心房子 Heart and Hut

Home
Hong Kong
Hong Kong
心房子 Heart and Hut

「心房子」與你每天一起踏出一小步，打開心房子，在日常生活中提醒自己，用心聆聽，用愛接觸，感受家人的每一點愛。

每個人的「心房子」也不盡相同，有的是寬敞明亮，願意讓身邊的人進入；有的慣常把房門鎖上，把自己關在房子裡，甚至拒人於門外。無論「心房子」是打開或是鎖上，我們明白各人都有不同原因和難處。但是，每個人也可以選擇打開心裡的鎖。

一百個人，有一百個不同的「心房子」。面對最親密的家人，讓我們用心聆聽和接觸，感受家人一切說話/作為的善意，才會聽懂/看懂家人的愛。當聽懂/看懂家人的愛，心房子打開了，就好好珍惜和回應家人的愛吧!

如有需要，可向我們或專業人士求助。

免責聲明：
此平台開放，可自由發表意見，但不會逐一回覆。任何惡意/人身攻擊、粗言穢語、誹謗、淫褻、侵犯知識產權、侵犯個人私隱或作商業推廣等留言將會被刪除。

27/08/2026

【心鎖仔有禮🎁：一人一句令仔女心甘情願放低手機嘅「必勝說話」📱】

作為家長嘅你，有無經歷過咁嘅場面——
叫極個仔都唔肯放低手機；
臨瞓前話「睇多5分鐘」，結果半個鐘後仲喺度碌緊手機📱；
叫到口水都乾埋，但小朋友將你嘅說話當耳邊風……
究竟有無一句「必勝說話」，可以令仔女自動自覺放低手機？？？？

#心鎖仔誠邀大家一齊集思廣益，分享你鼓勵仔女放低手機嘅獨門秘笈！無論係溫柔嘅、搞笑嘅，定係出乎意料地有效嘅，都歡迎你同我哋分享！留言仲有機會贏走豐富獎品🎁！

📸有獎遊戲參加方法
1️⃣喺 #心房子 Facebook、Instagram 或者 Threads 留言，分享一句你曾經講過、可以令仔女心甘情願放低手機嘅「必勝說話」
2️⃣Like & share 呢個 post
3️⃣Tag 2 個朋友，邀請佢哋一齊參與遊戲

📌活動詳情
日期：2026年8月27號至9月27號
對象：歡迎所有人士參加，無年齡限制
每人只可以喺心房子 Facebook / Instagram / Threads 參加一次

🎁豐富獎品
🏆「終結低頭族超能力獎」（3名）：價值港幣500元嘅超市禮券同家用香薰機乙個（不包含香薰）
😇「熒幕封印大師獎」（5名）：價值港幣200元嘅超市禮券同桌遊套裝乙套
🤍「回歸現實時光獎」（50名）：心鎖仔冰袖乙對

條款同細則
1. 參加者必須按照指定方法提交作品或者留言，否則會被視為參加無效。
2. 主辦方會喺活動結束後7個工作天內喺留言區公布得獎名單（Facebook、Instagram同Threads共58個得獎名額），並以私訊方式聯絡得獎者。
3. 得獎者必須喺指定期限內領取獎品，逾期將被視為放棄，獎品不得轉讓或者兌換現金。
4. 主辦單位評審團將從留言中，根據內容、原創性同正面感染力選出各獎項得主。
5. 參加作品必須為原創，如果涉及抄襲、侵權或者其他爭議，參加資格將被取消。
6. 參加者一旦提交作品，將被視為同意授權主辦方使用其作品作推廣同展示用途，主辦方無需另行通知參加者或者支付任何費用。
7. 活動開放予公眾參與，但參與籌辦是次活動嘅工作人員、評審小組成員同其直系親屬唔可以參加活動。主辦方有權核實參加者身分，亦會保留取消參加者資格嘅權利。
8. 主辦方保留修改、取消或者延遲活動嘅權利，並對活動擁有最終決定權。
9. 參加活動即代表已經閱讀同同意遵守以上條款細則同所有參加規定。

了解更多「心房子」嘅活動同資訊
📚心房子 Heart and Hut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

24/08/2026

【心鎖ABC：Direction】

如若迷失請謹記回家
迷路不要驚怕
前路難關都給你招架
——陳蕾《當我迷失時聽着的歌》

教養仔女唔係要幫佢哋鋪好一條完美嘅道路，而係要引領佢哋搵啱方向，做佢哋人生路上嘅指南針。

爸爸媽媽無辦法陪你行人生嘅每一步，但喺你迷失或者跌低嘅時候，父母都會係你最堅強嘅後盾。你隨時可以返屋企，好好休息，然後重新出發。

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

18/08/2026

【 #心鎖爸心事台：點樣處理仔女嘅手機情緣📱 】

前幾日我接 #心鎖妹放學，聽到幾個家長喺度傾偈。

💬「而家啲小朋友好早熟㗎！」
💬「我個仔嗰班已經有人拍拖喇！」
💬「我怕佢亂識人，所以日日都會睇佢手機。」

我聽完即刻心都離一離—— #心鎖妹呢排成日同friend傾偈，會唔會都拍緊拖㗎？作為爸爸，我真係好擔心佢！

返到屋企之後，我咁啱見到阿妹部手機彈出訊息通知，對方係一個我唔識嘅男仔！當時我有好多問題想問 #心鎖妹，但喺冷靜落嚟之後，我決定用另一種方式處理。等 #心鎖爸我喺度同大家分享我嘅做法：

第一步：先冷靜，唔好「審犯」😤
見到訊息嗰刻，我當然好心急，但我會提醒自己停一停。如果一開口就質問心鎖妹：「呢個邊個嚟㗎？」心鎖妹只會覺得被責備同懷疑。所以我等到食飯嗰陣，先用關心、輕鬆嘅語氣打開話題：「呢排好似成日有朋友搵你傾偈喎，新同學嚟㗎？」

第二步：聆聽代替教訓👂
當佢開始講，我就提醒自己唔好打斷同批評佢。就算心入面覺得「咁細個就傾呢啲？擺明唔對路啦」，我都無即刻出聲。因為小朋友肯開口講，已經係對我哋最大嘅信任！我只係間中回應吓：「哦～原來係咁，咁你點諗㗎？」記住，我哋要做嘅係耐心聆聽同了解，而唔係批判佢。

第三步：一齊訂立界線，而唔係單方面禁止📝
等佢講完，我先話畀佢知我擔心啲咩：「其實爸爸唔反對你識朋友，只係網上世界咩人都有，好多相片同影片都可以用AI整出嚟，根本唔係真嘅，爸爸驚你會被人呃。」然後同佢一齊討論交友嘅界線，例如唔好單獨約出嚟見面、唔好隨便分享自己嘅相同個人資料，同埋一旦覺得唔舒服、唔對路，要識得嗌停同講畀我哋知。因為啲規矩係我哋一齊傾出嚟嘅，佢自然更容易接受👍。

仔女對異性產生好奇係好正常嘅事。與其一刀切咁斬斷佢嘅社交，不如做佢背後嘅「軍師」，等佢可以放心探索世界，同埋知道無論遇到咩事，佢都可以信任父母，隨時可以搵我哋幫手。 ❤️

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

14/08/2026

【🌟 ：保護兒童，要教孩子分清界線！】

#心鎖仔：，呢排我有啲擔心 #心鎖妹😟，我見佢成日用手機同唔同人傾偈📱，好擔心佢識到壞人！不過小朋友大部分時間都係同同學、朋友一齊，我諗應該都算安全啩？點先可以令小朋友學識保護自己、分辨界線呢？🤔

AI貓：喵～！根據社會福利署嘅《保護兒童資料系統統計報告》，2025年新登記嘅保護兒童個案有1354宗，當中涉及性侵犯嘅有501宗，佔咗整體嘅37%！而喺呢啲性侵犯個案嘅傷害兒童嘅人入面，竟然有37.2%係受虐兒童嘅同學、朋友或者朋輩——即係日日見面嘅「熟人」！其次先係無關係嘅人或者陌生人，佔31.4%📊！

心鎖仔：即係施虐者除咗可能係陌生人，仲有機會係身邊成日見嘅「熟人」……真係好令人擔心呀😢！

AI貓🐱：所以保護兒童，唔單止要教小朋友識別「陌生人」嘅危險⚠️，更加要令佢哋明白，即使係面對「熟人」同「朋友」，都要識得分清界線同保護自己🛡️。

家長除咗要提醒小朋友保護自己，仲要由細個開始培養佢哋尊重他人嘅觀念。無論大家幾熟、幾friend，都要互相尊重身體界線同感受。如果對方覺得被冒犯或者唔舒服，就應該即刻停手✋🏻。萬一被騷擾甚至侵犯，一定要話畀值得信任嘅大人知。愛惜自己、互相尊重，先至係建立健康人際關係嘅第一步。

心鎖仔：明白喇！保護兒童唔單止要教佢哋識別危險，仲要教識佢哋咩係健康嘅關係同界線，無論係朋友定大人，都應該尊重兒童嘅意願同感受。多謝AI貓嘅解說🙏🏻！

📚參考資料：
社會福利署（2025）.《保護兒童資料系統統計報告2025》. 擷取自社會福利署: https://www.swd.gov.hk/....../Annual%20CPR%20Report......

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

10/08/2026

【 #心鎖仔二揀一：仔女成日拎住手機「傾密偈」，家長應該點做？😰】

平時 #心鎖妹咩都同我分享，但佢最近放學返到屋企就匿入房，仲成日同唔知咩人message，一邊打字、一邊對住手機偷笑📱，有時仲開埋cam周圍影同自拍……每次有人行近，佢就即刻熄mon，好似好介意畀其他人見到佢做緊咩…… #心鎖媽開始擔心：「阿女究竟同緊邊個傾偈？會唔會遇到網上騙案，甚至性誘識？定係佢純粹想要多啲私人空間？」

作為媽媽，我好想關心阿女，但又怕佢嫌我煩同覺得唔被信任……

咁多位家長，遇到呢啲情況，你哋又會點做？
🅰️ 了解清楚先放心：將自己嘅顧慮講畀阿女知，問吓阿女可唔可以一齊檢視吓佢手機入面嘅應用程式同社交平台，確認有無風險。
🅱️ 觀察吓先：先觀察、後介入，留意阿女嘅情緒同行為變化，未有明顯異常之前，暫時唔急於追問。

留言講低你會點揀，心鎖仔PM分析畀你知！
⬇️
⬇️
⬇️
⬇️
⬇️
⬇️
⬇️

#心鎖仔分析🧠

🅰️了解清楚先放心
仔女突然改變行為，例如一見人行近就熄mon📱，背後當然有原因啦！與其喺度估估吓🤔，不如把握機會主動關心，了解佢最近嘅生活、交友情況同有無壓力等。萬一真係遇到危險⚠️或者其他困擾，家長都可以及早發現。不過「了解清楚」嘅方式同時機都好重要，如果家長用強硬手段質問，甚至偷睇手機👀、即時停數據，好可能會有反效果，令小朋友覺得唔被信任💔，以後收得更埋，影響親子關係。家長可以由關心出發💕，用輕鬆傾偈嘅方式打開話題，例如「我見你最近成日對住電話笑😊，好似好開心咁喎！有咩有趣嘢分享吓？」比起追問或者威逼，呢種講法更容易令仔女感受到你係真心關心佢🥰，而唔係想監視或者責備佢，仔女自然更願意開口分享。❗
家長可以按仔女嘅年齡同能力，喺佢哋接觸手機嘅時候，培養佢哋網絡安全嘅觀念，教識佢哋保護自己。家長都可以考慮安裝家長監護軟件，從源頭杜絕不良資訊入侵，同埋同仔女一齊訂立使用手機嘅界線，培養佢哋嘅自律意識。

🅱️觀察吓先
隨住仔女長大🌱，佢哋開始重視私人空間同私隱，未必樣樣嘢都會主動話畀你知。如果家長一見到少少變化就急住追問😟，可能會令仔女覺得自己被監視同被控制，甚至擔心講得越多，家長就問得越多😔，以後更加唔願意分享！家長可以先維持平時嘅相處模式🤝，通過陪伴同傾偈❤️，細心觀察仔女嘅情緒同行為有無變化，畀佢感受到你嘅信任同支持✨。傾偈嘅時候可以同佢哋分享網絡安全資訊，或者一齊討論網絡騙案同性誘識嘅新聞，提醒佢哋保護個人資料，等仔女慢慢建立判斷能力，學識保護自己。當親子關係夠穩固，仔女遇到困擾或者有需要嘅時候，自然更願意主動同你傾訴💛。

無論揀A定B，最重要嘅係家長平時同仔女嘅溝通同關係，要畀仔女感受到你嘅關心同情感支持。

之前心房子都分享過，仔女機不離手同大腦獎賞迴路、腦神經適應有關，家長要了解仔女沉迷手機嘅原因，例如有無生活或者學業上嘅壓力，同時保持開放態度，同仔女一齊討論使用手機嘅規則同時間，然後堅定執行。家長可以多啲同仔女一齊尋找其他快樂來源同興趣活動，當佢哋發現有其他嘢比手機更吸引，自然就唔會過度沉迷喺網絡世界入面。家長自己都要以身作則，切忌雙重標準，自己都機不離手呀！

了解更多「心房子」嘅活動同資訊
📚心房子 Heart and Hut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

04/08/2026

【 #問問心鎖妹：點樣保護小朋友遠離網上性誘識？👮‍♀️】

#心鎖媽： #心鎖妹，我最近成日見到小朋友遭遇網上性誘識嘅新聞，你知唔知咩係網上性誘識📱？
心鎖妹：我有聽過啊。不法之徒會透過社交平台、交友程式或者網上遊戲等，喺線上認識兒童，利用兒童心智未成熟，同佢哋喺網上傾偈、建立關係，博取兒童嘅信任後，誘使佢哋提供私密影像、進行裸聊，或者用裸露影像威脅兒童，甚至相約見面、進行性侵犯同勒索金錢😰！

警務處喺2025年錄得多達100宗兒童網上性誘識案件；香港救助兒童會喺2022年嘅研究亦發現，每10個受訪中學生入面，就有4個喺網上接觸過涉及性嘅內容或者要求，反映兒童遇到網上性誘識絕對唔係單一事件～
心鎖媽：小朋友或者年青人遇到呢啲情況，一定好驚、唔知點處理喇……
心鎖妹：係呀，呢啲案件嘅受害人，大部分年齡介乎12至15歲，年紀最細嘅只有9歲💔。而且性誘識嘅受害者唔係只有女仔，近年都有男仔墮入性誘識陷阱㗎！

心鎖媽：嘩！你哋平時玩手機、上社交媒體真係要小心啲！唔好以為唔send有自己樣嘅相，或者用閱後即焚嘅功能就無事。不如我幫你檢查吓手機，睇吓有無可疑人物🤯？
心鎖妹：與其check手機，家長不如先同小朋友建立互信關係，等佢哋知道遇到問題或者可疑情況，可以第一時間搵父母幫手。更重要嘅係，喺日常生活中，父母要教導小朋友好好保護自己身體同個人資料，唔好輕易相信陌生人🚫，同埋唔好用身體交換任何利益💎或者感情關係！
心鎖媽：如果懷疑小朋友遇到性誘識，可以點樣求助？🤔
心鎖妹：如果小朋友面臨即時危險，家長要立即致電999報警求助🚨！如果有任何懷疑或者問題, 都可以聯絡社會福利署，佢哋會跟進同提供支援。社署24小時熱線係2343 2255❤️。

📚參考資料
星島頭條（2026）. 網上性誘識兒童發展情侶影私密照年紀最細僅9歲警籲家長留意避陷阱.擷取自: 星島頭條: https://www.stheadline.com/breaking-news/3566387/%E7%B6%B2%E4%B8%8A%E6%80%A7%E8%AA%98%E8%AD%98%E5%85%92%E7%AB%A5%E7%99%BC%E5%B1%95%E6%83%85%E4%BE%B6%E5%BD%B1%E7%A7%81%E5%AF%86%E7%85%A7-%E5%B9%B4%E7%B4%80%E6%9C%80%E7%B4%B0%E5%83%859%E6%AD%B2-%E8%AD%A6%E7%B1%B2%E5%AE%B6%E9%95%B7%E7%95%99%E6%84%8F%E9%81%BF%E9%99%B7%E9%98%B1
明報（2026）.網上性誘識4個月40宗救助兒童會憂升勢持續.擷取自: 明報: https://news.mingpao.com/pns/%E6%B8%AF%E8%81%9E/article/20260521/s00002/1779299567441/%E7%B6%B2%E4%B8%8A%E6%80%A7%E8%AA%98%E8%AD%984%E5%80%8B%E6%9C%8840%E5%AE%97-%E6%95%91%E5%8A%A9%E5%85%92%E7%AB%A5%E6%9C%83%E6%86%82%E5%8D%87%E5%8B%A2%E6%8C%81%E7%BA%8C

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

01/08/2026

【 #心鎖爸活動大推：8月份😎】

雖然天氣真係好熱🥵，但 #心鎖爸我都想趁住放暑假，同小朋友一齊享受親子時光！我今個月幫大家精選咗一系列有動有靜嘅親子活動！無論你係想歎住冷氣玩❄️，定係想去戶外同陽光玩遊戲☀️，總有一樣活動啱你心水😚！

親子同樂遊戲🎲
想小朋友邊玩邊學？參加「親子桌遊樂」就最啱喇！小朋友可以通過遊戲學習守規矩、面對輸贏同管理情緒，爸爸媽媽仲可以練習正向鼓勵同讚賞技巧，玩住學親子相處之道❤️！鍾意挑戰體能嘅家庭，可以參加「夏日歷奇宿營」，喺兩日一夜嘅宿營活動中，參與唔同嘅歷奇遊戲，創造難忘嘅親子回憶！今個月仲有「爸爸帶路一起跑」工作坊，由爸爸帶領仔女做運動，親子關係一定越跑越close！🏃‍♂️

藝術療癒時光🎨
想輕鬆放空吓？一齊嚟「影迷療癒時光」睇電影、食茶點，同其他家長分享生活點滴，抒發日常壓力！如果想參加藝術活動，可以嚟「愛相聚之『字』我療癒工作坊」靜心練習寫字，喺文字中自我療癒，感受當下嘅平靜🖊️。想帶埋小朋友齊齊玩嘅，可以報名參加「盆栽．養心」親子活動，一齊整玻璃盆景，或者喺「親子手工樂無窮」製作精美吊飾，促進親子交流同合作，簡單又有滿足感！

成長加油站🌱
今時今日做父母真係唔容易㗎！不過唔止生仔要「考牌」，做夫妻一樣大有學問～今個月嘅「重塑理想婚姻關係—《P牌夫婦》實務課程」就係一個好機會，畀大家同伴侶傾吓彼此嘅價值觀同管教理念，推動伴侶共同實踐家庭分工💪！如果小朋友面對緊父母離異，可以參加「爸媽齊愛我—共享親職小組」，一齊學吓點樣適應生活上嘅轉變，搵啲健康嘅方法抒發情緒，同埋學習有技巧咁表達自己嘅需要❤️！

心鎖爸特別推介🌟
想陪小朋友玩，但又唔知可以玩啲咩？快啲參加「親子遊戲工作坊」啦🤗！家長可以透過遊戲同小手工活動，學識同小朋友互動嘅技巧，「升呢」做個「識玩又啱傾」嘅大人！

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族 #中西南及離島區 #東區及灣仔區 #觀塘區 #黃大仙及西貢區 #九龍城及油尖旺區 #深水埗區 #沙田區 #大埔及北區 #元朗區 #荃灣及葵青區 #屯門區

30/07/2026

【 #心鎖全家福：噢！心鎖爸發火了！】

#心鎖爸掟手機嘅嗰一刻，全屋靜晒🤫⋯⋯

嗰晚 #心鎖仔一路食飯一路玩手機📱，心鎖爸提醒咗一次、兩次、三次都冇反應，語氣愈講愈重，最後終於忍唔住爆發💥。其實，佢唔係真係想使用暴力，只係失望同困倦一齊湧上嚟，情緒一時失控。

好多家長都試過有呢種時刻。每個人都會有情緒💛，唔係要求自己永遠唔發火，而係點樣發同埋發火之後點樣修復關係！

一家人可以一齊訂立屬於自己嘅「生氣停一停」小規矩🛑，例如情緒上嚟時先數十秒🌬️、等大家冷靜落嚟先傾。當衝突變成學習情緒管理嘅機會，小朋友學到嘅，唔只係規矩，而係點樣面對情緒、尊重彼此，知道屋企係一個可以理解、接納自己有唔同情緒嘅地方🏡💛

爸爸媽媽係彼此最重要嘅隊友🤝，當一方情緒升溫，另一方可以溫柔提醒、接力處理當下情況，畀對方一個冷靜落嚟嘅空間，共同營造一個穩定、安心嘅家庭環境，陪住小朋友健康成長❤️

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

27/07/2026

【 #心鎖爸心事台：做個高EQ大人，唔好急住講「道理」，而係學識「用心聆聽」！👂🏻】

有一日， #心鎖仔放學返到屋企，成個人垂頭喪氣，一句說話都無講😞。 #心鎖爸我問佢發生咩事，佢先細細聲講：「今日測驗唔及格」📚。見到個仔咁失落，我第一時間安慰佢：「唔緊要啦，下次再努力啲！加油！💪🏻」我明明係關心佢，但心鎖仔聽完之後，反而將個頭耷得更低，無再講落去。

其實好多家長都經歷過類似嘅場面。當見到小朋友唔開心、發脾氣或者遇上挫折，我哋嘅本能反應係去鼓勵佢、教導佢，甚至幫佢解決問題。但有時小朋友最需要嘅，未必係答案同說教，而係想有人明白佢當下嘅感受。

香港基督教女青年會喺2022年訪問咗超過1,300對家長同子女，發現小朋友嘅負面情緒除咗係嚟自考試測驗📝同功課📖之外，「家長責罵」同「家長要求太多」都係主要原因之一。而最值得留意嘅係，雖然超過九成家長認為自己有聆聽孩子嘅感受👂🏻，但只有約一半小朋友認同父母真係有做到。換句話講，大人以為自己已經「用心聽」，但小朋友未必感受到。

點解會咁？可能係因為喺小朋友表達情緒時，大人往往太快進入「解決問題模式」🔧。例如當小朋友喊住話好唔開心，大人可能即刻話「好小事啫，做咩要喊啊」或者「加油，下次做好啲就得」。雖然出發點係想安慰小朋友，但佢哋聽到嘅，可能係「爸爸媽媽唔明白呢件事對我嚟講有幾重要」或者「爸爸媽媽唔接受我嘅情緒」😭。

相比起急住講道理或者幫小朋友搵解決方法，有時先理解同接納小朋友嘅感受其實更重要。喺小朋友嬲緊、喊緊或者失望嘅時候，家長可以先停一停⏸️，攬吓小朋友再講：「你一定好失望、好唔開心喇，我陪你坐一陣先。」當小朋友感受到自己被接納同被理解，情緒自然更容易平復落嚟。

高EQ嘅大人未必會成日講鼓勵說話或者大道理📣，亦唔一定可以用最快嘅方法幫小朋友解決問題。好多時候，真正有力量嘅支持，係願意用心聆聽。一句「我明白你唔開心」，可能比「加油」更有力量；而一顆願意陪伴嘅心❤️，亦比急住糾正，更能令小朋友感受到愛同支持。

參考資料
香港基督教女青年會. (2023). 家長處理兒童情緒方法調查　孩子對父母關心印象不深刻社工寄語家長「先聆聽後教育」. 擷取自香港基督教女青年會: https://www.ywca.org.hk/zh-hant/%E6%96%B0%E8%81%9E%E7%A8%BF/%E5%AE%B6%E9%95%B7%E8%99%95%E7%90%86%E5%85%92%E7%AB%A5%E6%83%85%E7%B7%92%E6%96%B9%E6%B3%95%E8%AA%BF%E6%9F%A5

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

20/07/2026

【 #心鎖媽法寶袋：學前兒童課餘託管服務🤝🏻】

#心鎖媽我早排同啲在職父母朋友食飯，發現大家都面對緊同一個難題——點樣搵人幫手照顧小朋友！雙職家長好多時都無後援，面對幼稚園有時返半日學，再加埋漫長嘅學校假期，家長真係攞曬啲假都搞唔掂😵‍💫！

各位正身處水深火熱之中嘅家長， #心鎖媽我要同你哋分享一個好消息！社會福利署已經喺唔同地區開設咗「學前兒童課餘託管服務」，等家長可以安心工作之餘，小朋友亦能夠喺安全同充滿關愛嘅環境下得到照顧，仲可以參加唔同嘅活動，實現全方位發展💛！

❤️學前兒童課餘託管服務❤️

👦🏻對象
1️⃣ 三至六歲以下兒童；或者
2️⃣ 正就讀幼稚園／幼稚園暨幼兒中心幼兒班（K1）、低班（K2）或高班（K3）嘅兒童

📚內容
提供個人／小組活動，以滿足學前兒童嘅發展需要

⏰服務時間
逢星期一至星期五（公眾假期除外）開放，喺上午、下午同黃昏三個時段提供服務
個別中心會因應地區需要，有額外開放時間（例如星期六、日或者公眾假期）

💡想了解更多服務詳情同服務單位資料，即上https://www.swd.gov.hk/tc/pubsvc/family/cat_childcareservice/ascppc/index.html ！
如果想申請服務，記得直接同營辦機構聯絡呀～

了解更多「心房子」嘅活動同資訊
📚facebook.com/HeartandHut
🏠instagram.com/heartandhut
📺youtube.com/

#心房子 #綜合家庭服務 #保護家庭及兒童服務課 #社署熱線23432255 #凝聚家庭齊抗暴力 #讓愛守護家 #保護兒童由家庭出發 #心鎖家族

Address

Hong Kong

Website

https://www.swd.gov.hk/tc/pubsvc/family/

Alerts

Be the first to know and let us send you an email when 心房子 Heart and Hut posts news and promotions. Your email address will not be used for any other purpose, and you can unsubscribe at any time.

Want your organization to be the top-listed Government Service in Hong Kong?