海岸清潔 Clean Shorelines

海岸清潔 Clean Shorelines 此專頁為推廣海岸清潔而設

【始於足下👣】細個嗰陣，最鍾意就係除咗鞋仔，赤腳踩上沙灘。軟綿綿、暖笠笠，海風吹住面，聽住浪聲……嗰種感覺，到而家都記得。🌊我哋想守護嘅，就係呢一份簡單嘅幸福。而你行過嘅每一步，都可以令海岸更美。✨守護海岸，由生活小事開始。🌱少用即棄，源頭...
27/03/2026

【始於足下👣】

細個嗰陣，最鍾意就係除咗鞋仔，赤腳踩上沙灘。
軟綿綿、暖笠笠，海風吹住面，聽住浪聲……
嗰種感覺，到而家都記得。🌊

我哋想守護嘅，就係呢一份簡單嘅幸福。
而你行過嘅每一步，都可以令海岸更美。✨

守護海岸，由生活小事開始。
🌱少用即棄，源頭減廢；
🏖️玩去完沙灘，垃圾帶走；
🤝 約埋朋友，一齊清潔。
就係咁簡單。💙

千里之行，始於足下。
一步接一步，一浪接一浪。
美麗海灣，由我哋每一步開始守護。🌅

多謝你哋，願意同我哋一齊行呢段路。🌤️

#海岸清潔 #始於足下 #足下有情海岸有晴

23/03/2026

【放眼看海岸 - 梅窩】

梅窩位於大嶼山東南面，係一個被海環抱嘅小社區。呢度以恬靜嘅海岸線同樸實嘅社區氣息見稱，一直都係居民與自然共生嘅地方，帶住大嶼山獨有嘅慢活節奏。

由碼頭出發⛴️，沿住海濱一路走向銀礦灣，海面閃閃生光💫，海浪聲輕拍岸邊。無論散步定係踏單車🚴🏼‍♂️，海風吹過，帶嚟清涼同平靜，令人不自覺放慢腳步，細味片刻嘅靜謐同自在。

銀礦灣環境清幽，係欣賞海岸風光同感受大嶼山節奏嘅好去處。享受呢份寧靜之餘，不妨一齊出分力💙。減少使用即棄用品、外出自備可重用物品、離開前帶走垃圾，亦順手執起見到嘅海邊垃圾。呢啲簡單而有意思嘅習慣，可以減少垃圾流入海洋🌊，令海岸之美得以持續。

每次踏足海邊🦶🏻，都係一次與大自然同行嘅機會。保持海岸清潔，唔單止為咗今日嘅風景，亦係為咗將來嘅我哋，可以繼續欣賞最純粹嘅海岸景致。

#海岸清潔 #放眼看海岸 #梅窩

【團結出擊 · 清潔海岸】每個人都獨一無二，守護海岸嘅方式亦各有不同🌊有人鍾意統籌帶隊、有人默默耕耘、有人用鏡頭捕捉每個畫面、有人為大家打氣鼓勵。無論你係屬於邊種類型，只要心繫環境，你就係我哋嘅最強戰友～💪性格不同，目標一致，齊心就係最強力...
20/03/2026

【團結出擊 · 清潔海岸】

每個人都獨一無二，守護海岸嘅方式亦各有不同🌊有人鍾意統籌帶隊、有人默默耕耘、有人用鏡頭捕捉每個畫面、有人為大家打氣鼓勵。無論你係屬於邊種類型，只要心繫環境，你就係我哋嘅最強戰友～💪

性格不同，目標一致，齊心就係最強力量🌊！

守護海岸，需要你、需要我、需要每一位有心人。用你最啱嘅方式出一分力：

🔹 鍾意計劃｜跟住「組織海岸清潔活動八部曲」自己搞活動
🔹 鍾意行動｜留意「海岸清潔」專題網站活動資訊
🔹 鍾意分享｜Like + Share 傳開去
🔹 鍾意熱鬧｜約埋朋友齊齊參加淨灘

總有一個位置屬於你！🤝

海岸清潔專題網站：https://www.epd.gov.hk/epd/clean_shorelines/index.html
組織海灘/海岸清潔活動指引（組織海岸清潔活動八部曲）： https://www.epd.gov.hk/epd/clean_shorelines/tc/guidelines.html

#海岸清潔 #自己垃圾自己帶走 #海岸清潔挑戰聯盟

【減廢淨岸・海岸最Chill🌊】BIG Waster已經就位！今日鬼鬼做化身「海岸觀察員」👀～躺喺岸邊望住大家一路散步一路吹海風，睇見都覺得好chill～不過鬼鬼會靜靜雞留意多樣嘢，當大家玩完準備離開嘅時候，有冇順手將自己嘅垃圾帶埋走呢？想...
19/03/2026

【減廢淨岸・海岸最Chill🌊】

BIG Waster已經就位！今日鬼鬼做化身「海岸觀察員」👀～躺喺岸邊望住大家一路散步一路吹海風，睇見都覺得好chill～

不過鬼鬼會靜靜雞留意多樣嘢，當大家玩完準備離開嘅時候，有冇順手將自己嘅垃圾帶埋走呢？

想留住眼前咁靚嘅海岸風景，就要有同鬼鬼一樣「大」嘅決心💙！其實人人都幫到手：

🌊源頭減廢：惜物減廢，由今日做起
🌊 減少即棄用品：重用代替即棄，習慣成自然
🌊自己垃圾自己帶走：帶得嚟，咪帶埋走囉
🌊一齊參加海岸清潔：淨灘唔只係清潔咁簡單，仲係同海岸嘅一場約會。一個人執少少，一班人執到好多！

減廢淨岸，海岸最Chill🌏💚
行多一步，讓海岸一直keep住乾淨又舒服～

#海岸清潔 #自己垃圾自己帶走

【2月海岸清潔活動摘要】二月嘅海風仲係涼涼哋，但無減一班義工清潔海岸嘅熱誠 💪 。沙堆入面嘅細碎垃圾、石罅入面匿埋嘅膠樽蓋，通通都逃唔過大家嘅法眼 👀。今個月又成功幫海岸做「深層清潔」！多謝每一位彎低腰、紮實馬步執垃圾嘅你 🙏。 無論海風撲...
16/03/2026

【2月海岸清潔活動摘要】

二月嘅海風仲係涼涼哋，但無減一班義工清潔海岸嘅熱誠 💪 。沙堆入面嘅細碎垃圾、石罅入面匿埋嘅膠樽蓋，通通都逃唔過大家嘅法眼 👀。今個月又成功幫海岸做「深層清潔」！多謝每一位彎低腰、紮實馬步執垃圾嘅你 🙏。 無論海風撲面定陽光普照，你哋都照撐，真係好「執」著！

守護海岸從來都唔係得把口，而係靠大家一步一腳印，將垃圾逐袋逐袋帶走，先可以令海岸變得更乾淨 ✨。其實除咗參加淨灘活動，平時大家都可以輕鬆出一分力，減少垃圾流入海洋：

🐢 自備水樽、餐具、飯盒，同即棄塑膠講 bye bye
🦀 去海邊玩完記得執齊自己嘢，唔好留手尾畀大自然
🐚 見到垃圾順手執埋，舉手之勞貢獻大

源頭減廢， 由你我做起🌊

再次多謝所有義工嘅付出，你哋就係海岸嘅最強後盾 💙！

#海岸清潔 #淨灘時光機

【放大睇下｜今日可以做邊一步？🔍】你可能覺得自己冇做過咩偉大嘅事，但你知唔知，你每日嘅小習慣，對海洋嚟講已經係實實在在嘅幫忙 💪小事從來都唔小，只係我哋未放大嚟睇。今日開始，小事認真做 🚀1️⃣ 嘗試從日常生活中減少使用即棄塑膠2️⃣ 日日...
13/03/2026

【放大睇下｜今日可以做邊一步？🔍】

你可能覺得自己冇做過咩偉大嘅事，但你知唔知，你每日嘅小習慣，對海洋嚟講已經係實實在在嘅幫忙 💪

小事從來都唔小，只係我哋未放大嚟睇。

今日開始，小事認真做 🚀
1️⃣ 嘗試從日常生活中減少使用即棄塑膠
2️⃣ 日日帶齊出門三寶：可重用水樽、餐具、購物袋
3️⃣ 每次去完海邊都記得 #自己垃圾自己帶走✨

想再行多一步？自己搞一次海岸清潔活動！
組織一次海岸清潔活動，其實無你想像中咁難。我哋有「組織海岸清潔活動八部曲」，step by step教你搞掂，仲有垃圾袋同手套支援添 🙌

👉 海岸清潔專題網站：https://www.epd.gov.hk/epd/clean_shorelines/index.html
👉 組織海灘/海岸清潔活動指引（組織海岸清潔活動八部曲）：https://www.epd.gov.hk/epd/clean_shorelines/tc/guidelines.html

你今日做咗邊步？留言話我哋知，或者Tag埋朋友一齊挑戰！👯‍♀️

#海岸清潔

【鬼鬼的心願🎋】 鬼鬼心入面默默許下一個願望，希望垃圾愈少，海岸愈美。✨但願望要成真，唔只靠抬頭許願，更加要靠我哋身體力行！ 🛒 鬼鬼話你知...揀少包裝、可重用嘅產品，從源頭減少垃圾流入大海🌊 🎒 鬼鬼都帶齊... 袋住水樽、餐具、環...
11/03/2026

【鬼鬼的心願🎋】

鬼鬼心入面默默許下一個願望，希望垃圾愈少，海岸愈美。✨但願望要成真，唔只靠抬頭許願，更加要靠我哋身體力行！

🛒 鬼鬼話你知...
揀少包裝、可重用嘅產品，從源頭減少垃圾流入大海🌊

🎒 鬼鬼都帶齊...
袋住水樽、餐具、環保袋，環保三寶不離身，出門必備✓

🧹 鬼鬼邀請你...
去海邊唔止打卡，仲順手帶走垃圾，一齊參加海岸清潔活動💪

由今日開始，行多一步；你出一分力，海岸就乾淨一分。讓「垃圾愈少 海岸愈美」變成現實，齊齊守護我哋嘅海洋。💙


#海岸清潔

【靚鬼Skin Care Routine​🎬✨】本靚鬼作為一個成日上鏡嘅Beauty KOL，梗係要保養好自己嘅皮膚😌​，而清潔就係最重要嘅一步！尤其係卸妝、潔面、去角質嘅時候，就更加要睇清楚潔面產品嘅成分表🫧，唔好用含有微膠珠嘅produ...
09/03/2026

【靚鬼Skin Care Routine​🎬✨】

本靚鬼作為一個成日上鏡嘅Beauty KOL，梗係要保養好自己嘅皮膚😌​，而清潔就係最重要嘅一步！

尤其係卸妝、潔面、去角質嘅時候，就更加要睇清楚潔面產品嘅成分表🫧，唔好用含有微膠珠嘅product呀🧴​。雖然微膠珠體積細細，但千祈唔好忽視佢哋呀，萬一佢地流入咗大海，就可能會入侵埋食物鏈，對海洋生態系統構成潛在風險㗎😣​。

所以靚，唔單止要keep住肌膚滑溜，仲要為海洋諗多一步，做個人美心善嘅靚鬼💖，護膚同時守護海洋！

想知有邊啲不含微膠珠嘅沖洗型個人護理及化妝產品品牌？快啲click入以下連結睇下啦：
https://www.epd.gov.hk/epd/clean_shorelines/byebyemicrobeads/tc/brands.html

#海岸清潔

【 #海岸清潔挑戰聯盟 – 啟發型 INFJ🌱】INFJ 參與海岸清潔活動，從來都係由使命出發。佢哋心底有份堅定信念，總會諗點樣令更多人真正認同海岸清潔嘅價值。出發前會靜靜做好準備，上「海岸清潔」專題網站了解最新資訊，預先熟悉活動地點同安排...
06/03/2026

【 #海岸清潔挑戰聯盟 – 啟發型 INFJ🌱】

INFJ 參與海岸清潔活動，從來都係由使命出發。

佢哋心底有份堅定信念，總會諗點樣令更多人真正認同海岸清潔嘅價值。出發前會靜靜做好準備，上「海岸清潔」專題網站了解最新資訊，預先熟悉活動地點同安排。因為佢哋相信，每一次淨灘都係一粒種子🌱，可以令呢份使命被更多人睇見。

活動當日，INFJ 用真誠說話同身體力行帶動氣氛。佢哋特別留意每位同伴嘅狀態，邊個需要指引🧭、邊個想安靜做嘢、邊個可以幫手做記錄✍🏼，務求人人發揮所長。

活動過後，佢哋會喺「海岸清潔」聯繫平台分享成果📷，將呢次經歷化成更長遠嘅影響，同時持續推動源頭減廢、減少即棄塑膠，令淨灘延伸成日常選擇。

如果你相信溫柔而堅定嘅影響力可以令海岸一步步變得更美麗，立即上「海岸清潔」專題網站開展海岸清潔活動，用你嘅方式守護海岸🩵。

🌐 海岸清潔專題網站：
https://www.epd.gov.hk/epd/clean_shorelines/index.html
🌐 組織海灘／海岸清潔活動指引（組織海岸清潔活動八部曲）：
https://www.epd.gov.hk/epd/clean_shorelines/tc/guidelines.html

#海岸清潔 #源頭減廢 #自己垃圾自己帶走 #海岸清潔挑戰聯盟

【海岸清潔猜燈謎🏮】元宵佳節到啦～🌕✨ 傳統上大家都會賞花燈、猜燈謎，熱熱鬧鬧咁慶祝。今年鬼鬼特別準備咗一條同海岸清潔有關嘅燈謎，同大家應節之餘，又可以一齊諗吓點樣守護我哋嘅海岸💙🔮 題目：減廢惜物新時代，莫教污物入大海。治本之方人人識，海...
03/03/2026

【海岸清潔猜燈謎🏮】

元宵佳節到啦～🌕✨ 傳統上大家都會賞花燈、猜燈謎，熱熱鬧鬧咁慶祝。今年鬼鬼特別準備咗一條同海岸清潔有關嘅燈謎，同大家應節之餘，又可以一齊諗吓點樣守護我哋嘅海岸💙

🔮 題目：

減廢惜物新時代，
莫教污物入大海。
治本之方人人識，
海岸常淨福自開。
（猜四個字）

💡 小提示：飲水思源，由根本做起～

估到嘅朋友，留言話我知你嘅答案啦👇🏻 鬼鬼會默默為你送上環保小星星⭐，一齊用行動守護美麗海岸！

祝大家元宵節快樂，人月兩團圓🥮🌸

#海岸清潔 #環保猜燈謎 #元宵節快樂

27/02/2026

【海岸清潔八步曲 | 自組海岸清潔活動懶人包⛳】

作為愛海之人，本鬼多年參與海岸清潔活動嘅「搞手」經驗，今日無私公開秘訣，等你都可以輕鬆召集人馬，一齊行動清潔海岸！💪 即刻去片🎬

Step 1️⃣：揀地點（親民易行）
有小朋友或長輩？揀啲易行、少石嘅沙灘最適合～

Step 2️⃣：揀時間（配合潮汐）
提早查低潮時間，更安全、更易執。記得上「海岸清潔」網站睇下有冇撞期，避免撞活動！

Step 3️⃣：安全及裝備要齊全
活動前去考察，檢查環境安全。手杖、防護手套、垃圾夾、急救包樣樣唔少！

Step 4️⃣：活動前電郵通知「海岸清潔」
附上組織名稱、活動資料、聯絡方式、是否需要清潔用具。
📧 [email protected]

Step 5️⃣：等我哋回覆通知
你會收到地點及日期建議、垃圾收集安排、清潔用具領取詳情。

Step 6️⃣：按指示領取清潔用具（如需要）
根據指示到指定地點領取，準備就緒！

Step 7️⃣：活動前最後檢查（留意天氣）
出發前睇多次天氣，如需改期，請電郵通知我哋～☔ 安全第一！

Step 8️⃣：活動後分享成果
影張靚相，send俾我哋睇下你哋嘅努力 💚 我哋超鍾意睇相㗎～

記住呢八部曲，本鬼相信你都可以成為出色嘅海岸清潔活動搞手💯​！唔駛等人帶隊，你都可以自己開團喇～

#海岸清潔八步曲 #自組海岸清潔活動懶人包

Address

Hong Kong

Telephone

25946578

Website

Alerts

Be the first to know and let us send you an email when 海岸清潔 Clean Shorelines posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 海岸清潔 Clean Shorelines:

Shortcuts

Share

Category