鍾偉强 David Chung

10/12/2021

05/12/2021

23/11/2021

【創科局有話兒： 創新的黃金時代😚】

屈指一算，現屆政府大力投放超過1300億喺創科發展，務求打造蓬勃嘅生態系統。唔止咁呀，我哋仲見證住本地從零開始，孕育出12間獨角獸企業！

同2014年相比 (即係創科局成立前一年)，本地研發總開支升幅近6成，去到263億元；初創企業數目升咗兩倍幾去到3755間；初創聘用嘅人數就增加咗480%至接近1.4萬人；VC 總融資額更加有700%嘅增長，屢創高峰！

工商界大大小小企業好積極探討創科應用之餘，亦有好多大學新增咗創科相關嘅學士及碩士課程，好似AI、BigData、Fintech，有啲仲係跨學科；而創科人才需求愈來愈多，好似雲端工程師☁️、數據工程師📉、生物科技科學家🔬等都非常渴市，並且人工升幅非常可觀！

嚟近嘅日子，創科局會繼續喺基建、人才、支持研發、投資及支援企業、推動科技應用及培養創科文化等方面都落足心機，同你攜手將香港打造成國際創科中心。

#創新及科技局

20/11/2021

【6周年生日快樂！創科局又大一歲啦！】

咁大件事有人講，創新及科技局成立6周年啦！

🎂 生日願望梗係更多人投身創科，我哋繼續做你嘅最強後盾，以唔同政策仲有創新及科技基金，支持大家嘅創科夢。

第二個願望就係香港創科發展繼續蓬勃，投放更多資源，同業界、學術界及研究界一齊推動科研，令香港成為國際創科中心。

至於第三個⋯⋯唔講得㗎！

#第三個願望唔講得 #講咗就唔靈
#創新及科技局