25/08/2026
【💛 心靈充電｜您的心靈電量還剩多少？】
電話電量低咗，我哋會記得插線充電；
但內心累咗，有時卻未必即時察覺得到。
各位老友記，生活每日都有唔同事情要處理，照顧家人、處理家務、安排日常，樣樣都需要心力。
當我哋感到無精神、心煩氣躁，或者對身邊事物提唔起勁時，也許就好似電話著咗「紅燈」一樣，係內心正在發出「低電量」提示。🔋
心靈充電，唔一定要做好特別嘅事。
只要願意停一停，俾自己一啲空間，心情亦都可以慢慢回復過來。
💡 幫自己「叉滿電」嘅小方法：
🔌 插上「休息線」
暫時放下繁瑣家務，安靜坐一陣，閉目養神十幾分鐘，讓大腦重新整理。
🔌 插上「傾訴線」
搵老朋友、家人，或者中心職員傾幾句，將心入面嘅鬱結慢慢講出嚟。
🔌 插上「興趣線」
聽一首鍾意嘅舊歌、種下花草、飲杯暖茶，做一啲自己鍾意嘅事，讓心靈電量慢慢回升。🍵
俾自己一啲休息時間，並唔係偷懶，而是讓身心重新出發。
如果今日覺得「唔夠電」，不妨過嚟中心坐一坐，傾下偈，為心靈叉叉電。✨
#鄰舍輔導會 #雅研社 #中西區 #堅尼地城 #長者中心 #長者活動 #長者服務 #心靈充電 #慢慢回電 #身心健康
