漁農自然護理署 Agriculture, Fisheries and Conservation Department

漁農自然護理署 Agriculture, Fisheries and Conservation Department Contact information, map and directions, contact form, opening hours, services, ratings, photos, videos and announcements from 漁農自然護理署 Agriculture, Fisheries and Conservation Department, Government Organization, Hong Kong.

歡迎瀏覽香港特別行政區政府漁農自然護理署Facebook專頁。

漁農自然護理署致力促進本地漁農業生產及發展，保護瀕危物種、動植物及自然生境，管理郊野公園、地質公園、特別地區、海岸公園及海岸保護區，以及保障動物福利和控制動植物疾病。

如有查詢、建議或投訴，可以致電 2708 8885 或發送電郵至 [email protected] 以便本署跟進。

#漁護快訊【都市農業先導計劃🌱依家接受申請喇！】📢漁護署將於2026年喺觀塘麗港公園進行為期5️⃣年嘅「都市農業先導計劃」，我哋依家公開邀請喺香港從事現代化室內作物生產嘅農場營運者👨‍🌾👩‍🌾，踴躍遞交申請！營運者須要喺大約500平方米嘅...
23/06/2026

#漁護快訊【都市農業先導計劃🌱依家接受申請喇！】

📢漁護署將於2026年喺觀塘麗港公園進行為期5️⃣年嘅「都市農業先導計劃」，我哋依家公開邀請喺香港從事現代化室內作物生產嘅農場營運者👨‍🌾👩‍🌾，踴躍遞交申請！

營運者須要喺大約500平方米嘅指定公園範圍入面，設置一個現代化室內作物農場⚙️💡，以可行嘅商業模式去進行作物生產同銷售，並提供同農場生產相關嘅教育及推廣活動。

想了解更多？記得參加我哋嘅簡介會喇：
🧑‍🏫日期及時間：2026年6月30日（星期二）下午2時30分
📍地點：九龍長沙灣道303號長沙灣政府合署7樓701室
📞報名及查詢電話：2150 7043

⛔📥申請截止日期及時間︰2026年7月21日（星期二）中午12時正

💡想知更多有關詳情、申請文件同遞交申請嘅方法？即刻瀏覽以下網頁啦：
www.afcd.gov.hk/tc_chi/whatsnew/what_agr/what_agr.html

#漁護署 #都市農業先導計劃

#漁護快訊【✨優化《進入米埔自然護理區許可證》申請安排🌿🦆】由2026年7月24日起，米埔部分地方會剔出邊境禁區範圍。但作為《野生動物保護條例》（第170章）（《條例》）下嘅「限制地區」🚫，米埔自然護理區內活動必須符合保育目的，例如觀鳥、...
23/06/2026

#漁護快訊【✨優化《進入米埔自然護理區許可證》申請安排🌿🦆】

由2026年7月24日起，米埔部分地方會剔出邊境禁區範圍。但作為《野生動物保護條例》（第170章）（《條例》）下嘅「限制地區」🚫，米埔自然護理區內活動必須符合保育目的，例如觀鳥、教育、科研等，以保護區內重要嘅生態環境，避免過度人為干擾。大家去米埔前仍然要按《條例》向漁護署申請相應嘅《進入米埔自然護理區許可證》📝：

🅰類許可證
✔ 可進入米埔自然護理區
✖ 不包括邊界圍欄外（由世界自然基金會香港分會(WWFHK)管理嘅浮橋同觀鳥屋）

🅱類許可證
✔ 可進入米埔自然護理區，包括邊界圍欄外嘅浮橋同觀鳥屋設施
🔸需取得WWFHK簽發嘅年度授權
🔸設有年度配額：如申請超額，會以抽籤方式分配
📅本年度配額申請截止日期為7️⃣月🔟日，有意申請嘅朋友記得留意時間呀❗

🆗一般市民如果參加由WWFHK、香港觀鳥會或其他非牟利機構舉辦嘅導賞團而進入米埔濕地，則唔需要額外向我哋申請許可證 ，不過活動採取預約制同設有人數上限，有興趣嘅巿民要留意啦。

米埔係香港極具生態價值嘅濕地，我哋要繼續好好守護。想了解更多申請安排，可瀏覽依個網頁：www.afcd.gov.hk/tc_chi/conservation/con_wet/con_wet_look/permit_application.html

#漁護署 #進入米埔自然護理區許可證 #濕地保育

#漁護快訊【郊野公園露營設施供公眾共享，切勿長期佔用】漁護署提醒大家：郊野公園的露營設施是為廣大市民提供短暫休憩及享受大自然的公共空間，目的是讓更多人可以輪流使用。早前本署人員巡邏西貢東郊野公園黃石營地時，發現有人以營帳等大量物品長時間佔...
22/06/2026

#漁護快訊【郊野公園露營設施供公眾共享，切勿長期佔用】

漁護署提醒大家：郊野公園的露營設施是為廣大市民提供短暫休憩及享受大自然的公共空間，目的是讓更多人可以輪流使用。

早前本署人員巡邏西貢東郊野公園黃石營地時，發現有人以營帳等大量物品長時間佔用多個營位，影響其他市民使用。期間，我們已多次向在場人士作出勸喻，提醒他們避免長時間佔用營位、佔用過多空間或存放過量物品，並需保持營地環境整潔。

今日（6月22日），漁護署派員到黃石營地進行清理，懷疑長期佔用營位的露營人士已自行移走物品並離去，署方亦將營地內所有無人認領的營帳及相關物品清理。為配合設施維護工作，黃石營地由今日起暫時封閉，直至另行通告。

本署會繼續密切監察轄下露營地點的使用情況，會按需要繼續加強巡邏管理，並採取適當的跟進行動，確保郊野公園設施真正服務廣大市民。

🙏 呼籲大家：在使用公共設施時，請務必顧己及人，珍惜資源、保持整潔，讓每一位市民都能享受到香港郊野公園的美好。感謝市民的支持與配合！

#漁護署 #香港郊野公園 #黃石營地

22/06/2026

【重要通知】「2026本地有機西瓜節」活動取消

因近日持續暴雨及惡劣天氣影響本地有機西瓜收成，原定於6月26日至29日在青衣城一期舉行的「2026本地有機西瓜節」將會取消。我們深表歉意，並感謝市民一直支持本地有機農產品。

如有任何查詢，請於辦公時間致電2670 5191。其他參與「本地有機西瓜節」的有機農墟最新安排，請直接向相關農墟查詢。

多謝大家理解及支持！🙏

#漁護署 #2026本地有機西瓜節

#漁護快訊【緊急救援基金💰】上星期連場暴雨突襲，漁護署初步調查發現約300公頃嘅新界農地受影響。漁護署會根據既定準則，向受影響嘅合資格農戶👨🏻‍🌾發放援助金。緊急救援基金由聽日（6月23日）起至7月2日接受申請，受影響嘅農戶可從以下途徑遞...
22/06/2026

#漁護快訊【緊急救援基金💰】

上星期連場暴雨突襲，漁護署初步調查發現約300公頃嘅新界農地受影響。漁護署會根據既定準則，向受影響嘅合資格農戶👨🏻‍🌾發放援助金。

緊急救援基金由聽日（6月23日）起至7月2日接受申請，受影響嘅農戶可從以下途徑遞交申請：

📍元朗橋樂坊2號元朗政府合署5樓漁護署農業推廣辦事處

🔗網上申請 https://bit.ly/41fS979

☎️如有任何查詢，可以喺辦公時間致電2476 2424。

#漁護署 #緊急救援基金 #雨災 #農戶

#漁護快訊【農產品／海魚獎學基金💰接受申請📝】📢漁護署「農產品獎學基金」🥬同「海魚獎學基金」🐟嘅獎學金／助學金已經接受申請喇！👦👧合資格嘅人士記得喺9月4日或之前遞交申請喇！💡想知更多詳情？可以瀏覽以下網頁：www.afcd.gov.hk...
22/06/2026

#漁護快訊【農產品／海魚獎學基金💰接受申請📝】

📢漁護署「農產品獎學基金」🥬同「海魚獎學基金」🐟嘅獎學金／助學金已經接受申請喇！👦👧合資格嘅人士記得喺9月4日或之前遞交申請喇！

💡想知更多詳情？可以瀏覽以下網頁：
www.afcd.gov.hk/tc_chi/aboutus/abt_adv/scholarship.html

#漁護署 #農產品獎學基金 #海魚獎學基金 #獎學金 #助學金 #支持本地漁農

21/06/2026

【💖塱原父親節特別呈獻🎁】

黑翅長腳鷸仔仔👶：我爸爸好高大㗎！一眼望晒成個水塘，搵食物又快又準！

黑翅長腳鷸囡囡🧒：我爸爸好叻，好似超人咁保護我哋。

喺塱原自然生態公園🏞️，你會見到黑翅長腳鷸爸爸🐦，好細心咁示範比雀BB睇點樣搵食，仲會保護佢哋免受傷害！好Warm、好型呀！

趁住父親節，👔祝各位爸爸，父親節快樂🤗🫶 ！

#漁護署 #塱原自然生態公園 #父親節 #父愛 #雀鳥日常 #自然療癒

#漁護快訊【暴雨後🌧️漁護署人員視察魚塘🐟及農場☔】喺星期四暴雨襲港後🌧️💦，漁護署呢兩日(6月19及20日）派出農業及漁業分署人員，分別到米埔、新田、南生圍、白泥嘅魚塘🐟，以及打鼓嶺、上水、元朗同埋大埔嘅作物農場🌾🌽進行視察，了解漁農戶...
20/06/2026

#漁護快訊【暴雨後🌧️漁護署人員視察魚塘🐟及農場☔】

喺星期四暴雨襲港後🌧️💦，漁護署呢兩日(6月19及20日）派出農業及漁業分署人員，分別到米埔、新田、南生圍、白泥嘅魚塘🐟，以及打鼓嶺、上水、元朗同埋大埔嘅作物農場🌾🌽進行視察，了解漁農戶嘅最新情況。

雨季已經開始，漁護署📢呼籲各位魚戶同農友，做好準備，加強防範措施，以減低天雨所帶嚟嘅影響☔

#漁護署 #雨季準備 #農作物 #塘魚 #視察

#生態多面睇【「鹹水草」係草又係寶】又到端午節🐉，大家有冇應節食下糭呢？講到糭，大家知唔知用嚟紮糭🪢嘅嗰條草叫咩? 佢叫「短葉茳芏」！短葉茳芏（讀音︰江渡）可能冇聽過，但「鹹水草」你應該知喇啩。佢喺香港嘅鹹淡水沼澤好常見，係屬於莎草科莎草...
19/06/2026

#生態多面睇【「鹹水草」係草又係寶】

又到端午節🐉，大家有冇應節食下糭呢？
講到糭，大家知唔知用嚟紮糭🪢嘅嗰條草叫咩? 佢叫「短葉茳芏」！

短葉茳芏（讀音︰江渡）可能冇聽過，但「鹹水草」你應該知喇啩。佢喺香港嘅鹹淡水沼澤好常見，係屬於莎草科莎草屬嘅草本植物，雖然個名有個「鹹」字，但其實佢喺淡水沼澤都生長到㗎。喺塱原自然生態公園就可以搵到佢，同埋其他莎草科嘅植物，例如水毛花、大藨草、高稈莎草等，形成唔同嘅微生境🏞️，為各種野生動物🦆🐸提供理想嘅棲息空間🏡。

講番條鹹水草，用嚟紮糭嘅係短葉茳芏嘅莖稈。將佢☀️曬乾之後，柔軟堅韌，通常會用嚟紮嘢或者編織，以前嘅人買餸，就會用鹹水草嚟紮住啲魚、肉🥩同菜🥬，係咪好有年代感呢？雖然已經好少咁用，但喺包糭同紮大閘蟹時依然大派用場。

㊗️你端午安康🎋，同時多啲認識香港濕地植物同塱原生態🔎📖！

塱原自然生態公園知多啲：www.lvnp.gov.hk
記得follow埋塱原嘅IG：instagram.com/longvalleynaturepark

#漁護署 #端午節 #塱原自然生態公園 #濕地植物 #濕地保育 #塱原生境 #周末好去處 #親子好去處

#生態多面睇【綠灰蝶𝐴𝑟𝑡𝑖𝑝𝑒 𝑒𝑟𝑦𝑥】綠灰蝶屬於灰蝶科，翅膀腹面呈綠色💚，雌蝶仲有明顯嘅白色翅尾，顏色相當特別，不易混淆。當佢哋喺樹蔭下快速飛過時，就好似一道綠光閃現，非常獨特。但當佢哋停喺綠色葉片上☘️休息時，呢身綠色就會變成最強...
19/06/2026

#生態多面睇【綠灰蝶𝐴𝑟𝑡𝑖𝑝𝑒 𝑒𝑟𝑦𝑥】

綠灰蝶屬於灰蝶科，翅膀腹面呈綠色💚，雌蝶仲有明顯嘅白色翅尾，顏色相當特別，不易混淆。當佢哋喺樹蔭下快速飛過時，就好似一道綠光閃現，非常獨特。但當佢哋停喺綠色葉片上☘️休息時，呢身綠色就會變成最強保護色，同四周融為一體。

綠灰蝶主要喺樹林同灌叢活動，「綠色小仙子」🧚‍♀️飛行速度相當快，平時真係未必咁易睇到佢哋嘅蹤影📸。所以下次如果見到佢哋停低休息，記得把握機會，望多兩眼！

攝影：Cody Lee

#漁護署 #綠灰蝶 #生物多樣性

Address

Hong Kong

Telephone

+85227088885

Website

Alerts

Be the first to know and let us send you an email when 漁農自然護理署 Agriculture, Fisheries and Conservation Department posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 漁農自然護理署 Agriculture, Fisheries and Conservation Department:

Shortcuts

Share

Category