20/12/2025
თუ შეგიმჩნევიათ, რომ რაიმე ემოციასთან დაკავშირებული ინფორმაცია გაცილებით უფრო დიდ ხანს რჩება თქვენს გონებაში, ვიდრე ის რომლის დამახსოვრებაზეც ბევრი იწვალეთ.. დიახ, ადამიანს ემოცია ინფორმაციის ათვისებაში ეხმარება, სწორედ ამიტომ შემეცმებითი კვირეულის ფარგლებში მე-10ა კლასის მოსწავლეები მათ დამრიგებელთან ერთად ყოველ შემეცნებით გაკვეთილზე ცდილობდნენ, ბავშვებში მხოლოდ დადებითი ემოციები გამოეწვიათ და ამ ემოციების ფონზე მიეწოდებინათ მათთვის სასარგებლო ინფორმაცია. შემეცნებითი გაკვეთილები მათთვის დასამახსოვრებელი და საინტერესო აღმოჩნდა, ისინი ისმენდნენ ცნობილი მეცნიერების ისტორიებს, იგებდნენ სხვადასხვა საინჟინრო მექანიზმის მუშაობის პრინციპის შესახებ, თავადაც იღებდნენ მონაწილეობას სახალისო აქტივობაში და მოგზაურობდნენ მათემატიკის საინტერესო, მრავალფეროვან სამყაროში.
შემეცნებითი კვირეული უფროსკლასელებისთვის დიდი გამოწვევა იყო, მათ მოუწიათ ინფორმაციის სიღრმისეულად გააზრება და ათვისება, რათა შემდეგ მარტივად მიეწოდებინათ დაწყებითი კლასების მოსწავლეებისათვის, აღსაღნიშნავია, რომ მე-10ა კლასის მოსწავლეებმა თავიანთი დამრიგებლის დახმარებით თავად შექმნეს ყველა ის მექანიზმი, რომელთა მუშაობითაც ბავშვები აღფრთოვანებულნი რჩებოდნენ, ამ პროცესში თავადაც ბევრი რამ გაიგეს და აღმოაჩინეს.
ეს პროექტი კარგი მაგალითია იმისა თუ როგორ შეუძლიათ უმცროსკლასელებსა და უფროსკლასელებს სასწავლო პროცესში ერთმანეთს დაეხმარონ და სარგებელი მოუტანონ.
პროექტის იდეის ავტორია: 207-ე საჯარო სკოლის პედაგოგოგი და მათემატიკოსი ლალი იაკობიძე.
🎥Tekla Baidoshvili
💻N***y Gnolidze
✍🏽ქეთი ჩართოლანი
🎤Mariam Arevadze
