民政及青年事務局 Home and Youth Affairs Bureau

03/09/2026

【第十期「 #青年委員自薦計劃」現正接受申請】

招募有志服務社會嘅青年，自薦加入成為以下政府諮詢委員會嘅委員，就所屬嘅政策範疇發表意見:

1. 18區地區青年社區建設委員會
2. 18區地區青年發展及公民教育委員會
3. 上訴委員會（遊戲機中心）
4. 中文界面諮詢委員會
5. 方便營商諮詢委員會
6. 西九文化區管理局諮詢會
7. 社區參與綠化委員會
8. 社區體育事務委員會
9. 車輛維修技術諮詢委員會
10. 降低食物中鹽和糖委員會
11. 香港房屋委員會轄下商業樓宇小組委員會
12. 促進種族和諧委員會
13. 香港檢測和認證局
14. 家庭與學校合作事宜委員會
15. 家庭議會
16. 消費者委員會轄下數碼市場發展與資訊科技小組
17. 健康促進學校諮詢委員會
18. 健康飲食在校園督導委員會
19. 推廣職業專才教育和資歷架構督導委員會
20. 華人永遠墳場管理委員會外部事務委員會
21. 勞工顧問委員會轄下就業輔導委員會
22. 博物館諮詢委員會轄下藝術專責委員會
23. 博彩及獎券事務委員會
24. 廉政公署防止貪污諮詢委員會
25. 廉政公署社區關係巿民諮詢委員會
26. 禁毒常務委員會
27. 葛量洪獎學基金委員會
28. 資歷架構下的銀行業行業培訓諮詢委員會
29. 綠色科技及金融發展委員會
30. 精神健康諮詢委員會
31. 撲滅罪行委員會
32. 數碼健康督導委員會
33. 優質教育基金推廣及宣傳專責委員會

🔎 詳情：https://shorturl.at/qJKOR
⏰ 截止日期：2026年10月5日

#自薦計劃 #期待你嘅參與
#民政及青年事務局 #民青局 #青年發展藍圖
#青年發展

03/09/2026

01/09/2026

【👴🏻👵🏻銀齡同創可持續・太極☯️電玩🕹️世界紀錄🌐 @九龍城】

由香港都會大學護理及健康學院、九龍城民政處及九龍城區關愛隊合辦嘅「銀齡同創可持續・太極電玩世界紀錄」已於星期日(30/8)圓滿舉行👏。

民政及青年事務局局長麥美娟、香港都會大學校長林群聲教授、立法會議員楊永杰、九龍城民政專員林苡晴、香港都會大學護理及健康學院院長黃婉霞教授等嘉賓出席活動，見證九龍城區超過100位「老友記」同關愛隊義工🤝齊集都大校園🎓，親身體驗都大運動遊戲研究中心最新研發嘅樂齡科技👴🏻👵🏻🤖── 「坐式太極健身遊戲」。

遊戲將傳統太極融合創新科技，既安全又有趣，仲可以改善平衡力⚖️、柔軟度同心肺🫀🫁功能，減低跌倒風險。大家喺歡笑聲中完成太極12式，成功創下「最高累積參與的長者坐式太極健身遊戲體驗」SDG世界紀錄🏆！

局長致辭時提到國家「十五五」規劃及其相關健康規劃💪🏻對人口老齡化、完善老齡福利、促進健康與優化醫療服務🏥嘅重視，並感謝都大將專業醫療科技帶入社區關愛層面🏘️。今次嘅活動正好融合「醫療護理」同「社區服務」，結合九龍城區關愛隊嘅力量💪🏻，協助「老友記」康健頤年，實現優質樂齡生活👍🏻。

未來，九龍城民政處會持續與不同團體合作，舉辦多元化嘅活動，關顧長者健康👴🏻👵🏻，將健康嘅生活模式帶入九龍城區🏘️。

#九龍城民政處 #九龍城區關愛隊 #香港都會大學 #護理及健康學院 #樂齡科技 #十五五規劃 #民政幫到你 #銀齡同創可持續 #太極電玩世界紀錄 #坐式太極 #長者健康

01/09/2026

【區區有建樹】- 油尖旺區

今集【區區有建樹】，我 #友建樹 同油尖旺區民政事務專員 Eric 一齊出動！帶大家去到充滿活力⚡️嘅油尖旺區，一齊探索當區傳統、藝術🎨同創新融合嘅魅力~ Let’s Go❣️

【📸油尖旺區多姿多彩之旅🎨】
🎨西九文化區 > 🌟星光大道🎥 > 💚社企【心思良品】– 購買手工藝品，支持精神復元人士發揮潛能 > 🍎穿梭油麻地果欄/ 金魚街/ 女人街/ 旺角花墟🌷> 💚社企【Future Kitchen & Café】– 品嚐西式餐飲及「照護食」菜式👴👵> 💚社企【The Bridge+】–置身活化後的百年唐樓，體驗藝術融入社區 > 🎬油蔴地警署光影之旅 > 尖沙咀鐘樓/ 香港文化中心/ 香港藝術館/ 香港太空館👩‍🚀

【Smilingheart 心思良品】– 協助精神復元人士就業及發揮潛能
📍️地址：尖沙咀梳士巴利道3號 (尖沙咀碼頭大堂側)
☎️電話：2366 9109

【Future Kitchen & Cafe】– 為弱勢社群提供就業及培訓機會，並為長者及吞嚥困難人士提供精緻「照護食」菜式
📍️地址：大角咀深旺道5號利奧坊壹隅1樓1103號舖
☎️電話：2688 0200

【The Bridge+】– 活化歷史古蹟，將藝術融入社區
📍️地址：油麻地上海街313號
☎️電話：5225 3101

#區區有建樹 #油尖旺區 #心思良品 #精神復元 #吞嚥困難 #文化保育 #周末好去處 #社企友建樹 #友建樹 #支持社企日日友建樹 #幫襯社企 #社企 #社會企業

31/08/2026

【 #青年發展】多元歷練拓闊視野 青年實踐成就未來 🌟

青年專員Andy喺過去幾日馬不停蹄，頻頻出席支持各項青年實習、交流同分享活動，包括中華總商會「香港青年上海實習計劃2026」總結會、九龍社團聯會「青年躍動·香港青年上海及大灣區實習計劃2026」總結會、香港青年聯會「實踐科創·探知歷史」2025-2026暑期實習計劃閉幕禮、香港青聯學生交流網絡「共創系列」暑期實習計劃2026閉幕禮，以及明匯智庫、大灣區新思維文化設計協會「築夢灣區」香港青年實習計劃2026 成果分享會。

個個活動現場都氣氛熱烈，充分展現青年嘅活力同抱負！Andy專員亦把握機會同青年朋友近距離交流，了解佢哋對學習、成長同未來發展嘅想法，見到一班青年朋友喺實習、交流同參訪之中不斷挑戰自己、累積經驗，真係好鼓舞👏👏！

每個實習交流計劃都為青年提供豐富多元嘅學習同實踐機會，從創新科技、歷史文化、城市發展、社會服務以至大灣區機遇等唔同方面，多角度認識國家發展之餘，亦累積職場實戰經驗，更可以喺交流之中廣交朋友，對青年成長係非常寶貴嘅歷練🌟。

青年發展需要更多實踐機會，亦需要更廣闊舞台。Andy專員寄語青年朋友：希望大家繼續保持學習熱誠，積極把握國家發展機遇，追夢築夢，喺國家同香港發展新階段發揮所長、貢獻力量！✨

#民政及青年事務局 #民青局

31/08/2026

【 #青年發展】理財故事分享會 增進青年理財知識

為更好裝備青年，政府喺2025年《施政報告》宣布推出「青年人才培養計劃」，當中包括深化民青局喺2024年推出嘅「青年理財教育計劃」。民青局由今年年初起積極落實深化計劃，除左邀請金融監管機構（包括香港金融管理局同強制性公積金計劃管理局）合作，為青年人提供金融業同財務規劃嘅資訊外，同時亦將計劃推廣至新推出嘅青年宿舍同其他民青局資助計劃，讓更多青年人受惠。

喺深化後嘅計劃下，民青局繼續與投資者及理財教育委員會合作，舉辦多場唔同主題嘅理財故事分享會，協助青年人建立有效嘅理財習慣。繼上個月為青年發展委員會嘅見習青年大使同埋「連青人網絡」嘅會員度身訂造以「青年財務管理」為題嘅理財故事分享會後，上星期五我哋又去咗位於深水埗嘅青年宿舍—「東華・南昌匯」，舉辦以「信貸評級知多啲」為題嘅理財故事分享會，由專家向青年宿舍嘅租戶講解信貸評級嘅重要性同對財務決策嘅影響。分享會介紹咗影響信貸評級嘅因素同改善評級嘅方法，幫助青年人掌握自己嘅信貸狀況，為個人財務規劃做好準備💰。

「青年理財教育計劃」會繼續透過不同類型嘅活動，為青年人提供實用嘅理財資訊，令佢哋更有效規劃未來。「連青人網絡」會員記得下載 「HKYouth+」App 留意最新活動資訊！

#民政及青年事務局 #民青局
#青年人才培養計劃 #青年理財教育計劃 #青年宿舍計劃 #連青人網絡
#投委會 #聽故事學理財分享會 #信貸評級 #青年財務管理

31/08/2026

【 #開學日】新學年✨ 新開始

聽日就係9月1日開學日，祝各位同學仔開學日順順利利，新學年有個好開始 !

民青局嘅HKYouth+ 青年手機App📲會繼續陪大家努力追夢，實現理想! 立即下載，發掘多元化資訊以及會員專屬優惠，記得同同學開心share呀🥳 !

#開學日 #提早出門
#民政及青年事務局 #民青局
#青年發展 #與青年同行

30/08/2026

【銘記抗日英烈 珍愛和平】

Alice局長今早出席中國人民解放軍駐香港部隊瞻仰斬竹灣抗日英烈紀念碑園紀念儀式，向奮勇抗敵、保家衛國嘅抗日英烈敬獻花籃，與嘉賓及中小學師生一同追悼喺抗日戰爭中為國捐軀嘅烈士。

局長期望參與紀念活動嘅青少年，銘記抗戰歷史同先烈嘅英勇事跡，體會中華民族不屈不撓嘅精神，同時提高愛國意識，珍愛得來不易嘅和平。

#民政及青年事務局 #民青局
麥美娟
#西貢民政事務處 #抗日英烈

29/08/2026

【 #生涯規劃】攜手大專院校為青年導航！「明日之道 My Future My Way」正式啟動🚀

面對瞬息萬變嘅社會，生涯規劃唔單止係為咗畢業後搵一份好工，更加係一項關乎青年向上流動、帶嚟希望嘅「未來工程」！

Clarence副局今日出席香港童軍總會「明日之道 My Future My Way」大專院校合作備忘錄簽署儀式暨計劃啟動禮✍️，見證各界齊心協力，為青年生涯規劃注入全新動力。副局亦同在場嘅青少年童軍傾談交流，了解佢哋嘅興趣同喺生涯規劃方面嘅需要。

今次係香港童軍總會首次聯同香港中文大學、香港恒生大學及東華學院三所大專院校展開合作，推動為期三年嘅「明日之道My Future My Way」生涯規劃課程，涵蓋創業、傳播溝通、醫健三大主題，希望能夠協助青少年接觸多元行業領域、掌握實用職場技能，為青少年創造更豐富嘅學習同成長機會，亦呼應國家「十五五」規劃重視青年發展、教育及人才建設嘅方向，有助香港青年裝備未來、拓展視野，並更好地融入同服務國家發展大局。

Clarence副局鼓勵在場嘅青年朋友要把握機會，體驗唔同嘅學習經歷同成長機會，佢亦寄語「明日之道」計劃能夠引領更多青少年成為有承擔、有視野、具備正向思維嘅未來社會棟樑！

#民政及青年事務局 #民青局
#青年發展 #明日之道 香港童軍總會 Scout Association of Hong Kong

28/08/2026

【大廈升降機停運 灣仔民政團隊支援受影響居民】

日前，灣仔區有大廈嘅升降機分別因翻新工程及故障而暫停運作⚠️，影響居民上落。灣仔民政處收到消息後，隨即統籌區議員及關愛隊上樓探訪，為居民送上物資及了解居民需要🫂。

明白居民非常關注升降機嘅復用時間，民政處與機電工程署保持緊密聯繫，跟進承建商嘅工程進度🔧。機電工程署亦喺承建商完工後加緊驗收程序👨🏻‍🔧，爭取升降機盡快恢復運作。喺各方努力下，升降機已順利投入運作，居民出行回復正常❤️。

灣仔民政處感謝區議員、關愛隊及部門齊心協力🙏🏻，為居民排憂解難。

#民政幫到你 #灣仔民政處 #關愛隊