喜閱．飛越, Hong Kong (2026)

03/06/2026

【 #深水巷陌系列講座：從文學到音樂　感受深水埗人文風貌】

提起深水埗，可能你會聯想到小販攤檔、電子產品同平民美食🤔？

其實喺熱鬧嘅街巷之間，仲蘊藏住充滿生命力嘅文學故事！為呼應香港特別行政區成立29周年，公共圖書館舉辦「深水巷陌29載——我們從文字開始的深水埗文學漫遊」活動，透過一連三場專題講座🗣️，香港教育大學講師盧真瑜小姐會帶大家從散文、詩歌、歌詞等不同形式嘅文學作品出發，一齊穿梭唔同年代嘅深水埗，發掘社區嘅獨有風貌同隱藏魅力🙌！

活動免費入場，名額有限，立即了解活動及報名詳情👉 https://bit.ly/4tWDRDO

#深水巷陌29載 #我們從文字開始的深水埗文學漫遊 #深水埗 #講座 #香港特別行政區成立29周年 #喜閱飛越 #香港公共圖書館

02/06/2026

【「香港非遺月」展開！一同發掘非遺魅力💫】

非遺喺我哋日常之中，處處可見蹤影😳！今個「香港非遺月」，一齊投入各項藝文活動，搵出生活中嘅「非遺」彩蛋啦🎈！

🌟 香港非遺月2026
今年繼續以「香港處處有非遺」為主題，帶嚟開幕典禮暨非遺嘉年華、非遺精華遊蹤、光影表演、同樂日及高峰會等活動，一同探索非遺之美！

🌟中華文化節2026：京劇大武生藝術展演
齊集四大京劇院頂尖武生，以不同經典劇目帶嚟精彩而華麗嘅「武藝較量」。

🌟中華文化節2026：《多彩華藝》演藝嘉年華
精選多個舞台節目選段及非遺表演藝術，更特設巡迴展覽，拉近觀眾與中華文化藝術距離。

🌟閱讀非遺
介紹一系列有關非物質文化遺產館藏，深入探索非遺。

🌟 2026文物講座 : 香港花牌工藝的承與創
由老店「榮基花牌」主理人蔡榮基先生及長春社高級保育經理（文化保育）黃競聰博士同大家分享花牌工藝嘅價值及演變。

立即了解各項活動詳情！

#中華文化節2026 #京劇大武生藝術展演 #多彩華藝演藝嘉年華 #閱讀非遺 #2026文物講座 #香港花牌工藝的承與創 #香港非遺月2026 #喜閱飛越 #書訊集 #香港公共圖書館 #香港文化博物館 #香港歷史博物館 #康樂及文化事務署

02/06/2026

【細味廟宇美學✨解構繁華背後嘅文化瑰寶】

平時行經中西區，除咗高聳入雲嘅摩天大樓，你又有冇留意到隱藏喺繁華背後、充滿歷史價值嘅古老廟宇呢🧐？

一齊嚟參加專題講座，由陳天權先生帶領大家深度探索中西區歷史悠久嘅廟宇🙌🏻。屆時除咗可以欣賞到文化地標嘅獨特美學，仲會深入解構廟宇承載著嘅民間信仰同歷史價值🌟。

想細聽一磚一瓦背後嘅百年故事👂🏻？立即了解更多詳情👉🏻 https://bit.ly/4e8JlXh

#隱藏的文化瑰寶 #中西區廟宇的藝術與建築之美 #書訊集 #喜閱飛越 #香港公共圖書館

01/06/2026

【文學101 －賞讀文學《志怪文學：千奇百怪》第二集：斬妖伏怪】

大家以為志怪故事只係講降妖伏怪、奇詭法術？其實喺一幕幕怪異情節背後，往往蘊藏住古人迎難而上嘅勇氣同智慧💡！

今集《志怪文學：千奇百怪》帶大家走入《搜神記》嘅經典故事〈李寄斬蛇〉🐍，透過一個看似柔弱嘅女孩，憑住孝心同膽識，挺身而出，與巨蛇正面對決！喺驚心動魄嘅故事之中，我哋一齊細味背後所承載嘅價值觀同力量✨。

大蛇出沒注意⚠️！即刻睇片，一齊斬妖伏怪⚔️！

🎞【文學101 －賞讀文學】短片重溫 🎞
《志怪文學：千奇百怪》：https://bit.ly/4ocawlG

#文學101 #賞讀文學 #千奇百怪 #搜神記 #李寄斬蛇 #志怪文學 #中國文學 #吳志廉博士 #香港文學地圖 #香港公共圖書館 #康文署寓樂頻道

29/05/2026

【夏日藝文指南 ☀️】

盛夏將至，一系列多元藝文節目即將登場，為大朋友同小朋友帶來豐富又充實嘅消閒體驗🧭！

📖2026年「與作家會面」：幸福書房
多位作家將親臨「幸福書房」分享寫作同閱讀心得，同大家一齊漫遊書海，尋找書頁間嘅小確幸。
了解更多👉🏻：https://bit.ly/3RRAqRk

✍️2026年新手寫作坊
由資深編輯和作家講解唔同體裁嘅創作概念，分享創作經驗，培養大眾對中文寫作嘅興趣。
了解更多👉🏻：https://bit.ly/4e9BEQG

🎨園美生活──中外園林藝術
集結多件套珍貴畫作及文物，帶你走入清帝乾隆同法國路易十四嘅豪華花園，漫遊多位文藝大師筆下的浪漫庭園，睇盡中外園林美學。

🎭國際綜藝合家歡2026
精選逾百場訪港及本地親子表演及活動，涵蓋雜技、戲劇、舞蹈及音樂演出、趣味性工作坊、社區展覽和活動等，為大家送上豐富的親子藝術體驗。

🚀夏日親子電影節2026
精選多部適合兒童及青少年嘅電影及動畫，更請嚟專業配音現場粵語聲演！小朋友唔需要追字幕就可以全程投入到光影世界入面，感受電影嘅獨特魅力！

🎬香港流行文化節2026：幸會25歲──香港電影資料館珍藏展
適逢25周年，香港電影資料館首度喺香港文化博物館精心呈獻珍藏展！展覽精選珍貴電影文物，包括難得一見嘅戲服同獎座，配埋互動裝置、自選預告片放映室同口述歷史區，帶大家重溫銀幕光影嘅經典時代。

🎥修復101── 收‧修‧保‧寶
節目邀請咗多位電影工作者，帶觀眾深入淺出咁解密香港電影資料館嘅搜集、保存同修復工作，一齊體會電影保育嘅文化意義。

即刻約埋親朋好友，展開一場充滿文化氣息嘅夏日之旅！

#園美生活 #國際綜藝合家歡2026 #與作家會面 #幸福書房 #2026新手寫作坊 #香港流行文化節2026 #幸會25歲 #修復101 #喜閱飛越 #書訊集 #香港公共圖書館 #香港文化博物館 #香港歷史博物館 #香港電影資料館 #康樂及文化事務署 #康文署

28/05/2026

【 #館長選書– 學與教︳打開書本，解鎖新靈感🔐！】

一本好書，可以啟發家長、老師，同每一位正在成長路上嘅你，重新思考「學與教」嘅意義💡！

香港公共圖書館嘅「館長選書」，每季都會按唔同主題，由圖書館館長精心挑選，為大家推薦優質讀物。新一季嘅主題係「學與教」，精選多本涵蓋語文學習、親子教育、學習技巧同校園故事等類別嘅讀物📚。無論係想提升學習能力、建立親子溝通，定係探索教育理念，都可以從閱讀中獲得啟發，為成長注入更多可能性！

想解鎖更多學習靈感？即刻Click入嚟睇睇啦👉🏻：https://bit.ly/4ujQQQV

#館長選書 #學與教 #精選優質讀物 #香港公共圖書館 #喜閱飛越

22/05/2026

【學海書樓人生學問講座🗣️武則天嘅管理之道！】

篡唐建周、手段嚴酷、思想迷信……講起武則天，你會諗起佢心狠手辣嘅一面🤔？

女皇雖然實行高壓管治，但同時亦知人善任，擅長駕馭臣下🤝。今次「武則天的統治、信仰及股肱忠臣思想」講座，將邀請蕭錦華博士同大家探討武則天嘅稱帝背景、傳奇統治、儒釋道信仰及忠臣思想💡！

名額有限，先到先得，即刻上網報名留座👉🏻：https://bit.ly/42uF223

「 #學海書樓人生學問講座」由香港公共圖書館與學海書樓合辦，由不同學者以深入淺出嘅方式講述中國文學典籍中嘅文化意蘊。如果想知道未來嘅主題同內容，又或者想重溫昔日講座，歡迎瀏覽👉🏻：https://bit.ly/4qnSZrQ

#武則天 #儒家思想 #君臣之道 #學海書樓人生學問講座 #喜閱飛越 #香港公共圖書館 #學海書樓

20/05/2026

【河道大變身！🌊 打造我哋家門口嘅生態綠洲 🌿】

為咗令香港變得更宜居，渠務署近年積極推動「河道活化」工程。唔只為咗城市嘅美觀，更加可以：
✅ 改善微氣候：緩解城市熱島效應 🌡️
✅ 促進生物多樣性：迎接蝴蝶同鳥類回歸城市 🦋🐦
✅ 社區互動：打造更舒適、綠意盎然嘅休憩空間 🚶‍♂️🌴

想唔想知道翠屏河、啟德河同埋佐敦谷水道點樣從硬繃繃嘅人工水道，蛻變成市民熱捧嘅打卡熱點？

即刻預留時間參加由渠務署專家主講嘅專題講座：「河道活化 : 塑造活力河畔休憩空間」，了解香港最新嘅活化理念與項目！

日期：2026年5月30日 (六）
時間：3 pm – 4:30 pm
地點：香港中央圖書館（地下演講廳）
免費入場，座位先到先得。請於講座舉行前15分鐘入座。

立即了解更多活動詳情👉🏻 https://bit.ly/4uhysIB

#專題講座 #河道活化 #書訊集 #喜閱飛越 #香港公共圖書館

18/05/2026

【 #電子資源推介：OverDrive中文電子書】

想隨時閱讀內地人氣小說，或者兒童、青少年讀物🤩？

OverDrive中文電子書收錄多項精選簡體中文書籍，涵蓋內地流行小說、兒童及青少年讀物📚！只要登入香港公共圖書館帳戶，即可用電腦或流動裝置線上閱覽，你亦可透過Libby下載離線閱讀，隨時隨地享受閱讀樂趣❤️！

立即登入，開啟你嘅閱讀之旅📖！👉 https://bit.ly/4cNHGEI

#電子資源 #中文電子書 #圖書館電子資源 #書訊集 #喜閱飛越 #香港公共圖書館

15/05/2026

【星級陣容登場　藝文節目精彩連場🎶🎭】

多個藝文節目匯聚星級陣容，一同投入文化盛宴✨！

🌟足本重溫：《幸福索引──書與旋律之間》音樂故事分享會
配合「香港悅讀周」主題「閱讀／細味幸福」📖，香港公共圖書館聯乘創作歌手Phil林奕匡，攜手以文字與音樂拼湊幸福時刻。立即收看完整重溫影片，與Phil一同細味幸福！🎥 https://bit.ly/4wbwWc3

🌟《時．地．演》音樂會及媒體藝術展覽
電子音樂家兼新媒體藝術家蔡世豪，帶來全新創作《時．地．演》多媒體音樂會，帶你穿越一億年前火山時空，感受城市與自然交錯嘅震撼旅程。

🌟香港流行文化節2026：修復瑰寶──電影馬拉松
多部本地及世界級經典修復電影連環放映，帶你展開一場跨越百年嘅光影旅程🎬，重新感受 #阮玲玉 #張曼玉 #馬龍白蘭度 #謝賢的銀幕經典魅力。

🌟星級影談──陳可辛
囊括金像獎、金馬獎及金雞獎嘅著名導演陳可辛，親自精選四部代表作，以及兩部對他影響深遠嘅荷里活經典。活動更邀請影評人登徒主持映前及映後談，與導演陳可辛對談，分享其跨文化、跨年代嘅電影視野。

🌟新觀粵劇《英雄抉》—陸文龍的傳奇故事
由香港著名導演毛俊輝擔任藝術總監、導演及編劇，聯同香港及深圳台前幕後精英攜手打造，並由中國戲劇梅花獎兼一級演員彭慶華演繹陸文龍忠義兩難嘅傳奇故事，展現粵劇新風貌。

🌟中華文化節2026
今年以「傳奇」為主題，匯聚藝術精英，呈獻一系列精彩節目。開幕節目舞劇《白蛇》更由國際著名芭蕾舞藝術家譚元元擔任藝術總監，備受期待。

立即了解更多，一同感受文化藝術魅力✨

#幸福索引 #書與旋律之間 #時地演 #香港流行文化節2026 #修復瑰寶 #陳可辛 #英雄抉 #毛俊輝 #中華文化節2026 #譚元元 #香港公共圖書館 #東九文化中心 #香港電影資料館 #康樂及文化事務署

喜閱．飛越

03/06/2026

02/06/2026

02/06/2026

01/06/2026

29/05/2026

28/05/2026

22/05/2026

20/05/2026

18/05/2026

15/05/2026

Address

Website

Alerts

Contact The Organization

Shortcuts

Share

Category