土木工程拓展署 Civil Engineering and Development Department

15/06/2026

【 #見築新視界 - 凝聚匠心｜「地海森居」隆重揭幕！】

在急促的城市節奏之間🎶，我們需要一個可以慢下來、能夠深呼吸的角落🏡。土木工程拓展署轄下土木工程處打造一個全新的社區聯絡中心——「 地海森居 Connection」「⛰️🌊🌲🏠」，計劃於7️月內與大家見面🎉。我們期待在這個與自然和諧呼應的寧靜角落，與跑步🏃、踩單車🚴、以及漫步🚶於馬料水海濱📍的你們相遇，以全新視界，探索不一樣的城市🌆。

於6月10日🎈開幕典禮🎈當日，非常感謝☺️沙田民政事務專員李愷崙與一眾沙田區議員參與，連同土木工程拓展署署長方學誠、副署長馬漢毅、土木工程處處長陳炳華，以及建築師、承建商和創意顧問的代表拉開「地海森居」的序幕🎉。

「地海森居」盛載着工程師👷🏻以心築建生活的理念🎯，將那些默默推動城市發展背後的精心建構與思維，透過空間內的匠心設置，向你娓娓道來。這裏不僅是一個展覽空間，我們更期待在此與你對話🎤，並匯聚社區力量💪🏼，和每一位關心城市發展的你們建立緊密連繫🎀。

「地海森居」是香港首座應用「循環建築」概念的建築物💯，核心目標是技術循環🔄和生物循環🔄的資源流動系統，追求維持資源的最高價值，減少浪費♻️。我們應用工程竹🍀、生物炭混凝土🍀、香港研發的i2Cool降溫塗料🍀等等創新建築技術和物料，期待能振奮本地建築業界，持續不斷追求可持續發展❗️

土木工程拓展署一直推動「改善碼頭計劃」，亦維護現有公眾碼頭⛴️，讓市民可以安全舒適到達香港各個大自然景點📷，享受生態旅遊🌏。位於馬料水碼頭附近的「地海森居」正正可以成為大家的一個聚腳點📍，從這裏出發❗️

我們的故事會陸續出現，與大家一同發掘土地⛰️、海洋🌊、森林🌲與安居生活🏠交織的共生經歷。

地址：馬料水海濱（近馬料水新渡輪碼頭）
網址： https://ceoclc.hk

Facebook：
https://www.facebook.com/profile.php?id=61590849474511

Instagram：
https://www.instagram.com/ceoclchk?igsh=MWRtdWQ5MGpjbnlnaQ%3D%3D&utm_source=qr�

#土木工程拓展署 #土木工程處 #見築新視界 #地海森居 #社區聯絡中心 #正式開幕 #城市背後 #築建生活 #馬料水

14/06/2026

13/06/2026

【🏆賀！CEDD龍舟隊出戰2026荃灣龍舟競渡 勇奪銀盃季軍🥉】

小編「工程獅」🦁喺5月31日（星期日），跟住土木工程拓展署龍舟隊🐉嚟到荃灣西海傍，一齊參加由荃灣鄉事委員會主辦嘅「2026荃灣龍舟競渡」！

CEDD龍舟隊出戰龍舟競渡，小編🦁當然要到場落力支持，為一眾划得之人打氣助威💪🏽🔥！眼見隊員們隨住強勁嘅鼓聲節奏，百槳齊發、破浪前行，展現出高度默契同無比體能，現場嘅喝彩聲同打氣聲真係令小編🦁情緒高漲！

經過三場高水準嘅激戰，CEDD龍舟隊憑住齊上齊落嘅槳法同堅毅嘅鬥志，最終成功勇奪「政府友誼中龍銀盃」🥉季軍🥉，恭喜晒所有得獎同事！ 🎉🏆

嚟緊龍舟隊會繼續乘勝追擊！喺6月19日（星期五）端午節當日參戰沙田城門河嘅龍舟競賽🚣🏻。各位粉絲記得嗰日都要嚟到現場，為我哋大聲打氣，一齊感受端午佳節嘅熱鬧氣氛！到時見！🔥🙌🏼

#土木工程拓展署 #工程獅 #土木工程拓展署龍舟隊 #2026荃灣龍舟競渡 #政府友誼中龍銀盃 #團結就是力量 #龍舟競渡 #端午節

12/06/2026

12/06/2026

【分享無人機吊運經驗 推動低空經濟發展】

仲記唔記得小編「工程獅」 🦁之前介紹過，喺去年中修訂咗嘅小型無人機令[Cap. 448G] 生效後，全港首個應用小型無人機（SUA）進行吊運工作嘅工地？無錯！就係 #東區阿公岩村公營房屋發展嘅工地平整及基礎設施工程啦！喺呢個工地，無人機化身成「空中物流特工」，將林林總總嘅建材、日常用品同飲用水，快速精準咁運送到山上嘅施工地點。唔單止慳時慳力，效率仲要「爆燈」！⚡

為咗讓大家更了解無人機進行吊運，小編🦁早前就聯同 The Hong Kong Institution of Engineers 香港工程師學會 - HKIE 同 HKIE Student Chapter - HKU 嘅同學仔一齊去地盤實地參觀。當大家親眼見到現場個斜坡斜度高達 80度 👀，都忍唔住異口同聲「嘩」咗出聲！如果呢啲物資要單靠傳統人力搬上山，真係諗到都覺得辛苦……

好在有無人機幫手！參觀當日，工程團隊現場詳細示範咗無人機嘅實際操作同應用，又同大家分享團隊點樣克服各種工程挑戰，大家都獲益良多！🙌💡

放眼未來，CEDD會繼續同民航處緊密合作，攜手推動 #低空經濟 發展，期待喺新修訂嘅小型無人機令Cap. 448G生效下，團隊可以引入吊運容量更大嘅無人機 [總重量不多於150公斤] 協助工地吊運，善用創新科技去減輕工友嘅勞動強度，照顧工友健康之餘，仲可以大大提升工地安全，為營造安全、高效嘅工程界注入更多新動力！🚀

#土木工程拓展署 #工程獅 #民航處 #小型無人機令 #無人機吊運 #低空經濟 #工地安全 #關顧工友 #創新科技

12/06/2026

【提提大家睇電視💡 《好嘢港多啲》 – 「活力環島長廊」】

小編「工程獅」🦁又有好節目推介俾大家喇！

聽晚（6月13日）無綫電視翡翠台播出嘅《好嘢港多啲》將會介紹「活力環島長廊」！兩位充滿活力嘅藝員——葉蒨文（Sophie）同郭柏妍（Rosita）繼之前暢遊東岸板道後，今集再去到連接南灣同舂坎角嘅全新步行徑👣，仲有赤柱夏萍灣泳灘旁邊啱啱完成美化嘅休憩空間🎨，帶大家發掘環島長廊嘅魅力，一次過體驗無敵海景同人氣打卡位📸！

小編🦁已經較定鬧鐘喇⏰！大家記得聽晚同我一齊準時開電視，跟住佢哋「環島在一起‧步足香港美」啦📺～

📺 節目：《好嘢港多啲》
📅 播出日期：6月 13 日
🕒 播出時間：晚上7時30分
📺 頻道：無綫電視翡翠台

#土木工程拓展署 #活力環島長廊 #工程獅 #好嘢港多啲 #南灣 #舂坎角 #夏萍灣 #週末好去處 #打卡靚位 #環島在一起步足香港美

11/06/2026

【🏗️元朗近丹桂村公營房屋發展 — 先導使用同位素密度探測儀 👏🏻】

小編「工程獅」🦁今日帶大家睇吓元朗近丹桂村公營房屋發展嘅最新施工亮點！

土木工程拓展署現正喺元朗近丹桂村進行公營房屋發展嘅工地平整及基礎設施工程，當中涉及大規模泥土回填。傳統嘅灌砂法（Sand Replacement Test, SRT）主要用途係量度泥土壓實程度，確保回填土壤密度達到設計要求。不過通常呢個方法要等候二至三個工作天嘅實驗室測試時間，先可以知道結果。

👉工程團隊考慮到傳統灌砂法時間上有限制，為咗加快施工流程，土木工程拓展署轄下嘅土木工程處聯同土力工程處推行使用同位素密度探測儀（Nuclear Densometer Test, NDT）嘅先導試驗計劃。

等小編🦁同大家一齊揭秘NDT呢部神器嘅原理：

📏 驗密度： 探測儀會向壓實嘅泥土發射伽馬射線（銫-137）。如果泥土好密實，射線就會被土壤吸收及散射，回傳返部機嘅射線就會變少。所以接收到嘅射線越少，就代表泥土相對密度越高，越密實！

💧 驗水分： 探測儀會向壓實嘅泥土發射中子（鋂-241：鈹）。中子一撞到泥土入面嘅水分子，速度就會慢落嚟。所以偵測到減速嘅中子越多，就代表泥土入面嘅含水量越高！

🔎 有咩突破？
✅現場即時測試並獲得土壤密度及含水量嘅初步結果
✅可以即刻知道填料壓實情況，以直接進行下一步工序
✅大大加快泥土回填施工進度

✨ 透過今次NDT先導試驗計劃，讓每一層泥土壓實測試嘅時間可縮短至約一天。以一段約10米高嘅加筋擋土牆 (Reinforced Earth Wall, RE Wall)為例，可節省約一個月嘅測試時間，令工程提速提效！

💡黎緊有咩新動向？
土力工程處根據之前先導試驗計劃嘅成功經驗，並參考國際標準，編寫咗改進後嘅NDT技術文稿。
✅現正試行： 由 2026 年 3 月開始，呢個升級版 NDT 服務已經正式進駐CEDD轄下工務試驗所（Public Works Laboratories, PWL）嘅「試驗所資訊管理系統」電子平台，率先為CEDD旗下工程提供服務。
✅全面推行： 預計到 2026 年第三季NDT就會全面推廣到所有政府工務工程喇！

💪🏻 CEDD未來會繼續同工程業界及各政府部門攜手探索更多創新技術，為工程提速提效，為市民提供更優質嘅居住環境🤝🏻❤️。

#土木工程拓展署 #工程獅 #元朗近丹桂村公營房屋發展 #同位素密度探測儀 #創新施工 #智慧建設 #土地平整 #提速 #說好香港故事

10/06/2026

【榮獲明建會香港「第七屆國際設計安全獎」多個獎項】

土木工程拓展署一直最重視工地安全⛑️，早前榮獲明建會香港「第七屆國際設計安全獎」合共12個獎項👏，充分肯定我哋喺積極提升工地安全嘅努力，其中「T2主幹路及前南面停機坪發展項目的基礎設施工程」喺多個參賽項目中脫穎而出勇奪金獎🏆，即刻睇吓獲獎名單！🔍

🥇金獎 (Gold Award) 🥇
•　T2主幹路及前南面停機坪發展項目的基礎設施工程

🥉銅獎 (Bronze Award) 🥉
•　粉嶺北新發展區餘下階段 – 地盤平整和基礎設施工程（西）

🏅優異獎 (Merit Award) 🏅
•　河套區基建發展
•　元朗南第一期發展工地平整及基礎設施工程 - 合約二：於十八鄉交匯處新連接路採用低密度工程水泥基複合材料（LD- ECC）建造路堤
•　洪水橋/厦村新發展區第二期發展 - 合約三 - 工地平整和基礎設施工程
•　將軍澳海濱南橋
•　粉嶺北新發展區第一階段 - 粉嶺繞道東段（崇謙堂至九龍坑）

🎖️榮譽獎 (Honourable Mention) 🎖️
•　改善碼頭計劃
•　元朗南第一期發展工地平整及基礎設施工程 - 合約二：採用U型盾構機(UTBM) 及於元朗明渠採用箱形暗渠
•　洪水橋／厦村新發展區第二期發展 - 合約二 - 食水配水庫及相關敷設水管工程
•　洪水橋/厦村新發展區第二期發展 - 合約五 - 工地平整和基礎設施工程
•　安達臣道石礦場用地發展–道路改善及行人連繫設施工程第二期甲

我哋嘅工程團隊必定會繼續努力，與業界一同攜手推廣安全文化，多管齊下提升工地安全水平，保障工友安全！💪

#土木工程拓展署 #工程獅 #明建會香港 #國際設計安全獎 #工地安全

09/06/2026

【土木工程拓展署「綜合沿岸管理策略」於威尼斯氣候週獲獎】

小編「工程獅」🦁好榮幸能夠喺威尼斯氣候週 (Venice Climate Week)中，憑住我哋嘅「綜合沿岸管理策略」🌊 獲得Planet Aqua City Awards - Coastal and Delta Resilience第二名嘅殊榮🥈。呢個獎項係對香港應對氣候變化方面努力嘅一個好大肯定。

今次喺水城威尼斯⛴️，土木工程拓展署及發展局同 C40城市嘅夥伴進行咗深入交流，由科學、技術、政策管理，以至文化，都交換咗好多寶貴經驗同想法。呢啲對話令我哋更加肯定，面對氣候挑戰嘅時候，城市之間嘅合作同知識分享非常重要。📚🤝

呢個獎項唔單止令國際認識到香港海岸管理策略，更加係一個鼓勵，推動我哋繼續同其他城市互相學習、加強交流，共同探索更具韌性及可持續嘅未來。🌲🌿

#土木工程拓展署 #工程獅 #威尼斯氣候週 #綜合沿岸管理策略 #氣候變化

06/06/2026

【🐲🌺以人為本、城鄉共融、延續傳統–同慶屯門・元朗天后寶誕🌺🐲】

2026年5月一年一度盛大天后寶誕🔥！屯門同元朗兩區同期舉行一連串慶典，將傳統節慶昇華成結合文化傳承、創新科技同社區參與嘅精彩體驗！各界團體熱烈參與，鑼鼓喧天、萬眾歡騰！無論日與夜都充滿歡樂熱鬧嘅氣氛，吸引大批巿民一齊投入呢場年度盛事💥。

✨【屯門】夜色魅力 × 科技新體驗
今年屯門區恭祝天后寶誕亮點十足✨，喺夜晚嘅「舞紗龍」🐉成為全場焦點🔥，相隔49年重遊香港嘅燭光紗龍隨住節奏明快嘅鼓聲🥁起舞，光影交錯流轉，畫面既夢幻又震撼😍。現場掌聲👏同閃光燈此起彼落，場面熱鬧到不得了🎉！

🎊巡遊正日同樣精彩！🦁 3 米高「工程獅」 威風凜凜登場，騎住駿馬率領巡遊，氣勢十足；仲有機械人同機械犬🤖🐕沿途互動，令傳統慶典注入滿滿嘅科技感。

唔止係咁，我哋土木工程拓展署巡遊隊伍包括洪水橋／厦村新發展區同龍鼓灘・屯門西等項目團隊、部門義工隊同機械人🤖於街頭及舞臺表演日常守護工人安全嘅八段錦，巿民紛紛駐足拍照📸，對機械人嘅流暢動作感到驚嘆不已😲👏。加上智慧綠色集體運輸系統🚗🌱列車模型，將未來洪水橋／厦村新發展區城市藍圖🏙️直接帶到社區街頭，讓市民近距離感受新發展區願景。

🌸【元朗】非遺傳承 × 盛大氣勢
元朗十八鄉天后寶誕由「鼓舞傳承起動禮」3.5米巨型太平鼓🥁震撼開幕，象徵凝聚社區力量；配合夜光英歌舞及《鄉承天后．光影耀元朗》光影秀，將傳統與現代交織出極感染力嘅視覺盛宴✨
土木工程拓展署巡遊隊伍加上4米高花炮💥結合工程科技元素（例如元朗南U型盾構機圖畫），聲勢浩大，連同青年霹靂舞表演，展現新一代活力嘅「城鄉共融」精神！

📸吉祥物「工程獅」、機械人同機械犬穿梭兩地派發紀念品🎁，同市民合照打卡，人氣爆燈，成為全場最吸睛焦點🦁💛
兩區嘅天后寶誕活動互相呼應，全面展現香港都市與傳統文化深度融合發展！

🙏土木工程拓展祝署願香港同心同行，風調雨順、物阜民豐，共創更宜居、宜業、宜樂嘅世界級智慧城市🌈✨

#土木工程拓展署 #洪水橋厦村新發展區 #元朗南新發展區 #龍鼓灘屯門西 #土木工程拓展署義工隊 #屯門區恭祝天后寶誕 #元朗十八鄉天后寶誕 #國家級非物質文化遺產 #天后誕 #工程獅 #舞紗龍 #花車巡遊 #北部都會區 #說好香港故事