友智識 - 樂齡IT

27/08/2026

【「友智識」協作活動教少數族裔長者學用手機APP融入社區】

「友智識」長者數碼共融計劃推行機構之一嘅新家園協會—新界西服務處喺8月10號聯同聖公會多元文化外展服務隊，舉辦咗手機應用培訓班📱，提供英語同尼泊爾語翻譯，教少數族裔老友記使用「智方便」、「醫健通」同埋「HA Go」📲，協助佢哋善用數碼科技便利日常生活，同其他老友記一齊活用數碼科技，享受智慧生活，融入社區！即睇培訓班點滴✨！

新一輪嘅 「友智識」數碼共融計劃預計於2027年1月開展🌟，屆時獲委任嘅推行機構將會透過社區協作🤝，加強支援居住喺各分區、鄉郊同埋離島嘅老友記🏡，仲會針對少數族裔嘅需求，組織數碼培訓活動，與社會各界攜手推動種族共融🌈同數碼共融！

想知多啲「友智識」計劃嘅最新發展？繼續留意我哋嘅Facebook專頁啦！👍😊

#友智識數碼共融計劃 #數碼共融 #數字政策辦公室 #數字辦
#新家園協會新界西服務處 #聖公會多元文化外展服務隊

25/08/2026

18/08/2026

【「友智識」再聯乘「港話通」教老友記AI應用📲】

數字辦「友智識」長者進階數碼培訓計劃一直積極同「港話通」團隊緊密協作，為老友記👨👵提供AI培訓，協助大家提升應用AI嘅能力！

香港理工大學樂齡與家庭研究中心喺8月12號舉辦AI培訓班，數字辦邀請咗港話通全維服務有限公司嘅代表👩‍🏫同老友記介紹「港話通」呢個由本土研發、專為港人度身訂造嘅AI好幫手🤖✨，例如用「港話通」查天氣🌤️、睇巴士到站時間🚌、搵餐廳🍽️同讀新聞等等。老友記即場試用後都大讚「港話通」反應夠快⚡，又支援廣東話語音輸入🗣️，夠晒地道，令佢哋體會到「學識『港話通』，生活好輕鬆」👍！

數字辦會繼續同業界同專業組織協作，邀請唔同科技領域嘅專家講者，教老友記AI同埋其他數字應用，提升幸福感😄同埋獲得感😊！記得留意數字辦嘅Facebook專頁📱🔔，了解更多最新消息喇！📣

#友智識 #長者進階數碼培訓計劃 #數碼共融 #數字政策辦公室 #數字辦
#香港理工大學樂齡與家庭研究中心 #港話通 #香港生成式人工智能研發中心 #港話通全維服務有限公司

18/08/2026

【「友智識」地區活動多方協作🤝 提升老友記👨👵AI認知和應用能力】

數字辦一直積極擴大「友智識」數碼共融計劃嘅接觸面，凝聚地區力量，唔單止走入社區向廣大市民同老友記👨👵推廣「友智識」計劃，仲積極舉辦AI培訓活動，提升老友記對AI認知同埋應用能力！

#普通話文化協會 聯同🤝 #沙田區耆樂警訊、 #港鐵、 #中國移動 喺8月9號聯同多間長者以及青年服務機構，合力舉辦以懷舊聯乘AI為主題嘅講座👩‍🏫同埋體驗日，吸引🤩咗約200位老友記👨👵出席！

參與嘅老友記除咗喺活動獲取AI應用同埋防騙🔒知識💡，仲透過遊戲🎮攤位體驗AI應用，又齊齊「話當年」，再加上同場有青年義工同老友記有講有笑😊，大家都渡過咗一個既開心又跨代共融😀嘅星期日。即睇活動點滴！

想知多啲「友智識」嘅最新活動資訊ℹ️？記得繼續留意👀我哋嘅Facebook專頁啦！👍

#友智識數碼共融計劃 #數碼共融 #數字政策辦公室 #數字辦

13/08/2026

【 #友智識數碼詞典】低空經濟嘅數碼科技應用

「『友智識』數碼詞典」今次同老友記👴🏻👵🏻介紹低空經濟嘅數碼科技應用。

提到「低空經濟」，大家可能會即刻聯想到無人機。但大家想像一下，當將來數以萬計嘅飛行器喺低空穿梭，傳統人工管理方式就無法從容應付。😯 低空經濟要「飛得起、管得住」，必須依靠數字化系統進行智能調度，例如無人機交通管理系統、高度精密嘅三維數字地圖 🗺️，以及地理信息系統去融合大量時空數據，動態生成飛行路線、禁飛區同埋其他實時數據，從而實現自動化製圖同航路管理。而重中之重，就係需要可靠同埋低時延數據傳輸速度 📶，確保指令能夠實時送達。⚡

如果要令低空經濟能夠進一步從「能飛」到「好用」💪，就需要利用AI 🤖 同大數據 📊去處理位置、氣象、設備狀態等即時數據，例如喺物流領域 📦，使用物聯網裝置可以實時監測飛行器嘅電池電量🔋同載重狀況，配合AI算法分析低空飛行所產生嘅大量數據，藉以優化起降點嘅佈局同埋調整飛行路線等等。

低空經濟背後應用咗大量嘅數碼科技！😄✨

想學多啲數碼科技知識？歡迎參加「友智識」嘅基礎或者進階數碼培訓課程 📚！

即睇 「友智識」基礎、進階數碼培訓課程：
🔗 https://www.it2.gov.hk/tc/community_digital_support/training_courses.php

#友智識長者數碼共融計劃 #數碼共融 #數字政策辦公室 #數字辦 #友智識 #友智識數碼詞典 #低空經濟的數碼科技應用

11/08/2026

【🎉「友智識」新網上自學課程「無人機拍攝入門」登場！🥳】

「『友智識』樂齡IT易學站」今次為老友記👨👵帶嚟新網上自學課程——「無人機拍攝入門」。🎉呢個課程會帶老友記認識無人機嘅基本概念同埋喺香港操作無人機嘅法例要求，仲會有無人機示範基本操作短片𠻹！😊

課程內容包括💡：
✅介紹無人機嘅基本概念同組成部分
✅認識喺香港操作無人機嘅法例及規管框架
✅示範無人機拍攝嘅操作技巧、分享注意事項同心得

有興趣嘅老友記快啲去睇睇👀呢個新網上自學課程👩‍🏫——「無人機拍攝入門」，同埋介紹畀其他老友記啦👍！
🌐https://www.it2.gov.hk/tc/onlinecourse/course_catalog.php?id=172

#友智識長者進階數碼培訓計劃 #數碼共融 #數字辦 #明愛胡振中中學長者學苑 #長者數碼科技網上自學課程

04/08/2026

【「友智識」聯乘專業團體教長者網絡安全知識🎊】

數字辦嘅「友智識」推行機構繼續同專業團體協作🤝，利用專業知識💪，積極提升老友記👨👵對網絡安全嘅知識同應對能力。

#香港都會大學長者學苑 喺7月31號舉辦嘅進階數碼培訓班👩‍🏫獲得 #香港網絡安全專業協會 安排專家講者Ricardo做客席導師，同老友記分享最新網絡安全知識🔒，介紹「深偽技術」(Deepfake)詐騙手法同埋教大家防範騙徒嘅招數，同埋介紹點樣安全使用流動支付服務。參與嘅老友記分享話佢哋日常使用數碼科技嘅機會越嚟越多，真係要多啲認識最新騙案消息同埋應對方法，大讚講座內容有用，可以學多啲防騙招式傍身，以後用數碼科技嘅時候就更加安心同有信心啦。

再次感謝🙏香港網絡安全專業協會對「友智識」嘅支持！老友記想知多啲「友智識」各項活動嘅資訊？繼續留意我哋嘅專頁啦！

#友智識 #長者進階數碼培訓計劃 #數碼共融 #數字政策辦公室 #數字辦

29/07/2026

【「友智識」聯乘「港話通」向老友記推廣AI應用】

「友智識」近日同「港話通」再有協作🤝活動，教老友記👨👵AI知識💡同埋使用「港話通」APP📲，加強佢哋對AI嘅認知同埋應用能力。

香港中國婦女會（「友智識」長者數碼外展計劃推行機構之一）7月27號邀請咗「港話通」團隊向老友記介紹AI嘅基本概念同埋「港話通」APP📱嘅應用場景，例如係搵「港話通」提議今晚煮乜餸🍜、讀吓新聞又或者影張相問吓「港話通」照片中嘅物件等等，參與活動嘅老友記都話「港話通」夠晒實用，果然係「學識『港話通』，生活好輕鬆」👍！

「友智識」會繼續同唔同組織協作，加強老友記對數碼科技嘅認知同應用能力，令老友記可以融入數碼化的社會🤩。

想知道「友智識」嘅活動資訊ℹ️？繼續留意👀我哋嘅專頁啦！

#友智識 #數碼共融 #數字政策辦公室 #數字辦 #香港中國婦女會 #港話通 #香港生成式人工智能研發中心

24/07/2026

【 #友智識數碼詞典】AI素養

「『友智識』數碼詞典」今次同老友記👨👵介紹「AI素養」。

AI嘅應用正加速普及，從處理文書到科學分析，從醫療診斷🏥到城市管理，AI已逐漸融入我哋日常生活同各行各業。 喺享受AI帶嚟便利嘅同時，我哋亦要具備使用AI所需嘅知識💡、技能同埋觀念，以便有效地使用AI同埋識別並管控相關嘅潛在風險🚨。

「AI素養」一般可以通過以下四大方向 去實踐：

1. 提升基礎知識與技術理解，例如係掌握機器學習、神經網絡、自然語言處理等關鍵術語和基本原理；明白AI 並非萬能，亦有可能會產生錯誤資訊ℹ️；
2. 提高精準溝通同埋人機協作🤝嘅能力，認識點樣提出清晰、結構化嘅指令，引導 AI 生成符合需求嘅回應（例如文字、程式碼或圖像）；亦要理解 AI嘅角色係「協作者」；
3. 具備評估同批判思考嘅能力，例如要查證 AI 提供嘅資訊，唔好過度依賴AI而忽略本身嘅判斷；
4. 保持倫理同埋社會意識，例如以AI輔助創作照片📸，要遵守相關規範，同埋要適時透露AI嘅介入程度。

以上提及嘅四大方向並唔係新鮮事，亦唔係祗限於應用在AI。老友記如果要安全🔒同埋有效地獲取AI及其他嘅數碼科技所帶嚟嘅便利，同樣可以適當地參考上面提到嘅注意事項㗎！老友記如果喺數碼科技應用有任何查詢，歡迎搵「友智識」社區數碼支援幫手啦😊！

即睇👀「友智識」社區數碼支援服務時間同地址：
https://www.it2.gov.hk/community_digital_support_stations/

#友智識長者數碼共融計劃 #數碼共融 #數字政策辦公室 #數字辦 #友智識 #友智識數碼詞典

15/07/2026

【《AI大講堂》現已登陸「友智識」樂齡IT易學站喇！】🎉

好消息！早前喺電視台📺播出一連八集嘅《AI大講堂》節目，已經登陸「友智識」樂齡IT易學站喇！🎊

《AI大講堂》涵蓋咗AI多個層面，邀請咗多位喺AI領域舉足輕重嘅本港專家同學術翹楚擔任講者，透過生動有趣嘅對話形式🎙️，將複雜嘅科技知識轉化為淺顯易懂嘅內容📚💡，提升公眾對AI安全應用、未來趨勢同機遇嘅認知。

老友記快啲到以下網址重溫八集嘅精彩內容啦！
👉第一集：https://www.it2.gov.hk/tc/onlinecourse/course_catalog.php?id=186
👉第二集：https://www.it2.gov.hk/tc/onlinecourse/course_catalog.php?id=206
👉第三集：https://www.it2.gov.hk/tc/onlinecourse/course_catalog.php?id=211
👉第四集：https://www.it2.gov.hk/tc/onlinecourse/course_catalog.php?id=216
👉第五集：https://www.it2.gov.hk/tc/onlinecourse/course_catalog.php?id=181
👉第六集：https://www.it2.gov.hk/tc/onlinecourse/course_catalog.php?id=191
👉第七集：https://www.it2.gov.hk/tc/onlinecourse/course_catalog.php?id=196
👉第八集：https://www.it2.gov.hk/tc/onlinecourse/course_catalog.php?id=201

#數碼共融 #數字辦