新界北總區防止罪案辦公室 RCPO NTN

新界北總區防止罪案辦公室 RCPO NTN 香港警務處
新界北總區防止罪案辦公室
Regional Crime Prevention Office
New Territories North
Hong Kong Police Force

提防盜用🛡️信用卡關鍵設置你要知❗️近日新款手機一出成為網絡熱話，但同一時間亦有逾1,200名市民報案指信用卡遭盜用，涉及網上購買手機🤯隨着電子支付同埋網上購物普及，小編同大家一樣都有幾張信用卡旁身 💳 但為咗加強對自己荷包嘅保障，小編都...
16/09/2026

提防盜用🛡️信用卡關鍵設置你要知❗️

近日新款手機一出成為網絡熱話，但同一時間亦有逾1,200名市民報案指信用卡遭盜用，涉及網上購買手機🤯

隨着電子支付同埋網上購物普及，小編同大家一樣都有幾張信用卡旁身 💳 但為咗加強對自己荷包嘅保障，小編都會設定每張信用卡嘅網上簽帳限額，以防萬一唔小心俾人偷咗資料，都唔會俾人碌爆張卡💥💸

為咗自己荷包着想，即刻攞起個電話打開網上銀行 App 做1️⃣個簡單步驟就可以完成設定嫁啦🙌🏼

如果你根本唔需要網上購物
❌可直接關閉信用卡網上簽賬功能💳

如果你有網上交易需要
✅就喺銀行App內設定每月交易限額，減低潛在損失📉

保護荷包，由你開始🫶🏻

#提防信用卡被盜用
#無卡支付消費限額
#每月交易上限
#提防騙子
#新界北總區防止罪案辦公室

【📱電話防滋擾設定懶人包】 - 🤝 手把手教學 (二)👩🏻‍🏫 ⛔️阻截被陌生人拉入WhatsApp群組篇👥人生總會遇到幾個「詐騙/廣告群組」，你先知道小編係為你好🥹 精明嘅你當然知道呢啲投資/刷單兼職/網戀交友群組係高危有伏❗️想耳根清靜...
15/09/2026

【📱電話防滋擾設定懶人包】 - 🤝 手把手教學 (二)👩🏻‍🏫

⛔️阻截被陌生人拉入WhatsApp群組篇👥

人生總會遇到幾個「詐騙/廣告群組」，你先知道小編係為你好🥹 精明嘅你當然知道呢啲投資/刷單兼職/網戀交友群組係高危有伏❗️想耳根清靜又慳返啲時間唔使逐個群組 quit group？

收到你💁🏽‍♀️ 即刻攞起個電話，跟住小編一齊撳幾個掣，就可以唔使再見到「有(陌生)人已將您加入群組」 啦👋🏻


#防詐騙群組
#阻截詐騙源頭
#阻截陌生人拉入群
#新界北總區防止罪案辦公室

11/09/2026

【新界北總區打假雙週 】 - 警企齊心🛡️守護社區

過去兩星期，新界北總區防止罪案辦公室聯同大埔、屯門、元朗及邊界警區，持續全力進行線上線下打擊假「嚇伏」騙案嘅宣傳工作👊🏽

🧑🏻‍💻由網上平台宣傳，到深入社區、商場、屋苑、店舖同人流熱點，重點提醒市民，騙徒手法層出不窮，尤其是假冒客服、假冒平台職員、假冒銀行或速遞公司等騙案，往往利用退保、退款、退會籍等藉口，誘騙市民點擊連結、回撥電話，甚至提供個人及銀行資料 💸

防騙工作唔會停，我哋會繼續走入社區、走到網上，將防騙訊息帶俾更多市民。

記住❗️記住❗️記住‼️
🤚🏼企硬！唔 click 嘢，唔回撥，唔提供個人及銀行資料⛔️

#新界北總區打假雙週
#假嚇伏真騙案
#假退保假會籍假退款
#難分真與假嚇伏真險詐
#新界北總區防止罪案辦公室
#大埔警區
#屯門警區
#元朗警區
#邊界警區

【📱電話防滋擾設定懶人包】 - 🤝 手把手教學👩🏻‍🏫 過濾垃圾訊息篇🗑️大家每日機不離手📱總會收到一兩個廣告、滋擾、甚至乎白撞同埋詐騙訊息 🤯想耳根清靜👂又想避免唔小心 click 咗釣魚訊息入邊嘅假 link🎣，其實只要喺電話更改幾個設...
11/09/2026

【📱電話防滋擾設定懶人包】 - 🤝 手把手教學👩🏻‍🏫 過濾垃圾訊息篇🗑️

大家每日機不離手📱總會收到一兩個廣告、滋擾、甚至乎白撞同埋詐騙訊息 🤯

想耳根清靜👂又想避免唔小心 click 咗釣魚訊息入邊嘅假 link🎣，其實只要喺電話更改幾個設定就可以過濾呢啲來自陌生人或者騙徒嘅訊息嫁啦⛔️

收到你 💁🏽‍♀️ 小編已經幫大家準備好懶人包，大家即刻攞起個電話跟住做啦🫶🏻

#釣魚信息
#防滋擾功能



#新界北總區防止罪案辦公室

【新界北總區打假雙週】👊🏽💥 - 💁🏽‍♀️ 假「嚇伏」・真騙案❗️假客服騙案層出不窮，騙徒冒充不同機構客服人員接觸市民，誘騙受害人提供個人資料、銀行戶口資料，甚至按指示轉帳，令市民蒙受金錢損失💸為加強市民防騙意識，新界北總區防止罪案辦公...
08/09/2026

【新界北總區打假雙週】👊🏽💥 - 💁🏽‍♀️ 假「嚇伏」・真騙案❗️

假客服騙案層出不窮，騙徒冒充不同機構客服人員接觸市民，誘騙受害人提供個人資料、銀行戶口資料，甚至按指示轉帳，令市民蒙受金錢損失💸

為加強市民防騙意識，新界北總區防止罪案辦公室聯同屯門警區、大埔警區、邊界警區及元朗警區警民關係組，展開「新界北總區打假雙週」防騙宣傳行動，實行線上線下全力打假👊🏽

過去一星期，新界北四個警區及總區防止罪案辦公室聯手🤝 展開線上防騙宣傳🧑‍💻，分別於 Facebook、Instagram 等社交平台，發布一系列針對「假退保」、「假會籍」、「假退款」嘅防騙 AI 短片及帖文📱，提醒市民識破假客服騙案手法。

今星期，行動進一步走入社區！各警區及總區防止罪案辦公室人員展開線下防騙宣傳工作，帶同「真·提子客服車🍇」落區到人流密集嘅港鐵站、街市、商場等地點派發宣傳單張，將防騙訊息親手帶到市民手中🛡️

警方再次提醒大家：

❌ 陌生客服訊息／來電：唔撳 link、唔回撥、唔畀個人資料！
❌ 留意短訊內容有否出現拼寫錯誤、簡繁混雜或可疑連結！
❌ 切勿向任何人透露銀行戶口資料、網上銀行密碼或一次性驗證碼！
⭕️ 有問題應直接透過官方程式或官方網站查詢！
⭕️ 記得到「守網者」網站使用「防騙視伏器」，或下載「防騙視伏 App」，輸入電話、帳號或網址，即時評估詐騙風險！
⭕️ 遇可疑情況，即刻致電「防騙易18222」熱線查詢！

齊齊「打假」，提防假客服！守住自己同家人嘅血汗錢💪🏼

#假客服
#假退保假會籍假退款
#防騙易熱線18222
#守網者
#防騙視伏器
#新界北打假雙週
#新界北總區防止罪案辦公室
#屯門警區
#大埔警區
#邊界警區
#元朗警區

【難分真與假 「嚇伏」真險詐】 - 💁🏽‍♀️假客伏 假退款💸📩【嚇伏速運】您的派件因送貨員多次致電未能接通，暫未完成派送請快速撥打：9876- ###X 预約擺件或者安排放邊度，唔該晒！📩🤔 嗱，呢段嘢係咪熟口熟面呢？係啦❗️假「嚇伏」...
04/09/2026

【難分真與假 「嚇伏」真險詐】 - 💁🏽‍♀️假客伏 假退款💸

📩【嚇伏速運】您的派件因送貨員多次致電未能接通，暫未完成派送請快速撥打：9876- ###X 预約擺件或者安排放邊度，唔該晒！📩

🤔 嗱，呢段嘢係咪熟口熟面呢？係啦❗️假「嚇伏」，招招陰險，招招呃金！來，今日我哋再同大家一齊分辨真假！

「嚇伏」騙徒第3️⃣招 - 假退款💰

假冒客服騙徒會假扮快遞公司/網購平台嘅客戶服務員發訊息或者致電受害人表示包裹寄失/損毀，並作出退款賠償💁🏽‍♀️

騙徒成功接觸到受害人之後，會發送可疑連結🖇️，誘導受害人於假冒客服網站🥸輸入個人銀行資料去進行收取退款，騙徒再乘機轉走受害人戶口所有金錢💸

騙徒為博取信任，亦有機會先轉少量金錢🤏到受害人戶口扮作部份退款，之後以身份認證🪪等藉口，要求受害人轉賬數千至數萬不等的手續費去取回全額退款🤯。當騙徒收到受害人轉賬的手續費後，會隨即封鎖拉黑❌受害人，或要求受害人轉賬更高金額💵的手續費😱

再提提大家：
❌陌生客服訊息/來電：唔撳 link、唔回撥、唔畀個人資料！
❌可留意短訊內容經常出現拼音錯字（如串錯字、簡繁混雜）
✅ 有問題應直接在官方程式內查詢。
✅記得到守網者網站用「防騙視伏器」或者下載「防騙視伏 App」，入電話、帳號、網址，一秒知係咪老千！

👉🏻由 7月11日至10月9日，只要完成網上防騙測驗📝，即可獲得抽獎🎁資格！ 防騙大師挑戰賽 2026傳送門👇🏻

https://www.facebook.com/share/v/1Sba29ehgd/?mibextid=wwXIfr

#假客服
#假退款
#假包裹
#防騙易熱線18222
#新界北打假雙週

【難分真與假 「嚇伏」真險詐】 - 💁🏽‍♀️假客伏 假會籍🪪每日可以聽歌🎶煲劇📺做Gym💪🏻簡直係人生一大樂事😗 不過，騙徒亦會睇準機會假扮影音平台同埋唔同機構嘅假客服引你落疊😈！假「嚇伏」，招招陰險，招招呃金！來，今日我哋再同大家一齊...
03/09/2026

【難分真與假 「嚇伏」真險詐】 - 💁🏽‍♀️假客伏 假會籍🪪

每日可以聽歌🎶煲劇📺做Gym💪🏻簡直係人生一大樂事😗 不過，騙徒亦會睇準機會假扮影音平台同埋唔同機構嘅假客服引你落疊😈！

假「嚇伏」，招招陰險，招招呃金！來，今日我哋再同大家一齊分辨真假！

嚇伏騙徒第2️⃣招 - 假會籍💳❗️

騙徒假扮客戶服務員發送SMS短訊✉️ 聲稱受害人喺唔同影音平台（如YouTube Premium、Netflix 等）或者其他機構登記咗會籍，並已經喺受害人嘅賬戶自動扣除費用，假客服仲會留低電話叫受害人如有需要可以聯絡佢去取消訂閱/會藉🤯

當受害人回撥電話，假客服就會用各式籍口要求受害人支付「取消費/退會費」💵，甚至會要求受害人進行視像通話及展示身份證明文件、銀行/信用卡號碼和密碼以進行資金/身份認證❗️其實目的就係想偷晒受害人嘅個人銀行資料，直接將受害人嘅血汗錢轉走❗️❗️💸

再提提大家：
❌陌生客服訊息/來電：唔撳 link、唔回撥、唔畀個人資料！
❌可留意短訊內容經常出現拼音錯字（如串錯字、簡繁混雜）
✅ 有問題應直接在官方程式內查詢。
✅記得到守網者網站用「防騙視伏器」或者下載「防騙視伏 App」，入電話、帳號、網址，一秒知係咪老千！

💡想知更多防騙訊息，即刻去睇「防騙精讀班」短片同埋參加「防騙大師挑戰賽 2026」啦 👉🏻由 7月11日至10月9日，只要完成網上防騙測驗📝，即可獲得抽獎🎁資格！

「防騙大師挑戰賽 2026」傳送門👇🏻
https://www.facebook.com/share/v/1Sba29ehgd/?mibextid=wwXIfr

#假冒客服
#假會籍
#假平台
#防騙易熱線18222
#新界北打假雙週

03/09/2026

📦 【屯門警區｜防騙20秒：警惕假冒速遞騙案】

騙徒手段層出不窮😈，最近有不法之徒假冒速遞公司或網購平台，透過電話及短信聲稱你「遺失包裹」❌，並可以辦理退款。只要你提供個人及銀行資料，戶口內的積蓄隨時被即時轉走！💸

⚠️ 防騙三招要記緊：
❗️切勿透露：絕不向陌生人提供個人資料、銀行戶口號碼、結餘或密碼。
❗️官方核實：不要輕信來電，應直接登入速遞公司或網購平台的官方網站查詢物流狀態。
❗️即時求助：如有懷疑，請即致電防騙易熱線 18222！

#屯門警區
#18222
#提防騙子
#假冒速遞騙案
#新界北打假雙週

【難分真與假 「嚇伏」真險詐】 - 💁🏽‍♀️ 假客服 假退保🛡️過去一星期，新界北總區共接獲超過100宗假冒客服詐騙案件，單宗最高損失超過200萬💰❗️經過分析，騙徒客服最鍾意靠嚇，用唔同藉口技倆嚇到受害人中伏，再乖乖奉上金錢。假「嚇伏...
02/09/2026

【難分真與假 「嚇伏」真險詐】 - 💁🏽‍♀️ 假客服 假退保🛡️

過去一星期，新界北總區共接獲超過100宗假冒客服詐騙案件，單宗最高損失超過200萬💰❗️

經過分析，騙徒客服最鍾意靠嚇，用唔同藉口技倆嚇到受害人中伏，再乖乖奉上金錢。假「嚇伏」，招招陰險，招招呃金 😈 來，等我哋一齊分辨真假！

嚇伏騙徒第1️⃣招 - 假退保 📄❗️

騙徒假扮客戶服務員致電📞，聲稱受害人喺唔同平台（如支付寶、HKTVmall 等）開通咗保險計劃，即將開始每月收取巨額保費🤯。

當受害人表示「冇申請過」，假客服就會扮好心幫手取消，繼而要求受害人先轉賬去指定戶口進行「身份驗證」，仲聲稱完成後會退還款項。過程中，騙徒會以唔同藉口要求受害人支付更高金額嘅「手續費」💵，甚至騙取受害人輸入個人銀行資料，直接將受害人嘅血汗錢轉走！💸

再提提大家：
❌陌生客服訊息/來電：唔撳 link、唔回撥、唔畀個人資料！
✅ 有問題應直接在官方程式內查詢。
✅記得到守網者網站用「防騙視伏器」或者下載「防騙視伏 App」，入電話、帳號、網址，一秒知係咪老千！

👉🏻由 7月11日至10月9日，只要完成網上防騙測驗📝，即可獲得抽獎🎁資格！ 防騙大師挑戰賽 2026傳送門👇🏻

https://www.facebook.com/share/v/1Sba29ehgd/?mibextid=wwXIfr

#假冒客服
#假保險
#假退保
#防騙易熱線18222
#新界北打假雙週

Address

新界北總區警察總部, 中國香港特別行政區新界大埔安埔里6號
Hong Kong

Telephone

+85236613313

Website

Alerts

Be the first to know and let us send you an email when 新界北總區防止罪案辦公室 RCPO NTN posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 新界北總區防止罪案辦公室 RCPO NTN:

Shortcuts

Share

Category