星級有營食肆

星級有營食肆 為鼓勵食肆提供更多元化的健康菜式，協助市民實踐健康飲食，衞生署推出「星級有營食肆」運動。我們鼓勵食肆「營」接健康潮流，煮出清新感受，讓市民有更多更健康的選擇。 Disclaimer

This platform is open to all. will be removed.

免責聲明

此平台開放，可自由發表意見，但不會逐一回覆。任何人身攻擊、粗言穢語、誹謗、淫褻、侵犯知識產權、侵犯個人私隱或作商業推廣等留言將會被刪除。

To encourage restaurants to provide a wider choice of healthy dishes and assist members of the public in putting healthy eating into practice, the Department of Health launched the “EatSmart Restaurant Star+” Campaign (ESR Star+ Campaign). We encourage restaurants to embrace the trend of healthy eating and nutritional cook

ing by creating signature “EatSmart Dishes”, which give the public a wider range of healthier choices. We welcome respectful comments and discussion but will not reply to all posts. Postings of personal attacks, indecent, obscene, offensive and defamatory comments, contents infringing on intellectual property rights or privacy, commercial advertising, etc.

01/04/2026

#擇星指南【復活節羊肉新煮意🐑】

復活節快樂🧡​！趁住假期，係時候放低繁忙嘅工作，同家人朋友聚一聚，食餐好嘅慶祝下～講到復活節嘅西方傳統美食，就一定唔少得烤羊肉，象徵新生同希望～今次我有「營」KOL就為大家精選咗兩款羊肉食譜，風味各異但同樣有「營」😋！

🥙愛琴海薄荷羊肉卡巴 ( #蔬果之選) ( #3少之選)
羊肉以天然香料醃製後用轉燒爐烤至香腍，切成薄片後夾入黎巴嫩包，配上番茄、生菜同薄荷乳酪，清爽惹味，每一啖都充滿地中海風情！喺屋企整嘅時候，可以將燒羊肉步驟改為焗爐烤焗，同樣低脂健康。
🔗 https://restaurant.eatsmart.gov.hk/b5/content.aspx?content_id=456

🥬生菜羊肉鬆 ( #3少之選)
羊腿肉剁碎後炒香，加入馬蹄、冬菇、唐芹菜等配料爆炒，再以橙皮、檸檬皮去羶。用清爽生菜片包住羊肉鬆，食落清新又滿足！
🔗 https://restaurant.eatsmart.gov.hk/b5/content.aspx?content_id=177

今個復活節假期，不如試吓整啦！

-----------------------------------------
更多「有營食肆」資訊，即刻瀏覽「星級有營食肆」專題網站︰
https://restaurant.eatsmart.gov.hk

🔍Follow埋我哋嘅 IG，緊貼最新資訊！
https://www.instagram.com/eatsmartrestaurant/

#星級有營食肆
# #健康飲食 #香港美食 #復活節 #星級快訊

#擇星指南【開餐最緊要識揀！】有冇諗過食一碟炒飯嘅熱量可以係一個套餐嘅3倍?熱量大比拼⚡🍳 菠蘿雞粒炒飯 (730克)｜1500千卡🐟 焗三文魚柳套餐 (500克)｜518千卡點解差咁遠？關鍵係食材配搭同烹調方法💡～炒飯需要大量油落鑊炒，...
30/03/2026

#擇星指南【開餐最緊要識揀！】

有冇諗過食一碟炒飯嘅熱量可以係一個套餐嘅3倍?

熱量大比拼⚡
🍳 菠蘿雞粒炒飯 (730克)｜1500千卡
🐟 焗三文魚柳套餐 (500克)｜518千卡

點解差咁遠？關鍵係食材配搭同烹調方法💡～

炒飯需要大量油落鑊炒，熱量好容易就超標。相反三文魚以烤焗形式處理，配上烚西蘭心同新鮮蘋果，低熱量又高纖；糙米代替白米，含較高膳食纖維，飽足感更持久，營養亦更全面💚。

💪🏻體重管理小貼士
✔️優先選擇烤焗、水煮、清蒸等烹調方式，減少額外油脂攝取
✔️以全穀類（如糙米）代替白米，增加纖維
✔️均衡飲食，配搭蔬菜水果，補充膳食纖維

下次入餐廳，你知點揀先係最有「營」啦😉！

-----------------------------------------
更多「有營食肆」資訊，即刻瀏覽「星級有營食肆」專題網站︰
https://restaurant.eatsmart.gov.hk

🔍Follow埋我哋嘅 IG ，緊貼最新資訊！
https://www.instagram.com/eatsmartrestaurant/

#星級有營食肆
#健康飲食 #香港美食 #精明選擇 #體重管理 #星級快訊

#營人飯堂【KURI Café】放假想約朋友食啲有「營」又好味嘅嘢，九龍灣嘅【KURI Café】絕對係又好食又得意嘅有「營」餐廳🦔。作為香港首間刺蝟主題Café，唔少菜式同飲品都加入咗可愛嘅刺蝟圖案，有噱頭之餘，食物質素都唔馬虎。今次就...
27/03/2026

#營人飯堂【KURI Café】

放假想約朋友食啲有「營」又好味嘅嘢，九龍灣嘅【KURI Café】絕對係又好食又得意嘅有「營」餐廳🦔。作為香港首間刺蝟主題Café，唔少菜式同飲品都加入咗可愛嘅刺蝟圖案，有噱頭之餘，食物質素都唔馬虎。今次就為大家推薦兩款有「營」之選：

「牛油果雞胸田園沙律」食材豐富，芒果香甜🥭，牛油果口感綿滑🥑，仲富含不飽和脂肪酸，有助維持心臟健康；雞胸提供優質蛋白質，有助維持肌肉量；車厘茄就可以補充維生素C，有助維持免疫系統正常運作。

另外，要試埋佢哋嘅「香草雜菌番茄意粉」🍝。意粉茄味濃郁🍅，香草香氣撲鼻。雜菌富含膳食纖維同維生素B群，有助維持腸道健康，促進新陳代謝及提振精神。

今集重點推介🌟
1. 牛油果雞胸田園沙律（ #蔬果之選）
2. 香草雜菌番茄意粉（ #蔬果之選）

星級有營食肆 Café：
📍九龍灣牛頭角道3號得寶商場地下T104A號舖
🔗https://restaurant.eatsmart.gov.hk/b5/res.aspx?rst_id=6211
-----------------------------------------
更多「有營食肆」資訊，即刻瀏覽「星級有營食肆」專題網站︰
https://restaurant.eatsmart.gov.hk

🔍Follow埋我哋嘅 IG，緊貼最新資訊！
https://www.instagram.com/eatsmartrestaurant/

#星級有營食肆
#兩星有營食肆 #西餐廳
#健康飲食 #香港美食 #九龍灣美食

#飲食迷思 #健康飲食攻略 #預防大腸癌 #遠離三高 #水果蔬菜不可少 #日日最少2加3 #高纖生活 #健康資訊要睇科學根據
26/03/2026

#飲食迷思
#健康飲食攻略
#預防大腸癌
#遠離三高
#水果蔬菜不可少
#日日最少2加3
#高纖生活
#健康資訊要睇科學根據

26/03/2026

【泰式風味三重奏🇹🇭】

講起泰國菜，係咪即刻諗起酸酸辣辣，新鮮香草嘅味道呢😍​？冇錯，泰式料理出名味道層次豐富，善用天然香料調味～今次就為大家精選咗三款泰菜食譜，由主菜到小食都一應俱全，即刻睇下有咩推介：

🐟泰式明爐魚
嫩滑魚肉，配上以薑絲、冬菇、檸檬葉等天然調味料煮成的泰式醬汁，鮮香惹味，仲有助減少鈉攝取，降低高血壓風險～
🔗 https://restaurant.eatsmart.gov.hk/b5/content.aspx?content_id=1029

🥬田園生菜包
以白豆腐干同冬菇作餡料，低熱量低脂肪之餘，仲提供鈣質、鉀質同膳食纖維，食多幾個都唔過份！
🔗https://restaurant.eatsmart.gov.hk/b5/content.aspx?content_id=1035

🍚白菌米紙卷
將雜菌、青瓜同生菜用米紙包埋一齊，口感爽脆。米紙卷屬於低脂低卡食材，健康又飽肚！
🔗 https://restaurant.eatsmart.gov.hk/b5/content.aspx?content_id=1050

三款泰菜，酸香鮮爽樣樣齊，有「營」又夠滿足感😋。不如今晚就試吓整，將泰式風味搬上飯枱喇～

-----------------------------------------
更多「有營食肆」資訊，即刻瀏覽「星級有營食肆」專題網站︰
https://restaurant.eatsmart.gov.hk

🔍Follow埋我哋嘅 IG ，緊貼最新資訊！
https://www.instagram.com/eatsmartrestaurant/

#星級有營食肆
#泰式風味 #3少之選 #蔬果之選
#健康飲食 #香港美食 #餐餐去直擊

#營人飯堂【Délifrance】想搵個地方同朋友食餐飯、傾吓偈，咁【Délifrance】就啱晒你喇！餐廳擁有多區分店，方便之餘仲有唔少有「營」選擇，今次就重點介紹一款色彩繽紛嘅意粉～「番茄鮮菠菜粟米螺絲粉」齊集紅、黃、綠三隻色，賣相已...
23/03/2026

#營人飯堂【Délifrance】

想搵個地方同朋友食餐飯、傾吓偈，咁【Délifrance】就啱晒你喇！餐廳擁有多區分店，方便之餘仲有唔少有「營」選擇，今次就重點介紹一款色彩繽紛嘅意粉～

「番茄鮮菠菜粟米螺絲粉」齊集紅、黃、綠三隻色，賣相已經夠晒吸睛👀！濃郁嘅番茄醬滲入每條螺絲粉入面，仲有鮮甜粟米粒帶嚟爽脆口感，提供豐富膳食纖維同維生素B群，有助維持腸道健康同穩定能量水平⚡。而菠菜仲可以補充鐵質同葉酸，一餐就可以吸收多種營養💚！

今集重點推介🌟
番茄鮮菠菜粟米螺絲粉（ #蔬果之選）

星級有營食肆 Délifrance Hong Kong：
📍多區分店
🔗https://restaurant.eatsmart.gov.hk/b5/res_adv.aspx?page=1&str_filter_star_1=4&str_filter_star_2_1=4&str_filter_star_2_2=4&str_filter_star_3=4&name=D%C3%A9lifrance
-----------------------------------------
更多「有營食肆」資訊，即刻瀏覽「星級有營食肆」專題網站︰
https://restaurant.eatsmart.gov.hk

🔍Follow埋我哋嘅 IG，緊貼最新資訊！
https://www.instagram.com/eatsmartrestaurant/

#星級有營食肆
#三星有營食肆 #西餐廳
#健康飲食 #香港美食

#有營廚房【佛羅倫斯紅甜魚】提到比目魚嘅料理，除咗用簡單嘅鹽同黑椒調味，有冇諗過增添一啲「義大利風情」🇮🇹​？今次呢道「佛羅倫斯紅甜魚」🐟，就先將比目魚扒煎至兩面金黃，配上由烤甜椒同乾茄慢慢攪打而成嘅醬汁🫑，清甜又帶少少酸香🔥，唔需要額外...
20/03/2026

#有營廚房【佛羅倫斯紅甜魚】

提到比目魚嘅料理，除咗用簡單嘅鹽同黑椒調味，有冇諗過增添一啲「義大利風情」🇮🇹​？

今次呢道「佛羅倫斯紅甜魚」🐟，就先將比目魚扒煎至兩面金黃，配上由烤甜椒同乾茄慢慢攪打而成嘅醬汁🫑，清甜又帶少少酸香🔥，唔需要額外加糖都一樣咁鮮味。

醬汁方面，只需要將紅、黃甜椒先入烤箱烤至軟身後去皮，再加脫脂奶同乾茄一齊攪勻，口感就會變得香濃順滑，配搭嫩滑嘅魚肉簡直一流！

🐟 比目魚扒：含奧米加-3 脂肪酸，有助預防心血管疾病及促進胎兒腦部發育；含碘，有助維持甲狀腺功能。
🌶 甜椒：含豐富維生素C，有助維持免疫系統正常運作，亦幫助吸收菠菜鐵質。
🥬 菠菜：含鐵質，有助製造紅血球及預防缺鐵性貧血。

本日有「營」食材 MVP：
🏆 #比目魚扒 ｜ #甜椒 ｜ #菠菜

想知點樣炮製呢道色香味俱全嘅菜式？即刻參考有營食譜學嘢啦！🔖
https://restaurant.eatsmart.gov.hk/b5/content.aspx?content_id=998

#星級有營食肆
#營養知識 #健康食譜 #3少之選
#健康飲食 #香港美食 #營養百科

#營人飯堂【正潮樓】想食傳統潮州手工菜，唔使去潮汕嘅😉​！銅鑼灣嘅【正潮樓】就已經可以實現你嘅願望✨～呢間潮州菜館供應多款特色手工菜。今次就同大家重點推介兩道有「營」之選： 「玉枕白菜」 係經典潮州手工名菜🥬，寓意「百財聚來」。餐廳嚴選幼...
18/03/2026

#營人飯堂【正潮樓】

想食傳統潮州手工菜，唔使去潮汕嘅😉​！銅鑼灣嘅【正潮樓】就已經可以實現你嘅願望✨～呢間潮州菜館供應多款特色手工菜。今次就同大家重點推介兩道有「營」之選：

「玉枕白菜」 係經典潮州手工名菜🥬，寓意「百財聚來」。餐廳嚴選幼嫩津白菜葉，包住豬肉、蝦同埋香菇，然後卷成長方形枕頭狀，賣相精緻，仲含有豐富膳食纖維同蛋白質，營養同味道兼備💚！

「老潮春菜煲」，以春菜搭配肉片同香蒜，用砂鍋慢火煲🍲​，春菜甘甜，豬肉鮮香，食落暖胃仲可以補充多種營養。下次諗唔到食咩，一於帶埋屋企人去【正潮樓】，一齊試試佢喇～

今集重點推介🌟
1.⁠ ⁠玉枕白菜 ( #蔬果之選)
2.⁠ ⁠老潮春菜煲 ( #蔬果之選)

星級有營食肆 @正潮樓：
📍銅鑼灣新寧道8號中國太平大廈第一期地下B舖
🔗https://restaurant.eatsmart.gov.hk/b5/res.aspx?rst_id=10660
-----------------------------------------
更多「有營食肆」資訊，即刻瀏覽「星級有營食肆」專題網站︰
https://restaurant.eatsmart.gov.hk

🔍Follow埋我哋嘅 IG，緊貼最新資訊！
https://www.instagram.com/eatsmartrestaurant/

#星級有營食肆
#正潮樓 #一星有營食肆 #潮州菜
#健康飲食 #香港美食 #銅鑼灣美食

#營人飯堂【Mecca】嚟到鰂魚涌搵食，大家未必會第一時間諗起中東菜。不過今次介紹嘅【Mecca】，就隱藏咗唔少驚喜✨。一於同大家一齊發掘佢哋嘅有「營」之選～第一道「Prawn Green Salad」，一上枱就即刻畀佢嘅繽紛顏色所吸引～...
16/03/2026

#營人飯堂【Mecca】

嚟到鰂魚涌搵食，大家未必會第一時間諗起中東菜。不過今次介紹嘅【Mecca】，就隱藏咗唔少驚喜✨。一於同大家一齊發掘佢哋嘅有「營」之選～

第一道「Prawn Green Salad」，一上枱就即刻畀佢嘅繽紛顏色所吸引～有大粒爽口嘅蝦仁🦐​，配上洋蔥、橄欖、車厘茄、生菜同少少紅蘿蔔絲，層次豐富又清新。蝦仁提供優質蛋白質，各式各樣嘅蔬菜提供滿滿嘅膳食纖維，食得清爽之餘又夠「營」💚。

另一道「Saag Sarson」係源自印度旁遮普地區嘅傳統菜式，以芥菜葉（Sarson）製成蓉加入香料烹調而成🥬 ，口感細滑，仲有多種營養素✨。

想感受異國風味嘅你，不妨入嚟呢間小店試試佢！

今集重點推介🌟
1.⁠ ⁠Prawn Green Salad （ #蔬果之選）
2.⁠ ⁠Saag Sarson （ #蔬果之選）

星級有營食肆 Mecca Restaurant：
📍鰂魚涌芬尼街22-46號海暉大廈地下L號舖
🔗https://restaurant.eatsmart.gov.hk/b5/res.aspx?rst_id=10264
-----------------------------------------
更多「有營食肆」資訊，即刻瀏覽「星級有營食肆」專題網站︰
https://restaurant.eatsmart.gov.hk

🔍Follow埋我哋嘅 IG，緊貼最新資訊！
https://www.instagram.com/eatsmartrestaurant/

#星級有營食肆
#一星有營食肆 #中東菜
#健康飲食 #香港美食 #鰂魚涌美食

#有營廚房【鮮茄雜菌烤魚】清蒸鯇魚就食得多，有冇諗過用烤焗方式處理，都一樣咁出色？ 呢道「鮮茄雜菌烤魚」🐟，先將魚、蔬菜同菇類烤熟🔥，再配上以天然食材熬製嘅鮮魚湯，令魚肉入口保持滑嫩，仲散發多重鮮味。魚湯以瘦肉、雞殼等材料慢火熬成，味道清...
13/03/2026

#有營廚房【鮮茄雜菌烤魚】

清蒸鯇魚就食得多，有冇諗過用烤焗方式處理，都一樣咁出色？ 呢道「鮮茄雜菌烤魚」🐟，先將魚、蔬菜同菇類烤熟🔥，再配上以天然食材熬製嘅鮮魚湯，令魚肉入口保持滑嫩，仲散發多重鮮味。

魚湯以瘦肉、雞殼等材料慢火熬成，味道清甜。而洋蔥、京蔥、薑、孜然粉同白胡椒碎，呢啲天然調味料唔單止可以提升香氣，減少含鹽調味料嘅使用，仲有助減少魚腥味㗎！

🍅 番茄：含茄紅素（屬胡蘿蔔素一種），有助增強免疫力、促進心臟健康
🍄 金菇：含豐富膳食纖維，促進腸道健康
🐟 鯇魚：提供優質蛋白質，有助維持肌肉質量

本日有「營」食材 MVP：
🏆 #鮮鯇魚 ｜ #番茄 ｜ #金菇

想知點樣炮製呢道色香味俱全嘅菜式？即刻參考有營食譜學嘢啦！🔖
https://restaurant.eatsmart.gov.hk/b5/content.aspx?content_id=1098

#星級有營食肆
#營養知識 #健康食譜 #3少之選
#健康飲食 #香港美食 #營養百科

#擇星指南【世界腎臟日】每年3月第二個星期四係「世界腎臟日」，目的係提升大家對腎臟健康嘅關注，而慢性腎臟病（CKD）已經成為咗全球日益嚴峻嘅健康問題，影響全球約十分之一人口​👤​。根據全球疾病負擔研究顯示🔍​，過去數十年慢性腎病嘅發病率、...
12/03/2026

#擇星指南【世界腎臟日】

每年3月第二個星期四係「世界腎臟日」，目的係提升大家對腎臟健康嘅關注，而慢性腎臟病（CKD）已經成為咗全球日益嚴峻嘅健康問題，影響全球約十分之一人口​👤​。

根據全球疾病負擔研究顯示🔍​，過去數十年慢性腎病嘅發病率、患病率同死亡率都持續上升📈​，而糖尿病同高血壓患者嘅增加，正正係推高腎病風險嘅主要原因。

腎臟負責過濾血液中嘅廢物同多餘水分💧​，一旦功能受損，對身體會造成好大影響。想保護腎臟，可以由生活習慣做起，例如均衡飲食、避免吸煙及飲酒、多做運動，都可以降低患上糖尿病同高血壓嘅風險。

🍽 日常飲食小貼士：
- 實踐「三低一高」均衡飲食——低油、低鹽、低糖、高纖維。
- 每日最少食 5 份蔬果🥬
- 每日鹽攝取量應少於 5 克（包括來自醃製、加工食品、醬料同罐頭食品嘅鈉）

🧂減鹽小技巧：
- 用新鮮食材入饌
- 用天然香料、蒜、薑、香草調味
- 用鮮果或蔬菜自製醬汁或芡汁
- 減少使用高鈉調味料同現成醬汁
- 避免進食加工及醃製食品
- 購買食品前記得睇營養標籤，揀「低鈉」（每100克/毫升不超過120毫克鈉）產品

大家出街食飯，記得要去「有營食肆」揀 #3少之選 (少油、少鹽和少糖的菜式)，咁就可以減少鹽分攝取，就有助減低腎臟負擔。由今日開始，實踐有「營」生活，為自己嘅健康行多一步喇?！

資料來源：
https://www.chp.gov.hk/files/pdf/ncd_watch_february_2020_chin.pdf
https://www.chp.gov.hk/files/her/less_salt_for_better_health_infographic.pdf
-----------------------------------------
更多「有營食肆」資訊，即刻瀏覽「星級有營食肆」專題網站︰
https://restaurant.eatsmart.gov.hk

Follow埋我哋嘅 IG ，緊貼最新資訊！
https://www.instagram.com/eatsmartrestaurant/

#星級有營食肆
#有營優惠 #健康飲食 #香港美食 #世界腎臟日 #星級快訊

Address

Hong Kong

Website

Alerts

Be the first to know and let us send you an email when 星級有營食肆 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category