好有passion添！

📍Day 1：打好基礎 ✕ 探訪舊區
💡樓宇安全基礎班：齊齊學習樓宇結構、消防、環境衞生同暢通易達設計呢啲核心概念。
🗺️跟住就去咗市區更新探知館打卡、玩遊戲，了解吓市區更新係乜東東。之後仲親身走入舊區，感受城市變遷背後嘅故事、意義同挑戰。

📍Day 2：實戰驗樓 ✕ 深度體驗
🔍驗樓三步曲：睇圖則、認識樓宇失修同僭建，以及最新嘅驗樓科技同工具。
🗺️實地驗樓解鎖：走入真實舊樓進行實地驗樓，將知識即學即用！班同學仔仲親身體驗置身喺「板間房」，對樓宇結構同安全有更加深刻嘅體會，真係好有意義🙌！

🙏真係好多謝 #市區重建局全力支持，幫我哋安排咗市區更新探知館導賞、舊區導賞行程，仲借出珍貴嘅舊樓做實地驗樓場地，等班同學仔可以走出班房，親身落場感受同實踐，真係真係真係……獲益良多，冇得頂🙏🏻！

嚟緊 #標丁會繼續緊貼「 #樓宇安全學生大使計劃」，一有新嘢就同大家 update，記住留意住我哋嘅最新動態啦！

#屋宇署

#樓宇安全學生大使計劃
開心建城 URAmity

19/08/2026

【攜手合作🤝大廈維修與物業管理研討會圓滿舉行❗】

持牌物管公司職責，你要知！

#標丁話齋，良好嘅物業管理同樓宇安全息息相關，物管公司需妥善處理於其管理嘅物業公用部分及設施進行嘅建築工程（包括大廈維修），以確保公眾安全。物管嘅職責包括：

• 提醒及協助業主處理法定命令/通知/消防安全指示
• 定期視察、妥善規劃、安排及統籌保養和法定檢驗及所需修葺工程
• 協助業主聘請建築專業人士和註冊承建商及確保工程合規
• 妥善監察工程進度、預防措施及備存相關記錄
• 主動與建築專業人士和承建商跟進懷疑違規工程
• 處理違例建築工程

當進行樓宇大維修工程嘅時候，物管公司亦要特別注意以下消防安全事項：

✅使用符合認可標準嘅棚架防護物料
✅妥善保養防火屏障（例如防火門/防火固定窗）
✅防火門時刻保持關閉
✅保持逃生途徑暢通無阻
❌不可擅自改動或拆除逃生途徑/防護門廊嘅圍牆或窗戶
❌不可遮蓋窗戶，以免喺發生火警時難以察覺
❌不可喺外牆或窗戶鋪設可燃物料（例如發泡膠板）
❌不可將雜物、工程廢料或可燃物料靠近或囤積喺棚架

為加強支援物管公司處理樓宇檢驗同維修，屋宇署再次聯同物業管理業監管局（監管局）同市區重建局（市建局）舉辦專題研討會。活動當日，市建局仲重點分享咗預防性樓宇維修保養嘅資訊，以及樓宇復修資助計劃，仲有一系列財政同技術支援嘅申請程序等。

今次研討會仲特別邀請咗廉政公署，就樓宇維修貪污風險分享防貪資訊，提供咗好多有關誠信樓宇管理同防貪嘅小貼士。

透過小組討論環節，屋宇署、監管局、廉政公署同市建局嘅同事，已經同出席研討會嘅物管代表建立咗良好嘅聯絡機制，以便日後繼續支援同協助業主/法團處理大廈嘅維修工作。

#標丁妥善管理物業、履行法定責任非常重要。業主、法團及物管公司應與建築專業人士及承建商緊密合作，建立一套有效嘅管理機制，確保大廈維修妥善執行及物業安全。

《進行大維修工程消防安全注意事項》: https://bit.ly/4g5IM1B

#屋宇署
#大廈維修 #物業管理 #研討會 #交流合作

14/08/2026

【巡查私人建築地盤做足防風準備👷🏻‍♂️🏗️】

#防風標丁出動！係時候為颱風季做好準備！

我哋一向會定時更新「主幹道旁私人建築地盤」名單同地盤負責人嘅緊急聯絡電話，務求同相關人士保持緊密聯繫。

喺颱風季節來臨前亦會向建築業界發出通函，提醒佢哋做足做好 #防禦措施，守護地盤同公眾安全！

打風前🌪️，我哋會加強地盤巡查，優先巡查主幹道旁嘅私人建築地盤，提醒地盤負責人要：
✅對個別天秤採取適當嘅防風措施
✅確保吊船停泊到安全位置，並已穩固妥當
✅徹底檢查棚架
✅清走喺棚架或靠近地盤外圍嘅鬆脫物件
✅疏通臨時排水系統，確保運作良好

超強颱風🌪️逼近時，啟動「特別應變行動」
✅重點巡查主幹道旁較高風險嘅私人建築地盤
✅主動聯絡其他地盤嘅地盤負責人，確保預防措施到位。

超強颱風後，迅速跟進，排除隱患
✅優先處理主幹道旁私人建築地盤嘅舉報
✅抽查主幹道旁風險較高嘅地盤，提醒地盤負責人盡快糾正風後出現嘅欠妥地方（如鬆脫圍網、棚架）。

#防風標丁做足防風準備，減低風險！ 👷🏻‍♂️🏗️

#屋宇署

12/08/2026

【屋宇署與消防處再度聯合行動持續加強巡查私人樓宇確保消防安全】

針對私人樓宇進行大型維修工程期間嘅消防安全問題，繼上月聯合行動取得正面成效，屋宇署喺8 月10 日再次聯同消防處到觀塘一幢商住用途樓宇進行聯合巡查行動，發現以下違規情況：

🔳工程雜物及廢料囤積於逃生樓梯及梯內的臨時工作台，造成安全隱患。

屋宇署已即時向負責工程嘅認可人士及註冊承建商代表作出口頭指示及發出警告信，要求立即清理工程廢料及雜物，並敦促其需於完成有關位置的維修工程後盡快拆除相關工作台，以減低一旦火警發生時的風險。

大型維修期間，建築專業人士、承建商、物業管理公司、業主/法團必須確保：
✅使用符合認可標準嘅棚架防護物料
✅不可喺外牆或窗戶鋪設可燃物料（例如：發泡膠板）
✅不可擅自改動或拆除逃生途徑∕防護門廊嘅圍牆或窗戶
✅不可將雜物、工程廢料或可燃物料靠近或囤積於棚架
✅防火門時刻保持關閉
✅妥善保養防火門及防火屏障

記住：樓宇安全，人人有責！齊心協力，共同締造更安心的居住環境。

屋宇署舉報及查詢熱線： 2626 1616（由「1823」接聽）

#屋宇署
#消防處
#樓宇安全 #大型維修

07/08/2026

【颱風雨季來臨前・窗戶安全預備指南】

颱風雨季將至，提前做好窗戶防護，守護家居安全！ #標丁提提你，趁好天盡快完成以下檢查，防患於未然：

🔍預先檢查重點：
1️⃣窗鉸及螺絲有冇鏽蝕/鬆動/鬆脫/變形？
2️⃣窗框有冇變形？窗扇係咪鬆脫或者難開閂？
3️⃣窗鎖有冇鏽蝕/難開閂/未能鎖上？
4️⃣玻璃表面有冇破損或裂痕？
5️⃣用嚟固定玻璃嘅壓條、墊條有冇唔妥，令到玻璃鬆動？
6️⃣玻璃膠/防水密封劑有冇老化/損壞？
7️⃣防水墊條/膠條有冇老化/損壞？

🛠️ 防護準備建議：
1️⃣清理鉸槽同窗扇頂嘅積水/沙石
2️⃣預先準備窗戶保護物料
3️⃣確保備存安排緊急維修聯絡名單

💡 溫馨提醒：
如需更換窗鉸，建議盡可能選用較堅固嘅四桿式不鏽鋼窗鉸，並設有可調校嘅定位滑塊，不鏽鋼桿嘅厚度須不少於2.5毫米。

若發現任何安全疑慮，即刻搵 #合資格人士嚟檢查同協助進行維修，千祈唔好自行處理可能已經受損嘅窗戶啊。

提前行動，做好準備，迎接風雨季，等我哋一齊為家築起安全防線啦！🏠

更多颱風季節期間嘅樓宇安全預防措施：https://bit.ly/4xGtxD1

#屋宇署

#颱風季節 #防風措施 #窗戶安全

Address

Buildings Department Headquarters, North Tower, West Kowloon Government Offices, 11 Hoi Ting Road, Yau Ma Tei
Hong Kong

Telephone

26261616

Website

http://www.bd.gov.hk/

Alerts

Be the first to know and let us send you an email when 屋宇署 Buildings Department posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Government Service in Hong Kong?