扶貧委員會

Home
Hong Kong
Hong Kong
扶貧委員會

歡迎瀏覽扶貧委員會(CoP)的專頁，我們會在此與大家分享CoP和轄下兩個專責小組的最新工作動向。

第五屆扶貧委員會的任期由2023年1月1日起開始。2022年《施政報告》宣布本屆政府的策略是精準扶貧，把資源投放到最需要幫助的人身上。新一屆扶貧委員會將會研究和識別其他精準扶貧的目標群組，並就扶貧事宜向政府提供意見，以及推廣跨界別合作精準處理貧窮問題。扶貧委員會亦會監督關愛基金(CCF)和社會創新及創業發展基金(SIE Fund)的運作，通過補漏拾遺和推動社會創新處理貧窮問題。

本專頁為一開放平台，管理員不會對留言逐一回覆。如有涉及人身攻擊、粗言穢語、誹謗、淫褻、重複相同意見、侵犯知識產權或作商業推廣的留言，可能被刪除。

05/06/2026

#扶貧點滴【「社區客廳」自修室學生專心溫到書又可以學用AI】

對學生嚟講，一個安安靜靜、可以專心讀書嘅空間非常重要📖。

讀緊中學嘅 KiKi，由於屋企鄰近馬路🛣️，不時有大車經過，嘈雜嘅環境令佢嘅溫習質素大受影響📚。於是，KiKi 選擇嚟到「旺角社區客廳」嘅自修室，呢度有打印機、電腦等設備，方便佢完成功課，可以更加專注喺溫習🤓。

「社區客廳」致力為有需要嘅「劏房」戶提供額外生活空間，提升生活水平。而可以畀學生專心讀書嘅環境，當然亦係其中一項🙌🏻！快啲 click 以下連結，了解更多「社區客廳」嘅簡介同申請資格啦：
https://www.swd.gov.hk/tc/svcdesk/funds/ccf/ccf_current/

#社區客廳試行計劃 #社區客廳 #劏房戶 #關愛基金 #扶貧委員會

03/06/2026

#扶貧新氣象【芒種梅雨季節宜小心地滑】

芒種係農民一年間最為繁忙嘅時節。踏入梅雨季節，雨水增多🌧️，農民既要收成，又要準備下一輪播種🌾，唔怪得有人話「芒」字應該寫成「忙」先更貼切😆！

梅雨季節期間，長者出入時，亦要特別小心地滑💦，避免跌倒受傷。如果行動不便，可以聯絡關愛隊轉介申請輔助器材；屋企亦可以安裝平安鐘，多添一份保障同安心💖！

#關愛隊 #關愛隊支援長者及照顧者計劃 #長者住戶 #獨老住戶 #雙老住戶 #護老者 #三老及以上家庭 #扶貧委員會

01/06/2026

#扶貧小學堂之 #親子教室【考試季節放鬆心情小撇步💕】

考試季節又到啦📚！相信各位家長同小朋友面對接踵而來嘅測驗考試，難免會覺得有啲緊張同壓力。今次「親子教室」同大家分享幾個放鬆心情小撇步，等大家可以輕鬆應戰💪！

🌡️善用「情緒溫度計」：家長可以同仔女一齊檢視當下嘅情緒狀態，了解壓力指數。
🧘‍♀️快速冷靜法：溫到心煩氣躁可以試吓深呼吸，再由10開始倒數、洗個臉或者聽吓音樂🎶，畀大腦唞一唞。
🗣️尋求傾訴對象：鼓勵小朋友主動搵同學、朋友、老師或者家人傾訴同求助。
💡 冷靜解決問題：遇到困難時，一齊思考唔同嘅解決方法，再揀最適合嘅方法去實行。

學習路上，唔一定要孤軍作戰㗎✨！

「在校課後託管服務計劃」🏫，會有導師喺課後時間陪伴同指導小朋友做功課兼溫習📝。託管導師會同小朋友一齊解決學業上嘅疑難，仲會準備各種課後活動，家長減輕咗指導壓力，可以放心出去工作，自然事半功倍啦🥰！

即刻瀏覽以下網頁，了解更多參與「計劃」嘅學校名單同申請資格啦🔗： https://www.swd.gov.hk/tc/svcdesk/funds/ccf/ccf_current/

#在校課後託管服務計劃 #課後託管 #功課輔導 #單親家庭 #溝通技巧 #親子關係 #扶貧委員會

29/05/2026

#扶貧新視角【撳住紅圈，幫同學仔加速做功課🔥！】

點解小朋友做功課做得咁快 🤔？

原來參加「在校課後託管服務計劃」嘅小學生喺導師指導下做完功課之後，就可以玩好多有益嘅玩具同做各樣運動🏓！呢啲活動有助訓練同學仔專注力、協調與反應能力，而小組合作仲有助培養團隊合作同抗壓能力。

「在校課後託管服務計劃」畀小朋友可以喺安全嘅校園環境完成功課同溫習✏️，仲有豐富嘅小組遊戲同多元活動，平衡學業同個人成長！計劃已經開放畀所有小學生參與，有助減輕家長照顧壓力，等家長能夠專注工作💼。

💡 想知仔女間學校有無參加？即刻 Click 入名單睇睇：
https://www.swd.gov.hk/tc/svcdesk/funds/ccf/ccf_current/

如果發現仔女讀緊嘅學校未有參與，試吓主動邀請學校參加喇！

#在校課後託管服務計劃 #課後託管 #功課輔導 #全方位學習 #扶貧委員會

27/05/2026

#扶貧頻道【仔女參與「在校課後託管服務計劃」家長有咩唔同？】

你更加似圖中左邊，定右邊嘅家長👀？

「在校課後託管服務計劃」旨在畀有需要嘅小朋友留喺安全、熟悉嘅地方接受託管同完成功課🏫，仲透過多元化嘅活動照顧小朋友全方位發展✨。「計劃」減輕家長嘅照顧壓力，無需再匆匆忙忙接仔女放學💨咁就能夠更專心外出工作，改善生活🙌🏼。

如果你都想好似右邊嘅家長咁可以輕鬆出去工作，立即瀏覽以下網址仔女嘅學校有冇參加「計劃」：
https://www.swd.gov.hk/tc/svcdesk/funds/ccf/ccf_current/

如果學校未參與，就記得邀請學校報名啦！

#在校課後託管服務計劃 #課後託管 #功課輔導 #單親家庭 #溝通技巧 #親子關係 #扶貧委員會

26/05/2026

#扶貧頻道【街坊藝術參與讓「社區客廳」多一點愛】

點解「油麻地社區客廳」咁色彩繽紛嘅🎨？原來係佈滿咗會員製作嘅藝術作品啊！

由踏入客廳嘅門口，就見到一大幅充滿童趣風格嘅畫──係由多位「劏房」會員親子合力，由佢哋畫出印象中嘅油麻地🖌️！「油麻地社區客廳」亦不時舉辦手工班、繪畫工作坊，又會安排小朋友同家長互畫肖像🖼️，仲一齊整象徵夢想飛翔嘅手板蝴蝶🦋、砌出理想嘅屋企等，增進彼此嘅了解！

呢啲作品，裝飾住每個角落，令整個「社區客廳」多出一份藝術同愛嘅氛圍💞。

想了解更多有關「社區客廳」嘅詳情同申請方法，歡迎撳以下呢條 link ：
https://www.swd.gov.hk/tc/svcdesk/funds/ccf/ccf_current/ 　

油麻地社區客廳 Yau Ma Tei Community Living Room

#社區客廳試行計劃 #社區客廳 #劏房戶 #關愛基金 #扶貧委員會

22/05/2026

#扶貧新視角【扶貧大使由前往「社區客廳」的探險回來了！】

經過 8 小時後，扶貧大使由前往「社區客廳」的探險回來了✨！

佢哋除咗收集到一張「社區客廳」嘅會員卡🪪，仲有唔同嘅明信片，可以見到清真備餐區、音樂室、按摩椅等等多元設施🧺，仲有捉棋機械人、智能炒菜機等，將科技帶入客廳，讓會員嘅生活更加多姿多彩💞～

仔細睇睇👀，只要符合以下條件，就可以申請成為「社區客廳」會員：
1. 為區內「劏房」戶
2. 符合入息資格
3. 至少一名住戶為香港居民

「社區客廳試行計劃」旨在為「劏房」住戶提供更寬敞嘅生活空間，想知邊區有「社區客廳」，即Click以下連結啦：https://www.swd.gov.hk/tc/svcdesk/funds/ccf/ccf_current/

#社區客廳試行計劃 #社區客廳 #劏房戶 #關愛基金 #扶貧委員會

20/05/2026

#扶貧新氣象【小滿宜回顧學習進度】

今年二十四節氣嘅小滿係5月21日，取自「物至於此，小得盈滿」💁🏻，意思係夏季成熟嘅農作物籽粒開始飽滿🌾，但仲未完全成熟。同學仔嘅學業都係一樣啊！踏入學期中後段，考試就嚟到📚，係時候開始備試溫書喇😤！

「在校課後託管服務計劃」有專業嘅託管導師協助小朋友溫習同做功課📝，一齊回顧呢一年嘅學習進度🙌🏼，導師亦會安排唔同嘅小組活動，等同學仔溫習完可以一齊玩遊戲，紓解學習壓力。家長嘅照顧壓力自然大大減輕，可以放心去工作、改善生活啦！

想了解參與「計劃」嘅學校名單同申請資格等，請參閱：
https://www.swd.gov.hk/tc/svcdesk/funds/ccf/ccf_current/

#在校課後託管服務計劃 #課後託管 #功課輔導 #單親家庭 #溝通技巧 #親子關係 #扶貧委員會

18/05/2026

#扶貧小學堂之 #長者生活百科【每人做多步預防鄰里長者跌倒】

對獨居長者嚟講🧓🏻，跌倒絕對唔係小問題，甚至可能長期影響日常生活同心理健康😢。作為鄰舍，我哋平時對長者多一點嘅關懷💖，都能夠為佢哋多添一份保障🛡️：

💁🏻經過時見到長者屋企燈光太過昏暗，可以問吓使唔使幫手換燈膽💡，確保室內光線充足。
💁🏻最近落雨天☔️，走廊容易濕滑，提醒獨居長者出入時要小心，慢慢行。
💁🏻見到長者拎住重嘢，不妨主動提出幫手🛍️，減輕老人家嘅關節負荷。
💁🏻聯絡小區關愛隊，協助轉介安裝平安鐘🛎️。萬一喺屋企跌倒，都可以即時尋求援助。

資料來源：衛生署
https://www.healthbureau.gov.hk/phcc/rfs/src/pdfviewer/web/pdf/educationalresources/tc/13_tc_Fall_Prevention_booklet.pdf

扶貧委員會全力支持嘅「地區服務及關愛隊伍 – 支援長者及照顧者計劃」通過關愛隊嘅探訪同接觸，展開關懷行動，為有需要嘅長者住戶、護老者同埋殘疾人士照顧者送上暖意💞，並提供協助同轉介有需要個案至社福機構跟進。

#關愛隊 #關愛隊支援長者及照顧者計劃 #長者住戶 #獨老住戶 #雙老住戶 #護老者 #三老及以上家庭 #扶貧委員會

15/05/2026

#扶貧點滴【參加「社區客廳」AI興趣班改善爸爸睡眠質素】

「社區客廳」除咗為「劏房」戶提供完善生活設施、照顧會員基本生活需求🏠，亦致力協助會員突破資源限制，學習新知識同技能🖥️，應對生活上嘅挑戰。

好似「旺角社區客廳」嘅小會員詩穎，就參加咗 AI興趣班，學習點樣喺通訊軟件製作小程式📲。詩穎仲學以致用，令電話能夠播放白噪音，幫助爸爸改善睡眠質素，好好放鬆入睡💤。就算年紀仲細，一樣可以利用學到嘅知識關心屋企人💪🏼！

即Click以下連結，了解更多「社區客廳」詳情啦：https://www.swd.gov.hk/tc/svcdesk/funds/ccf/ccf_current/

#社區客廳試行計劃 #社區客廳 #劏房戶 #關愛基金 #扶貧委員會

Address

Hong Kong

Telephone

3142 2888

Website

https://www.commissiononpoverty.gov.hk/

Alerts

Be the first to know and let us send you an email when 扶貧委員會 posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 扶貧委員會:

Shortcuts

Want your organization to be the top-listed Government Service in Hong Kong?