海岸清潔 Clean Shorelines

Home
Hong Kong
Hong Kong
海岸清潔 Clean Shorelines

此專頁為推廣海岸清潔而設

11/09/2026

【「淨灘集團」：我連灘都夠膽淨💪🏻🏖️】

今個夏天，鬼鬼去得最多嘅地方一定係沙灘😎☀️！

不過鬼鬼今日唔係嚟曬身材㗎，而係嚟曬下我哋持之以行嘅淨灘嘅戰績！作為「淨灘集團」嘅成員，我哋身上嘅汗水係真，成就感都係真～見到海岸嘅垃圾慢慢消失，回復乾淨，嗰種爽快感真係唔係靠吹海風可以感受到㗎🌊✨。

大家一定要知，每次去淨灘執垃圾，義工們多多少少都實會覺得攰。雖然成個過程有時會幾辛苦、流晒汗，但正正係呢份堅持不放棄嘅勇氣，支撐住我哋實踐保護環境嘅承諾。當你親眼見到海岸線變返晒乾淨嗰一刻，嗰種由心而發嘅成就感同感動，係用文字形容唔到嘅。真係要多謝每一滴真誠嘅汗水，令我哋可以共同見證齊心保護海岸的力量！

如果你都想出一分力，做個有擔當、有勇氣，最型嘅海岸守護者😎，就記得由 #源頭減廢同 #自己垃圾自己帶走開始，同時參與海岸清潔活動啦！

「海岸清潔聯繫平台」支援及查詢：
電話：3863 1550／電郵：[email protected]

#海岸清潔 #淨灘 #義工 #有型

07/09/2026

【急求義工！下白泥需要你幫手！🌊】

之前同大家介紹過下白泥嘅「活化石」馬蹄蟹，大家仲記唔記得？

早前颱風過後，強風大浪將大量垃圾吹上岸，堆滿下白泥海岸。下白泥唔單止係睇日落嘅勝地，仲係馬蹄蟹極之珍貴嘅重要生態棲息地！現時積聚較多垃圾嘅位置，主要喺近鴨仔坑公廁對出一帶海岸。

🤝 跨部門與團體攜手接力
為咗守護馬蹄蟹嘅家園，各部門如土木工程拓展署（CEDD）、食物環境衞生署（FEHD）及漁農自然護理署（AFCD）迅速應變，各司其職進行大型清理；我哋環保署海岸清潔組亦前往現場視察及跟進，將廢物同蠔殼分類，並收集乾淨蠔殼拎去合作嘅回收夥伴，升級再造變身成為水泥！

特別感謝各團體以唔同形式熱心支持，包括上山下海執垃圾、海洋公園保育基金嘅環境及自然保育基金項目團隊、下白泥教育中心、大自然保護協會，以及支持蠔殼回收（ShellCem Project）嘅青洲英坭！海岸上嘅細碎廢物仲係好需要大家幫手，非常歡迎更多義工加入一齊淨灘！

如果你都有興趣出一分力，請先聯絡海岸清潔組登記（電話：3863 1550／電郵：[email protected]）。

出發之前，切記安全第一：
🌊 睇準潮汐：請先參考天文台尖鼻咀潮汐表（連結在下方），把握退潮時間行動（建議潮水高度低於1.5米時進行）。
👟 裝備要足：務必穿著包跟防滑鞋，並帶備厚手套同耐用垃圾袋。沿岸有唔少玻璃及破爛塑膠等尖銳碎片，小心切勿割傷。
💪 量力而為：遇上太重或大型物件，切勿夾硬搬動，大家嘅安全先係最重要！
集沙成塔，力量可以好大！呢片海岸好需要大家幫手，期待同大家一齊為下白泥出力！✨

ℹ️ 實用連結與支援
📞 「海岸清潔聯繫平台」支援及查詢：
電話：3863 1550／電郵：[email protected]
🌊 尖鼻咀潮汐表：https://www.hko.gov.hk/tc/tide/predtide.htm?s=TBT
📜 安全指引及注意事項：https://www.epd.gov.hk/epd/clean_shorelines/tc/guidelines.html
♻️ 了解更多 ShellCem 蠔殼回收計劃：https://www.giet.com.hk/shellcem.aspx

04/09/2026

【SHOW WHAT I CHOOSE💅🏻✨】

做idol，梗係要時刻保持最佳狀態見fans、影靚相啦💖～

所以本靚鬼作為一個愛靚、愛海洋嘅環保界idol，平時揀護膚同化妝產品都唔可以求其㗎！尤其係洗面、磨砂、沐浴呢啲沖洗型產品，一定要睇清楚成分，揀選不含微膠珠嘅產品🧴，又或者用天然替代成分🌿，都可以避免微膠珠流入大海，影響海洋生態㗎！

靚樣要keep住，海洋都要一齊keep住咁靚💙～各位鬼粉，你哋識揀啦！

#海岸清潔

28/08/2026

【 #海岸收藏卡－Lv3：石灘】

去石灘淨灘，好似闖入咗「海岸迷宮」咁！石頭縫隙之間，有時會藏住隨風浪漂嚟嘅垃圾，考眼力之餘，仲好考大家嘅技巧同耐性！

準備好挑戰未？先答下呢條互動問題，測試下你嘅淨灘裝備知識：

📍互動問題：
喺石灘呢個「海岸迷宮」進行淨灘，邊套裝備先係最佳組合？
A. 防滑密頭鞋 + 防護手套
B. 人字拖 + 太陽眼鏡

答案係：A！石灘地形複雜，石頭濕滑又凹凸不平。去石灘淨灘一定要做足安全準備，穿著防滑密頭鞋同戴上防護手套嚟保護自己，防止受傷；喺石灘行走時亦要格外留神，注意腳下安全！

雖然好有挑戰性，但每一次細心清理，都係對海岸環境嘅實際支持！一齊保護美麗嘅海洋環境啦！🌊✨

#海岸清潔 #海岸收藏卡 #石灘

24/08/2026

【鬼鬼的回憶：夢幻沙堡🏰】

鬼鬼細個最鍾意去沙灘玩沙，堆一座獨一無二嘅夢幻沙堡～不過，每次去到漲潮時間，沙堡就會慢慢畀海水沖散，最後消失喺浪花入面🌊。

因為沙同水本來就屬於呢片海岸，在沙灘上被沖散，係最自然不過嘅。

不過垃圾就唔同喇！好似膠樽、膠袋呢啲即棄塑膠，唔會好似沙堡咁自然被沖散，反而會留喺海灘，影響景觀，仲有機會流入海洋。所以一定要記得自己垃圾自己帶走!

每次去沙灘玩之前，記得自備水樽補充水分💦；玩完之後，就將自己帶嚟嘅嘢全部帶走～做個負責任嘅親海玩家，守護呢片美麗嘅沙灘啦❤️！

#海岸清潔

21/08/2026

【My First Cleanup🏖️!】

首次解鎖海岸清潔活動！坦白講，出發前內心超緊張，但一去到現場見到大家，又變得好興奮！😍 睇到大家為咗同一個目標、咁齊心咁為海岸付出，個畫面真係好治癒、好有愛。鬼鬼突然靈感大爆發💡！一於唱返首歌送畀大家，希望用音符將呢份環保力量傳出去！🌊🎶

海岸流行～流行不留印痕～
海灣迷人～唔好留低膠樽物品～
海岸流行～帶走垃圾愛護同行～
海岸至迷人～綠色習慣在流行！

其實最型嘅唔只係特登落場淨灘！平時去海邊「自己垃圾自己帶走」、少用即棄用品、好好愛護海岸生態，呢啲全部都係引領潮流嘅海岸態度❤️！當保護海洋變成一種潮流，垃圾自然會越嚟越少，海岸亦都會越嚟越靚啦😆～

#海岸清潔

19/08/2026

【我哋上電視啦！📺 「組織海岸清潔活動 8 部曲」！】

仲記唔記得我哋喺 6 月份同大家介紹過嘅「組織海岸清潔活動 8 部曲」？
當時希望可以用簡單嘅步驟，幫到更多想去清潔沙灘嘅小夥伴，估唔到迴響咁大，吸引到電視台嘅注意！

我哋海岸清潔組前日上咗港台節目啦！🎉

香港電台節目-–《政正關你事 - 清潔海岸8部曲》 [https://www.rthk.hk/tv/dtt31/programme/governmentandyou/episode/1107656]

喺節目入面，除咗有義工分享佢哋嘅清潔嘅點滴同心得，我哋亦簡單介紹咗點樣實踐呢「8部曲」。❤

再次由衷感謝貓哥、利利姐，同埋每位曾經係唔同海岸流過汗嘅義工，希望大家繼續努力，一齊守護我哋嘅美麗海灣！

#海岸清潔 #上電視啦 #組織海岸清潔活動8部曲 #保護海岸 #綠色生活

17/08/2026

【 #淨灘時光機🕰️－7月海岸清潔活動摘要】

踏入盛夏，7月嘅陽光特別猛烈☀️，海風吹過都帶住陣陣熱氣。即使天氣炎熱，一班熱心嘅義工依然冇停低腳步，就算汗流浹背都走到唔同海岸，彎低腰將散落喺沙灘同石縫周圍嘅垃圾逐一清走。真係好感激每一位義工嘅堅持同無私付出，睇到你哋用汗水換嚟咁乾淨嘅沙灘，真係好感動！全靠有你哋默默守護，海岸先可以保持整潔，繼續成為大家享受夏日，聽浪打卡嘅好地方✨。

除咗參與淨灘活動，日常生活入面嘅小習慣，同樣可以保護海岸環境出一分力：
👋🏻 減少使用即棄用品
😆 出門帶備水樽、餐具同購物袋
🏖️ 去完海邊記得 #自己垃圾自己帶走

今個夏天，等我哋一齊將呢份守護海岸嘅心意延續落去啦🌊💙！

#海岸清潔 #淨灘時光機

Address

Hong Kong

Telephone

25946578

Website

https://www.epd.gov.hk/epd/clean_shorelines/tc/index.html

Alerts

Be the first to know and let us send you an email when 海岸清潔 Clean Shorelines posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 海岸清潔 Clean Shorelines:

Want your organization to be the top-listed Government Service in Hong Kong?