可持續大嶼 Sustainable Lantau

29/05/2026

【🏔大澳郊遊易：探訪文化古蹟路線圖】

大澳唔止有漁村風情，仲有一條大人細路都啱行嘅輕鬆行山路線✨。一路睇風景、一路了解大澳文化特色，仲可以體驗新落成嘅公共設施，啱晒想輕鬆遠足嘅你！一齊跟住行啦🙌

永安街➡️大涌橋➡️洪聖古廟➡️虎山觀景台➡️楊侯古廟 ➡️寶珠潭橋➡️新基街➡️鹽田橋➡️大澳市中心

由熱鬧嘅永安街行到大涌橋，可以回望棚屋同河涌景色📸，之後沿石仔埗街前往洪聖古廟，喺每年「龍舟遊涌」期間，三個傳統漁業行會都會嚟呢度「接神」㗎！再喺附近就會見到往虎山觀景台嘅指示牌，跟住接上山徑🍃，一路登上虎山觀景台，俯瞰整個大澳水鄉同海景🌊，絕對係全程最靚嘅打卡位✨！

沿住木柵小徑落山，一路行就到達楊侯古廟，楊侯古廟前方嘅空地重鋪地磚後令環境更舒適，同時亦保留古廟原有嘅格局🌿。跟住經「寶珠潭橋」過新基街，近距離感受棚屋生活，再行到「鹽田橋」欣賞水鄉日落景色📸，最後返回大澳市中心就完成喇！路程好易行之餘，沿途仲遍佈住歷史悠久嘅古廟建築同自然美景，一定令你收穫滿滿！

📝下次入嚟大澳行山睇風景，記得參考以下網站嘅巴士同渡輪時間表，仲可以睇埋各個旅遊熱點嘅人流資訊，方便你好好安排旅程：
🔗https://sslo.cedd.gov.hk/tc/exploring-more/leisure-recreation/taiopedinfo/index.html

📍「鹽田橋」同「寶珠潭橋」現已正式啟用，連接山水，讓大家更暢達社區。
#土木工程拓展署 #大澳雙橋 #鹽田橋 #寶珠潭橋 #橋連山水暢達社區

22/05/2026

【橋連・社區連接：扎根大澳嘅青年阿威👨🏻🚲】

大澳「鹽田橋」同「寶珠潭橋」啟用後，你到訪過未呢？等小編帶你聽吓附近居民阿威嘅心聲！阿威為咗照顧90歲嘅爺爺👴🏻，選擇留喺大澳生活，仲喺當地做咗20年社會服務！每日踩住單車穿梭大澳嘅阿威，對社區連接嘅改變體會最深🚲

「打通咗呢條橋就可以方便救援人員，等一班老街坊住得更安心❤️！」

對阿威嚟講，雙橋唔單止令佢返工更快捷，更加令救援時間大大縮短🚒🚑！以前打風落雨，長者去庇護中心嘅路程非常轉折。雙橋連繫咗河涌兩岸後，消防同救援人員出入就快咗好多，一過橋就到新基街嘅棚屋！阿威仲提到，新建嘅露天劇場唔加建永久上蓋，可以更配合大澳傳統神功戲嘅「搭棚」手藝，既提升社區活力又可以保留傳統特色。

推動大澳設施不斷改善同時亦保留原本嘅傳統風貌同人情味，或者呢個就係阿威一直留喺大澳服務社區嘅最大原動力！💪🏼

💬「鹽田橋」及「寶珠潭橋」唔單止考慮到居民出行嘅便利性，更加係以尊重傳統文化為前提，希望大澳可以承舊創新，保留水鄉情懷！

📍「鹽田橋」同「寶珠潭橋」現已正式啟用，連接山水，讓大家更暢達社區。

#土木工程拓展署 #大澳雙橋 #鹽田橋 #寶珠潭橋 #橋連山水暢達社區

19/05/2026

18/05/2026

【雙橋啟動🎯大澳生活「升呢」】

大澳第二期第二階段改善工程希望透過改善行人連接、公共空間同社區配套，多方面提升居民嘅生活質素，同時保留大澳傳統文化🛶！一齊睇吓新落成嘅設施啦👇🏻

🌉 「鹽田橋」及「寶珠潭橋」 -- 出入「升呢」
大澳鹽田同寶珠潭一帶嘅居民日常往返市中心一直要兜大圈，對長者同行動不便嘅人士就更加唔方便，緊急車輛嘅通行亦受限制⚠️ 雙橋打通後，往返市中心可節省約10分鐘嘅步行路程，方便居民出入之餘，開合設計亦保留咗大澳獨有嘅傳統習俗「龍舟遊涌」🐉，俾載有神像嘅龍舟同神艇可以順利通過！

🎭鹽田露天劇場 --文化康樂「升呢」
位於鹽田嘅露天劇場及休憩用地可以用嚟舉行大澳傳統神功戲，嚟緊亦會俾市民同合資格團體申請舉辦各類型嘅文化康樂活動，等居民從此多個聚腳點🏠！

🪄楊侯古廟前方空地美化工程 -- 體驗「升呢」
楊侯古廟前方空地嘅地磚全面翻新✨，而坐椅、祭祀用品等等都會完整保留，提升居民同遊客嘅體驗，推廣同時保育文化古蹟！

🚙增加泊車位--交通配套「升呢」
喺鹽田增設公共泊車位，有效舒緩區內泊車位嘅需求，每個泊車位仲配置電動車充電設備🔋！

由區內連接到公共空間，大澳生活正逐步「升呢」，令呢個百年漁村更方便、更宜居同更有活力！今個週末，一於同屋企人朋友齊齊入大澳玩啦❤️～

📍「鹽田橋」同「寶珠潭橋」現已正式啟用，連接山水，讓大家更暢達社區。

#土木工程拓展署 #大澳雙橋 #鹽田橋 #寶珠潭橋 #橋連山水暢達社區

16/05/2026

【東涌東第二階段基礎設施工程簽約儀式 順利進行 】

喺今個月中，我哋舉行咗「東涌新市鎮擴展－迎禧路及東涌海濱路的基礎設施工程」(合約編號: NL/2025/09) 嘅簽約儀式🖋️，正式同承建商顯豐工程-宏記土木聯營👷🏻👷🏻‍♂️簽訂工程合約📄，標誌住呢項基礎設施工程正式展開。呢份工程合約主要包括建造兩座四跨有蓋行人天橋、隔音屏障、單車徑及鋪設低噪音路面。

工程展開後，工程團隊將致力為東涌居民建造一個更美好、更宜居嘅東涌社區。

想了解更多項目詳情，歡迎瀏覽我哋網站：https://sslo.cedd.gov.hk/tc/our-projects/development-projects/tung-chung/index.html

#土木工程拓展署

#南拓展及可持續大嶼辦事處

#東涌新市鎮擴展
#東涌東
#基礎設施工程
#工程合約

15/05/2026

【🎉東涌新市鎮擴展計劃 聯盟承諾簽署典禮🎉】

東涌新市鎮擴展計劃係政府增加土地同房屋供應嘅主要發展項目之一。土木工程拓展署 (CEDD) 正喺東涌一帶全力推展多個基礎設施工程合約，希望將東涌打造為一個宜居、宜業、宜樂嘅可持續社區🏡。

為咗令唔同工程合約之間嘅銜接更順暢，加快整體發展進度， CEDD聯同4間顧問公司，以及5間來自唔同工程合約嘅承建商，喺 4 月 29 日正式攜手成立「東涌新市鎮擴展計劃聯盟」🤝。

當日，聯盟成員 除咗簽署聯盟承諾，仲立即做左第一次嘅討論交流。各個聯盟成員👷👷‍♀️都踴躍分享經驗，提出咗以下重點👇:
• 聯盟成員分享咗以往嘅協作經驗，認爲積極溝通及建立互信，係營造協作文化嘅關鍵；
• 聯盟成員希望透過聯盟呢個跨合約平台，優化臨時交通安排、資源運用、以及公共關係策略，致力提升工地安全、成本效益及工程效率，並減低工程對社區嘅影響。

我哋會連繫各個聯盟成員👷👷‍♀️，精簡協調工作，積極化解潛在嘅合約銜接風險，同時優化資源運用，發揮最大協同效應，同所有持份者齊心達成共同目標🎯。

展望將來，聯盟會繼續以高效、可持續及以人爲本嘅方式推動東涌新市鎮擴展計劃發展，我哋亦會透過唔同渠道走入社區，與居民攜手同行，為建設更美好嘅東涌出一分力🌳🏢！

#土木工程拓展署 #南拓展及可持續大嶼辦事處 #東涌新市鎮擴展 #東涌新市鎮擴展計劃聯盟 &T #利基 #中國中鐵 #捷章 #中國土木 #中鐵十一局 #俊和

15/05/2026

【促進「業主」思維同協作文化，創造「互利共贏」— 東涌新市鎮擴展「跨機構協作小組」正式成立！🤝】

東涌新市鎮擴展計劃嘅工程現正全面進行，以加快基建建設同房屋供應。為咗實現「提速、提量、提質、提效」嘅目標，土木工程拓展署 、香港房屋委員會 同 港鐵公司 剛剛成立「跨機構協作小組」！小組於 4 月 29 日在東涌社區聯絡中心舉行啟動禮🚀，正式簽署協作約章，致力協作實現共同目標。

🌟 展望未來： 隨著工程進入高峰期，小組會繼續以「業主」思維同協作文化，更有效和安全地推展東涌新市鎮擴展計劃，創造「互利共贏」局面，為香港基建項目協作樹立新基準，齊心編寫東涌新市鎮擴展嘅成功篇章！📖✨

#東涌新市鎮擴展 #土木工程拓展署 #香港房屋委員會 #港鐵公司 #跨機構協作小組 #提速提量提質提效 #香港基建 #可持續發展 #東涌東 #東涌西

12/05/2026

【大澳雙橋點樣建成🏗️？一齊拆解背後挑戰！】

大澳「鹽田橋」同「寶珠潭橋」已於5月4日早上9時正式啟用啦！
為咗完成呢項連繫社區同承載文化嘅重要設施，實現「📍橋連山水，暢達社區」，工程團隊由利用開合橋設計以配合大澳傳統龍舟遊涌🐉，到預製橋身組件、採用高強度鋼材同創新施工技術，每一步都展現出佢哋嘅心思同努力，當中亦克服咗唔少困難同挑戰💡，包括地理限制同潮汐環境等等🌱，值得一讚✨！

依家一齊睇吓工程團隊係點樣將難題逐個拆解啦！去片▶️

#土木工程拓展署 #大澳雙橋 #鹽田橋 #寶珠潭橋 #橋連山水暢達社區

04/05/2026

【大澳鹽田橋及寶珠潭橋開幕典禮🎉精彩時刻重溫】

建造工程歷時三年，大澳「鹽田橋」及「寶珠潭橋」現已正式啟用喇🎉！為慶祝大澳再添新地標，於5月3日上午，我哋喺新建「鹽田露天劇場」舉行咗一場別出心裁嘅開幕禮👏🏻 一齊嚟重溫當日精彩盛況！

當日出席嘅主禮嘉賓包括：香港特別行政區政府發展局局長甯漢豪女士 JP、 香港特別行政區政府民政及青年事務局局長麥美娟女士 SBS JP、 中央駐港聯絡辦公室新界工作部副部長孫學偉先生、新界鄉議局主席劉業強先生 SBS MH JP、立法會議員（發展事務委員會主席）林筱魯先生 SBS JP、土木工程拓展署署長方學誠先生 JP、大澳鄉議會主席何紹基先生、離島區議會主席楊蕙心女士JP及土木工程拓展署南拓展及可持續大嶼辦事處處長胡國源先生 JP。

其中一個重頭環節，當然係橋上百人大合照📸！過百位來賓一同踏上新落成嘅「鹽田橋」，配合大澳特色傳統龍舟隊、搖櫓隊及醒獅隊表演助慶，大家一齊喺標誌性嘅水鄉景色之中，成就呢個「橋連山水，暢達社區」嘅重要時刻🙌🏻，場面非常壯觀！開幕儀式圓滿結束後，鹽田露天劇場仲有小型市集及遊船導賞活動，讓嘉賓用唔同角度了解同體驗大澳地道特色同風貌，一齊開啟大澳新篇章！

📍「鹽田橋」同「寶珠潭橋」已於5月4日早上9時正式啟用，連接山水，讓大家更暢達社區。

#土木工程拓展署 #大澳雙橋 #鹽田橋 #寶珠潭橋 #橋連山水暢達社區

04/05/2026