土木工程拓展署 Civil Engineering and Development Department

20/09/2026

18/09/2026

【📝《暑期實習生日記》第五集｜說好CEDD故事✨】

接連推出咗四集《暑期實習生日記》回顧土木工程拓展署嘅專上學生暑期實習計劃以及暑期實務訓練計劃，小編「工程獅」🦁見到大家反應好熱烈，似乎對一班實習生嘅真實體驗好有興趣👀。

今次終於嚟到壓軸一集📣！我哋將鏡頭轉向幕後，揭開CEDD一個個生動故事背後嘅製作過程👋，小編🦁分別搵嚟三位負責公共關係同對外宣傳工作嘅實習生Elena、Holiday同Cindy，睇吓佢哋點樣一齊說好CEDD故事💡。

嚟自總部公共關係組嘅Elena同Holiday，其實就係呢個《暑期實習生日記》系列嘅幕後推手，平時除咗會擔任小編🦁嘅工作，仲會幫手做設計、搞活動，為公眾帶嚟部門最新資訊；Cindy就去到土力工程處斜坡安全部公眾資訊組實習，擔任 Geo Channel 土力場嘅實習小編，主要協助設計海報以及後期製作唔同嘅宣傳影片，更會外出參與展覽活動，對外宣傳斜坡安全工作！

五集《暑期實習生日記》到呢度暫告一段落，由前線到幕後、由設計到完成、由發展到保育，CEDD嘅故事每日上演，小編🦁好期待未來有更多年輕人加入我哋呢個大家庭，一齊為香港嘅建設與發展出一分力！

#土木工程拓展署 #工程獅 #專上學生暑期實習計劃 #暑期實習生日記 #公共關係 #對外宣傳

18/09/2026

16/09/2026

【第二屆工程專業人員交流計劃分享會圓滿舉行】

工程師學院（學院）自2024年成立以來，一直積極加強工程師職系的人才培訓，以前瞻性的視野全面提升工程師職系人員的專業能力。與香港鐵路有限公司（港鐵公司）合辦的「工程專業人員交流計劃」（計劃）正是學院其中一項旗艦培訓計劃，旨在促進工程界人士的緊密協作，同時為工程師職系人員與交流機構的工程專業人才建構一個雙向互動、深度交流的經驗分享平台。計劃來到第二屆，四位參與者於9月1日的分享會上交流實習心得與體會。

兩名分別來自土木工程拓展署及路政署的高級工程師獲派駐港鐵公司參與新鐵路的規劃與建設工作；另兩名港鐵公司高級工程管理經理則派駐土木工程拓展署及路政署參與道路基建及行人連接系統的規劃與推展工作。

分享會上，土木工程拓展署署長方學誠先生表示：「參加者親身體驗駐派機構的工作文化，了解不同機構同事的思維方式、團隊的協作模式，以及決策如何化為行動。文化，是真正的關鍵——它塑造心態，推動行為，並支撐持續的卓越表現。」港鐵公司項目及工程拓展總監鄧輝豪先生(Mr Carl Devlin) 指出：「最令我鼓舞的是，這項計劃不單是人員的交流，更是思維、經驗與視野的深度互動。彼此建立的連繫，將有助於深化機構之間的協作，在應對未來大型基建項目時，能夠更具效率地共同推進。」

四位參與者不但加深了對交流機構的認識，更將新思維帶回日常工作中，為工程界帶來新動力。

#工程師學院 #土木工程拓展署 #港鐵公司 #第二屆工程專業人員交流計劃 #工程分享 #專業傳承 #共建未來

15/09/2026

【🎉 三寶樹濕地保育公園榮獲 UNSDG 香港成就獎 2026 最佳策略獎及可持續發展目標獎🏆🦆】

小編「工程獅」🦁想同大家分享一個好消息！📢土木工程拓展署聯同漁農自然護理署以及項目顧問公司艾奕康有限公司攜手合作，憑藉「三寶樹濕地保育公園」項目，早前喺環保促進會主辦嘅「聯合國可持續發展目標香港成就獎 2026」榮獲「最佳策略獎」及「可持續發展目標獎 — 目標15: 陸地生物」兩個獎項！🏅

工程同生態團隊喺推進項目時，一直貫徹「發展與保育並存」理念，並以「生物多樣性同水產養殖和諧共存」為定位。

團隊運用「基於自然的解決方案」，透過改造魚塘同設立、提供微生境，主動提升濕地生態功能；同時引入現代化水產養殖技術，促進塘魚養殖和自然保育嘅協同效應。過程中亦與不同界別持份者緊密合作，成功平衡生態、產業同社區需要。

最終，項目落實前瞻性策略，呼應咗不少於 8 個聯合國可持續發展目標，並展現出多方面嘅成效：
✅ 更具生態韌性 — 透過魚塘改造同微生境建設，為飛鳥及野生動物打造更好家園，同時增強應對極端氣候能力。
✅推動產業轉型 — 引入生態友善同現代化養殖技術，助力傳統養殖業轉型升級，實現生態與產業雙贏🐟。
✅ 深化社區傳承 — 打造生態教育平台同訪客中心，讓市民親身體驗自然之美，將保育意義傳承落去🌳。

同時，多項土木工程拓展署嘅基建項目亦獲頒「獲認可項目」，肯定我哋喺推動可持續發展嘅決心💪。

詳細得獎名單可瀏覽以下網址： https://zh.greencouncil.org/unsdgaaresult2026

#土木工程拓展署 #漁農自然護理署 #三寶樹濕地保育公園 #北部都會區 #新田科技城 #古洞北 #粉嶺北 #環保促進會 #聯合國可持續發展目標香港成就獎2026 #香港基建

14/09/2026

【📝《暑期實習生日記》第四集｜探索發展與保育✨】

《暑期實習生日記》轉眼間已經嚟到第四集，今次小編「工程獅」🦁跟住兩位實習生Cyrus同Samantha一齊了解吓發展與保育點樣並存！🔎

Cyrus同Samantha今個暑假被安排去到南拓展及可持續大嶼辦事處實習，主要協助大嶼山保育基金嘅日常運作💡，唔單止要熟讀獲批項目內容，又要兼顧辦公室文書工作，更親身落區走場🏃‍🏃‍，同地區持份者及保育團體面對面對接，近距離感受保育嘅真實溫度🎄，親身見證基建發展背後嘅點點滴滴🏗️。

即刻跟住佢哋一齊探索發展與保育喇！📢

#土木工程拓展署 #工程獅 #專上學生暑期實習計劃 #暑期實習生日記 #發展與保育 #大嶼山保育基金 #可持續發展

12/09/2026

【🍀啟德海濱發展導賞團及共融通道體驗🚴‍♀️】

小編「工程獅」🦁日前好榮幸可以同立法會議員鄭泳舜、深水埗區議員張德偉，以及其他地區代表到啟德海濱及承豐道公園參觀！工程團隊連同海濱事務專員向議員介紹啟德海濱嘅最新發展，仲安排咗單車，俾嘉賓可以親身體驗共融通道，一邊踩單車🚴一邊欣賞海濱長廊靚景🌅～

感謝議員對啟德發展嘅關注，以及對土木工程拓展署工程團隊嘅支持同鼓勵！💪

如果仲未去過啟德海濱，不妨嚟啟德享受靚景散下步踩下單車！✨

嚟緊小編🦁仲預備咗短劇影片繼續同大家介紹啟德海濱，記得密切留意🥳～

#土木工程拓展署 #工程獅 #啟德發展計劃 #啟德發展區 #啟德 #發展局 #共融通道 #單車 #維多利亞港 #維港

11/09/2026

【科研技術賦能海事基建⚓航運模擬系統測試香港仔避風塘新防波堤設計⚙️保障船隻航行安全🛥️ 】

小編「工程獅」🦁同大家隆重宣布📢 #擴建香港仔避風塘工程 正式開展啦🥳！呢個項目除咗會向南擴大避風泊位面積，仲會興建兩條全新防波堤🌊，以加強避風塘應對極端天氣嘅能力💪

由於擴建工程會改變現有航道布局，為咗確保船隻喺擴建後嘅避風塘能夠安全地雙向航行，土木工程拓展署喺設計期間特別採用咗一套符合國際海事組織（IMO）《海員培訓、發證和值班標準國際公約》標準，同時具備挪威船級社（DNV）國際海事標準最高級別全任務（Full-Mission），擬真度達最高等級 A級嘅「航運模擬系統」👍。喺動工前進行咗一場又一場逼真嘅「模擬駕駛」測試⚡💻，為咗令測試結果更具權威性同準確度，我哋更邀請咗擁有多年實際航行經驗嘅資深船長親自操刀，結合專家們嘅豐富經驗進行全方位驗證👨‍✈️⚓！

團隊透過系統模擬各種天氣條件、潮汐水流、風向、能見度以及航道環境🚤⛴️🛥️。經過多輪嚴格嘅模擬測試，結果證實船隻可以同時安全咁雙向進出擴建後嘅避風塘。測試取得圓滿成功，以科技進一步印證工程方案嘅安全性👏！

安全行先，從來都唔係得個講字！CEDD團隊今次用科技做足準備，就係要確保將來大家進出避風塘都行得順暢又安心。我哋會繼續全力推展工程項目，為香港仔避風塘開創更安全、更完善嘅新面貌🌟！

#土木工程拓展署 #工程獅 #防波堤 #智慧工程 #航運模擬系統 #航行安全