民政事務總署 Home Affairs Department

民政事務總署 Home Affairs Department 歡迎瀏覽民政事務總署官方專頁。本署致力促進香港特別行政區政府與市民之間的溝通，並積極推動地區行政發展，建設和諧社會。 Comments and feedback are welcome but we will not reply to all posts and messages.

本專頁為一開放平台，歡迎留言，但版主不會逐一回覆留言或訊息。讀者請互相尊重，留言不要人身攻擊、粗言穢語、淫褻、誹謗、重複相同意見、對民政事務總署行動造成不利影響、侵犯知識產權或作商業推廣，否則留言可能在不被通知的情況下被刪除。

This page is open to all. Please do not post comments which are personal attacks, offensive, indecent, obscene, defamatory, repetitive, or which may adversely affect the Home Affairs Department’s actions, infringe intellectual property rights or involve commercial advertising. Comments may be removed without prior notice if they do not comply with these ground rules.

【《好嘢港多啲》-- 聽晚介紹「聯廈聯管」試驗計劃📺】 香港有唔少舊式單幢樓宇同埋「三無大廈」，政府推出嘅「聯廈聯管」試驗計劃正正解決到呢個存在咗好耐嘅老大難問題。呢啲業主可以共同聘用同一間物業管理公司嚟管理自己嘅大廈。 喺新一集《好嘢港多...
15/05/2026

【《好嘢港多啲》-- 聽晚介紹「聯廈聯管」試驗計劃📺】

香港有唔少舊式單幢樓宇同埋「三無大廈」，政府推出嘅「聯廈聯管」試驗計劃正正解決到呢個存在咗好耐嘅老大難問題。呢啲業主可以共同聘用同一間物業管理公司嚟管理自己嘅大廈。

喺新一集《好嘢港多啲》，演員馬貫東、黃志榮同倪嘉雯飾演唔同角色，帶大家睇睇計劃點樣支援舊式單幢樓宇同埋「三無大廈」嘅業主。

民政總署喺2025年6月1日正式推行為期一年嘅「聯廈聯管」試驗計劃🏢。計劃目的係協助舊式單幢樓宇或「三無大廈」嘅業主共同聘用同一間物業管理公司聯合管理大廈，攤分管理費用🤝，以較相宜嘅費用獲得基本大廈管理服務👨🏻‍💼，從而改善管理及居住環境👍🏻。

⏰大家記得聽晚7點半，鎖定無綫電視翡翠台呀📺！

《好嘢港多啲》
逢星期六晚7時30分
無綫電視翡翠台

#民青局 #民政總署 #聯廈聯管 #三無大廈 #舊式單幢樓宇 #好嘢港多啲

【學生醫護體驗計劃2026啟動禮@黃大仙區】 學生醫護體驗計劃今年已踏入第2️⃣0️⃣年喇！計劃旨在提高同學對醫療服務嘅認識，培養佢哋對醫護行業嘅興趣同主動關懷他人嘅精神💖。 今日（14/5），💁🏻‍♀️黃大仙民政專員賀穎君、黃大仙區健康安...
14/05/2026

【學生醫護體驗計劃2026啟動禮@黃大仙區】

學生醫護體驗計劃今年已踏入第2️⃣0️⃣年喇！計劃旨在提高同學對醫療服務嘅認識，培養佢哋對醫護行業嘅興趣同主動關懷他人嘅精神💖。

今日（14/5），💁🏻‍♀️黃大仙民政專員賀穎君、黃大仙區健康安全城市董事局主席史立德博士、黃大仙區中學校長會主席李宛儀校長、香港佛教醫院、聖母醫院及東華三院黃大仙醫院行政總監陳允健醫生同一眾參與計劃嘅同學齊齊為「學生醫護體驗計劃2026」進行啟動儀式👏🏻！

學生醫護體驗計劃一向深受區內學生歡迎🏫。體驗計劃結合咗知識傳授與多元化實踐體驗，包括職業講座、醫療活動體驗🩻、心肺復甦法學習及防感染控制訓練等，🥼同學亦可跟隨醫生同護士進行日常護理、🩺檢查及斷症等工作。此外，同學亦有機會到醫院實習及參觀各類醫療服務機構🏥，親身了解醫療系統嘅運作。

黃大仙民政處會繼續同區內學校、地區組織及地區團體攜手合作，鼓勵同學探索各行各業💪🏻，為投身專業領域做好準備，繼續喺自己人生嘅舞台上發光發亮🌟，服務社群！

#黃大仙民政處 #學生醫護體驗計劃2026 #生涯規劃 #生命教育 #醫療行業 #與青年同行 #青年發展

【油尖旺跨部門聯合行動🧹 改善環境衞生】1️⃣踏入2026年第二季，油尖旺民政處繼續統籌跨部門聯合行動，改善環境衞生💪🏼。今日（14/5），民政處同相關部門去到旺角德昌街行人天橋橋底，清理約8000公斤堆積雜物及垃圾⛺️ 📦，食環署亦發出咗...
14/05/2026

【油尖旺跨部門聯合行動🧹 改善環境衞生】

1️⃣踏入2026年第二季，油尖旺民政處繼續統籌跨部門聯合行動，改善環境衞生💪🏼。

今日（14/5），民政處同相關部門去到旺角德昌街行人天橋橋底，清理約8000公斤堆積雜物及垃圾⛺️ 📦，食環署亦發出咗兩張移走障礙物通知書。

部門亦清理咗橋底嘅塗鴉及清洗地面，附近環境變返乾淨🧼。

多謝區議員許德亮到場見證、各部門同事及清潔工友嘅幫忙🙏🏻，亦感謝相關人士配合，喺行動前自行清走部份雜物。

2️⃣ 上月中(16/4)，民政處喺旺角康樂街再度統籌聯合行動，同部門合作清理建築廢料及打擊店舖阻街。

行動中，清理咗約250公斤垃圾及約3噸無人認領嘅建築材料及建築廢料，區議員黃舒明到場觀察。

警方亦向違例泊車抄牌🚘，以保持道路暢通。

#油尖旺民政處 #油尖旺地區管理委員會 #食物環境衞生署 #社會福利署 #警務處 #康文署 #路政署 #地政總署 #環保署 #跨部門聯合行動 #清理雜物聯合行動 #店舖阻街聯合行動 #恆常聯合潔淨行動

【為太平清醮做好準備 確保會景巡遊路線及主要通道暢通@長洲】 長洲太平清醮將於21/5至 25/5舉行，其中飄色會景巡遊將於24/5（星期日）舉行。為配合會景巡遊等一系列活動順利舉行，政府當局會加強打擊島上違例停泊🚳或棄置嘅單車🚲同阻塞街道...
14/05/2026

【為太平清醮做好準備 確保會景巡遊路線及主要通道暢通@長洲】

長洲太平清醮將於21/5至 25/5舉行，其中飄色會景巡遊將於24/5（星期日）舉行。為配合會景巡遊等一系列活動順利舉行，政府當局會加強打擊島上違例停泊🚳或棄置嘅單車🚲同阻塞街道嘅雜物，並會於19/5至24/5期間，封閉部分單車停泊處，以確保會景巡遊路線及主要通道暢通，令各項活動順利進行👍。

離島民政處亦已聯同長洲鄉事委員會及多個政府部門，於14/5喺島上派發單張📄，呼籲市民自律守法，謹慎使用及妥善停泊單車🚲。請大家齊心協力，共同🤝維護島上嘅交通安全及秩序，一齊確保節慶順利進行。感謝各位嘅理解與支持，預祝節日愉快😊！

#離島民政事務處 #地區主導行動計劃 #長洲 #長洲鄉事委員會 #長洲太平清醮 #打擊違例停泊或棄置單車 #打擊阻街雜物 #妥善放置單車 #單車唔阻街 #雜物唔阻街

【南區區議會與社會福利署署長探訪復康中心】早前（12/5），社會福利署署長杜永恒同埋中西南及離島區福利專員林文儀，聯同南區民政專員兼南區區議會主席Sandy及多位南區區議員探訪東華三院賽馬會復康中心，深入了解有關殘疾人士照護👨‍⚕️、院舍服...
14/05/2026

【南區區議會與社會福利署署長探訪復康中心】

早前（12/5），社會福利署署長杜永恒同埋中西南及離島區福利專員林文儀，聯同南區民政專員兼南區區議會主席Sandy及多位南區區議員探訪東華三院賽馬會復康中心，深入了解有關殘疾人士照護👨‍⚕️、院舍服務🏡、展能就業💡同照顧者支援🫂等工作。

今次探訪活動令區議員深入了解復康中心嘅亮點設施同服務，包括：
💪🏻專業物理/職業治療服務：提升身體機能🔋
🧰藝進綜合職業復康中心：建立社交同職場技能🗣️
🏠健逸之家：廿四小時院舍照顧🛏️
🍚煮餸易家滋味照護食生產及培訓中心：色香味營養兼備嘅照護食🍳
💊創新科技管理藥物分派工作🖥️

交流環節中，社署署長亦同區議員分享為殘疾人士賦能👑嘅重要性，幫助佢哋融入社區；區議員同時提到社區對照顧者支援嘅殷切需求👴🏻👵🏻，希望聯同社署動員更多社會資源🆙，更精準地交到有需要人士手中。社署署長同民政專員都表示，南區關愛隊💙近年同社署建立良好嘅合作關係👍🏻，期待各位繼續強化南區資源網絡，締造共融、幸福嘅社區😀。

#南區 #南區區議會 #社會福利署 #東華三院賽馬會復康中心 #院舍服務 #傷健共融 #展能就業 #社會企業 #專職醫療

14/05/2026

【🐲端午節x父親節👨‍🦰社企心意之選】

「社企端陽『粽』有愛❤️，慈父佳節友建樹👍」- 文青 #友建樹
(好句~好句~🤣🤣)

我友建樹之所以「詩」興大發，無非都係想提提大家：今年🐲端午節(19/6) 同👨‍🦰父親節(21/6) 咁啱喺同一個禮拜呀~~

樹樹同社企朋友準備咗💡「端午節x父親節 社企心意之選」💡，大家係時候要好好計劃📝同家人朋友一齊共渡🐲端午及慶祝👨‍🦰父親節啦~~
❤️端午節心意之選：🍠軟糯紫薯西米粽、🌰無糯米素粽、高纖紫米粽、🍖瑤柱皇牌鹹肉粽等
👔父親節感恩之選：🥢中式到會套餐、精緻袖口扣/ 領帶夾、💆‍♂️肩頸按摩體驗等

👉即刻click入 https://shorturl.at/3B8rm 選購，入面仲有好多優惠等緊你㗎🈹~~

「支持社企，每逢佳節友建樹！💚 」

#端午節 #父親節 #粽 #禮物 #按摩 #社企友建樹 #支持社企日日友建樹 #幫襯社企 #社企 #社會企業

【觀塘區議會參觀消防及救護學院🚒🚑與消防處處長會面交流】觀塘民政專員何立基聯同觀塘區議會多位議員，早前（8/5）一齊參觀位於將軍澳嘅消防及救護學院，與消防處處長楊恩健、消防及救護學院院長黃思律等代表會面交流🤝🏻，加深對香港消防處防火滅火、緊...
13/05/2026

【觀塘區議會參觀消防及救護學院🚒🚑與消防處處長會面交流】

觀塘民政專員何立基聯同觀塘區議會多位議員，早前（8/5）一齊參觀位於將軍澳嘅消防及救護學院，與消防處處長楊恩健、消防及救護學院院長黃思律等代表會面交流🤝🏻，加深對香港消防處防火滅火、緊急救援及救護服務工作嘅了解👍🏻。

消防處人員沿途講解，議員親身參觀咗各個專業訓練場地，包括水上事故、高空拯救、坍塌搜救、飛機事故訓練場同模擬鐵路站「百勝角站」等，更於煙火特性訓練中心近距離觀摩實火模擬示範，充分體會到消防人員喺極端環境下執行任務嘅艱巨💪🏻。

消防處人員亦展示咗嶄新科技於救援及高空拯救嘅應用，例如機械狗示範協助偵察同處理危害物質，以及重型運載無人機配合人工智能協助救援工作嘅操作示範，進一步了解如何運用專業裝備提升搜救行動效率🆙，更好保障市民安全。

#觀塘民政處 #香港消防處 #消防及救護學院 #防火意識

【青衣鄉事會路水管爆裂 葵青區「三駕馬車」全力支援跟進】上星期四（7/5）晚上約8時半，青衣鄉事會路一段水管爆裂⚠️，導致附近多個屋苑同鄉村一度暫停食水供應⛔️。事關民生福祉，葵青區由區議會、地區三會同關愛隊組成嘅「三駕馬車」全力應對跟進事...
13/05/2026

【青衣鄉事會路水管爆裂 葵青區「三駕馬車」全力支援跟進】

上星期四（7/5）晚上約8時半，青衣鄉事會路一段水管爆裂⚠️，導致附近多個屋苑同鄉村一度暫停食水供應⛔️。事關民生福祉，葵青區由區議會、地區三會同關愛隊組成嘅「三駕馬車」全力應對跟進事故。

經葵青民政專員梁乘龍實地協調，水務署安排臨時供水（包括3架水車同超過40個水缸）到受影響屋苑同鄉村🪣。立法會議員同多名葵青區議員亦趕赴現場，跟進事態發展，並向居民發放即時資訊。地區三會成員同三隊當區關愛隊（包括偉盈、青衣邨同翠怡關愛隊），以及各村村長等亦分別到各受影響屋苑同鄉村協助居民取水💪。水務署亦與警方協力，於午夜前重開青衣鄉事會路北行快線。

另外，葵青民政處與各個受影響屋苑嘅法團同管理公司保持緊密聯絡📞，以便通報最新資訊📢及了解居民需要。水務署亦透過社交媒體向公眾發放資訊。經水務署供水調度及緊急維修🔧，大部分受影響嘅屋苑同鄕村於凌晨約2時前陸續恢復食水供應🚰。最後一個受影響屋苑嘅食水供應亦於翌日（8/5）上午11時半陸續恢復正常。

因應今次事故，葵青區議會喺尋日（12/5）舉行嘅會議上作跟進，區議員就葵青區地下食水管道老化問題表達關注並建議具體解決方案📝，亦探討如何喺發生類似事故時加強對居民嘅支援。水務署喺回應區議員時表示，青衣鄉事會路嘅老舊水管早前已被納入水管更換工程計劃。因應今次事故，水務署會馬上分階段展開有關路段嘅水管更換工程，同時與有關部門密切商討工程期間嘅臨時交通安排，並且同民政處及區議員就工程進度緊密聯繫，務求盡量減低工程對附近居民嘅影響。

今屆葵青區議會亦會以「更新老化設施」為其中一項地區關注議題，議員會繼續密切留意區內更換老化喉管嘅進度同安排。

葵青民政處一直透過地區管理委員會，與相關政府部門跟進區內老化喉管嘅更換工作，並就相關工程同緊急應變協調部門之間嘅溝通🤝。葵青民政處會持續跟進，聯同地區治理「三駕馬車」，為區內居民建設更宜居嘅社區🏡。

#葵青民政處 #水務署 #葵青區議會 #葵青關愛隊 #翠怡關愛隊 #青衣邨關愛隊 #偉盈關愛隊 #民政幫到你 #青衣

【探訪過渡性房屋「雅園」🏠💖 @九龍城】為咗更深入關懷區內基層家庭嘅居住情況👨‍👩‍👧‍👦同實際需要，九龍城民政專員蔣志豪帶領民政處團隊喺30/4早上前往聖雅各福群會營運嘅過渡性房屋「雅園」🏠進行參觀同探訪👣。探訪期間，聖雅各福群會代表向民...
13/05/2026

【探訪過渡性房屋「雅園」🏠💖 @九龍城】

為咗更深入關懷區內基層家庭嘅居住情況👨‍👩‍👧‍👦同實際需要，九龍城民政專員蔣志豪帶領民政處團隊喺30/4早上前往聖雅各福群會營運嘅過渡性房屋「雅園」🏠進行參觀同探訪👣。

探訪期間，聖雅各福群會代表向民政處團隊詳細講解「雅園」嘅資料📑、配套設施、日常營運情況及為居民提供嘅服務。「雅園」位於📍紅磡鶴園街，前身為路政署嘅工地及訓練中心，後來政府將該用地重新規劃，改建成過渡性房屋🏠，合共提供31個單位🚪。團隊隨後參觀咗「雅園」嘅設施，深入了解過渡性房屋如何有效為有需要人士提供適切嘅居住空間🏘️。

團隊亦上門進行家訪👋，同「雅園」住戶面對面交流，送上關愛同問候❤️，細心聆聽佢哋搬入「雅園」後嘅生活點滴同轉變✨。見到街坊嘅居住環境得到改善，生活得更加安心，我哋感到非常欣慰🥰。蔣專員喺探訪期間亦不忘提醒住戶登記成為選民或者更新登記資料✍️！

九龍城民政處會繼續同各社福機構保持緊密合作🤝，用心聆聽街坊聲音👂，關顧區內有需要人士🫂，攜手共建一個充滿愛同人情味嘅九龍城！💞

#九龍城民政處 #聖雅各福群會 #雅園 #過渡性房屋 #社區關懷 #共建關愛社區

【屯門區跨部門颱風事故應變演習】 屯門民政處今日（12/5）聯同警務處、消防處、社會福利署、渠務署、屯門醫院同屯門區關愛隊，舉行跨部門颱風事故應變演習，熟練部門間應對緊急事故嘅協調同應變安排。 今次演習模擬區內一條鄉村喺颱風及暴雨🌧️影響下...
12/05/2026

【屯門區跨部門颱風事故應變演習】

屯門民政處今日（12/5）聯同警務處、消防處、社會福利署、渠務署、屯門醫院同屯門區關愛隊，舉行跨部門颱風事故應變演習，熟練部門間應對緊急事故嘅協調同應變安排。

今次演習模擬區內一條鄉村喺颱風及暴雨🌧️影響下出現嚴重水浸，導致有村民被困、失聯同受傷。喺收到風暴潮預警後，屯門民政處安排關愛隊到村內逐戶拍門提醒村民做好防風措施🗣️，而渠務署亦向村民提供沙包。當發出八號烈風或暴風信號後，屯門民政處隨即啓動地區緊急事故協調中心🦺，就區內最新情況同各有關部門保持聯繋，並開放社區中心作臨時庇護中心。

喺模擬情景下，地區緊急事故協調中心收到報告指該村出現水浸，有村民被困報警求助。消防處🚒🚑及警務處🚓接報後到場展開搜救行動，將受傷村民送往屯門醫院🏥接受治理，並安排車輛接載受影響村民到臨時庇護中心入住；而渠務署則安排人員進行去水工作。

因應情況，屯門民政處喺屯門醫院啓動跨部門援助站，為傷者親友提供適切協助同資訊，並加開一個社區中心作臨時庇護中心供有需要村民入住。社會福利署同關愛隊亦喺兩個臨時庇護中心為入住村民提供物資及所需支援，照顧受影響村民嘅基本需要💓。

今次演習順利完成✅，有賴各部門緊密合作，以及屯門警區耆樂警訊會員義務參與扮演村民角色。而透過今次演習，各部門及關愛隊都更熟悉緊急事故發生時嘅應變措施及跨部門協作流程。屯門民政處會繼續同各部門保持緊密聯繫，為風季及雨季做好準備💪。

#屯門民政處 #警務處 #消防處 #社會福利署 #渠務署 #屯門醫院 #屯門區關愛隊 #跨部門颱風事故應變演習

【牌照處打擊無牌經營及持牌違規經營的酒店／賓館及會址】 因應內地勞動節黃金周旅遊旺季，民政總署牌照事務處（牌照處）於四月二十一日至五月五日進行執法行動，喺旅客住宿嘅熱門地點中西區及油尖旺區嚴厲打擊懷疑無牌經營嘅酒店／賓館，以及突擊巡查違規經...
12/05/2026

【牌照處打擊無牌經營及持牌違規經營的酒店／賓館及會址】

因應內地勞動節黃金周旅遊旺季，民政總署牌照事務處（牌照處）於四月二十一日至五月五日進行執法行動，喺旅客住宿嘅熱門地點中西區及油尖旺區嚴厲打擊懷疑無牌經營嘅酒店／賓館，以及突擊巡查違規經營嘅持牌酒店／賓館及會址，以保障顧客及公眾安全。今次行動有50名牌照處人員參與。

牌照處根據所得情報，喺行動中發現有八個處所涉嫌無牌經營酒店／賓館，另有兩間持牌賓館及兩間持牌會址涉嫌違反發牌條件。除咗節日特別行動，因應近來坊間出現以新形式提供短期住宿服務嘅情況，牌照處自二○二六年三月起加強執法，突擊巡查咗 11間「網吧」。當中牌照處發現有「網吧」懷疑提供留宿服務，並搜集到涉嫌無牌經營賓館嘅證據，將會就有關個案作出檢控。一經定罪，唔單止會罰款，仲會留有案底！

牌照處會繼續積極採取嚴厲執法行動，喺全港各區加強巡查，打擊經營無牌酒店／賓館及違規經營會址嘅罪行，以保障顧客及公眾安全。

民政總署呼籲旅客計劃行程前喺牌照處網頁www.hadla.gov.hk 或用「香港持牌旅館」流動手機應用程式搜尋有關酒店／賓館是否已經持牌。任何人如發現懷疑無牌酒店／賓館，請即致電牌照處舉報熱線（電話︰2881 7498）、電郵至[email protected]、傳真至2504 5805，或透過流動手機應用程式，向牌照處舉報。

#民政總署 #牌照事務處 #打擊經營無牌酒店或賓館 #打擊違規經營的持牌酒店或賓館及會址

Address

Hong Kong

Website

Alerts

Be the first to know and let us send you an email when 民政事務總署 Home Affairs Department posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 民政事務總署 Home Affairs Department:

Shortcuts

Share

Category