დავიბადე ხარაგაულის რაიონში. ბაღდათის რაიონი ჩემთვის ასევე მშობლიურია - სოფელი წითელი ხევი ჩემი დედულეთია. მიმუშავია როგორც სახელმწიფო ასევე, კერძო სექტორში. ჩემთვის კარგად არის ცნობილი ორივე რაიონის მაცხოვრებლების პრობლემები. კერძოდ მთავარ პრობლემას წარმოადგენს ადამიანების უიმედობა, გამოწვეული სოციალური გაჭირვებით,უმუშევრობით,უსამართლობით, ხელისუფლებისა და პოლიტიკოსებისაგან იმედის გაცრუებით. იმ ს
ოციალურად გაჭირვებულ ადამიანებს, ვისაც რეალურად სჭირდება სახელმწიფოს გვერდში დგომა და დახმარება, არავინ ყურს არ უგდებს და არ აძლევს იმას რაც მათ ეკუთვნით. ორთავე რაიონში არის მრავალი განუხორციელებელი ინფრასტრუქტურული პროექტები, რაც მოსახლეობას აწუხებს.არადა, ყველამ კარგად ვიცით რამხელა პოტენციალი აქვს ჩვენს კუთხეს-განუმეორებელი ბუნება, საკურორტო ზონები, მშრომელი ხალხი,რომელთაც შეუძლიათ დოვლათის შექმნა.ამ პოტენციალის გამოყენებას სწორი მართვა, კომპეტენცია,პროფესიაონალიზმი და გადაწყვეტილების მიღების უნარი ჭირდება.
მინდა თქვენთან ერთად ვიცხოვრო უკეთეს ქვეყანაში სადაც მყარად იქნება დაცული სიტყვისა და გამოხატვის თავისუფლბა. თითოეული ბაღდათელ და ხარაგაულელ მაცხოვრებელს ვპირდები, რომ მე ვიქნები რეალურად თქვენი ხმა საქართველოს პარლამენტში!
ხელს შეუწყობ გლეხური მეურნეობების ჩამოყალიბებას და პროდუქციის გადამამუშავებელი საწარმოების შექმნას, ინფრასტრუქტურული პროექტების განხორციელებას და სრულად გამოვიყენებ ამ ორი რაიონის ინტელექტუალურ პოტენციალს.
მჯერა, სიმართლით, სიკეთით, ურთიერთპატივისცემით ერთად შევქმნით უკეთეს მომავალს!
მსურს, რომ ვიყო ის ჩემპიონი, რომელიც ბაღდათისა და ხარაგაულის მოსახლეობას ყოველდღე სჭირდებათ!!!
