https://www.facebook.com/117416918130775/

朱江 Ted, 葵涌西, Hong Kong (2026)

14/12/2023

多謝街坊們每一票嘅支持！朱江呢幾日去到唔同嘅地方謝票，亦都收到好多街坊嘅鼓舞同支持，令朱江感到好窩心！雖然今次未能當選，但係朱江承諾，未來會繼續用唔同嘅方式服務社區！

11/12/2023

多謝各位街坊給予嘅4087份信任。雖然大家相識尚短，但朱江已經同好多街坊做咗朋友，傾緊計，呢份信任同情誼，一定源遠流長。

朱江亦都要恭喜兩位議員當選葵涌西區議員，我亦都感謝選民呢一個幾月嘅支持與指教，我亦都要向我嘅助選團隊，義工團隊表示感謝。選舉期間，得到各路好友鼎力相助，政界前輩嘅指點都令我更加了解地區工作對居民嘅重要性。今次選舉落敗，令到大家嘅期望都落咗空，但我希望各位街坊可以同我一齊真摯地祝福另外兩位議員，希望佢哋可以喺嚟緊四年不負衆望，讓葵涌變得更好。

朱江亦都會繼續努力服務社會，希望嚟緊同各位街坊喺唔同嘅場合再相見。

選舉廣告｜數量1｜2023.12.11｜自行製作

10/12/2023

今夜注定無眠。但無論結果如何，朱江都感謝呢兩個月不離不棄嘅朋友、同事、前輩們。而更令朱江感恩的，是與葵涌街坊們從陌生到熟悉，從素未謀面到並肩同行嘅呢兩個月。

今夜，因系統故障而一度停止的投票，令我哋團隊一度覺得迷惘同焦灼。但係有街坊陸續自發咁加入我哋，陪我哋穿街走巷，甚至幫我嗌麥。感謝你哋嘅支持，帶畀我同我哋嘅團隊極大嘅鼓勵！唔到最後一刻，朱江決不放棄！

選舉廣告｜ 2023.12.10 ｜自行製作｜數量 1

10/12/2023

各位葵涌街坊，今次選舉，你我同行，至關重要。好意外，但亦都好開心，今日上午有咁多前輩們黎支持朱江！

如果你唔想喺嚟緊四年服務你嘅區議員只係識得派蛇齋餅粽，不做實事，只靠政黨得個講，令地區發展停滯不前。希望您把握機會，千祈唔好覺得有手上嘅一票可有可無。

民生無小事，每位市民都是不可或缺的持份者。朱江懇請大家，為葵涌嘅未來，為自己和家人嘅福祉，選出最適合、最實幹、真心為社區的區議員人選！

朱江無黨派，無利益綑綁，一心只想為葵涌居民盡心盡力。我懇請大家全家總動員，投出手中神聖嘅選票俾三號仔朱江，一齊為地區帶來改變同希望！

請支持我，三號候選人，朱江。

#3號仔朱江
#葵涌西
#獨立無黨派

選舉廣告｜ 2023.12.10 ｜自行製作｜數量 1

09/12/2023

各位葵涌區街坊，我係三號獨立無黨派候選人朱江。

如果你唔想喺嚟緊四年服務你嘅區議員只係識得派蛇齋餅粽，不做實事、不忍地區發展停滯不前。

如果你仲想有一個真正實幹為民生，搵得到人、幫得到手嘅區議員，想社區回歸民生，遠離口號，遠離政黨，想讓地區服務還政於民。

希望您把握機會，千祈唔好覺得有手上嘅一票可有可無，我懇請大家唔好吝嗇手中神聖嘅選票，全家總動員票投三號候選人朱江，加入改變地區嘅行列。

我無黨派無利益捆綁，一心只想為葵涌居民盡心盡力，12月10日請支持我，我係三號候選人朱江。

#3號仔朱江
#實幹
#獨立無黨派
#葵涌西
#區議會選舉2023

選舉廣告｜ 2023.12.09 ｜自行製作｜數量：1

08/12/2023

前排好榮幸有機會可以同政壇資深前輩田北辰 Michael Tien見面。田議員敢作敢為，理性問政嘅形象深入民心。他再三叮囑我，喺地區服務上要把好脈，理性參政議政。未來區裡嘅問題都可以通過佢及其他議員們反映入 #立法會。除此以外，田議員亦都十分關心社區基層人士向上流嘅機會，敦促我哋要全心全意去做實事，為社區提供多元、平衡嘅聲音。

我一直堅信，服務社會應以「是就是，非就非」嘅實幹、真誠、有擔當嘅精神面對公眾，做今日社會上嘅理性聲音，理性問政。

距離星期日嘅投票日不足三日，大家嘅信任同支持就係我朱江服務社區嘅最大動力！希望各位一直相信和支持田北辰議員嘅街坊朋友們全投 #有心有力有擔當嘅 #3號仔朱江！請大家用你哋嘅每一票送我入議會，為葵涌西區帶來改變同希望！

#葵涌值得更好
#區議會選舉2023
#朱江
#獨立無黨派
#有心有力有擔當
#實幹

選舉廣告 | 2023.12.08 | 自行製作｜數量 1

08/12/2023

選舉進入最後大直路，街坊對朱江以及義工團隊嘅鼓勵、指教，我哋都一一銘記於心中，希望將你哋嘅訴求逐一呈現喺政綱入面。

過去一個多月，我跟進咗區內獨居長者嘅困難，透過個人網絡與跨區資源，接洽有關團體為長者提供平價嘅上門服務，為葵盛東、西、大窩口區有需要嘅長者提供家居清潔、陪診服務。

交通問題錯綜複雜，巴士、小巴班次不足、甩班，供應不足嘅原因有好多，朱江都聆聽咗唔少街坊嘅意見，並統計有關數據資料，希望可以喺當選之後立即向當局反映。

有關環境衞生嘅問題，朱江每日都會去唔同屋苑監測廚餘機嘅運作，協助有需要嘅人士使用，身體力行推廣環保，朱江亦會要求當局加強推廣，希望將廚餘機增設至每一間屋苑，方便街坊使用。而光輝圍一直以嚟因為業權分散，導致收集垃圾嘅時間、方法都未能有效協調，造成垃圾屯積。喺唔削弱各法團嘅自主權之下，朱江嘅團隊嘗試協調屋苑之間嘅溝通，着手改善垃圾問題。

最後喺體育方面，運動與健康密不可分，朱江都見到有唔少老友記每日堅持運動，同時亦有唔少長者因為無人陪，而無動力做運動。推廣運動普及化，讓更多長者可以互相結識運動夥伴，提供更多誘因與場地讓長者方便使用，亦係我希望在未來區議會中推動嘅目標。

就住以上葵涌街坊貼身嘅問題，我同團隊都不斷審視、調整政綱內容，只要係我力所能及嘅範圍，我都義不容辭為街坊解決。朱江亟需各位選民嘅支持，讓我可以喺當選之後持續跟進地區議題。

#朱江
#葵涌西
#區議會選舉
#無黨派
#無包袱
#葵涌值得更好

選舉廣告｜2023.12.8｜自行製作｜數量：1

07/12/2023

女排主攻手助陣葵涌西！

作為體育界嘅一員，朱江一直關心體育喺社區嘅發展。喺葵涌，其實有好多各種體育項目嘅愛好者，排球就係其中一項。好多朋友仔都同我講好鐘意打排球，但係平時賽事同訓練都太少喇。

朱江亦邀得前國家女排主攻手「小老虎」孫玥孫玥教練嚟到葵涌，交流一下青少年運動嘅未來發展！孫教練分享到，其實宜家香港有好多排球愛好者，但係就缺少相應賽事同場地，訓練水平亦都好難保證。

其實朱江好清楚葵涌有好多排球fans，所以朱江如果當選，會聯同孫教練等業界人士，為葵涌带嚟包括排球在內嘅更多元體育賽事，希望各位朋友仔，唔使坐係屋企睇，親自落場更加威！

P.s.孫玥教練真係好高啊！

#孫玥
#女排
#1210區議會選舉
#葵涌西
#青少年體育
#朱江

選舉廣告｜數量1｜2023.12.7｜自行製作

07/12/2023

獨立無政黨，一心為民生！
大家嘅信任同勉勵，係我前進嘅動力！
朱江一直盡力做實事，服務街坊。希望能讓社區服務回歸民生。街坊嘅滿意同開心，才是這個社區嘅重心！

全文🔗：
https://news.mingpao.com/pns/港聞/article/20231207/s00002/1701888098533/葵涌民主派傳統票倉-候選人-選民看能力非看政黨背景

#區議會選舉2023
#區選揀朱江
#實幹有擔當
#葵涌西
#明報

選舉廣告｜數量1 ｜日期2023年12月7日｜自行製作

05/12/2023

今日好榮幸可以同林哲玄議員會面，傾咗有關「醫療重返社區」嘅議題。

我哋都認為醫療要由地區做起，尤其係葵涌長者多，加上現時大多數港人都依賴專科門診。如果地區康健中心可以解決輕症及早期篩查，讓家庭醫生定期為有需要嘅街坊檢查，將有效改善長者醫療資源緊張嘅問題，舒緩公立醫院接診壓力。

另外，我哋都認為地方康健中心亦應積極引入物理治療等，並喺唔同社區擴展，打造地區基層醫療防護網，發揮更多預防疾病嘅效用。

而區議會同康健中心亦都有潛在嘅緊密合作可能，我哋都同意區議員可以統籌大部分地區醫療健康事務。現時有需要人士嘅數據、聯繫方式、個案詳情，都散落在不同地區服務團體中，朱江希望能夠作三方嘅橋樑，讓大家分享更多個案資料，令資源能得到充分利用。

另一方面有關樂齡科技嘅引入，希望可以幫長者日常生活有更多安全感，現時有防滑地板，MIC組裝式帶扶手廁所，都係非常好嘅實踐以及應用，我哋希望未來能夠喺葵涌更多地區加以推廣。

最後，林醫生亦認同朱江提出有關提升長者運動的概念，例如讓長者的兩蚊優惠可以推廣到更多運動範疇，推進長者有更多意欲出門鍛煉身體，預防疾病。

#朱江
#葵涌西
#基層醫療
#家庭醫生
#區議會選舉
#無黨派
#無包袱
#葵涌值得更好

選舉廣告｜2023.12.5｜自行製作｜數量：1

04/12/2023

今晚嚟到葵盛西邨同好多位老友記打招呼，有位姐姐話，「好心你哋搵人嚟管下啲衛生問題喇，都冇人過問嘅，希望你選到之後努力喇！」

舉手之勞，話做就做！朱江馬上同戰友親手解決問題，起碼先喺今晚還街坊一個清潔嘅過道！之後朱江會繼續跟進衛生問題，另外每次經過衛生黑點，都會盡量做啲力所能及嘅小事，希望能帶動更多朋友，注重環境，尊重他人！

#區議會選舉
#葵盛西邨
#葵涌西
#區選揀朱江
#實幹有擔當
#大家要注意衛生
#舉手之勞一人一步

選舉廣告｜數量1｜日期 2023年12月4日｜自行製作

30/11/2023

【政府批一億落區議會，朱江會點做？】

社區設施要維修、電梯工程耗時長、小巴經常脫班、環境衛生需改善，長者健康需關注……呢啲問題都係街坊經常喺街站向我反映嘅問題。

而咁啱尋日嘅選舉論壇，朱江就被問到如果政府向區議會撥款一億元，我會點樣善用呢筆錢去解決區內嘅問題。

一億看似好多，但當區議員要面對上述林林總總嘅挑戰時，其實都只係杯水車薪，無辦法一次過解決所有問題。因此，我認為撥款一定要用到最迫切嘅需求之上。

我相信只有利用「參與式預算」呢種協商民主嘅方式，先至可以讓葵涌區嘅居民互相了解彼此嘅需求，同時探討可行嘅解決方法，從而將資源集中並真正地惠及街坊，實現「新嘅選舉，新嘅選擇」！

如果你想知朱江會如何善用呢一億嚟改善社區設施，並透過「參與式預算」提高地區參與，咁就快啲嚟睇片啦！

#無黨派
#無包袱
#葵涌西
#區議會選舉
#朱江
#區選揀朱江
#實幹有擔當

選舉廣告| 數量：1 | 2023年11月30日 | 自行製作

朱江 Ted

14/12/2023

11/12/2023

10/12/2023

10/12/2023

09/12/2023

08/12/2023

08/12/2023

07/12/2023

07/12/2023

05/12/2023

04/12/2023

30/11/2023

Address

Telephone

Website

Alerts

Contact The Organization

Shortcuts

Share

Category