民政及青年事務局 Home and Youth Affairs Bureau

01/06/2026

【 #青年發展】民青局—聯合國義工實習計劃分享會🌟

Eric專員早前出席咗「民青局—聯合國義工實習計劃」分享會，同20多個由民青局資助嘅聯合國義務實習生見面交流，親身聽吓佢哋嘅實習經歷，見證佢哋嘅學習成果。

同學之前分別去咗聯合國轄下不同機構位於老撾、哈薩克斯坦、尼泊爾、泰國、烏茲別克斯坦同埋越南嘅服務單位，進行為期6個月嘅義務實習工作！

好多同學仔都覺得呢個實習旅程非常難忘❤️，可以喺多元文化環境下工作，由最初唔適應到後來逐漸融入當地文化，更有機會參與具影響力嘅國際項目！呢半年嘅實習令佢哋鍛鍊到獨立解決問題嘅能力，仲對國際議題有更深嘅體會🙌。Eric專員鼓勵同學要將實習所學到嘅經驗，喺各自崗位上發揮所長，為香港及大灣區貢獻青年力量🔥。


#民政及青年事務局 #青年發展委員會 #海外實習 #放眼世界 #實習機會 #義務工作發展局 #香港志願者協會 #和平發展基金會

31/05/2026

31/05/2026

【 #地區治理】與議員聯合辦事處加強合作 掌握區情 共建和諧社區

Alice局長今日到黃大仙出席立法會李慧琼主席同李家駒議員嘅聯合辦事處開幕典禮，祝願辦事處工作順利，同時連結區議員、關愛隊及「三會」，為黃大仙區市民提供更好服務。局長相信大家一定能夠做到「五開」，喺「開辦事處」後，議員們「開工、開門、開口」，令街坊個個都感到「開心」。

今年係國家「十五五」規劃開局之年，為香港帶來嶄新機遇及發展動能，局長期待與聯合辦事處加強合作，一方面加強信息互通，更快掌握社區情況；另一方面攜手支援長者同有需要人士，舉辦更多文化及社區活動，令黃大仙成為一個更加和諧共融嘅社區。

#民政及青年事務局 #民青局
麥美娟
#立法會 李慧琼 Starry Lee 李家駒 Elvin Lee

29/05/2026

【葵盛西邨食水管爆裂 — 葵青民政處、區議員、關愛隊全力支援受影響住戶】

尋日（28/5）早上約7時，葵青區葵盛西邨發生食水管爆裂事故，導致葵盛西邨其中五座、商場及鄰近屋苑月海灣食水供應暫停，約3 900戶居民受影響。其後，發現相鄰嘅鹹水管亦有損壞，需要同時暫停鹹水供應。

葵青民政處事發後隨即協調各政府部門跟進，包括由水務署迅速清理路面積水及泥沙，並喺短時間內調派水車及16個流動水缸到現場，為居民作臨時供水。多名立法會議員同葵青區議員亦趕赴現場，跟進事態發展並向居民發放即時資訊。葵盛西邨關愛隊亦即時出動到受影響屋邨協助居民取水。

葵青民政專員梁乘龍隨後聯同多位立法會議員、葵青區議員、關愛隊、房屋署及水務署同事，到場協助居民喺臨時水缸取水，並運送食水到邨內嘅安老院 。佢哋亦上樓探訪受影響嘅長者，了解同跟進佢哋嘅需要，提供協助。

喺水務署努力搶修下，葵盛西邨第6、7及10座，以及月海灣嘅食水供應率先喺中午恢復。到下午約5時半更全面恢復食水供應；鹹水供應亦喺今日（29/5）清晨3點恢復正常。

葵青民政處感謝各單位嘅快速反應及有效支援，將對居民喺酷熱天氣下嘅影響減至最低，亦多謝居民嘅體諒。今次事件亦體現咗社區關愛互助嘅精神 。

#民政事務總署 #葵青民政處 #房屋署 #水務署 #關愛隊 #葵盛西邨關愛隊 #葵青區議會 #民政幫到你

29/05/2026

【屯門區議員及關愛隊支援兆禧苑停水】

尋日（28/5）下午，因港鐵南延線工地範圍內有食水喉管損壞⚠️，引致嚴重滲漏，屯門兆禧苑及其商場2 000多戶居民食水供應受影響。

屯門民政處隨即聯同水務署、區議員及兆禧關愛隊協調應對，統籌支援及資訊發放📱，各方保持緊密溝通📞，務求於最短時間內回應居民需要。

事故期間，水務署臨時供水予兆禧苑至晚上11時，讓街坊可以有水沖涼，並且共派出兩架水車及設置16個水箱支援居民用水需要，以及安排緊急支援隊於現場協助。區議員同兆禧關愛隊第一時間到場支援💪，協助現場安排及幫助有需要嘅居民有序取食水🪣，並持續向居民發放最新資訊同解答居民疑問。佢哋喺今早亦有到場，確保有需要嘅居民得到協助。

經搶修後🔧，受損嘅食水喉已完成維修，供水系統運作回復正常，兆禧苑及其商場嘅食水供應已於今日（29/5）早上6時30分全面恢復。

#屯門民政處 #水務署 #屯門區議員 #屯門關愛隊 #兆禧關愛隊 #民政幫到你 #屯門

28/05/2026

【 #青年發展】以「記者永遠在路上」為榜樣 說好國家及香港故事

Alice局長今日出席「2026范長江行動」啟動禮，見證項目再度啟程。局長喜見「范長江行動」繼續擴大規模、開拓創新。本年度「民青局青年內地交流資助計劃」支持主辦方舉辦「范長江行動」系列8個交流項目，提供共270個交流名額予香港青年，喺暑假走訪山東、陝西、江西、內蒙古等多個内地省市及自治區了解國情，感受祖國嘅強大昌盛，這正正呼應政府推行青年工作嘅理念同方針，鼓勵青年朋友用行動實踐習近平主席「把讀萬卷書與行萬里路結合起來」嘅號召。
`
局長鼓勵各位青年朋友珍惜今次嘅交流機會，用心培養記者所需嘅使命感同洞察力，提升文字功底與知識儲備，以范長江先生「記者永遠在路上」嘅精神為榜樣，敢於發問、秉筆直書、心懷家國，以筆同鏡頭，共同說好國家及香港故事！

#民政及青年事務局 #民青局
麥美娟 #民青局青年內地交流資助計劃 #交流實習 #范長江行動 #范長江行動同學會

27/05/2026

【「香港五年規劃」青年發展專題諮詢會】

今年係國家「十五五」規劃開局之年，為對接國家規劃綱要，特區政府正着手制定具宏觀性、戰略性及前瞻性嘅首份「香港五年規劃」。民青局會舉行不同嘅專題諮詢會，務求廣納持份者嘅建議同期望，協助特區政府編製首份「香港五年規劃」。

繼早前地區治理專題諮詢會後，民青局今日喺柴灣青年廣場四樓嘅全新青年互動空間「民青局賽馬會青立方」舉行「香港五年規劃」青年發展專題諮詢會，透過現場及線上混合模式積極聆聽約200名分別來自青年發展委員會、地區青年委員會、連青人網絡、YDC青年大使，以及不同青年組織嘅代表就「香港五年規劃」喺青年發展方面嘅意見。

Alice局長表示，特區政府高度重視青年發展，會以《青年發展藍圖》為基礎，緊扣「十五五」規劃，致力培育青年成為愛國愛港、具備世界視野及正向思維嘅新一代，成為「一國兩制」發展接班人，積極融入國家發展大局，並促進香港長期繁榮穩定。

#民政及青年事務局 麥美娟 #十五五規劃 #香港五年規劃 #青年發展 #專題諮詢會

27/05/2026

【民青局「連青人網路」幹事會成員親身觀看神舟二十三號發射】

民青局「連青人網絡」幹事會成員有幸作為香港特區政府代表團嘅一員，日前去到國家嘅酒泉衛星發射中心，見證神舟二十三號出征嘅歷史性時刻🌟 青年朋友喺問天閣用廣東話為香港首位航天員黎家盈博士打氣送行，近距離觀看同一齊倒數火箭發射升空🚀 立即去片直擊「連青人網絡」幹事會成員觀看火箭升空嘅感動一刻！

#民政及青年事務局 #民青局
#青年發展 #連青人網絡 #神舟二十三號 #中國航天

25/05/2026

🚀【 #神舟二十三號】香港青年見證 中國載人航天工程歷史時刻！

5月24日神舟二十三號載人飛船喺中國酒泉衛星發射中心順利升空🛰️，「連青人網絡」幹事會成員有幸成為香港特區政府代表團嘅一員，喺現場近距離見證呢個歷史性時刻，親身目睹國之重器劃破夜空成功發射，深切感受祖國載人航天科技嘅硬實力！

香港青年喺問天閣出征儀式上為3位航天英雄送行，仲大聲用廣東話為首位香港航天員黎家盈博士加油打氣💪🏼 佢哋亦把握機會同國家航天科研人員交流，深刻體會到喺國家支持下，香港深度參與國家航天戰略，從國家航天事業嘅「參與者」向「核心貢獻者」持續邁進。

青年朋友深受香港航天員參與國家航天任務啟發，希望自己同更多香港年輕人都可以勇敢追夢，喺國家級大舞台上發光發熱！✨期待有更多香港青年可以喺國家航天工程中發揮所長，為國家航天事業貢獻香港力量！

衷心祝願神舟二十三號載人飛行任務取得圓滿成功！航天英雄們出征順利，平安歸來！ 🚀

#民政及青年事務局 #民青局
#青年發展 #連青人網絡 #中國航天