鄧炳強 Tang Ping Keung

鄧炳強 Tang Ping Keung 保安局局長

11/09/2026

【情節嚴重 • 依法嚴懲】

今日高等法院就「支聯會」煽動顛覆國家政權罪一案作出判刑，各被告分別判五年兩個月至七年三個月不等，法庭裁定案件屬「情節嚴重」，我認為判刑真正彰顯公義！

法庭指出，被告唔係因為政治思想或者《國安法》生效前嘅言行受審，而係因為喺控罪期間觸犯咗《國安法》所唔允許嘅行為。我必須強調，《憲法》係國家憲制秩序嘅核心，不容以任何形式動搖。本案令大家睇清楚「支聯會」嘅真面目，佢哋企圖顛覆國家政權，仲想喺香港播下仇恨國家嘅種子。今日嘅判決，亦係為曾經被佢哋煽動而誤入歧途嘅年輕人討回公道。希望市民認清事實，睇清楚佢哋嘅本質。

香港係法治社會，犯法就要承擔後果。維護國家安全唔單止係市民嘅責任，亦係特區嘅憲制義務。政府會繼續依法防範、制止同懲治危害國家安全嘅行為，確保「一國兩制」行穩致遠。

【深切哀悼董建華先生】首任行政長官董建華先生與世長辭，我深感哀痛。作為香港首任行政長官，他在回歸初期帶領香港順利回歸祖國懷抱。他一生心繫國家、為香港鞠躬盡瘁，無論在政壇或社會，都展現出無私奉獻的精神。在此謹向董先生致以最崇高的敬意，並向其家...
09/09/2026

【深切哀悼董建華先生】

首任行政長官董建華先生與世長辭，我深感哀痛。作為香港首任行政長官，他在回歸初期帶領香港順利回歸祖國懷抱。他一生心繫國家、為香港鞠躬盡瘁，無論在政壇或社會，都展現出無私奉獻的精神。在此謹向董先生致以最崇高的敬意，並向其家人致以最深切的慰問。

【匯聚連雲港 • 連結全世界】今日我同紀律部隊首長一齊去到江蘇連雲港，出席「全球公共安全合作論壇2026年大會」。現場非常熱鬧，匯聚世界各地嘅執法部門、國際組織代表同專家，一齊交流經驗、分享公共安全新科技。論壇今年主力討論移民管理、禁毒、反...
09/09/2026

【匯聚連雲港 • 連結全世界】

今日我同紀律部隊首長一齊去到江蘇連雲港，出席「全球公共安全合作論壇2026年大會」。現場非常熱鬧，匯聚世界各地嘅執法部門、國際組織代表同專家，一齊交流經驗、分享公共安全新科技。論壇今年主力討論移民管理、禁毒、反恐、網絡安全、警察教育同旅遊安全等議題，仲有公共安全科技裝備展，大開眼界之餘，亦感受到全球齊心守護公共安全嘅決心。期間我遇到國際刑警組織主席同秘書長，大家愉快交流，提到嚟緊11月第94屆「國際刑警全體大會」將會喺香港舉行，我向佢保證香港一定會做好準備，展現實力，盡地主之誼迎接來自世界各地嘅代表，辦好呢場備受矚目嘅國際盛事。

#加強國際合作
#為全世界安全而努力

【率六大紀律部隊首長考察上海】尋日我聯同六大紀律部隊首長嚟到上海考察，係今年8月上海市公安局局長率團訪港後嘅延續交流。團隊尋日首先到訪上海市局總部大樓，透過一系列參訪，深入了解當地將科技同警務深度融合之後，所帶嚟嘅新質戰鬥力。今日我哋就到訪...
08/09/2026

【率六大紀律部隊首長考察上海】

尋日我聯同六大紀律部隊首長嚟到上海考察，係今年8月上海市公安局局長率團訪港後嘅延續交流。團隊尋日首先到訪上海市局總部大樓，透過一系列參訪，深入了解當地將科技同警務深度融合之後，所帶嚟嘅新質戰鬥力。今日我哋就到訪上海市反詐中心，重點觀摩佢哋嘅全鏈條反詐治理模式；之後訪問虹口「藍鯨護企工作站」，亦展示咗警企協作嘅新可能。今次考察令我更加體會到，科技唔單止提升執法效率，仲可以令風險防控更早、更準、更主動。尤其當地秉持「把困難留給自己，把方便留給市民」嘅工作態度，令我印象深刻，呢個亦正正係為官應有之道。上海之行，我哋見證咗當地智慧警務、反詐同護企等方面嘅寶貴經驗，確實值得借鏡。我相信，未來滬港兩地喺公共安全領域會有更大嘅互補同合作空間。

#考察公共安全治理
#都有一排無與首長外訪
#再次兄弟班上陣
#下一站連雲港

【延安精神 • 公僕初心】尋日一早我去到延安，出席保安局延安國情培訓班嘅開班儀式同交流。我曾經幾次去過延安，呢度係一個俾人學習歷史、思考初心嘅地方。呢個國情班嘅機會難得，除咗課堂，仲有戶外現場教學，俾大家邊行邊學，親身感受。我最希望同事帶走...
06/09/2026

【延安精神 • 公僕初心】

尋日一早我去到延安，出席保安局延安國情培訓班嘅開班儀式同交流。我曾經幾次去過延安，呢度係一個俾人學習歷史、思考初心嘅地方。呢個國情班嘅機會難得，除咗課堂，仲有戶外現場教學，俾大家邊行邊學，親身感受。我最希望同事帶走嘅，唔止係歷史知識，更加係延安精神背後「為人民服務」嘅信念。公僕既係管理者，更加係人民嘅服務者。遇到困難，要有不畏艱難、敢於鬥爭嘅擔當；做事要實事求是，唔好做表面功夫；面對新形勢，亦要敢諗敢試、勇於創新。未來一星期，我希望各位嚟自唔同崗位嘅同事，好好感受同思考延安精神，回想做公僕嘅初心，再將所學帶返香港、帶返自己嘅崗位。

#各位同事喺延安好好學習
#為人民服務
#唔係一句口號
#而係每日工作嘅初心

【童心設計師 • 小小熊添新衣】《安熊童樂會》校園巡禮自上年推出以嚟，已經去咗近60間幼稚園，同小朋友講故事、玩遊戲，將國家安全嘅簡單觀念，不知不覺種喺小朋友心中。期間每位同學都會參加填色比賽，發揮創意為保安小小熊設計新衫，我哋亦承諾會將勝...
04/09/2026

【童心設計師 • 小小熊添新衣】

《安熊童樂會》校園巡禮自上年推出以嚟，已經去咗近60間幼稚園，同小朋友講故事、玩遊戲，將國家安全嘅簡單觀念，不知不覺種喺小朋友心中。期間每位同學都會參加填色比賽，發揮創意為保安小小熊設計新衫，我哋亦承諾會將勝出作品真正製成新衫。至今已經有超過3000位小朋友參與，新學年伊始，係時候揭曉結果。我同團隊最後揀選咗康傑中英文幼稚園Larine同學嘅作品成為冠軍。佢嘅設計融合國家元素同傳統節日特色，充滿童真同心思。早前我就特登去到幼稚園，親自宣佈並頒發穿上新衫嘅小小熊俾Larine，見到佢同師生都愛不釋手，我都忍唔住開心埋一份。大家覺得小小熊件新衫係咪好靚呢？

#小朋友聽完故事就填色
#所以個個都好鍾意小小熊
#有好多好作品
#其實都好難揀

【一號風球下的開學日】今日係開學日，而且一號風球生效，為確保全港學生順利返學，保安局嘅EMSC今朝一早啟動，聯同運輸署、教育局同天文台等跨部門實時監察路況同市面秩序，為學生哥開學保駕護航。我亦一早去到EMSC聽取匯報，見到市面雖然車多，但交...
01/09/2026

【一號風球下的開學日】

今日係開學日，而且一號風球生效，為確保全港學生順利返學，保安局嘅EMSC今朝一早啟動，聯同運輸署、教育局同天文台等跨部門實時監察路況同市面秩序，為學生哥開學保駕護航。我亦一早去到EMSC聽取匯報，見到市面雖然車多，但交通暢順有序，大家都即刻安心。祝願所有學生哥新學年學習愉快，開學大吉，就好似今日咁，縱有微風細雨，依然穩步前行，展開豐富充實嘅一年。

#學生哥開學日
#跨部門都好緊張
#開心井然有序
#收拾心情開學喇

29/08/2026

【皇崗2萬人壓力測試 • 人流車流無限Loop】

今日皇崗口岸進行最大型嘅全流程壓力測試，動員超過2萬人參與。今日更加進行咗超過1000架次嘅跨境循環測試，利用五合一車道過關到深圳。所有閘機全面開放，出入境隨車人員樓層亦同步全開測試，人流同車流不斷內循環，整體暢順，充分展現口岸運作嘅承載力同穩定性。今次測試再次同深方攜手合作，令我哋更全面檢驗各項設施同流程。今日亦帶嚟好消息，合資格人士「南下」同「北上」都可以憑香港身份證或回鄉證使用自助閘機過關，通關就更加便利。我同團隊會盡快同深方商討，確定開通日期，務求俾市民早日享受更便利嘅跨境出行。

#2萬人壓力測試
#比高峰更高峰
#港深最佳合作體現
#感謝公務員及各界支持演練測試
#感謝深方全力支持
#同大家一樣期待開通

28/08/2026

【五日培訓演練 • 三地烈火雄心】

早前廣東省消防救援總隊同澳門消防局透過「應急救援綠色通道」嚟到香港，展開為期五日嘅跨境培訓同演練。今次除咗技術交流之外，廣東省同澳門消防人員 更親身跟隨香港消防員走入真實火場觀摩，了解佢哋日常嘅操作。今日，三地消防隊伍喺消防及救護學院進行實地演練，接通三地供水設備進行滅火，務求提升三地日後跨境救援嘅協作力同設備互換應變。呢次培訓唔單止係技術交流，更係三地消防隊信任同默契嘅累積。相信透過持續合作，三地一定會為大灣區打造更強大嘅安全屏障，守護市民生命財產。

#粵港澳消防合作
#跨境救援又進一步
#生命至上安全至上
香港消防處 Hong Kong Fire Services Department

【深度了解 • 細味香港】今年「保安局青少年制服團隊領袖論壇」再度為來自深圳大學嘅學員舉辦為期一個月嘅暑期培訓計劃，由於上年獲得非常好嘅反饋，今年嘅行程體驗更豐富。透過政府、企業同埋社區嘅多元安排，俾同學深度體驗香港嘅公共同企業文化，以及人...
26/08/2026

【深度了解 • 細味香港】

今年「保安局青少年制服團隊領袖論壇」再度為來自深圳大學嘅學員舉辦為期一個月嘅暑期培訓計劃，由於上年獲得非常好嘅反饋，今年嘅行程體驗更豐富。透過政府、企業同埋社區嘅多元安排，俾同學深度體驗香港嘅公共同企業文化，以及人文風貌。今日好開心聽到同學嘅分享，從不同角度感受到香港嘅獨特魅力同埋香港人嘅專業精神，既感受到繁華都市嘅面貌，亦深入社區，體會地道生活。我要特別感謝支持嘅企業，以及同事嘅精心策劃、照顧同付出，先可以為深大同學帶嚟呢一個月有深度、有溫度嘅精彩旅程！

#解鎖香港最佳方法
#衣食住行都體驗到
#一個月之內
#同學嘅廣東話大躍進

Address

Hong Kong

Website

Alerts

Be the first to know and let us send you an email when 鄧炳強 Tang Ping Keung posts news and promotions. Your email address will not be used for any other purpose, and you can unsubscribe at any time.

Shortcuts

Share

Category