28/05/2026
🗓28 მაისი 2026
✅თბილისის საკრებულოში ურბანული დაგეგმარების და საქალაქო მეურნეობის, ასევე გარემოს დაცვის კომისიების გაერთიანებული სხდომა გაიმართა.
✅ სხდომაზე, რომელსაც ნიკოლოზ კახეთელიძე და კონსტანტინე ზარნაძე უძღვებოდნენ, დედაქალაქის მიმდინარე წლის ბიუჯეტში შესატანი ცვლილებები განიხილეს, რომლის თანახმად 2026 წლის ბიუჯეტის მოცულობა 45 023,9 ათასი ლარით იზრდება და 2 636 851,6 ათას ლარს შეადგენს.
✅დღესვე, საკრებულოს წევრებმა დაუმთავრებელი მშენებლობის დასრულების და დაზარალებულ პირთა მიმართ თანხის სახით გასაცემი ვალდებულებების შესრულებისათვის გასატარებელი ღონისძიებების საკითხები შეათანხმეს.
✅ორი კომისიის გაერთიანებულ სხდომაზე კულტურული მემკვიდრეობის დამცავ ზონებში არსებული ავარიული შენობა-ნაგებობების რეაბილიტაცია/ჩანაცვლების მიზნით გასატარებელ ღონისძიებებზეც იმსჯელეს.
✅ასევე, სხვადასხვა მისამართებზე განაშენიანების რეგულირების გეგმის პროექტები და ზონალური ცვლილებები დაამტკიცეს.
✅ორი კომისიის წევრებმა „დედაქალაქის მიწათსარგებლობის გენერალური გეგმის დამტკიცების შესახებ" თბილისის საკრებულოს დადგენილებაში შესატანი ცვლილებები განიხილეს.
✅ ცვლილებები შევიდა „თბილისის მუნიციპალიტეტის ტრანსპორტისა და ურბანული განვითარების სააგენტოს მიერ დაჩქარებული მომსახურების გაწევისა და მასზე დაწესებული საფასურის გადახდის რეგულირების წესის დამტკიცების შესახებ" საკრებულოს შესაბამის დადგენილებაშიც.
✅ურბანული დაგეგმარების და საქალაქო მეურნეობის, ასევე გარემოს დაცვის კომისიების გაერთიანებულ სხდომას მერიის შესაბამისი სამსახურების წევრებიც ესწრებოდნენ.
#ურბანულიკომისია
