13/01/2026
【🎁 #心鎖仔有禮：「童你講」短片比賽】
1月20號就係《強制舉報虐待兒童條例》實施嘅大日子！《條例》嘅生效，代表社會對保護兒童嘅承諾邁出關鍵一步👣！
為咗提升大眾對《條例》嘅關注，我哋特別舉辦咗「童你講」短片比賽🎬，邀請各位大朋友、小朋友發揮創意，透過鏡頭守護童心！大家快啲報名參加，贏取豐富獎品啦🎁！！
📸 短片主題（二選一）
1️⃣主題一：
相信每個人都有過一啲父母唔知道嘅心事。試以「最想父母知嘅一件心事」為主題，鼓勵大人聆聽同尊重子女聲音，以及帶出《強制舉報虐待兒童條例》嘅重要性。
2️⃣主題二：
以創意方式介紹《強制舉報虐待兒童條例》，增加大眾對《條例》嘅認識，並鼓勵25類指明專業人員一同保護兒童，讓兒童免受傷害。
✅短片要求
- 短片長度不少於30秒，全長最多60秒，短片格式須為MP4、WMV、MOV或者AVI
- 形式不限（例如訪問子女、情境劇同獨白等），作品必須為原創，唔可以抄襲或者侵犯版權，此作品不可曾經參加其他比賽
- 可以用廣東話、普通話或者英文作說話、敘述或者旁白
👉🏻參加方法
1️⃣揀選其中一個主題，拍攝一條符合主題內容同要求嘅短片
2️⃣喺Facebook或者Instagram上載比賽短片，tag 同 #童你講短片比賽2026（需設定帳戶為公開）
3️⃣喺呢個post留言「我參加咗『童你講』短片比賽2026！」
📌活動詳情
日期：即日起至2月15號晚上23:59 （以上3個步驟均須於截止時間前完成）
對象：歡迎所有人士參加，無年齡限制，每人只可以喺Facebook或者Instagram參加一次
🎁 豐富獎品
🏆 最佳短片獎（1名）（評審團綜合評分第一名嘅作品）
獎品：Insta360 GO Ultra標準套裝
📚 最具專業保護兒童知識獎（1名）（評審團綜合評分第二同第三名中，專業知識分數最高嘅作品）
獎品：香港迪士尼樂園成人同小童門票各兩張
💡 最具感染力／創意獎（1名）（評審團綜合評分第二同第三名中，感染力／創意分數最高嘅作品）
獎品：家庭攝影體驗
✨ 最具心思獎（3名）（評審團綜合評分第四至第六名）
獎品：價值港幣300 元嘅超市禮券
🎉 參加鼓勵獎（50名）（評審團選出嘅優秀作品）
獎品：心鎖限定斜孭袋
⏰ 早鳥加碼獎（50名）（首50位喺1月21號前提交作品嘅參加者（可以同其他獎項同時領取））
獎品：價值港幣100 元嘅超市禮券
評審標準：根據以下評分項目評審參賽短片
主題同專業知識（40%）：短片嘅內容切合度、訊息清晰度同講解專業知識嘅準確性。
感染力（30%）：短片對公眾嘅影響力，同埋可唔可以吸引唔同背景嘅觀眾關注。
創意（20%）：短片嘅創作概念、創新性、原創性同表達方式。
製作技巧（10%）：短片嘅拍攝技巧、音效同視覺效果。
📜 條款同細則
1. 參加者必須按照指定方法提交作品同留言，否則會被視為參加無效。
2. 主辦方會喺活動結束後嘅7個工作天內喺留言區公布得獎名單（Facebook同Instagram共56個得獎名額，另有早鳥加碼獎名額50個），並以私訊方式聯絡得獎者。
3. 得獎者必須喺指定期限內領取獎品，逾期將被視為放棄，獎品不得轉讓或者兌換現金。
4. 主辦單位評審團將根據主題同專業知識、感染力、創意同製作技巧，選出各獎項得主。
5. 參加作品必須為原創，以及從未喺其他比賽中發表。如果涉及抄襲、侵權或者其他爭議，參加資格將被取消。
6. 參賽作品嘅圖像同片段唔可以由人工智能（AI）或其他同類型嘅技術生成，而且唔可以包含商業宣傳、淫褻、粗言穢語、暴力或者誹謗等內容。
7. 參加者一旦提交作品，將被視為同意授權主辦方使用其作品作推廣同展示用途，主辦方無需另行通知參加者或者支付任何費用。參賽作品如獲獎，有關參賽者需要提交作品原檔予主辦單位作推廣同宣傳用途。
8. 活動開放予公眾參與，但參與籌辦是次活動嘅工作人員、評審小組成員同其直系親屬唔可以參加活動。主辦方有權核實參加者身分，亦會保留取消參加者資格嘅權利。
9. 主辦方保留修改、取消或者延遲活動嘅權利，並對活動擁有最終決定權。
10. 參加活動即代表已經閱讀同同意遵守以上條款細則同所有參加規定。
了解更多「心房子」嘅活動同資訊
📚心房子 Heart and Hut
🏠instagram.com/heartandhut
📺youtube.com/
#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族 #強制舉報 #強制舉報虐兒守護孩子童年
