საჯარო აუდიტის ინსტიტუტი / Public Audit Institute

01/06/2026

🔊 რეგისტრაცია ტრენინგკურსზე - კორუფციის პრევენცია: ეთიკა, კეთილსინდისიერება და მხილება

📋 კურსის მიზანია მონაწილეებმა მიიღონ სისტემური ცოდნა კორუფციული რისკების იდენტიფიცირების, შეფასებისა და პრევენციის მექანიზმების შესახებ. ტრენინგი ითვალისწინებს კორუფციის ძირითადი ფორმების, უკანონო გამდიდრების სქემების, რისკების მართვისა და ანტიკორუფციული ღონისძიებების თეორიულ და პრაქტიკულ განხილვას, რაც დაფუძნებულია უახლეს საერთაშორისო სტანდარტებსა და კვლევებზე

✔️ ტრენინგკურსი განკუთვნილია როგორც კერძო, ასევე საჯარო სექტორში დასაქმებული პირებისთვის

🔹 კურსს სახელმწიფო აუდიტის სამსახურის კორუფციის რისკების ანალიზისა და პრევენციის დეპარტამენტის უფროსის მოვალეობის შემსრულებელი თამთა კაჭკაჭიშვილი გაუძღვება

🗓️ რეგისტრაცია: 12 ივნისამდე
⏰ კურსის ხანგრძლივობა: 15-18 ივნისი
🌐 იხილეთ ვრცლად: https://shorturl.at/EIZbu

29/05/2026

💡 თანამედროვე რეალობაში ხელოვნური ინტელექტის გამოყენება ყველა სფეროსა და პროფესიის ყოველდღიური საქმიანობის განუყოფელი ნაწილად იქცა. ამ ინსტრუმენტების გამოყენება აქტუალურია საჯარო სამსახურშიც.

⚙️ ტრენინგი „ხელოვნური ინტელექტი საჯარო სამსახურში: ინსტრუმენტები, გამოყენება და მართვა“ მსმენელებს სთავაზობს ე.წ.„პრომპტინგის“ უნარების განვითარებას; AI-ს ეთიკურ და პასუხისმგებლიან გამოყენებას - რაც გულისხმობს მონაცემთა დაცვას, ე.წ. „ჰალუცინაციების“ მართვას და ადამიანის ზედამხედველობის როლს, რაც ეფექტიანი შედეგების მიღების საფუძველია.

📈 პროგრამა განკუთვნილია საწყისი და საშუალო დონის ცოდნის მქონე პირებისთვის. ტრენინგმოდულში გაერთიანებულია თეორიული საფუძვლები და რეალურ სამუშაო პროცესებზე ორიენტირებული პრაქტიკული დავალებები.

👨‍🏫 ტრენინგს უძღვება გიორგი ხითარიშვილი - სახელმწიფო აუდიტის სამსახურის თავდაცვის, საზოგადოებრივი წესრიგისა და უსაფრთხოების სფეროს აუდიტის დეპარტამენტის უფროსის მოადგილე. მას აუდიტის მიმართულებით მუშაობისა და ტრენერობის მრავალწლიანი გამოცდილება აქვს.

✅ რეგისტრაცია: 6 ივნისამდე
🗓️ ტრენინგის ხანგრძლივობა: 8 – 11 ივნისი
🌐 იხილეთ ვრცლად: https://shorturl.at/FKahJ

26/05/2026

18/05/2026

☑️ საჯარო აუდიტის ინსტიტუტი კორპორატიული თანამშრომლობის ფარგლებში სსიპ საქართველოს მუნიციპალური განვითარების ფონდის თანამშრომლებისთვის „პროექტების მართვის“ ტრენინგს ატარებს.

🗒️ ტრენინგი აპრილსა და მაისში ფონდის თანამშრომლების ორ ჯგუფს ჩაუტარდა და ჯამში მას 34 პირი დაესწრო.

📈 ტრენინგის მიზანია მსმენელებისთვის პროექტის მართვის სრული ციკლის შესახებ თეორიული ცოდნისა და პრაქტიკული გამოცდილების გაზიარება. ხუთდღიანი ტრენინგის განმავლობაში მსმენელები გაეცნენ სხვადასხვა აქტუალურ თემას: პროექტის მენეჯერის როლი და ფუნქციები, გუნდის მოტივაცია და კონფლიქტების მართვა, პროექტის დასაგეგმად საჭირო ძირითადი დოკუმენტები, რესურსების დაგეგმვა და მატრიცები, პროექტის შესრულების მონიტორინგი და ცვლილებების მართვა, ხარისხის მართვის სტანდარტები და სხვა. ტრენინგზე მიღებული ცოდნა მათ დაეხმარება პროფესიული უნარების განვითარებასა და საქმიანობის ეფექტიანობის გაზრდაში.

✔️ სასწავლო კურსს სახელმწიფო აუდიტის სამსახურის სახელმწიფო ბიუჯეტის ანალიზისა და სტრატეგიული დაგეგმვის დეპარტამენტის ანალიტიკოსი სალომე ვერულაშვილი უძღვება.

🔗 მაისსა და ივნისში ტრენინგს ფონდის თანამშრომლების ახალი ნაკადი გაივლის.

18/05/2026

🔈 მიმდინარეობს რეგისტრაცია ტრენინგკურსზე „სისტემური აუდიტი“

🎯 ტრენინგზე მსმენელები გაეცნობიან სისტემური აუდიტის განხორციელების გზებს, მეთოდებს, მიდგომებს, შერჩევის ტექნიკებს და ტესტირების სტრატეგიებს. სასწავლო მოდულის მიზანია აუდიტორები გაეცნონ სისტემური აუდიტის განხორციელების თითოეულ ეტაპს და პრაქტიკული ცოდნა მიიღონ აუდიტის სრული ციკლის სამართავად. სწავლების პროცესი ინტერაქციულია და თეორიულ ცოდნასთან ერთად მსმენელებისთვის პრაქტიკული გამოცდილების გაზიარებასაც გულისხმობს

👨‍🏫 ტრენინგს უძღვება გურამ დუმბაძე. ის წლების განმავლობაში მუშაობდა სახელმწიფო აუდიტის სამსახურში აუდიტორულ პოზიციებზე, ამჟამად კი მთავრობის ადმინისტრაციის საქართველოს მთავრობის ეფექტიანობის დეპარტამენტის უფროსია

✅ რეგისტრაცია: 5 ივნისამდე
🗓️ ტრენინგის ხანგრძლივობა: 8 – 17 ივნისი
🌐 იხილეთ ვრცლად: https://shorturl.at/P35GD

15/05/2026

📣 ეფექტიანი კომუნიკაცია თანამედროვე პროფესიულ გარემოში წარმატების ერთ-ერთი მთავარი წინაპირობაა - იქნება ეს საჯარო პოლიტიკის განხორციელება, პროექტების მართვა თუ ორგანიზაციული ცვლილებების კომუნიკაცია. სტრატეგიული კომუნიკაცია ორგანიზაციებს ეხმარება სწორად განსაზღვრონ მიზნები, აუდიტორია და გზავნილები, ასევე ეფექტიანად დაგეგმონ და შეაფასონ საკომუნიკაციო კამპანიები

📊 ტრენინგი „სტრატეგიული კომუნიკაციები: სტრატეგიიდან კამპანიამდე“ მონაწილეებს გააცნობს სტრუქტურირებულ მიდგომებსა და პრაქტიკულ ინსტრუმენტებს, რომლებიც აუცილებელია ეფექტიანი კომუნიკაციის დაგეგმვისა და განხორციელებისთვის. კურსი აერთიანებს თეორიულ ნაწილსა და პრაქტიკულ სამუშაოს - ტრენინგის განმავლობაში მონაწილეები ეტაპობრივად შექმნიან საკუთარ საკომუნიკაციო სტრატეგიასა და კამპანიის გეგმას

📣 ტრენინგს უძღვება მარიამ დოლიძე - ლონდონის სამეფო კოლეჯის მაგისტრი და სტრატეგიული კომუნიკაციების ტრენერთა ტრენერი

✅ რეგისტრაცია: 6 ივნისამდე
🗓️ კურსის ხანგრძლივობა: 8 – 10 ივნისი
🌐იხილეთ ვრცლად: https://shorturl.at/rxffL

13/05/2026

📊 აქტივებისა და ვალდებულებების ინვენტარიზაცია წარმოადგენს კონტროლის მექანიზმს, რომლის მიზანია დანაკლისის, ზედმეტობისა და დაზიანებული ან/და გამოუსადეგარი აქტივების იდენტიფიცირება. ინვენტარიზაციის ჩატარება მნიშვნელოვანია რწმუნების მოსაპოვებლად, რომ ფინანსურ ანგარიშგებაში ასახული ყველა აქტივი და ვალდებულება რეალურად არსებობს და ამასთანავე, ორგანიზაციის მფლობელობაში არსებული ყველა აქტივი და ვალდებულება სრულად არის ასახული ფინანსურ ანგარიშგებაში

📣 დარეგისტრირდით ტრენინგზე „ინვენტარიზაციის პროცესის მართვა საბიუჯეტო ორგანიზაციაში“, რომელსაც სახელმწიფო აუდიტის სამსახურის საერთო დანიშნულების სახელმწიფო მომსახურების სფეროს აუდიტის დეპარტამენტის მთავარი აუდიტორი გიორგი ჭოლოკავა უძღვება

✅ რეგისტრაცია: 28 მაისამდე
🗓️ კურსის ხანგრძლივობა: 1 – 3 ივნისი
🌐 იხილეთ ვრცლად: https://shorturl.at/oxCsi

12/05/2026

📢 მიმდინარეობს რეგისტრაცია ტრენინგკურსზე „პერსონალურ მონაცემთა დაცვის საფუძვლები“

📚 კურსი განკუთვნილია როგორც საჯარო, ისე კერძო სექტორში დასაქმებული პირებისათვის, რომლებიც ჩართული არიან მონაცემთა დამუშავების პროცესში, ასევე ნებისმიერი პირისთვის, რომელიც დაინტერესებულია პერსონალურ მონაცემთა დაცვის სტანდარტების შესახებ ინფორმაციის მიღებით

🔑 ტრენინგკურსის მთავარი საკითხებია:
✔️ პერსონალურ მონაცემთა დაცვის მიზანი და მნიშვნელობა
✔️ მონაცემების კანონიერი დამუშავების სტანდარტები
✔️ მონაცემთა სუბიექტისა და დამუშავებისთვის პასუხისმგებელი პირის უფლება-მოვალეობები
✔️ საზედამხედველო ორგანოს როლი

🔹 ტრენინგს უძღვება სახელმწიფო აუდიტის სამსახურის პერსონალურ მონაცემთა დაცვის დეპარტამენტის უფროსის მოადგილე ნიკოლოზ პოპიაშვილი

📅 რეგისტრაცია: 29 მაისამდე
⏰ კურსის ხანგრძლივობა: 1 - 5 ივნისი
🌐 იხილეთ ვრცლად: https://shorturl.at/ux6TC

08/05/2026

📣 რეგისტრაცია ტრენინგკურსზე - „შეზღუდული შესაძლებლობის მქონე პირთა უფლებები და მათთან კომუნიკაციის ეტიკეტი“

🎯 კურსის მიზანია, მონაწილეებმა მიიღონ საბაზისო ინფორმაცია შშმ პირთა უფლებების შესახებ, გაეცნონ შშმ პირებთან კომუნიკაციისა და ქცევის ეტიკეტს, აიმაღლონ ცნობიერება და მგრძნობელობა შესაძლებლობის შეზღუდვასთან დაკავშირებულ საკითხებზე

🔹 ტრენინგკურსი განკუთვნილია ყველა იმ დაინტერესებული პირისთვის, ვისაც სურს შშმ პირების, მათი საჭიროებების და უფლებების შესახებ ცოდნის გაღრმავება

💻 ტრენინგი დისტანციურ რეჟიმში ჩატარდება
✅ რეგისტრაცია: 29 მაისამდე
🗓️ ტრენინგის პერიოდი: 1 – 2 ივნისი
🌐 იხილეთ ვრცლად: https://shorturl.at/zml4Q

23/04/2026

🔹 ეფექტიანობის აუდიტი საჯარო სექტორში წარმატებული მმართველობის, ანგარიშვალდებულებისა და გამჭვირვალობის მნიშვნელოვანი ინსტრუმენტია. ეფექტიანობის აუდიტი ხელს უწყობს საჯარო სერვისების უფრო ეფექტიან მიწოდებას და აუდიტორული საქმიანობის ხარისხის გაუმჯობესებას

📣 დარეგისტრირდით ტრენინგზე „ეფექტიანობის აუდიტი“. მსმენელები დეტალურად გაეცნობიან ეფექტიანობის აუდიტის როლს, ძირითად პრინციპებსა და მეთოდოლოგიას, ასევე გამოიმუშავებენ საჯარო სექტორში ეფექტიანობის აუდიტის დაგეგმვის, განხორციელებისა და ანგარიშგების პროცესებთან დაკავშირებულ პრაქტიკულ უნარებს

🔹 კურსს გაუძღვებიან სახელმწიფო აუდიტის სამსახურის სოციალური სფეროს აუდიტის დეპარტამენტის უფროსი მარიამ ზაალიშვილი და ამავე დეპარტამენტის უფროსი აუდიტორი ლიკა გეგეჭკორი

🗓️ რეგისტრაცია: 1 მაისამდე
✅ ტრენინგის პერიოდი: 4 – 15 მაისი
🌐 ვრცლად იხილეთ: https://shorturl.at/7WMmJ