თბილისის ასერტული გუნდი სათემო მკურნალობის (ACT) მოდელის მიხედვით უზრუნველყოფს ფსიქიკური ჯანმრთელობის გამოწვევების მქონე პირთათვის მულტიდისციპლინურ დახმარებას ბინაზე ფსიქიატრის, სოცმუშაკის, უმცროსი ექიმის, ოკუპაციური თერაპევტის და ფსიქოლოგის ჩართულობით. თბილისის ასერტული მულტიდისციპლინური გუნდი მუშაობს ბინაზე, სათემო მოდელის მიხედვით .
სათემო სერვისი ფსიქიკური ჯანმრთელობის სფეროში წარმოადგენს ზ
რუნვის თანამედროვე მიდგომას. ის მიზნად ისახავს ფსიქიკური პრობლემების მქონე პირთათვის მკურნალობისა და მხარდაჭერის უზრუნველყოფას საზოგადოებაში (თემში).
ეს არის დეინსტიტუციონალიზაციის (დიდი ფსიქიატრიული საავადმყოფოების ალტერნატივის შექმნის) პროცესის მთავარი ნაწილი. ჩვენი გუნდის მთავარი ამოცანაა სიმპტომების შემცირება, ჰოსპიტალიზაციების პრევენცია და აღდგენის პროცესში პაციენტთა დახმარება.
ჩვენი სერვისის ძირითადი მიზნებია
• სოციალური ინტეგრაცია- იზოლაციის შემცირება და სოციალური უნარების შენარჩუნება-გაუმჯობესება.
• ცხოვრების ხარისხის გაუმჯობესება- მხარდაჭერა დამოუკიდებელ ცხოვრებაში, დასაქმებაში და სხვა ყოველდღიურ საკითხებში.
• მომსახურების ხელმისაწვდომობის გაზრდა, განსაკუთრებით იმ პირებისთვის, ვისაც უჭირს კლინიკებში მისვლა.
