漁農自然護理署 Agriculture, Fisheries and Conservation Department

17/09/2026

#漁護快訊【🎉三寶樹濕地保育公園連獲兩獎🏅🏅好事成雙】

三寶樹濕地保育公園以「生物多樣性同水產養殖和諧共存」為主題，積極推動濕地保育🏞️、生態教育同康樂🦆及水產養殖業現代化🐟，呢個項目早前喺環保促進會主辦嘅「聯合國可持續發展目標香港成就獎 2026」中獲得「最佳策略獎」🏆及「可持續發展目標獎 — 目標15: 陸地生物」🏅兩個獎項，充分肯定三寶樹濕地保育公園對促進香港可持續發展嘅價值💪！

#漁護署 #土木工程拓展署 #三寶樹濕地保育公園 #聯合國可持續發展目標香港成就獎2026 #濕地保育 #生態教育及康樂 #水產養殖業現代化

17/09/2026

#生態多面睇【🦋蝴蝶冷知識—拍翼篇👏】

🧐休息緊嘅蝴蝶，一定係靜靜地郁都唔郁？原來未必㗎！唔同科嘅蝴蝶都有屬於自己嘅「拍翼節奏」🎼，透過觀察蝴蝶嘅拍翼模式，或者可以幫你更容易分辨出佢哋屬於邊個科㗎！

🟠 鳳蝶科
佢哋喺吸食花蜜時🌺會急促拍翼，拍個不停！
常見例子：達摩鳳蝶、柑橘鳳蝶

🟡 粉蝶科同蛺蝶科
多數會企定定，慢慢拍翼，節奏舒緩從容。
常見例子：報喜斑粉蝶、金斑蝶

塱原自然生態公園不但有唔同嘅蝴蝶出沒，仲有豐富嘅雀鳥🐦同濕地生態🌾💧等緊你嚟探索！

#漁護署 #塱原自然生態公園 #蝴蝶冷知識 #自然療癒

16/09/2026

【行政長官2026年施政報告💡】

今年嘅施政報告已經公布🎉！

郊野公園🏞、生態保育、漁農業🐟🥬同埋管束動物呢幾方面嘅最新發展係點？即刻睇圖了解多啲啦👇🏻！

📗施政報告：
www.policyaddress.gov.hk

#漁護署 #施政報告2026 #郊野公園 #推動發展漁農業 #生態保育 #推廣愛護及管束動物

16/09/2026

#優鮮港品【「LOVERS飲食建議」你要知】

為食仔👦🏻為食龍🦖同你分享「LOVERS飲食建議」！當中嘅「L」同「S」分別指購買本地出產嘅食材同「不時不食」嘅飲食習慣。

認住「優鮮港品」標誌就一定買到「本地、優質、安全、減碳」嘅健康食材🐟🥬啦！

#漁護署 #優鮮港品 #為食龍 #為食仔 #本地漁農

15/09/2026

#漁護快訊【🌱麗港公園「都市農業先導計劃」合約簽署儀式🖋📃】

漁護署今日（9月15日）同香港青年協會簽訂麗港公園「都市農業先導計劃」合約🤝。計劃全面配合政府《漁農業可持續發展藍圖》，將現代化農業生產融入城市空間，將會喺位於觀塘嘅麗港公園設置一個約500平方米嘅現代化室內都市作物農場🏢，預計2027年投入服務。

農場採用先進、潔淨嘅室內無土水耕技術，生產優質蔬果，包括沙律菜🥗、本地葉菜🥬、番茄🍅同青瓜🥒。農場仲會舉辦唔同活動，例如農場導賞、農業科普工作坊、現代農耕體驗以及創意市集🛍️。農場坐落喺茶果嶺海濱公園隔離，又喺觀塘區大型屋苑同商貿區之間，呢個位置可以令都市農場真正深耕社區，同市民建立獨特聯繫。

政府會繼續物色合適嘅公園同政府設施設立都市農場，興建中嘅天水圍公眾街市將率先引入首個現代化水耕農場暨攤檔🛒，預計喺2027年建成。我哋會繼續多管齊下推行都市農業，等農業融入都市生活，促進城市與農業嘅融合發展🌿✨。

#漁護署 #都市農業先導計劃 #漁農業可持續發展藍圖 #都市農場 #綠化 #減碳 #麗港公園

15/09/2026

#漁護快訊【🐟現代化水產養殖業進階培訓班開學🎓🌊】

漁護署署長黎堅明、副署長黎存志今日（9月15日）同立法會議員陳博智出席由漁護署、中國海洋大學及香港專業教育學院（IVE）聯合舉辦嘅「現代化水產養殖業進階培訓班」開幕典禮🎊。

今次培訓班匯聚學術同行業專家👨‍🏫，大家就國家政策與發展📜、現代繁育技術🐟、大灣區合作🤝、前沿智慧技術💡等議題深入探討，推動本港漁業現代化及可持續水產養殖業發展。我哋期望一眾參加咗培訓班嘅漁民、漁業相關人士及學生喺未來幾日收獲豐富，共同為香港水產養殖業嘅升級轉型注入新動力💪！

#漁護署 #現代化水產養殖業進階培訓班 #可持續發展 #藍色糧倉 #大灣區機遇 #水產養殖 #智慧漁業

14/09/2026

#漁護快訊【第九屆亞太地質公園網絡研討會】

漁護署署長黎堅明同助理署長（郊野公園）陶文慧獸醫9月7日至10日出席咗喺馬來西亞舉行嘅第九屆亞太地質公園網絡研討會。今屆研討會以「透過地質旅遊慶祝網絡交流：創新、連結、轉型」為主題，吸引咗嚟自22個國家、近600名亞太地質公園網絡成員同專家學者參加。

會議期間，我哋同聯合國教科文組織世界地質公園理事會主席、世界地質公園網絡執行局代表、亞太地質公園網絡協調員等會面交流，探討地質公園未來發展嘅遠景及深化合作嘅機遇。我哋亦以香港地質公園科普教育活動為題，分享喺地質科普教育活動嘅策劃理念同創新思維。

展望未來，香港地質公園將繼續秉持「創新、連結、轉型」的精神，深化與各地地質公園的夥伴關係，攜手為地質遺產保育、可持續旅遊與社區發展貢獻。

#漁護署 #亞太地質公園網絡研討會 #香港地質公園

12/09/2026

#優鮮港品【🎉為食仔👦🏻為食龍🦖WhatsApp Sticker登場📲】

為食仔👦🏻為食龍🦖出咗WhatsApp Sticker喇！梗係要「優鮮」話你知等你下載啦：https://whatsticker.online/p/797601HGpgMcb/HK/zh

#漁護署 #優鮮港品 #為食龍 #為食仔 #本地漁農

【為食仔👦🏻同為食龍🦖 WhatsApp Sticker 正式推出！🎉📲】

約食飯要講，食「優鮮港品」更加要講！🌱
為食仔👦🏻同為食龍🦖首款 WhatsApp Sticker 正式推出啦！仲有限定中秋 Sticker！🌕🥮

「優鮮」下載優先用👇
https://whatsticker.online/p/797601HGpgMcb/HK/zh

#優鮮港品 #貼圖 #本地漁農 #為食龍 #為食仔

(English version in comment)

11/09/2026

#漁護快訊【與商界攜手落實《生物多樣性策略及行動計劃》🌿】

漁護署署長黎堅明今日（9月11日）喺亞洲氣候行動與持續發展商貿博覽會2026（ReThink HK 2026）發表主題演講，向商界同其他持份者介紹香港喺未來十年點樣透過《生物多樣性策略及行動計劃》（BSAP）🗺️嘅下階段工作，喺自然保育、深化主流化、能力建設及伙伴協作方面，進一步推動全社會參與🧑‍🧑‍🧒‍🧒，共同建設一個可持續♻️、宜居嘅香港🏡，同時為全球同國家實現「人與自然和諧共生」嘅願景出一分力💪！

署長喺演講特別鼓勵企業可以喺保育工作中發揮更重要嘅作用，例如披露業務與生物多樣性相關嘅風險、採用可持續營運同作業模式，以及喺城市發展項目引入「基於自然嘅解決方案」同對野生動物友善嘅設計等。

香港自2016年推出《計劃》首階段以來，保育理念已經融入城市發展：藍綠建設🏗️日益普及、海岸線建設同河道活化等工程融加入更多生態友善元素、商場亦相繼設置蝴蝶園🦋同社區園圃等設施。呢啲改變反映《計劃》已推動社會各界更深入理解人類與自然之間嘅緊密關係🤝。

想了解更多《計劃》詳情同成果，歡迎瀏覽🌐：www.bsap.gov.hk/tc/home/index.html

#漁護署 #生物多樣性策略及行動計劃 #生物多樣性 #自然保育

11/09/2026

#漁護快訊【2026年粵港澳自然教育論壇】

由廣東省林業局、香港漁護署同澳門市政署合辦嘅「2026年粵港澳自然教育論壇」今日（9月11日）舉行啟動儀式🎊。今屆論壇以「灣區聯動 自然賦能」為主題，探討點樣善用粵港澳大灣區獨特嘅生態資源🌿，推動自然教育產業化。

漁護署喺論壇設置展板🖼️，介紹生態安全、郊野公園同濕地公園嘅自然教育工作🏞️，以及「深圳梧桐山—香港紅花嶺生態廊道」嘅內容，展示港深兩地喺生態融合同自然教育交流嘅成果🤝。

我哋未來會繼續同各方共同努力💪🏻，推動自然教育走入校園🏫、融入生活，實踐人與自然和諧共生。

#漁護署 #粵港澳自然教育論壇 #灣區聯動自然賦能 #自然教育 #交流 #生態資源