青年發展委員會 Youth Development Commission

青年發展委員會 Youth Development Commission YDC同香港🇭🇰青年拍住上
用活力同創造力去投入，參與同貢獻社會🙌🏻
多元發展｜有抱負｜積極正面｜世界視野｜愛國愛港
#青年發展委員會
www.ydc.gov.hk

【 #青年發展】民青局—聯合國義工實習計劃分享會⭐Eric專員早前出席咗「民青局—聯合國義工實習計劃」嘅分享會，同二十多個由民青局資助嘅聯合國義務實習生見面交流，親身聽吓佢哋嘅實習經歷，見證佢哋嘅學習成果。同學之前分別去咗聯合國轄下不同機構...
01/06/2026

【 #青年發展】民青局—聯合國義工實習計劃分享會⭐

Eric專員早前出席咗「民青局—聯合國義工實習計劃」嘅分享會，同二十多個由民青局資助嘅聯合國義務實習生見面交流，親身聽吓佢哋嘅實習經歷，見證佢哋嘅學習成果。

同學之前分別去咗聯合國轄下不同機構位於老撾、哈薩克斯坦、尼泊爾、泰國、烏茲別克斯坦同埋越南嘅服務單位，進行為期6個月嘅義務實習工作！

好多同學仔都覺得呢個實習旅程非常難忘❤️，可以喺多元文化環境下工作，由最初唔適應到後來逐漸融入當地文化，更有機會參與具影響力嘅國際項目！呢半年嘅實習令佢哋鍛鍊到獨立解決問題嘅能力，仲對國際議題有更深嘅體會🙌。Eric專員鼓勵同學要將實習所學到嘅經驗，喺各自崗位上發揮所長，為香港及大灣區貢獻青年力量🔥。


#民政及青年事務局 #青年發展委員會 #青年發展
#海外實習 #放眼世界 #實習機會 #義務工作發展局 #香港志願者協會 #和平發展基金會

【大灣區園林「慢」美學】平時忙住返工返學趕 Deadline，你有幾耐無試過漫無目的咁散步？🚶‍♂️🚶‍♀️喺繁華嘅大灣區城巿入面，其實隱藏住幾座「會呼吸」嘅嶺南園林。一齊嚟一場夏日嘅「慢活散步」，喺綠意之間搵返自己嘅 Pace。✨📍 佛山...
29/05/2026

【大灣區園林「慢」美學】

平時忙住返工返學趕 Deadline，你有幾耐無試過漫無目的咁散步？🚶‍♂️🚶‍♀️喺繁華嘅大灣區城巿入面，其實隱藏住幾座「會呼吸」嘅嶺南園林。一齊嚟一場夏日嘅「慢活散步」，喺綠意之間搵返自己嘅 Pace。✨

📍 佛山‧清暉園🏯
作為嶺南四大園林之首，清暉園可以話係嶺南建築藝術嘅代表作。園內古木參天，最啱漫步喺迴廊之間，欣賞清代流傳至今嘅彩色滿洲窗；隨住日光折射，每一格窗花都映照出獨有嘅光影美學。🎨

📍 中山‧詹園🛶
詹園巧妙將蘇州園林嘅婉約同嶺南建築嘅大氣揉合。呢度依山傍水，建築環繞湖泊而建，構成一幅流動嘅山水畫。漫步喺湖邊嘅垂柳小徑，聽住水聲鳥鳴，感受建築同自然和諧共生嘅寧靜氛圍。🌿

📍 廣州‧嶺南印象園🏮
園區有多個嶺南藝術文化專題展示館，重現嶺南傳統風格建築群，完整還原咗昔日嶺南人「倚水而居」嘅生活形態。最啱放慢腳步，欣賞舊時嶺南時光。

如果你有一日假期，最想去邊個園林「叉返電」？🔋 留言話我哋知你嘅 #慢活心水地點！👇

#佛山 #中山 #廣州
======================================
以上資訊係由一直 support 你嘅 YDC 帶畀你
👉🏻 IG：
👉🏻 Facebook：YDCgovhk

#青年發展委員會

🌱 突破自我，凝聚力量｜見習YDC青年大使2026團隊建立活動見習YA完成咗兩日一夜嘅團隊建立活動，透過唔同形式嘅團隊挑戰，一齊上咗一堂經歷深刻嘅成長課。由最初嘅破冰熱身、新興運動比賽，到最考驗默契嘅「團隊紮作任務」同「原野烹飪」，大家都主...
28/05/2026

🌱 突破自我，凝聚力量｜見習YDC青年大使2026團隊建立活動

見習YA完成咗兩日一夜嘅團隊建立活動，透過唔同形式嘅團隊挑戰，一齊上咗一堂經歷深刻嘅成長課。由最初嘅破冰熱身、新興運動比賽，到最考驗默契嘅「團隊紮作任務」同「原野烹飪」，大家都主動走出舒適圈，發揮無限毅力同創意！🍲 到第二日嘅繩網歷奇挑戰，見習YA繼續互相扶持，用行動話畀大家聽咩叫做團隊精神！🤝

更加珍貴嘅係，喺每項挑戰後嘅「圍爐總結」時間，大家都敞開心扉，一齊學習點樣更有效溝通、成為彼此嘅「神隊友」，共同激發出團隊最大嘅潛能。🤝

喺跟住落嚟嘅一系列培訓活動入面，相信見習YA會繼續保持住呢份凝聚力，一齊拍住上，發揮青年大使嘅正能量！💪🧡

#青年引領未來 #民青局

【「香港五年規劃」青年發展專題諮詢會】今年係國家「十五五」規劃開局之年，為對接國家規劃綱要，特區政府正着手制定具宏觀性、戰略性及前瞻性嘅首份「香港五年規劃」。民青局會舉行不同嘅專題諮詢會，務求廣納持份者嘅建議同期望，協助特區政府編製首份「香...
27/05/2026

【「香港五年規劃」青年發展專題諮詢會】

今年係國家「十五五」規劃開局之年，為對接國家規劃綱要，特區政府正着手制定具宏觀性、戰略性及前瞻性嘅首份「香港五年規劃」。民青局會舉行不同嘅專題諮詢會，務求廣納持份者嘅建議同期望，協助特區政府編製首份「香港五年規劃」。

繼早前地區治理專題諮詢會後，民青局今日喺柴灣青年廣場四樓嘅全新青年互動空間「民青局賽馬會青立方」舉行「香港五年規劃」青年發展專題諮詢會，透過現場及線上混合模式積極聆聽約200名分別來自青年發展委員會、地區青年委員會、連青人網絡、YDC青年大使，以及不同青年組織嘅代表就「香港五年規劃」喺青年發展方面嘅意見。

Alice局長表示，特區政府高度重視青年發展，會以《青年發展藍圖》為基礎，緊扣「十五五」規劃，致力培育青年成為愛國愛港、具備世界視野及正向思維嘅新一代，成為「一國兩制」發展接班人，積極融入國家發展大局，並促進香港長期繁榮穩定。

#民政及青年事務局 麥美娟 #十五五規劃 #香港五年規劃 #青年發展 #專題諮詢會

【夏夜最浪漫冒險：夜探螢火蟲聖地】只要你夠細心，就會發現有一種夜光靜靜閃爍喺大自然之中。今個夏天，不妨展開一場夜探之旅，見證屬於「夏夜限定」嘅夢幻時刻！💫小編為大家精選咗三個 #螢火蟲 觀賞熱點 👇：📍 大帽山郊野公園大帽山郊野公園遠離城...
27/05/2026

【夏夜最浪漫冒險：夜探螢火蟲聖地】

只要你夠細心，就會發現有一種夜光靜靜閃爍喺大自然之中。今個夏天，不妨展開一場夜探之旅，見證屬於「夏夜限定」嘅夢幻時刻！💫

小編為大家精選咗三個 #螢火蟲 觀賞熱點 👇：

📍 大帽山郊野公園
大帽山郊野公園遠離城市光害，環境清幽，一年四季都可以欣賞到唔同種類嘅螢火蟲。由大帽山停車場（山上閘口）沿小徑慢慢行到施樂園青年旅舍一帶，就有機會見到神秘嘅螢火蟲。

📍 大埔滘自然護理區
大埔滘自然護理區交通便利、設施完善，一直係親子夜行觀賞螢火蟲嘅熱門地點。沿林徑（最短嘅紅路）漫步，就可以欣賞到點點螢光喺樹林間、溪流旁同山徑上飛舞閃爍。

📍元朗尖鼻咀
尖鼻咀鄰近米埔，黃昏時份可以睇到后海灣日落；入夜後仲會化身成「螢火蟲秘密花園」，有機會搵到獨特嘅紅樹林品種螢火蟲！ 只要沿尖鼻咀路漫步，就會發現四周隱藏住點點「流星」。

🕒 最佳觀賞時間：大約夜晚7點至9點，螢火蟲通常喺日落半小時後開始「行動」。

💡小編提提你：
賞螢「三不」守則 👉 不喧嘩、不捕捉、不以燈光直射（電筒要用紅色玻璃紙包住呀～ ），以免驚擾螢火蟲。

防蚊小貼士⚠️ 盡量喺出發前就噴定蚊怕水，因為蚊怕水嘅化學氣味會驅趕甚至毒殺螢火蟲。建議著長袖薄衫同長褲防蚊！

#初夏狂歡祭
======================================
以上資訊係由一直 support 你嘅 YDC 帶畀你
👉🏻 IG：
👉🏻 Facebook：YDCgovhk

#青年發展委員會

🚀[ #神舟二十三號] 香港青年見證 中國載人航天工程歷史時刻！ 5月24日神舟二十三號載人飛船喺中國酒泉衛星發射中心順利升空🛰️，「連青人網絡」幹事會成員有幸成為香港特區政府代表團嘅一員，喺現場近距離見證呢個歷史性時刻✨ 親身目睹國之重器...
25/05/2026

🚀[ #神舟二十三號] 香港青年見證 中國載人航天工程歷史時刻！

5月24日神舟二十三號載人飛船喺中國酒泉衛星發射中心順利升空🛰️，「連青人網絡」幹事會成員有幸成為香港特區政府代表團嘅一員，喺現場近距離見證呢個歷史性時刻✨ 親身目睹國之重器劃破夜空成功發射，深切感受祖國載人航天科技嘅硬實力👍🏻

香港青年喺問天閣出征儀式上為3位航天英雄送行，仲大聲用廣東話為首位香港航天員黎家盈博士加油打氣💪🏼 佢哋亦把握機會同國家航天科研人員交流，深刻體會到喺國家支持下，香港深度參與國家航天戰略，從國家航天事業的「參與者」向「核心貢獻者」持續邁進。

青年朋友深受香港航天員參與國家航天任務嘅啟發，希望自己同更多香港年輕人都可以勇敢追夢，喺國家級大舞台上發光發熱！✨期待有更多香港青年可以喺國家航天工程中發揮所長，為國家航天事業貢獻香港力量！

衷心祝願神舟二十三號載人飛行任務取得圓滿成功！航天英雄們出征順利，平安歸來！ 🚀

#民政及青年事務局 #民青局 #連青人網絡 #中國航天

【城市中嘅「秘密」花園：亞洲協會香港中心】喺金鐘嘅繁華鬧市之中 🏢，竟然藏住一個結合古蹟同現代美學嘅隱世花園？🌿講緊就係由前英軍軍火庫活化而成嘅「亞洲協會香港中心」(Asia Society Hong Kong Center)，一個隔絕鬧市...
22/05/2026

【城市中嘅「秘密」花園：亞洲協會香港中心】

喺金鐘嘅繁華鬧市之中 🏢，竟然藏住一個結合古蹟同現代美學嘅隱世花園？🌿講緊就係由前英軍軍火庫活化而成嘅「亞洲協會香港中心」(Asia Society Hong Kong Center)，一個隔絕鬧市喧囂嘅文藝勝地！

🏛️ 軍火庫變身藝術館
呢座昔日肅穆嘅軍事地標透過復修及活化計劃，將四座橫跨19同20世紀嘅建築物，搖身一變成為鬧市中嘅文化聚腳點。當中最具歷史價值之一嘅，莫過於1863至1868年間建立嘅「前軍火庫A」 — 呢座一級歷史建築由厚實嘅花崗岩牆身建造，見證住過百年軍事歷史，經修復後成爲現代展覽空間。

🌉 穿梭綠林嘅曲折長廊
講到最標誌性嘅打卡位，一定要提呢條「曲折天橋」！橋身之所以整到咁彎彎曲曲，背後原因其實好窩心：為咗興建時避開原址嘅古樹，同埋守護果蝠嘅棲息地。行喺橋上面，你會發現自己好似穿梭喺翠綠樹林之間，感受到建築同自然和諧共存之美。

下次想搵個地方放空或攞靈感，不如嚟呢座鬧市中嘅秘密花園，呼吸一口藝術氣息，探索古蹟背後嘅故事！

圖片來源：亞洲協會香港中心

#852築覺 #亞洲協會香港中心 #香港古蹟
======================================
以上資訊係由一直 support 你嘅 YDC 帶畀你
👉🏻 IG：
👉🏻 Facebook：YDCgovhk

#青年發展委員會

19/05/2026

【長洲太平清醮：匠心「飄色」🎭】

講到長洲太平清醮最矚目嘅傳統活動之一，非「飄色巡遊」莫屬！小朋友盛裝打扮化身成各式各樣嘅經典人物，凌空「飄」過街頭，畫面既夢幻又壯觀。✨

喺呢份華麗背後，係一份用匠心打造嘅極致工藝。每一台飄色都由三個核心部分組成：底座「色櫃」、扮演主角嘅小朋友「色芯」，以及靈魂支柱「色梗」。

製作一台飄色閒閒地要幾個月，少啲經驗都唔得。尤其係支撐全身嘅「色梗」鐵架，師傅唔單止要確保小朋友坐得穩固安全，又要巧妙咁利用衫褲或道具隱藏鋼枝。全靠多年經驗同精準嘅接合技術，先可以呈現到飄色最神奇、好似「凌空而立」嘅視覺效果。

呢份工藝唔單止重現咗民間故事同傳說，更體現咗長洲人對傳統文化代代相傳嘅堅持。🏮

#非遺傳承 #長洲 #太平清醮
======================================
以上資訊係由一直 support 你嘅 YDC 帶畀你
👉🏻 IG：
👉🏻 Facebook：YDCgovhk

#青年發展委員會

15/05/2026

【球場上新玩意 合作第一嘅「健球」】

呢排大家都喜歡玩新興運動，好似匹克球咁～唔知大家又有冇聽過另一種叫做「健球」（Kin-Ball） 嘅新興運動？🏐

呢項運動係1986年喺加拿大發源後來再傳到嚟香港。健球最特別係要三隊同場競技，進攻時全隊四人必須同時掂到個波，因為健球係一個直俓1.22米、重1公斤嘅巨型尼龍球！完全無得靠「個人英雄主義」，好需要隊友間嘅默契同溝通。

無論你係運動健將定新手，健球門檻低而趣味高，未必鬥體能，但講求反應同策略。快啲約埋班老友嚟一場熱血體驗，感受呢種「一人出力，全隊得分」嘅團隊魅力啦！🔥

去片睇玩法！

*此系列旨在推廣新興運動資訊，而非課程報名。如欲進一步了解詳情，請瀏覽香港健球總會網站（https://www.hkkinball.com.hk/） ；如需預約合適場地，請參閱康文署網頁（https://bit.ly/42ddNc5） 。

#健球 #新興運動
======================================
以上資訊係由一直 support 你嘅 YDC 帶畀你
👉🏻 IG：
👉🏻 Facebook：YDCgovhk

#青年發展委員會

【Get Ready! HYROX 賽前備戰】近年特別受歡迎嘅HYROX係一項結合「跑步」同「功能性訓練」嘅室內健身賽事。除咗可以考驗自己嘅心肺、耐力同爆發力， 由於團體賽係分工合作嘅模式，可以互相鼓勵完成每個關卡，正能量滿滿！ 即將參加比...
05/05/2026

【Get Ready! HYROX 賽前備戰】

近年特別受歡迎嘅HYROX係一項結合「跑步」同「功能性訓練」嘅室內健身賽事。除咗可以考驗自己嘅心肺、耐力同爆發力， 由於團體賽係分工合作嘅模式，可以互相鼓勵完成每個關卡，正能量滿滿！

即將參加比賽嘅朋友不妨睇睇以下嘅「賽前訓練小Tips」，調整好身心狀態，為比賽全力備戰！💪

1️⃣ 將各項動作「練穩練熟」
集中練習比賽指定動作，提高穩定性，減少失誤同受傷機會。

3️⃣ 維持充足休息與伸展
HYROX 所需體能極高，賽前要確保有足夠休息，兼顧全身伸展與放鬆，令身體保持靈活同精力充沛，以最佳狀態迎戰！

4️⃣ 維持日常飲食
賽前幾日補充足夠碳水化合物、水分同適量優質蛋白質，避免刺激性食物，確保體力喺比賽時可以正常發揮。

小編提提你：熱血上陣之餘，記住量力而為，安全至上！🍀

#健康萬歲
======================================
以上資訊係由一直 support 你嘅 YDC 帶畀你
👉🏻 IG：
👉🏻 Facebook：YDCgovhk

#青年發展委員會

Address

Hong Kong

Website

Alerts

Be the first to know and let us send you an email when 青年發展委員會 Youth Development Commission posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 青年發展委員會 Youth Development Commission:

Shortcuts

Share

Category