ზესტაფონის მუნიციპალიტეტის საკრებულო

05/06/2026

🌿 5 ივნისი გარემოს დაცვის საერთაშორისო დღეა!

აღნიშნულ თარიღთან დაკავშირებით, ზესტაფონის მუნიციპალიტეტის თვითმმართველობის წარმომადგენლებმა გარემოსდაცვითი აქცია გამართეს.

👥️აქციაში მონაწილეობდნენ საკრებულოს თავმჯდომარე მალხაზ შერგელაშვილი, თავმჯდომარის მოადგილეები ირმა გიორგაძე და მამუკა მოდებაძე, მუნიციპალიტეტის მერი ვახტანგ ღამბაშიძე, მერის მოადგილეები ნინო ჭაბუკიანი და ზაზა ხვედელიძე.

✨️აქტივობის ფარგლებში, თვითმმართველობის წარმომადგენლებმა ადგილობრივ ახალგაზრდებთან ერთად სხვადასხვა ლოკაციაზე დასუფთავების სამუშაოები შეასრულეს.

ინიციატივის მიზანია გარემოსდაცვითი ცნობიერების ამაღლება, ბუნებრივი რესურსების დაცვა და სუფთა, ჯანსაღი გარემოს შენარჩუნების ხელშეწყობა.

„გარემოზე ზრუნვა მხოლოდ ერთი დღის ვალდებულება არ არის — ეს ყოველდღიური პასუხისმგებლობაა. მადლობა ყველას, ვინც ამ საქმეში საკუთარი წვლილი შეიტანა.“ - აღნიშნა საკრებულოს თავმჯდომარემ

#ზესტაფონი #გარემოსდაცვისდღე

04/06/2026

ზესტაფონის მუნიციპალიტეტის საკრებულოს თავმჯდომარის მოადგილე ირმა გიორგაძე, მერის მოადგილე ნინო ჭაბუკიანი და ადგილობრივი თვითმმართველობის წარმომადგენლები სამხატვრო გალერეაში მოსწავლეთა შემოქმედების შემაჯამებელ გამოფენას დაესწრნენ.

🎨საგამოფენო სივრცეში ახალგაზრდა ხელოვანებმა სხვადასხვა ჟანრისა და სტილის ნამუშევრები წარადგინეს — თავისუფალი კომპოზიციები, გრაფიკული და ფერწერული ნამუშევრები, რომლებშიც მათი შემოქმედებითი ხედვა და ინდივიდუალური ხელწერა გამოიკვეთა.

🖼გამოფენა სამხატვრო სკოლის გალერეაში ერთი თვის განმავლობაში გაგრძელდება და დამთვალიერებლებს შესაძლებლობას მისცემს გაეცნონ ახალგაზრდა ავტორების შემოქმედებას.

01/06/2026

ბავშვთა დაცვის საერთაშორისო დღე ზესტაფონში მრავალფეროვანი ღონისძიებებით აღინიშნა!

​🎈1 ივნისთან დაკავშირებით, ქალაქის ცენტრალური მოედანი მთელი დღის განმავლობაში განსაკუთრებული ხალისითა და ბავშვების ჟრიამულით იყო სავსე. პატარებისთვის მოეწყო სხვადასხვა გასართობი შოუ-პროგრამები ზღაპრის გმირებისა და ჯამბაზების მონაწილეობით, ასევე გაიმართა თოჯინების თეატრის წარმოდგენა. ამავდროულად, მოედანზე მოეწყო ადგილობრივი მეწარმეების პროდუქციის გამოფენა-გაყიდვა, რამაც დღევანდელი დღესასწაული კიდევ უფრო მრავალფეროვანი გახადა.

​ 🎊ცენტრალურ მოედანზე მიმდინარე აქტივობებს საკრებულოს თავმჯდომარე მალხაზ შერგელაშვილი, მუნიციპალიტეტის მერი ვახტანგ ღამბაშიძე, საკრებულოს თავმჯდომარის მოადგილე ირმა გიორგაძე და ადგილობრივი თვითმმართველობის წარმომადგენლები დაესწრნენ. მათ ბავშვებს დღესასწაული პირადად მიულოცეს და კიდევ ერთხელ აღნიშნეს, რომ თითოეული პატარას კეთილდღეობა და მათთვის დაცული გარემოს შექმნა მუნიციპალიტეტის უმთავრესი პრიორიტეტია.

​✨ ზესტაფონის მუნიციპალიტეტის საკრებულო კიდევ ერთხელ ულოცავს ყველა ბავშვს ამ დღეს და უსურვებს მათ ჯანმრთელ, ლაღ და ბედნიერ მომავალს!
​ #ბავშვთადღეზესტაფონში
#1ივნისი2026

01/06/2026

გილოცავთ ბავშვთა დაცვის საერთაშორისო დღეს! 💫🧑👧💫

ვუსურვებთ ყველა პატარას ბედნიერ, მშვიდ და მზიან ბავშვობას, სითბოთი, სიყვარულითა და კეთილი ადამიანებით სავსე გარემოს. მათი თვალები მუდამ ანათებდეს იმედით, ხოლო გულები – სიკეთით☀️💫

01/06/2026

29/05/2026

🤼‍♂️ ზესტაფონის მუნიციპალიტეტის მერიის თასის მფლობელი ქართულ ჭიდაობაში უჩა ტაბატაძე გახდა!

​მიხეილ სალაძის სახელობის სპორტულ-გამაჯანსაღებელ ცენტრში, ზესტაფონის მუნიციპალიტეტის მერიის თასის გათამაშება ჩატარდა ქართულ ჭიდაობაში. მასშტაბურ ტურნირზე დასავლეთ საქართველოს სხვადასხვა მუნიციპალიტეტის სპორტსმენები ასპარეზობდნენ, ზესტაფონის სახელით კი ხალიჩაზე 18 მოჭიდავე გამოვიდა. ტურნირი ოლიმპიური სისტემით, 5 წონით კატეგორიაში წარიმართა.

​ჩემპიონის ტიტული და მერიის თასი უჩა ტაბატაძემ მოიპოვა, რომელსაც კუთვნილი თასი, მედალი და ფულადი ჯილდო — 3 000 ლარი გადაეცა.

​🥈 მეორე ადგილი ქუთაისელმა სპორტსმენმა, საბა ქარდავამ დაიკავა.

🥉 მესამე ადგილზე კი წყალტუბოს სახელით მოასპარეზე გაბო მუკბანიანი გავიდა.

​ სხვადასხვა წონით კატეგორიებში სპორტსმენებმა შემდეგი შედეგები აჩვენეს:

​🥇 გაგა ჯუღელი (60 კგ — ზესტაფონი)

​🥇 თენგიზ ხიდაშელი (70 კგ — ზესტაფონი)

​🥇 თენგო ჭუმბურიძე (80 კგ — წყალტუბო)

​🥇 საბა გველესიანი (90 კგ — წყალტუბო)

​🤝 საპრიზო ადგილებზე გასული მოჭიდავეები დააჯილდოვეს და გამარჯვება მიულოცეს:

​ზესტაფონის მუნიციპალიტეტის საკრებულოს თავმჯდომარემ — მალხაზ შერგელაშვილმა

​მუნიციპალიტეტის მერმა — ვახტანგ ღამბაშიძემ,
​მერის მოადგილემ — ნინო ჭაბუკიანმა,
​ქართული ჭიდაობის ფედერაციის ვიცე-პრეზიდენტმა — გიორგი გაჩეჩილაძემ,
​საქართველოს ძიუდოს ეროვნული ნაკრების კაპიტანმა — გურამ თუშიშვილმა,
​ევროპის ჩემპიონმა სამბოში — გიორგი ქავთარაძემ

ვულოცავთ ყველა გამარჯვებულს ამ მნიშვნელოვან წარმატებას და შემდგომ წინსვლას ვუსურვებთ სპორტულ ასპარეზზე!

​ #ზესტაფონი #საკრებულო #ქართულიჭიდაობა #სპორტიზესტაფონში

29/05/2026

ბავშვთა დაცვის საერთაშორისო დღის აღსანიშნავად, ზესტაფონის თვითმმართველობის ორგანიზებით ქალაქის ცენტრალურ მოედანზე გასართობი, შემეცნებითი და კულტურული ღონისძიებები გაიმართება

12 : 00 სთ - ანიმატორებისა და ზღაპრის გმირების გასართობი შოუ პროგრამა;

12 : 00 სთ ადგილობრივ მეწარმეთა ხელნაკეთი ნივთების გამოფენა - გაყიდვა;

13 : 00 სთ - ბავშვთა ვოკალურ - ქორეოგრაფიული ანსამბლების საკონცერტო პროგრამა;

12 : 00 სთ - 15 : 00 სთ თოჯინების თეატრი, სამხატვრო კუთხე პატარებისთვის, ფოტოსესია ზღაპრის გმირებთან საპნის ბუშტების შოუ, ასფალტზე ფერადი ცარცით ხატვა, საბავშვო ატრაქციონები, საჩვენებელი მასტერკლასები ფარიკაობაში;

12: 00 სთ - 17 : 00 სთ თვითნასწავლი მხატვარი მოსწავლეების ნახატების გამოფენა ( საბავშვო ბიბლიოთეკა)

17: 30 სთ - საბავშვო სპექტაკლი " ჯადოსნური ღამე" ( უშანგი ჩხეიძის სახელობის სახელმწიფო დრამატულჯ თეატრი)

26/05/2026

⚽ 🏆 ზესტაფონის მინი ფეხბურთის მუნიციპალური ტურნირის გამარჯვებული ცნობილია!

​ზესტაფონის მუნიციპალიტეტში მინი ფეხბურთის ტრადიციული ჩემპიონატი დასრულდა. ტურნირი თვითმმართველობის ორგანიზებით ყოველწლიურად იმართება და მიზნად ისახავს ფეხბურთის პოპულარიზაციასა და ცხოვრების ჯანსაღი წესის დამკვიდრებას.

​⚽️ ტურნირში მონაწილეობას ქალაქის, სოფლებისა და სხვადასხვა ორგანიზაციის გუნდები იღებდნენ.

​🥇 ფინალურ ტურში ერთმანეთს საყავრიისა და სოფელ მეორე სვირის გუნდები დაუპირისპირდნენ. დაძაბული ასპარეზობის შედეგად, მუნიციპალური პირველობის ლიდერი და ჩემპიონი საყავრიის გუნდი გახდა!

​🎖️ ფინალური შეხვედრის დასრულების შემდეგ, საზეიმო დაჯილდოების ცერემონია გაიმართა. ჩემპიონატის ლიდერ გუნდს კუთვნილი თასი, ფულადი ჯილდო და სიგელები საკრებულოს თავმჯდომარე მალხაზ შერგელაშვილმა, საკრებულოს თავმჯდომარის მოადგილე ირმა გიორგაძემ, მუნიციპალიტეტის მერმა ვახტანგ ღამბაშიძემ და მერის მოადგილეებმა — ნინო ჭაბუკიანმა და ზაზა ხვედელიძემ გადასცეს.

🏛​ზესტაფონის მუნიციპალიტეტის საკრებულო ყოველთვის აქტიურად უჭერს მხარს სპორტულ აქტივობებს და ულოცავს საყავრიის გუნდს ამ დამსახურებულ გამარჯვებას! 🇬🇪

26/05/2026

🇬🇪​26 მაისის საზეიმო ღონისძიებების ფარგლებში, მხარეთმცოდნეობის მუზეუმმა სამხატვრო სკოლის მოსწავლეთა თემატურ გამოფენას უმასპინძლა.

26/05/2026

ზესტაფონს ქართულ ჭიდაობაში ახალი ფალავანი ჰყავს — ომარ ხიჯაკაძე! 🇬🇪🤼‍♂️

​საქართველოს დამოუკიდებლობის დღისადმი მიძღვნილ საზეიმო ღონისძიებათა ფარგლებში, ზესტაფონში ქართულ ჭიდაობაში ტრადიციული მუნიციპალური ტურნირი ჩატარდა.

​სპორტულ ასპარეზობაში მონაწილეობას სხვადასხვა წონით კატეგორიაში 50-მდე ადგილობრივი მოჭიდავე იღებდა. დაძაბული და საინტერესო ორთაბრძოლების შედეგად, წლის ფალავნის საპატიო ტიტული ომარ ხიჯაკაძემ მოიპოვა, რომელსაც მთავარი ჯილდო — თასი და ფასიანი საჩუქარი გადაეცა.

​შეჯიბრების გამარჯვებულებსა და პრიზიორებს სიგელები, მედლები და ჯილდოები ზესტაფონის მუნიციპალიტეტის საკრებულოს თავმჯდომარემ, მალხაზ შერგელაშვილმა, მერმა ვახტანგ ღამბაშიძემ, საკრებულოს თავმჯდომარის მოადგილეებმა — გიორგი კაკოიშვილმა და მამუკა მოდებაძემ, ასევე ადგილობრივი თვითმმართველობის სხვა წარმომადგენლებმა გადასცეს.

​ #ესდღეჩვენია
#26მაისი
#ზესტაფონისსაკრებულო
#სპორტიზესტაფონში
#2026